អឺរ៉ុប​បាន​ទទួល​ឯកសារ​ផ្លូវការ​ពី​គ្រប់​ភាគី​ដើម្បី​វាយតម្លៃ មុន​សម្រេច​ព្យួរ​ការ​អនុគ្រោះ​ពន្ធ EBA

ដោយ មួង​ ណារ៉េត
2019-08-1
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

តំណាង​ជាន់ខ្ពស់​ទទួលបន្ទុក​កិច្ចការ​បរទេស និង​គោល​នយោបាយ​សន្តិសុខ និង​ជា​អនុប្រធាន​ស្នងការ​អឺរ៉ុប អ្នកស្រី ហ្វេដេរីកា ម៉ូហ្គែរីនី (Federica Mogherini) និង​សហការី (ស្ដាំ) ជួប​​គណៈប្រតិភូ​ដឹកនាំ​ដោយ​លោក ហ៊ុន សែន នា​ទីក្រុង​ប្រ៊ុចសែល កាល​ពី​ថ្ងៃ​ទី១៨ ខែ​តុលា ឆ្នាំ​២០១៨។ Photo courtesy of Hun Sen facebook page
តំណាង​ជាន់ខ្ពស់​ទទួលបន្ទុក​កិច្ចការ​បរទេស និង​គោល​នយោបាយ​សន្តិសុខ និង​ជា​អនុប្រធាន​ស្នងការ​អឺរ៉ុប អ្នកស្រី ហ្វេដេរីកា ម៉ូហ្គែរីនី (Federica Mogherini) និង​សហការី (ស្ដាំ) ជួប​​គណៈប្រតិភូ​ដឹកនាំ​ដោយ​លោក ហ៊ុន សែន នា​ទីក្រុង​ប្រ៊ុចសែល កាល​ពី​ថ្ងៃ​ទី១៨ ខែ​តុលា ឆ្នាំ​២០១៨។ Photo courtesy of Hun Sen facebook page


សហភាព​អឺរ៉ុប​​កំពុង​ចាប់ផ្ដើម​នីតិវិធី ៦​ខែ ចុងក្រោយ​របស់​ខ្លួន ក្នុង​ការ​ត្រួតពិនិត្យ និង​វាយតម្លៃ​ការរំលោភ​សិទ្ធិមនុស្ស និង បំផ្លាញ​ប្រជាធិបតេយ្យ​នៅ​កម្ពុជា មុននឹង​សម្រេច​ជា​ចុងក្រោយ នៅ​ដើម​ឆ្នាំ​២០២០ ថា តើ​ត្រូវ​ព្យួរ​ការ​អនុគ្រោះ​ពន្ធ ពី​កម្ពុជា ឬ​យ៉ាងណា​។ មន្ត្រី​ជាន់ខ្ពស់​សហភាព​អឺរ៉ុប នៅ​តែ​ព្រមាន​ថា អ្នក​ដែល​អាច​ធ្វើ​ឱ្យ​របូត EBA ឬ នៅ​គង់វង្ស គឺ​លោក ហ៊ុន សែន។

សហភាព​អឺរ៉ុប​បាន​ទទួល​ឯកសារ​ផ្លូវការ​ពី​គ្រប់​ភាគី​រួចរាល់​អស់ហើយ ដើម្បី​វាយតម្លៃ មុននឹង​សម្រេច​ព្យួរ​ការ​អនុគ្រោះ​ពន្ធ EBA ពី​កម្ពុជា​។ មន្ត្រី​នាំ​ពាក្យ​គណៈកម្មការ​អឺរ៉ុប​ផ្នែក​ពាណិជ្ជកម្ម និង កសិកម្ម លោក ដានីញ៉ែល រ៉ូសារីយ៉ូ (Daniel Rosario) ប្រាប់​អាស៊ីសេរី តាម​សារ​អេឡិចត្រូនិក កាលពី​ថ្ងៃទី​១៣ ខែ សីហា ថា ឯកសារ​ផ្លូវការ​ទាំងនោះ ខាង​សហភាព​អឺរ៉ុប​ទទួល​បាន​ពី​ម្ចាស់​សហគ្រាស​ពាណិជ្ជកម្ម សហជីព​កម្មករ និង អង្គការ​សង្គម​ស៊ីវិល​នានា​។ ចំណែក​ឯ រដ្ឋាភិបាល​កម្ពុជា​វិញ ទើបតែ​ដាក់​ឯកសារ​ផ្លូវការ​របស់​ខ្លួន ជូន​គណៈកម្មការ​អឺរ៉ុប នៅ​ពេល​ថ្មីៗ​នេះ។

ឥឡូវនេះ គណៈកម្មការ​អឺរ៉ុប កំពុង​ចាប់ផ្ដើម​ដំណើរការ​នីតិវិធី ៦​ខែ ចុងក្រោយ​របស់​ខ្លួន បន្ទាប់ពី​នីតិវិធី​ត្រួត​ពិនិត្យ​រយៈពេល ៦​ខែ ដំបូង​ត្រូវ​បាន​បិទ​បញ្ចប់​ជា​ផ្លូវការ​កាលពី​ថ្ងៃ​ទី១២ ខែ​កុម្ភៈ។

ក្នុង​រយៈពេល ៦ ខែ​ទៅមុខ​ទៀត​នេះ គណៈកម្មការ​អឺរ៉ុប និង​ស្នងការ​អឺរ៉ុប​នៅ​ក្រៅ​ប្រទេស នឹង​វិភាគ​រាល់​ភស្តុតាង​ដែល​ប្រមូល​បាន​ទាំងនេះ មុន​នឹង​សម្រេច​ជា​ចុងក្រោយ ថា​តើ​ត្រូវ​ព្យួរ ឬ មិន​ត្រូវ​ព្យួរ​ការ​អនុគ្រោះ​ពន្ធ EBA ពី​កម្ពុជា។

គណៈកម្មការ​អឺរ៉ុប នឹង​បិទ​បញ្ចប់​នីតិវិធី​ផ្លូវការ ៦​ខែ​ចុង​ក្រោយនេះ នៅ​ត្រឹម​ខែ​កុម្ភៈ ឆ្នាំ ២០២០​។ សេចក្ដី​សម្រេច​ស្ថាពរ នឹង​ត្រូវ​ចុះផ្សាយ​ក្នុង​ទិនានុប្បវត្តិ (ទស្សនាវដ្ដី) ផ្លូវការ​របស់​គណៈកម្មការ​អឺរ៉ុប នៅ​ខែ​កុម្ភៈ ឆ្នាំ​២០២០​នោះ។

គណៈកម្មការ​អឺរ៉ុប នៅតែ​បញ្ជាក់​ជំហរ​ថា សហភាព​អឺរ៉ុប​មាន​ករណី​កិច្ច ក្នុង​ការ​ធានា​ឱ្យ​បាន ថា​កម្ពុជា ពិតជា​អនុវត្ត​ត្រឹមត្រូវ​តាម​អនុសញ្ញា​អង្គការ​សហប្រជាជាតិ និង អង្គការ​អន្តរជាតិ​ខាង​ការងារ ពាក់ព័ន្ធ​នឹង​ការ​គោរព​សិទ្ធិមនុស្ស និង សិទ្ធិ​ការងារ​ជា​ចម្បង ដែល​ជា​លក្ខខណ្ឌ​តម្រូវ​សម្រាប់​ការ​អនុគ្រោះ​ពន្ធ EBA។ កូន​សោ គឺ​ស្ថិត​ក្នុង​ដៃ​របស់​អាជ្ញាធរ​រដ្ឋាភិបាល​កម្ពុជា ដែល​នៅ​មាន​ឱកាស ៦ ខែ​ទៅ​មុខ​ទៀត​នេះ ក្នុង​ការ​ស្ដារ​សិទ្ធិមនុស្ស និង​ប្រជាធិបតេយ្យ​ឡើងវិញ។

អាស៊ីសេរី មិនទាន់​អាច​សុំ​ការ​បំភ្លឺ​ពី​មន្ត្រី​នាំ​ពាក្យ​របប​លោក ហ៊ុន សែន អំពី​ឯកសារ​ផ្លូវការ ដែល​ខ្លួន​បាន​ដាក់​ជូន​ទៅ​គណៈកម្មការ​អឺរ៉ុប​នោះ​ទេ​។ ទោះជា​យ៉ាង​នេះ​ក្ដី កន្លង​មក របប​នេះ​ប្រកាន់​ជំហរ​ជា​លក្ខណៈ​ប្រព័ន្ធ និង​ស៊ី​សង្វាក់​គ្នា ថា​របប​នេះ មិន​បាន​រំលោភ​សិទ្ធិមនុស្ស និង​បំផ្លាញ​ប្រជាធិបតេយ្យ ដូច​ការ​រក​ឃើញ​របស់​សហភាព​អឺរ៉ុប​នោះ​ទេ។ របប​នេះ​អះអាង​ថា ការ​ចាប់​ប្រធាន​គណបក្ស​សង្គ្រោះជាតិ​ដាក់​ពន្ធនាគារ រម្លាយ​គណបក្ស​សង្គ្រោះជាតិ បណ្ដេញ​អង្គការ​សង្គម​ស៊ីវិល បិទ​ប្រព័ន្ធ​ផ្សព្វផ្សាយ​ឯករាជ្យ បន្ត​ធ្វើទុក្ខបុកម្នេញ​មន្ត្រី​បក្ស​ប្រឆាំង អ្នក​ហ៊ាន​បញ្ចេញមតិ​រិះគន់​របប​នេះ និង មន្ត្រី​សហជីព​កម្មករ​ជាដើម ថា ជា​ការ​អនុវត្ត​ត្រឹមត្រូវ​តាមច្បាប់ និង​រដ្ឋធម្មនុញ្ញ​កម្ពុជា។

ប៉ុន្តែ ទាំង​អ្នករាយការណ៍​ពិសេស​អង្គការ​សហប្រជាជាតិ និង ប្រតិភូ​អឺរ៉ុប​ដែល​ចុះទៅ​ស្វែងរក​ការពិត​នៅ​កម្ពុជា សុទ្ធតែ​រក​ឃើញ​ថា ចំណាត់​ការ​របស់​របប​លោក ហ៊ុន សែន បែបនេះ គឺ​រំលោភ​សិទ្ធិមនុស្ស និង​បំផ្លាញ​ប្រជាធិបតេយ្យ​ធ្ងន់ធ្ងរ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

2 Responses to "អឺរ៉ុប​បាន​ទទួល​ឯកសារ​ផ្លូវការ​ពី​គ្រប់​ភាគី​ដើម្បី​វាយតម្លៃ មុន​សម្រេច​ព្យួរ​ការ​អនុគ្រោះ​ពន្ធ EBA"

  1. so socheath says:

    សំណាញ់ !
    …….
    ភាពអន្ទោកអន្ទោលស្តីពីការចង់វិលត្រឡប់មកកម្ពុជាវិញ
    ពីសំណាក់អ្នកនយោបាយក្បត់ជាតិ សមរង្ស៊ី និងបក្សពួក
    បានប្រព្រឹត្តទៅក្នុងជំនឿមួយ សម្រាប់បរិបទដែលមិន
    សមហេតុផល។
    ជំនឿលង់ប្រកបដោយអំនួត ក្នុងភាពហៃអើពីសំណាក់
    សកម្មជនអតីតគណៈបក្សសង្គ្រោះជាតិ ដែលត្រូវរំលាយ
    ចោលដោយតុលាការអាស្រ័យលើទោសកំហុសក្បត់ជាតិ
    ដែលនៅសេសសល់ បូកផ្សំនិងការអន្ទងពីសំណាក់កឹមសុខា
    ដែលកំពុងជាប់ពិរុទ្ធពីទោសក្បត់ជាតិ រៀបចំធ្វើបដិវត្តន៍ពណ៌
    តាមការបង្រៀននឹងបង្គាប់បញ្ជាពីជនបរទេស ដើម្បីផ្តួលរំលំ
    រដ្ឋាភិបានស្របច្បាប់នៃកម្ពុជា ដែលថា បើមានមេដឹកនាំ
    ទាំងពីរមកជាប់ទោសរួមគ្នានៅកម្ពុជា នឹងធ្វើឲ្យមានការកែប្រែ
    ស្ថានការណ៍នយោបាយនៅកម្ពុជា ដែលនាំដល់ការរស់
    ឡើងវិញសម្រាប់គណបក្សសង្គ្រោះជាតិ។ ព្រោះថា
    បសមរង្ស៊ីហ៊ានវិលត្រឡប់មក និងមានមនុស្សម្នារជាច្រេីន
    ទៅទទួល សម្រាប់សុវត្ថិភាពក្នុងការត្រឡប់មក។
    នេះជាការវាយតម្លៃខុស ។ បើយើងចាំមិនភ្លេច កឹមសុខា
    ដែលកាលនោះ បានគេចវេសពីពីសំណាញ់ច្បាប់ ទាក់ទង
    នឹងអំពើឆបោករួមសង្វាស ហើយដែលបានប្តឹងដោយ
    សាម៉ីខ្លួនស្ត្រីផ្ទាល់ ហើយដែលបានពួនសម្ងំលាក់ខ្លួនក្នុង
    ទីស្នាក់ការគណបក្សសង្គ្រោះជាតិយ៉ាងយូរ ពិតជាមាន
    សកម្មជនជាច្រើនរយនាក់ នៃគណៈបក្សនេះ មកដេកយាម
    ការពារដោយប្រាកដមែន ។ តែថាពេលចាប់ខ្លួនកឹមសុខា
    ពីទោសក្បត់ជាតិ សួរថា តើសភាពនៃការប្រែប្រួលពីសំណាក់
    កម្លាំងគាំទ្រនៃបក្សនេះទៅជាយ៉ាងណា ។ វាពិតជាគ្មាន
    កម្លាំឯណាមកគាំទ្រទៀតទេ ត្បឹតពួកគេដឹងច្បាស់ថា
    កឹមសុខាគឹជាជនក្បត់ជាតិ។ ដូច្នេះការប្រព្រឹត្តណាមួយ ដើម្បី
    គាំទ្រជននេះ មិនខុសអីពីពួកគេទាំងនោះ បានដាក់ខ្លួន
    ចំពោះមុខច្បាប់ ថាពួកគេ គឺជាជនក្បត់ជាតិដែរនោះទេ ។
    វាគ្មានការឃាត់ឃាំងណាមួយ ចំពោះជនក្បត់ជាតិសមរង្ស៊ី
    និងបក្សពួក ក្នុងការវិលត្រឡប់ចូលកម្ពុជាវិញនោះទេ ។
    តែថាពួកអ្នកទាំងនោះសុទ្ធតែមានសាលដីការបស់តុលាការ
    ត្រូវចាប់ខ្លួនដើម្បីផ្តន្ទារទោសតាមកំហុសដែលពួកគេបាន
    ប្រព្រឹត្តក្នុងអំពើក្បត់ជាតិ។
    វាជាការល្អសម្រាប់ជំនឿងលង់ពេញដោយអំនួត របស់
    សមរង្ស៊ីនិងបក្សពួក ដែលយល់ខុសពីស្ថានភាពបច្ចុប្បន្ន
    និងអតីត ដែលសមរង្ស៊ី បានទទួលនូវការលើក
    លែងទោសពីអង្គព្រះមហាក្សត្រ តាមការស្នើសុំពីសំណាក់
    នាយករដ្ឋមន្ត្រីនៃកម្ពុជា សម្តេចអគ្គមហាសេនាបតីតេជោ
    ហ៊ុន សែន ។
    ច្បាប់នឹងបង់តែមួយសំណាញ់ ក្រសោបយកក្រុមជនក្បត់ជាតិ
    ទាំងនេះ មកកាត់ទោសតាមច្បាប់ ហើយសន្តិភាពជាតិ
    សុខសុវត្ថិភាពសង្គម និងបន្តល្អប្រសើរទ្វេរឡើងថែមទៀត
    ក្នុងពេលដែលគ្មានវត្តមានជនក្បត់ជាតិទាំងនេះ៕

  2. so socheath says:

    ចម្រៀងបទ : ស្អែកសន្យា !
    I- ស្អែកហើយស្អែកទៀត ស្អែកមិនចេះចប់ ស្អែកបោកយកទ្រព្យ ចែកចាយគ្នាស៊ី
    ស្អែកយប់ស្អែកព្រឹកស្អែកចាលពន្លឺ សម្លេងបន្លឺថាចាំស្អែកទៀត ។
    II-រង់ចាំថ្ងៃស្អែក ៗមិនចេះចប់ ស្អែកជាពាក្យគាប់ ពេលស្រែកបន្លឺ
    ស្អែកចាំៗចាំស្អែក ពាក្យមិនបែកគ្នា យើងនឹងជួបគ្នាវេលាថ្ងៃស្អែក ។
    R- ឈប់បោកប្រាសទៅសមរង្ស៊ីអើយ ស្អែកមិនឈប់ឡើយ ស្អែកមានគ្រប់គ្រា
    ស្អែកអួតវិលវិញចេះថាគ្រប់គ្នា ស្អែកជាវេលា ព្រោះមានថ្ងៃស្អែក ។
    III-ឈប់បោកប្រាសទៅ កុំនៅស្រែកស្អែក ស្អែកមិនចម្លែក មានតគ្រប់គ្រា
    បោកយកលុយចាយប្រើស្អែកសន្យា មិនស្មើឆ្កែឆ្មា ឈប់សន្យាទៅ ។