ខេត្ត​ចំនួន​១៤​ នឹង​រង​ការ​ជន់​លិច ពី​ថ្ងៃ​ទី​១៥ ដល់​១៩ កញ្ញា​ ដោយ​សារ​​ភ្លៀង​ធ្លាក់​ខ្លាំង

ដោយ មួង ណារ៉េត
2019-09-14
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

ស្ថានភាព​ទឹក​ជំនន់​លិច​ផ្លូវ​នៅ​ស្រុក​សៀមបាង ខេត្ត​ស្ទឹងត្រែង ចាប់ពី​​​ចុង​ខែ​កក្កដា ឆ្នាំ ២០១៨។ ថត​ដោយ​ពលរដ្ឋ
ស្ថានភាព​ទឹក​ជំនន់​លិច​ផ្លូវ​នៅ​ស្រុក​សៀមបាង ខេត្ត​ស្ទឹងត្រែង ចាប់ពី​​​ចុង​ខែ​កក្កដា ឆ្នាំ ២០១៨។ ថត​ដោយ​ពលរដ្ឋ


ក្រសួង​ធនធាន​ទឹក និង​ឧតុនិយម ប្រកាស​ឱ្យ​ពលរដ្ឋ​នៅ​ខេត្ត​ចំនួន​១៤ ប្រុង​ប្រយ័ត្ន​​ជា​មុន ដែល​នឹង​រង​ការ​ជន់​លិច ដោយ​សារ​​ភ្លៀង​ធ្លាក់​ខ្លាំង ចាប់​ពី​ថ្ងៃ​ទី​១៥ ដល់​១៩ កញ្ញា។ បណ្ដា​ខេត្ត​ចំនួន​១៤ នោះ គឺ​មាន​ខេត្ត​​ត្បូងឃ្មុំ កំពង់ចាម រាជធានី​ភ្នំពេញ កណ្ដាល កំពង់ស្ពឺ តាកែវ ពោធិ៍សាត់ កំពង់ធំ ព្រៃវែង ស្វាយរៀង និង​ខេត្ត​ទាំង​៤​ជាប់​មាត់​សមុទ្រ។

ក្រសួង​ធនធាន​ទឹក និង​ឧតុនិយម ជូន​ដំណឹង​ដែរ​ថា ខេត្ត​ រាជធានី​ទាំង​​១៤​ នឹង​រង​ការ​ជន់​លិច ៤ថ្ងៃ ពី​ថ្ងៃ​ទី​១៥ ដល់​ថ្ងៃ​ទី​១៩ ដោយ​សារ​ភ្លៀង​ធ្លាក់​ខ្លាំង​នោះ។ ពលរដ្ឋ​រស់​នៅ ​ក្បែរ​ស្ទឹងសែន នៅ​​ភូមិ​ស្នែងក្របី សង្កាត់​កំពង់ក្របៅ ក្រុង​ស្ទឹងសែន ខេត្ត​កំពង់ធំ​ ម្នាក់ គឺ​លោក ចែ ស៊ីណា ប្រាប់​ថា ទឹក​នៅ​ស្ទឹងសែន​ បាន​ហក់​ឡើង​ខ្លាំង ពៀប​មាត់​ច្រាំង​នៃ​ស្ទឹង​ហើយ។ ​លោក​បន្ត​ថា នៅ​ថ្ងៃ​ទី​១៤ កញ្ញា គ្មាន​​​ភ្លៀង​ធ្លាក់​​ទេ ដូច្នេះ ទឹក​នៅ​ស្ទឹង​សែន មិន​ទាន់​ហក់​ឡើង​បន្ថែម​ទេ។ តែ​ប្រសិន​បើ​ភ្លៀង​នៅ​ពេល​យប់ ឬ​ថ្ងៃ​ទី១៥ កញ្ញា ទឹក​ស្ទឹង​អាច​នឹង​ហក់​ឡើង​ថែម​ទៀត។

សេចក្ដី​ជូន​ដំណឹង​បញ្ជាក់​បន្ថែម​ដែរ​ថា ចំណែក​ខេត្ត​ផ្សេង​ទៀត ក៏​រង​ការ​ធ្លាក់​ភ្លៀង​ រប៉ាត់រប៉ាយ​ដែរ​ ខណៈ​បាតុភូត​ ផ្គរ​ រន្ទះ ​នឹង​កើត​មាន​ញឹកញាប់។ ឯ​រលក​សមុទ្រ នឹង​មាន​កម្ពស់​ខ្ពស់ ដូច្នេះ​ ក្រសួង​ធនធាន​ទឹក អំពាវនាវ​ឱ្យ​ពលរដ្ឋ​នៅ​ប៉ែក​ខាង​សមុទ្រ ត្រូវ​បង្កើន​ការ​ប្រុង​ប្រយ័ត្ន​ ចំពោះ​ស្ថានភាព​ទាំង​នេះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles