គណបក្ស​ប្រឆាំង​ថា កម្ពុជា​ត្រូវ​ការ​សង្គ្រោះ​ចេញ​ពី​អំណាច​ផ្ដាច់ការ​របស់​ក្រុម​លោក ហ៊ុន សែន

ដោយ សេក បណ្ឌិត
2019-08-14
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

នាយករដ្ឋមន្ត្រី ហ៊ុន សែន (រូប​ពី​ហ្វេសប៊ុក​នាយករដ្ឋមន្ត្រី ហ៊ុន សែន)
នាយករដ្ឋមន្ត្រី ហ៊ុន សែន (រូប​ពី​ហ្វេសប៊ុក​នាយករដ្ឋមន្ត្រី ហ៊ុន សែន)


គណបក្ស​ប្រឆាំង​អះអាង​ថា កម្ពុជា​ត្រូវការ​ការសង្គ្រោះ​ជា​ចាំបាច់​ក្នុង​ស្ថានភាព​បច្ចុប្បន្ន ពីព្រោះ​ក្រុម​មេដឹកនាំ​របប​ក្រុងភ្នំពេញ​កំពុង​នាំ​ជាតិ​ធ្លាក់​ចូល​ទៅ​ក្នុង​ជ្រោះ​មរណៈ។ ចំណែក ប្រមុខ​ការពារ​ជាតិ​របប​លោក ហ៊ុន សែន វិញ​អះអាង​ថា ការ​សង្គ្រោះ​ជាតិ​មិនមែន​ត្រូវ​ធ្វើ​នៅ​ពេល​បច្ចុប្បន្ន​នេះ​ទេ ព្រោះ​កម្ពុជា​កំពុង​មាន​សន្តិភាព។

មន្ត្រី​ជាន់ខ្ពស់​គណបក្ស​សង្គ្រោះជាតិ​អះអាង​ថា កម្ពុជា​កំពុង​ប្រឈម​មុខ​នឹង​គ្រោះកាច​ជាច្រើន ដែល​ចាំបាច់​ត្រូវ​មាន​ការ​ជួយ​សង្គ្រោះ​ជា​បន្ទាន់។

អ្នក​សម្របសម្រួល​កិច្ច​ការងារ​ទូទៅ​របស់​គណបក្ស​សង្គ្រោះជាតិ​ប្រចាំ​ប្រទេស​ថៃ លោក ម៉ោញ សារ៉ាត់ មើល​ឃើញ​ថា កម្ពុជា​កំពុង​ប្រឈម​នឹង​វិបត្តិ ៣​យ៉ាង​ជា​សំខាន់ ដែល​អាច​ធ្វើ​ឱ្យ​ប្រទេស​ធ្លាក់​ក្នុង​គ្រោះ​មហន្តរាយ។ លោក​ថា វិបត្តិ​ទាំងនោះ រួម​មាន ការ​ជំពាក់​បំណុល​ធនាគារ​វ័ណ្ឌក របស់​ពលរដ្ឋ ការ​កាន់​កាប់​អចលនទ្រព្យ និង​សម្បត្តិ​ធម្មជាតិ​ដោយ​ក្រុម​ជនបរទេស និង​ការ​រង​ទណ្ឌកម្ម​ផ្ដាច់ការ​អនុគ្រោះ​ពន្ធ​ពី​ក្រុម​ប្រទេស​ប្រជាធិបតេយ្យ៖ «ពលរដ្ឋ​ខ្មែរ​កំពុងតែ​ក្រ​នៅ​ក្នុង​ស្ថានភាព​បច្ចុប្បន្ន ចុះ​បើ​មាន​សម្ពាធ​បរិយាកាស​សេដ្ឋកិច្ច​ធ្ងន់ធ្ងរ​ជាង​នេះ​ទៀត តើ​យើង​នឹង​កាន់តែ​ពិបាក​ប៉ុនណា​ទៀត​? អាហ្នឹង គឺជា​បញ្ហា​ធំ​ដែល​យើង​ទាំងអស់​គ្នា ក្នុង​នាម​ជា​ម្ចាស់​ប្រទេស​ត្រូវ​រួមគ្នា​គិត រួមគ្នា​ជួយ​កម្ពុជា​ឱ្យ​បាន​រួចផុត​អំពី​វិនាសកម្ម​ដែល​យើង​អាច​រួចផុត​បាន​ពី​កន្លែង​នេះ»

មន្ត្រី​ជាន់ខ្ពស់​គណបក្ស​សង្គ្រោះ​ជាតិ​បញ្ចេញ​ប្រតិកម្ម​បែបនេះ ជា​ការ​ឆ្លើយតប​ទៅ​នឹង​ប្រសាសន៍​របស់​ប្រមុខ​ការពារ​ជាតិ​របប​ក្រុងភ្នំពេញ ដែល​ថា កម្ពុជា​មិន​ត្រូវការ​ការសង្គ្រោះ​ទៀត​ទេ ដ្បិត​កំពុង​មាន​សន្តិភាព។

ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួងការពារជាតិ លោក ទៀ បាញ់ សរសេរ​ក្នុង​ហ្វេសប៊ុក (Facebook) នៅ​ថ្ងៃ​ទី​១៤ សីហា ដោយ​ចំអក​ឱ្យ​គណបក្ស​សង្គ្រោះ​ជាតិ​ថា “​ជា​រឿង​គួរ​ឱ្យ​អស់សំណើច​ដែល​មាន​គេ​ចង់​សង្គ្រោះ​ជាតិ ក្នុង​គ្រា​ដែល​កម្ពុជា​កំពុង​មាន​សន្តិភាព ការ​រីកចម្រើន​គ្រប់​វិស័យ និង​ទទួល​បាន​ការ​កោតសរសើរ​ពី​សហគមន៍​អន្តរជាតិ។ លោក​បន្ត​ថា ការ​ចង់​សង្គ្រោះ​ជាតិ​គួរតែ​ធ្វើ​ក្នុង​អំឡុង​សង្គ្រាម​ឆ្នាំ​១៩៧៥ មិនមែន​ពេលនេះ​ឡើយ​។ លោក​បន្ថែម​ថា ថ្នាក់ដឹកនាំ​បច្ចុប្បន្ន​បាន​ប្រឹងប្រែង​អស់ពី​កម្លាំងកាយ​ចិត្ត ដើម្បី​ដឹកនាំ​នាវា​កម្ពុជា​ឱ្យ​រីកចម្រើន និង​បង្កើន​កិត្យានុភាព​លើ​ឆាក​អន្តរជាតិ។

ទោះជា​យ៉ាងណា មន្ត្រី​គណបក្ស​សង្គ្រោះ​ជាតិ​លោក ម៉ោញ សារ៉ាត់ ថ្លែង​ថា ក្រុម​អ្នកដឹកនាំ​សព្វថ្ងៃ គ្មាន​បំណង​ដោះស្រាយ​វិបត្តិ​ទាំងឡាយ​ដែល​ជាតិ​កំពុង​ប្រឈម​នោះ​ឡើយ ដោយ​ពួកគេ​គិតតែ​ពី​អំណាច និង​ប្រយោជន៍​របស់​ក្រុម​ខ្លួន ប៉ុណ្ណោះ​។ លោក​សង្កត់ធ្ងន់​ថា កម្ពុជា​ត្រូវការ​ការ​ជួយ​សង្គ្រោះ​ចេញ​ពី​អំណាច​ដឹកនាំ​បែប​ផ្ដាច់ការ​របស់​លោក ហ៊ុន សែន ជា​ចាំបាច់ ដើម្បី​ភាព​រីកចម្រើន​របស់​ជាតិ​ទៅ​ថ្ងៃមុខ៖ «គាត់​ធ្វើ​គ្រប់យ៉ាង​ដើម្បី​បម្រើ​ផលប្រយោជន៍​របស់​យួន របស់​ចិន។ គោលបំណង​ធំ​មួយទៀត គឺ​ដើម្បី​ការពារ​អំណាច​របស់​គាត់ ដើម្បី​ពូជពង្សវង្សត្រកូល​​របស់​គាត់។ គាត់​អត់​បាន​គិត​អំពី​ការ​ស្លាប់​របស់​ប្រជាពលរដ្ឋ​យើង​ទេ​។ យើង​ចង់​ធ្វើ​កម្មវិធី​នយោបាយ​ដែល​បម្រើ​ផលប្រយោជន៍​ប្រជាពលរដ្ឋ​ខ្មែរ​ខ្លួនឯង​ពិតប្រាកដ អាហ្នឹង​ដែល​គណបក្ស​សង្គ្រោះ​ជាតិ​មាន​គោលដៅ​ច្បាស់លាស់»

របប​លោក ហ៊ុន សែន កំពុង​មាន​កេរ្តិ៍ឈ្មោះ​មិនល្អ​នៅ​លើ​ឆាក​អន្តរជាតិ បន្ទាប់ពី​របប​នេះ​បាន​រំលោភ​សិទ្ធិមនុស្ស​ធ្ងន់ធ្ងរ និង​បំផ្លាញ​ប្រជាធិបតេយ្យ​នៅ​កម្ពុជា​។ មានតែ​ប្រទេស​កុម្មុយនិស្ត​ទេ ដែល​កោត​សរសើរ​របប​ក្រុងភ្នំពេញ ចំពោះ​អ្វី​ដែល​បាន​កើត​ឡើង​នៅ​កម្ពុជា ស្រប​ពេល​ដែល​ក្រុម​ប្រទេស​ប្រជាធិបតេយ្យ​កំពុង​ដាក់​ចេញ​នូវ​ទណ្ឌកម្ម​ទាំងឡាយ​ប្រឆាំង​នឹង​របប​នេះ។

អគ្គលេខាធិការ​សហព័ន្ធ​និស្សិត​បញ្ញវន្ត​កម្ពុជា លោក គៀន ពន្លក ថ្លែង​ថា ប្រសាសន៍​របស់​លោក ទៀ បាញ់ ជា​ការ​បំភ័ន្ត​មតិ​សាធារណៈ។ លោក​យល់ថា កម្ពុជា​ពិតជា​កំពុង​ប្រឈម​នឹង​វិបត្តិ​ធ្ងន់ធ្ងរ​មែន ដែល​ទាមទារ​ឱ្យ​មាន​ដំណោះស្រាយ​សមស្រប​ឱ្យ​បាន​ទាន់​ពេល​វេលា បើ​ពុំ​ដូច្នេះ​ទេ ស្ថានភាព​នឹង​កាន់តែ​អាក្រក់​ជាង​នេះ​ទៀត​។ លោក​បន្ថែម​ថា វិបត្តិ​ធ្ងន់ធ្ងរ​ជាងគេ​នៅ​ពេល​នេះ គឺ​ហានិភ័យ​នៃ​ការបាត់បង់​ប្រព័ន្ធ​អនុគ្រោះ​ពន្ធ EBA ដែល​នឹង​បំផ្លាញ​ឆ្នាំងបាយ​ពលរដ្ឋ​ខ្មែរ​រាប់​លាន​នាក់​ទូទាំង​ប្រទេស៖ «ប្រសិនបើ​យើង​បន្ត​ប្រកាន់​ត្រូវ​រៀងៗ​ខ្លួន មិន​ឈរ​លើ​ផ្លូវ​កណ្ដាល ខ្ញុំ​គិត​ថា នេះ​ជា​ការ​បែកបាក់​ជាតិ​មួយ​យ៉ាង​ធ្ងន់ធ្ងរ។ ប្រទេស​កម្ពុជា​នឹង​មិន​មាន​ការ​អភិវឌ្ឍ​ទេ ហើយ​ចុងក្រោយ​ហ្នឹង​គឺ​អាច​ឋិត​នៅ​ក្រោម​ការត្រួតត្រា​របស់​បរទេស​ជាថ្មី​ម្ដងទៀត​។ អ៊ីចឹង​ហើយ ខ្ញុំ​សំណូមពរ​ឱ្យ​អ្នក​នយោបាយ​ទាំងពីរ​ចរន្ត ដែល​ជា​ចរន្ត​នយោបាយ​ដ៏​ធំជាង​គេ​នៅ​ក្នុង​ប្រទេស​កម្ពុជា​ហ្នឹង ធ្វើការ​ចរចា​គ្នា​ដើម្បី​រក្សា​ផលប្រយោជន៍​ជាតិ»

សមាគម​ថៅកែ​រោងចក្រ អះអាង​ថា ការ​ដកហូត​ការ​អនុគ្រោះ​ពន្ធ EBA នឹង​ធ្វើ​ឱ្យ​កម្មករ ៧៥​ម៉ឺន​នាក់ រួម​ទាំង​គ្រួសារ​របស់​ពូក​គេ ៣លាន​នាក់​ទៀត ត្រូវ​រងគ្រោះ​។ សមាគម​ដដែល​នេះ បញ្ជាក់​ទៀត​ថា ទណ្ឌកម្ម​នេះ​នឹង​ធ្វើ​ឱ្យ​បាត់បង់​ការងារ​ទ្រង់ទ្រាយ​ធំ​នៅ​កម្ពុជា ហើយ​ការ​កាត់​បន្ថយ​ភាព​ក្រីក្រ និង​ការ​អភិវឌ្ឍ​ប្រកបដោយ​ចិរភាព​នោះ នឹង​មិន​អាច​សម្រេច​បាន​ឡើយ។

ទោះជា​យ៉ាងណា សហភាព​អឺរ៉ុប​បាន​បញ្ជាក់​ច្បាស់​ហើយ​ថា បើ​របប​ក្រុងភ្នំពេញ​ចង់​ទទួល​បាន​ការ​អនុគ្រោះ​ពន្ធ​នេះ​បន្ត​ទៅ​ទៀត របប​នេះ​ត្រូវតែ​ដោះលែង​លោក កឹម សុខា បើក​ឱ្យ​គណបក្ស​សង្គ្រោះជាតិ​ដំណើរការ​ឡើងវិញ និង​រៀបចំ​ការបោះឆ្នោត​តាម​បែប​ប្រជាធិបតេយ្យ​ពិតប្រាកដ​។ សហភាព​អឺរ៉ុប​ក៏​តម្រូវ​ឱ្យ​របប​នេះ គោរព​សិទ្ធិ​ការងារ និង​សិទ្ធិ​សេរីភាព​ជា​មូលដ្ឋាន​របស់​ប្រជាពលរដ្ឋ ព្រមទាំង​បើក​លំហ​សេរីភាព​ការងារ​សម្រាប់​ក្រុម​អង្គការ​សង្គម​ស៊ីវិល សហជីព និង​សារព័ត៌មាន​ឯករាជ្យ​ផង​ដែរ។

ក្រុម​សង្គម​ស៊ីវិល​ពិនិត្យ​ឃើញ​ថា លក្ខខណ្ឌ​ទាំងនេះ​អាច​អនុវត្ត​បាន បើ​របប​លោក ហ៊ុន សែន គិត​ពី​ប្រយោជន៍​ជាធំ​មែន​នោះ ហើយ​ការ​បំពេញ​លក្ខខណ្ឌ​ទាំងនេះ​មិន​ប៉ះពាល់​ដល់​ឯករាជ្យ និង​អធិបតេយ្យ​ជាតិ​ឡើយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

4 Responses to "គណបក្ស​ប្រឆាំង​ថា កម្ពុជា​ត្រូវ​ការ​សង្គ្រោះ​ចេញ​ពី​អំណាច​ផ្ដាច់ការ​របស់​ក្រុម​លោក ហ៊ុន សែន"

  1. so socheath says:

    សំណាញ់ !
    …….
    ភាពអន្ទោកអន្ទោលស្តីពីការចង់វិលត្រឡប់មកកម្ពុជាវិញ
    ពីសំណាក់អ្នកនយោបាយក្បត់ជាតិ សមរង្ស៊ី និងបក្សពួក
    បានប្រព្រឹត្តទៅក្នុងជំនឿមួយ សម្រាប់បរិបទដែលមិន
    សមហេតុផល។
    ជំនឿលង់ប្រកបដោយអំនួត ក្នុងភាពហៃអើពីសំណាក់
    សកម្មជនអតីតគណៈបក្សសង្គ្រោះជាតិ ដែលត្រូវរំលាយ
    ចោលដោយតុលាការអាស្រ័យលើទោសកំហុសក្បត់ជាតិ
    ដែលនៅសេសសល់ បូកផ្សំនិងការអន្ទងពីសំណាក់កឹមសុខា
    ដែលកំពុងជាប់ពិរុទ្ធពីទោសក្បត់ជាតិ រៀបចំធ្វើបដិវត្តន៍ពណ៌
    តាមការបង្រៀននឹងបង្គាប់បញ្ជាពីជនបរទេស ដើម្បីផ្តួលរំលំ
    រដ្ឋាភិបានស្របច្បាប់នៃកម្ពុជា ដែលថា បើមានមេដឹកនាំ
    ទាំងពីរមកជាប់ទោសរួមគ្នានៅកម្ពុជា នឹងធ្វើឲ្យមានការកែប្រែ
    ស្ថានការណ៍នយោបាយនៅកម្ពុជា ដែលនាំដល់ការរស់
    ឡើងវិញសម្រាប់គណបក្សសង្គ្រោះជាតិ។ ព្រោះថា
    បសមរង្ស៊ីហ៊ានវិលត្រឡប់មក និងមានមនុស្សម្នារជាច្រេីន
    ទៅទទួល សម្រាប់សុវត្ថិភាពក្នុងការត្រឡប់មក។
    នេះជាការវាយតម្លៃខុស ។ បើយើងចាំមិនភ្លេច កឹមសុខា
    ដែលកាលនោះ បានគេចវេសពីពីសំណាញ់ច្បាប់ ទាក់ទង
    នឹងអំពើឆបោករួមសង្វាស ហើយដែលបានប្តឹងដោយ
    សាម៉ីខ្លួនស្ត្រីផ្ទាល់ ហើយដែលបានពួនសម្ងំលាក់ខ្លួនក្នុង
    ទីស្នាក់ការគណបក្សសង្គ្រោះជាតិយ៉ាងយូរ ពិតជាមាន
    សកម្មជនជាច្រើនរយនាក់ នៃគណៈបក្សនេះ មកដេកយាម
    ការពារដោយប្រាកដមែន ។ តែថាពេលចាប់ខ្លួនកឹមសុខា
    ពីទោសក្បត់ជាតិ សួរថា តើសភាពនៃការប្រែប្រួលពីសំណាក់
    កម្លាំងគាំទ្រនៃបក្សនេះទៅជាយ៉ាងណា ។ វាពិតជាគ្មាន
    កម្លាំឯណាមកគាំទ្រទៀតទេ ត្បឹតពួកគេដឹងច្បាស់ថា
    កឹមសុខាគឹជាជនក្បត់ជាតិ។ ដូច្នេះការប្រព្រឹត្តណាមួយ ដើម្បី
    គាំទ្រជននេះ មិនខុសអីពីពួកគេទាំងនោះ បានដាក់ខ្លួន
    ចំពោះមុខច្បាប់ ថាពួកគេ គឺជាជនក្បត់ជាតិដែរនោះទេ ។
    វាគ្មានការឃាត់ឃាំងណាមួយ ចំពោះជនក្បត់ជាតិសមរង្ស៊ី
    និងបក្សពួក ក្នុងការវិលត្រឡប់ចូលកម្ពុជាវិញនោះទេ ។
    តែថាពួកអ្នកទាំងនោះសុទ្ធតែមានសាលដីការបស់តុលាការ
    ត្រូវចាប់ខ្លួនដើម្បីផ្តន្ទារទោសតាមកំហុសដែលពួកគេបាន
    ប្រព្រឹត្តក្នុងអំពើក្បត់ជាតិ។
    វាជាការល្អសម្រាប់ជំនឿងលង់ពេញដោយអំនួត របស់
    សមរង្ស៊ីនិងបក្សពួក ដែលយល់ខុសពីស្ថានភាពបច្ចុប្បន្ន
    និងអតីត ដែលសមរង្ស៊ី បានទទួលនូវការលើក
    លែងទោសពីអង្គព្រះមហាក្សត្រ តាមការស្នើសុំពីសំណាក់
    នាយករដ្ឋមន្ត្រីនៃកម្ពុជា សម្តេចអគ្គមហាសេនាបតីតេជោ
    ហ៊ុន សែន ។
    ច្បាប់នឹងបង់តែមួយសំណាញ់ ក្រសោបយកក្រុមជនក្បត់ជាតិ
    ទាំងនេះ មកកាត់ទោសតាមច្បាប់ ហើយសន្តិភាពជាតិ
    សុខសុវត្ថិភាពសង្គម និងបន្តល្អប្រសើរទ្វេរឡើងថែមទៀត
    ក្នុងពេលដែលគ្មានវត្តមានជនក្បត់ជាតិទាំងនេះ៕

  2. so socheath says:

    ចម្រៀងបទ : ស្អែកសន្យា !
    I- ស្អែកហើយស្អែកទៀត ស្អែកមិនចេះចប់ ស្អែកបោកយកទ្រព្យ ចែកចាយគ្នាស៊ី
    ស្អែកយប់ស្អែកព្រឹកស្អែកចាលពន្លឺ សម្លេងបន្លឺថាចាំស្អែកទៀត ។
    II-រង់ចាំថ្ងៃស្អែក ៗមិនចេះចប់ ស្អែកជាពាក្យគាប់ ពេលស្រែកបន្លឺ
    ស្អែកចាំៗចាំស្អែក ពាក្យមិនបែកគ្នា យើងនឹងជួបគ្នាវេលាថ្ងៃស្អែក ។
    R- ឈប់បោកប្រាសទៅសមរង្ស៊ីអើយ ស្អែកមិនឈប់ឡើយ ស្អែកមានគ្រប់គ្រា
    ស្អែកអួតវិលវិញចេះថាគ្រប់គ្នា ស្អែកជាវេលា ព្រោះមានថ្ងៃស្អែក ។
    III-ឈប់បោកប្រាសទៅ កុំនៅស្រែកស្អែក ស្អែកមិនចម្លែក មានតគ្រប់គ្រា
    បោកយកលុយចាយប្រើស្អែកសន្យា មិនស្មើឆ្កែឆ្មា ឈប់សន្យាទៅ ។

  3. Anonymous says:

    cambodia and her people living in the cage of veitcong mafia dictator and his groups ‘ and won’t be long this tiny country will be gone out from the world map like LAOS ‘

  4. so socheath says:

    ចម្រៀងបទ: កុហក
    ***
    l-កុហកៗ កុហករកគ្មាន បោកប្រាសបំពាន គឺសមរង្ស៊ី
    កុហកបោកប្រាស អត់មានពេលល្ហែ បោកស៊ីដាក់ខែ ប្រើពាក្យកុហក ។
    ll- កុហក ឆ្ងាញ់ណាស់កុហក បោកប្រាសវីវក់ ប្រើសន្យា
    សន្យាខ្យល់ខ្ចប់ បោកយកលាភា បោកប្រាសគ្រប់គ្នា អ្នកជឿកុហក ។
    R-ឆ្ងាញ់ណាស់ បោកប្រាស ប្រើពាក្យកុហក ភូតភរវីវក់ បោកប្រាសយកស៊ី
    លុយព្រះអាទឹត្យ ទូរទស្សន៍មាត់ឆ្កែ បាត់សូន្យទទេ ប្រាកដកុហក ។
    lll- កុហក ជឿពាក្យកុហក ច្បាស់ជាជួបទុក្ខ មិនសុខសាន្តទេ ជឿសមរង្ស៊ី
    ហាក់ដូចជឿឆ្កែ អត់បានការទេ ត្បឹតវាកុហក៕