តុលាការ​​គ្រោង​ប្រកាស​សាលក្រម​លើ​សំណុំរឿង​អតីត​អភិបាល​ខេត្ត​តាកែវ​នៅ​ថ្ងៃ​ទី​២២ សីហា

ដោយ អាស៊ីសេរី
2019-08-22
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

អតីត​អភិបាល​ខេត្ត​តាកែវ លោក ឡាយ វណ្ណៈ និង​ជនរងគ្រោះ ឈ្មោះ ចេវ សុវឌ្ឍនា។ Photo Facebook
អតីត​អភិបាល​ខេត្ត​តាកែវ លោក ឡាយ វណ្ណៈ និង​ជនរងគ្រោះ ឈ្មោះ ចេវ សុវឌ្ឍនា។ Photo Facebook


សាលាដំបូង​រាជធានី​ភ្នំពេញ​គ្រោង​ប្រកាស​សាលក្រម លើ​សំណុំរឿង លោក ឡាយ វណ្ណៈ អតីត​អភិបាល​ខេត្ត​តាកែវ នៅ​ព្រឹក​ថ្ងៃ​ទី​២២ ខែ​សីហា ឆ្នាំ​២០១៩​នេះ ពាក់ព័ន្ធ​អំពើ​ឃាតកម្ម លើ​ស្រ្ដី​ឈ្មោះ ចេវ សុវឌ្ឍនា។

សារព័ត៌មាន​ក្នុងស្រុក​ចុះផ្សាយ​ថា សវនាការ​ប្រកាស​សាលក្រម​លើ​រឿង​ឃាតកម្ម​ពាក់ព័ន្ធ​ស្នេហា​ត្រីកោណ​របស់​មន្ត្រី​ជាន់ខ្ពស់​បក្ស​កាន់​អំណាច​នេះ នឹង​ដឹកនាំ​ដោយ​ប្រធាន​ក្រុមប្រឹក្សា​ចៅក្រម​ជំនុំជម្រះ គឺ​លោក ហម ម៉េងសែ។

គម្រោង​ប្រកាស​សាលក្រម​លើក​នេះ ក្រោយ​ពី​សវនាការ​សួរដេញដោល​គ្រប់​ភាគី​ពាក់ព័ន្ធ​ក្នុង​សំណុំរឿង​ចប់​សព្វគ្រប់ និង​បន្ទាប់ពី​មានការ​ប្រកាស​លើក​ពេល​ប្រកាស​សាលក្រម​ជាច្រើនលើក​មក​ហើយ​ចាប់​តាំង​ពី​ខែ​មករា ឆ្នាំ​២០១៩​នេះ។

រឿងរ៉ាវ​ស្នេហា​ត្រីកោណ​របស់​មន្ត្រី​ជាន់ខ្ពស់​បក្ស​ប្រជាជន​កម្ពុជា រហូត​កើតមាន​អំពើ​មនុស្សឃាត​នេះ បាន​កើតមានឡើង​តាំងពី​ខែ​មករា ឆ្នាំ​២០១៨​មក។ កាលនោះ​សមត្ថកិច្ច​សម្រេច​ឃាត់ខ្លួន មនុស្ស​៤​នាក់ ដោយ​២​នាក់ គឺ លោក ឡាយ វណ្ណៈ និង​លោក ឡាយ ណារិទ្ធិ ចោទប្រកាន់​ពី​បទ​ឃាតកម្ម​លើ​ស្ត្រី​ឈ្មោះ ចេវ សុវឌ្ឍនា និង​២​នាក់​ទៀត គឺ​អ្នក​បើកឡាន របស់ លោក ឡាយ វណ្ណៈ និង​អ្នកបម្រើ​ប្រុស​របស់​ស្ត្រី ឈ្មោះ ចេវ សុវឌ្ឍនា ពី​បទ​លាក់បាំង​តម្រុយ អំពើ​ឃាតកម្ម​ជនរងគ្រោះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

One Response to "តុលាការ​​គ្រោង​ប្រកាស​សាលក្រម​លើ​សំណុំរឿង​អតីត​អភិបាល​ខេត្ត​តាកែវ​នៅ​ថ្ងៃ​ទី​២២ សីហា"

  1. so chết says:

    peace to the soul of this woman
    as in PRAS SUTHA there was a very beautiful woman a peripatetic luxury or call girl companion must spend a lot money to go out with her
    Once dead Lord BUDDHA advised the emperor to exhibit in public
    Whoever wishes to have his body will have a bonus provided that the person keeps the body Days pass the bonus climbs but perrsonne does not want this body, which looks like a tree trunk You know like the trees that the criminal hun sen and his gang massacred to sell to Vietnamese
    The end of the story my friends readers can complete
    but what do the trolls of hun sen think

Leave a Reply

Submit Comment