ផ្ទះ​សមាជិក​ប្រតិបត្តិ​គណបក្ស​សង្គ្រោះជាតិ​ក្រុង​កំពង់ចាម​ត្រូវ​សមត្ថកិច្ច​ជិត​២០​នាក់​ឡោម​ព័ទ្ធ

ដោយ សេក បណ្ឌិត
2019-08-22
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

សមត្ថកិច្ច​ក្រុង​កំពង់ចាម ជិត​២០​នាក់ បាន​ឡោមព័ទ្ធ ផ្ទះ​សកម្មជន និង​ជា​អតីត​សមាជិក​ប្រតិបត្តិ​គណបក្ស​សង្គ្រោះជាតិ ខេត្ត​កំពង់ចាម លោក គង់ ស៊ីវង្ស នៅ​យប់​រំលង​អធ្រាត្រ ថ្ងៃ​ទី​២១ ខែ​សីហា។

សាច់ញាតិ លោក គង់ ស៊ីវង្ស បាន​ឱ្យ​អាស៊ីសេរី​ដឹង​ថា ក្រុម​គ្រួសារ​លោក​មិន​ដឹង​ថា លោក គង់ ស៊ីវង្ស ធ្វើ​អ្វី​ខុស​នោះ​ទេ ទើប​បាន​ប៉ូលិស មក​គោះ​ទ្វារផ្ទះ​លោក​ទាំង​យប់​អធ្រាត្រ ដោយ​មិន​ប្រាប់​ពី​មូលហេតុ​អ្វី​ទាំងអស់។

ខណៈ​សាច់ញាតិ លោក គង់ ស៊ីវង្ស ទូរស័ព្ទ​ទៅកាន់​អាស៊ីសេរី កាលពី​រំលង​អាធ្រាត្រ​យប់​មិញ​នេះ ថា សមត្ថកិច្ច​មិនទាន់​បុក​ទម្លាយ​ទ្វារផ្ទះ​ចូល​ទៅ​ក្នុង​ផ្ទះ​នោះ​ឡើយ​ទេ ប៉ុន្តែ​សមាជិក​ក្នុង​ផ្ទះ​ទាំងអស់ ក៏​មិន​ហ៊ាន​បើកទ្វារ​ចេញ​ក្រៅ​ដែរ ដោយ​មាន​ការភ័យខ្លាច តែ​បាន​ទូរស័ព្ទ​ទៅ​សាច់ញាតិ​នៅ​ខាងក្រៅ​ឱ្យ​ជួយ​ប្រាប់​ទៅ អ្នកសារព័ត៌មាន មន្ត្រី​សិទ្ធិមនុស្ស និង​មន្ត្រី​អង្គការ​សហប្រជាជាតិ​ឱ្យ​អន្តរាគមន៍​ជួយ​ដល់​ពួកគាត់​ជាបន្ទាន់​ផង។

អាស៊ីសេរី មិនទាន់​អាច​ស្វែងរក​ការ​បំភ្លឺ​ជុំវិញ​រឿង​នេះ ពី​សមត្ថកិច្ច​ក្រុង​កំពង់ចាម បានទេ កាល​ពី​យប់​ថ្ងៃ​ទី​២១ សីហា។

មន្ត្រី និង​សកម្មជន​គណបក្ស​សង្គ្រោះជាតិ ត្រូវ​សមត្ថកិច្ច​របប​ក្រុងភ្នំពេញ ចាប់​ឃុំ​ខ្លួន​ជិត​២០​នាក់​ហើយ នៅ​ក្នុង​ឆ្នាំ​២០១៩​នេះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

Leave a Reply

Submit Comment