ជនជាតិ​ដើម​ភាគតិច​ទំពួន​ខកចិត្ត​ចំពោះ​ការ​មិន​បង្ក្រាប​បទល្មើស​ព្រៃឈើ​ខេត្ត​រតនគិរី

ដោយ មួង ណារ៉េត
2019-09-14
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

សហគមន៍​ភូមិ​កែងសាន់ បាន​នាំ​គ្នា​ទៅ​បំភ្លឺ​នៅ​មន្ទីរ​បរិស្ថាន ខេត្ត​រតនគិរី កាល​ពី​អំឡុង​ខែ​តុលា ២០១៨ បន្ទាប់​ពី​មេ​ភូមិ​កែង​សាន់​ប្តឹង។ រូបភាព៖ សហគមន៍ភូមិកែងសាន់
សហគមន៍​ភូមិ​កែងសាន់ បាន​នាំ​គ្នា​ទៅ​បំភ្លឺ​នៅ​មន្ទីរ​បរិស្ថាន ខេត្ត​រតនគិរី កាល​ពី​អំឡុង​ខែ​តុលា ២០១៨ បន្ទាប់​ពី​មេ​ភូមិ​កែង​សាន់​ប្តឹង។ រូបភាព៖ សហគមន៍ភូមិកែងសាន់


ព្រៃ​សហគមន៍​ភូមិ​កែងសាន់ មាន​ផ្ទៃដី​ជាង ៤​ពាន់​ហិកតារ កំពុង​ទទួល​រង​ការ​កាប់​រុករាន​ទន្ទ្រាន​យក​ជា​កម្មសិទ្ធិ​អស់​ស្ទើរ​ទាំងស្រុង និង​មាន​មួយ​ផ្នែក​ធំ​បាន​ក្លាយ​ជា​វាល​រហោឋាន គ្រប់គ្រង​ជា​សម្បត្តិ​បុគ្គល។ ជនជាតិ​ដើម​ភាគតិច​ទំពួន​រស់នៅ​ភូមិ​កែងសាន់ ឃុំ​សេដា ស្រុក​លំផាត់ ខេត្ត​រតនគិរី ខក​ចិត្តនឹង​ក្រសួងបរិស្ថាន និង​អាជ្ញាធរ​ខេត្ត​នេះ​ថា មិន​អើពើ​បង្ក្រាប​បទល្មើស​ព្រៃឈើ។

ជនជាតិ​ដើម​ភាគតិច​ទំពួន លោក ខាំ និន ឱ្យ​ដឹង​នៅ​ថ្ងៃ​សុក្រ ទី​១៣ ខែ​កញ្ញា​ថា សហគមន៍​បាន​កំណត់​អត្តសញ្ញាណ ជនសង្ស័យ​ជាច្រើន​នាក់ រួមមាន ក្រុម​កម្មករ​កាប់​ទន្ទ្រាន​ព្រៃ ក្រុម​ឈ្មួញ និង​អាជ្ញាធរ​ពាក់ព័ន្ធ​ជាង ១០​នាក់ និង​បាន​ប្ដឹង​ពួកគេ ទៅ​តុលាការ​ជាង ១០​ករណី​មក​ហើយ ទាក់ទិន​សំណុំរឿង​កាប់​រុករាន​ដី​ព្រៃ​អភិរក្ស​ខុស​ច្បាប់។ ក៏ប៉ុន្តែ​មក​ទល់​ពេល​នេះ ពុំ​ទាន់​មាន​ជនល្មើស​ណា​ម្នាក់ ត្រូវ​បាន​អាជ្ញាធរ​ចាប់ខ្លួន​មក​អនុវត្ត​ច្បាប់​នៅឡើយ​ទេ​។ រីឯ​សកម្មភាព​ភាព​កាប់​រុករាន​ព្រៃ​អភិរក្ស នៅតែ​កើតមាន​ដដែល៖ «ជនល្មើស​ខ្ញុំ​ប្ដឹង​ទៅ​តុលាការ​ជាង ១០​នាក់​ហើយ ចាប់ពី​មេក្រុម លឹម ហូ តួនាទី​មេក្រុម និង​ចាន់ ស្រូត​ហ្នឹង​តួនាទី​វាស់វែង ដី​ព្រៃ​មកកាន់​ឱ្យ​ឈ្មួញ​កណ្ដាល កន្លែង​ដី​នៅសល់ ១​ពាន់​ហិកតារ ក្នុង​ភូមិ​កែងសាន់។ ពួក​ហ្នឹង​ខ្ញុំ​ដាក់​ទៅ​តុលាការ​ហើយ មិន​ឃើញ​តុលាការ​មាន​វិធានការ​ទប់ស្កាត់ និង​ចាប់​ជនល្មើស​ទៅ​ទេ​។ ម៉ាស៊ីន​ផែ​ឈើ​ទាំង​យប់​ថ្ងៃ ក្នុង​ដី​សហគមន៍»

ព្រៃ​សហគមន៍​ភូមិ​កែងសាន់ គឺជា​ផ្នែក​មួយ​នៃ​ដែន​ជម្រក​សត្វព្រៃ​លំផាត់ មាន​ផ្ទៃដី​ជាង ៤​ពាន់​ហិកតារ គឺជា​ព្រៃ​នៅសល់​ចុងក្រោយ​ធំ​ជាងគេ ក្នុង​ចំណោម​ទំហំ​ព្រៃឈើ​ទាំងមូល​ឋិត​ក្នុង​ដែន​ជម្រក​សត្វព្រៃ​លំផាត់​រាប់​ម៉ឺន​ហិកតារ​ក្នុង​ខេត្ត​រតនគិរី។ ជនជាតិ​ដើម​ភាគតិច​អះអាង​ថា ព្រៃ​អភិរក្ស​មួយ​នេះ បច្ចុប្បន្ន​នៅ​សេសសល់​ប្រមាណ ១​ពាន់​ហិកតារ កំពុង​រង​ការ​កាប់​បំផ្លាញ​ជា​បន្តបន្ទាប់។

លោក ខាំ និន បន្ថែម​ថា ក្រុម​ជនល្មើស​មួយ​ចំនួន ដែល​សហគមន៍​បាន​ប្ដឹង​ទៅ​តុលាការ នៅតែ​បន្ត​សកម្មភាព​កាប់​រុករាន​ព្រៃ​ធ្វើ​អាជីវកម្ម ជា​របប​អាជីព​ចិញ្ចឹមជីវិត ដោយ​គ្មាន​ការរារាំង​ពី​មន្ត្រី​បរិស្ថាន និង​សមត្ថកិច្ច​នោះ​ទេ​។ លោក​ថា មក​ទល់​ពេល​នេះ មាន​កម្មករ​ប្រដាប់​ដោយ​ម៉ាស៊ីន​ស្វ័យប្រវត្តិ បាន​បោះតង់​ស្នាក់នៅ​ក្នុង​ព្រៃ​អភិរក្ស​នេះ ចំណុច​អូរក្រែង ដើម្បី​កាប់​ទន្ទ្រានព្រៃ​ឱ្យ​ក្លាយ​ជា​វាល ធ្វើ​អាជីវកម្ម​។ រីឯ​ដើមឈើ​ធំៗ ត្រូវ​គេ​កាប់​ផ្ដួល ដុត​កម្ទេច​ចោល​៖ «ដី​ព្រៃ​ចំនួន​ជាង ៤​ពាន់​ហិកតារ​អស់​បាត់​ទៅ​ហើយ នៅសល់​ចំនួន​ជាង ១​ពាន់​ហិកតារ​កំពុង​កាប់ គេ​កាប់។ ដើមឈើ​ដួល​អស់ហើយ មិនទាន់​ឃើញ​ម្ចាស់​អី​ណា​មក​ធ្វើ​ទេ​? ឃើញ​តែ ២​នាក់ ឃើញ​ឈ្មោះ​លឹម ហូ តួនាទី​មេក្រុម គាត់​កាប់​រាន​ដី​ព្រៃ និង​លើក​រង គាត់​បំផ្លាញ​ព្រៃ​រាប់​រយ​ហិកតារ​ហើយ គាត់​មក​ដាក់​ដី​ប្រជាពលរដ្ឋ​នៅសល់ ១​ពាន់​ហិកតារ​ទៀត»

អ្នកនាំពាក្យ​ក្រសួង​បរិស្ថាន លោក នេត្រ ភត្ត្រា បដិសេធ​មិន​អធិប្បាយ​លម្អិត​ជុំវិញ​ករណី​នេះ​ទេ ដោយ​លោក​ថា ជា​ភារកិច្ច​របស់​តុលាការ​៖ «ចំពោះ​បញ្ហា​ហ្នឹង ខ្ញុំ​មិន​ធ្វើ​អធិប្បាយ​អ្វី​ទេ នៅ​ពេល​ដែល​សំណុំរឿង​ក្នុង​ដៃ​របស់​តុលាការ​។ អ៊ីចឹង​សូម​ទុក​ឱ្យ​តុលាការ​ជា​អ្នកចាត់ចែង»

អាស៊ីសេរី​មិន​ទាន់​អាច​ទាក់ទង​មេឃុំ​សេដា លោក អង់ ប៊ុនធៀង និង​តំណាង​អយ្យការ​អម​សាលាដំបូង ខេត្ត​រតនគិរី ដើម្បី​សុំ​ការ​បំភ្លឺ ជុំវិញ​ករណី​នេះ​នៅ​ឡើយ​ទេ នៅ​ថ្ងៃ​ដដែល​នេះ​។​

មន្ត្រី​ពង្រឹង​សិទ្ធិ​អំណាច​សហគមន៍​មូលដ្ឋាន នៃ​សមាគម​អាដហុក (Adhoc) លោក ប៉ែន ប៊ុណ្ណា​រ៍ សង្កេត​ឃើញ​ថា មន្ត្រី​បរិស្ថាន និង​អាជ្ញាធរ​ខេត្ត មិន​បាន​យកចិត្តទុកដាក់ អនុវត្ត​ច្បាប់​ព្រៃឈើ​ឱ្យ​បាន​ពេញលេញ​នោះ​ទេ បើ​ទោះ​បី​ជា​សហគមន៍​ដាក់​ពាក្យ​ប្ដឹង​ជាច្រើន​ករណី​ក្ដី។ លោក​សង្ស័យ​ថា ការស៊ើបអង្កេត និង​ដោះស្រាយ​រឿង​នេះ អាច​មាន​អំពើពុករលួយ ក្នុង​ស្ថាប័ន​តុលាការ និង​សមត្ថកិច្ច​ពាក់ព័ន្ធ​មួយ​ចំនួន​ទៀត៖ «គាត់​ស៊ើប​បាន ១០ ទៅ ២០​នាក់ ដែល​កាប់​រាន​ដី​ព្រៃ​គាត់​ប្ដឹង​បណ្ដឹង​ដំបូង គាត់​ប្តឹង​មេឃុំ និង​មេភូមិ ជា​អ្នក​ដែល​លក់​ដី បន្ទាប់​មក​ទៀត​គាត់​ប្ដឹង​អ្នក​មក​ពី​ខាងក្រៅ ឬ​អ្នក​សហគមន៍​ទៅ​កាប់​រាន​ដី​ព្រៃ​សហគមន៍ យក​ម្នាក់ ២០ ទៅ ៣០​ហិកតារ ។ កាល​មុន​គាត់​ប្តឹង ១៥​នាក់ ហើយ​គាត់​កំពុង​តាម​ទៀត តើ​មាន​ឈ្មោះ​ណា​? ដែល​ពាក់ព័ន្ធ​កាប់​រាន​ដី​ព្រៃ​គាត់​ប្ដឹង​ទៀត​។ អ្នក​ដែល​ទទួលខុសត្រូវ​សំខាន់​បំផុត​គឺ​អភិបាលខេត្ត​ហ្នឹង​តែម្ដង»

ជនជាតិ​ដើម​ភាគតិច​ទំពួន បង្ហាញ​អារម្មណ៍​សោកស្ដាយ​ពី​វិនាសកម្ម​ព្រៃឈើ ដែល​ជា​ប្រភព​ចំណូល​សេដ្ឋកិច្ច​ជនជាតិ​ដើម​ភាគតិច​រាប់ពាន់​គ្រួសារ នៅ​តំបន់​នោះ បាន​បាត់បង់​ស្ទើរ​ទាំងស្រុង​នៅ​រយៈពេល​ប៉ុន្មាន​ឆ្នាំ​ចុងក្រោយ​នេះ​។ សកម្មភាព​កាប់​ទន្ទ្រាន​នោះ បាន​រាលដាល​ដល់​ទឹកអូរ​ធម្មជាតិ និង​ព្រៃ​ជំនឿ ដែល​ជា​កន្លែង​អ្នកភូមិ​ប្រមូល​អនុផល​ព្រៃឈើ កំពុង​ឈាន​ទៅ​រក​ការបាត់បង់​ទាំងស្រុង​នៅ​ពេល​ខ្លី​ខាងមុខ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

One Response to "ជនជាតិ​ដើម​ភាគតិច​ទំពួន​ខកចិត្ត​ចំពោះ​ការ​មិន​បង្ក្រាប​បទល្មើស​ព្រៃឈើ​ខេត្ត​រតនគិរី"

  1. so socheath says:

    Send to facebook
    អ្នកនយោបាយក្បាលទទូរសារុង!
    *******
    ពាក្យចំអករបស់ខ្មែរ ទៅលើដែគូរប្រជែងណាមួយ ដែលបានតែសម្តីអត់បានការ
    ហើយកំសាកញី គេតែងចំអកឲ្យថាជាមនុស្សក្បាលទទូរសារុង ដែលមានន័យថា
    ជាមនុស្សខ្លាំងក្នុងគ្រប ជាកង្កែបក្នុងអណ្តូង ជាមនុស្សដែលត្រូវមនុស្សស្រីដឹកមុខ
    និយាយរួមគឺជាមនុស្សចោលម្សៀតអត់បានការ ។យ៉ាងណាម៉ិញសមរង្ស៊ី គឺជាមនុស្ស
    បែបនេះ ។
    ពិតណាស់សមរង្ស៊ី ធ្វើនយោបាយ គឺចូលចិត្តប្រើក្បាច់មាត់ត្រីកំផ្លាញ។
    ជានិច្ចកាលភាពបង្កររឿង តាមនិយមន័យដំបៅមិនឈឺយកឈើចាក់ វាជាកត្តា
    យុទ្ធសាស្ត្រដែលសមរង្ស៊ីត្រូវប្រើជាប្រចាំខានមិនបាន ក្នុងន័យកេងចំណេញ
    នយោបាយផង និងដើម្បីបោកប្រាសយកលុយពីជនល្ងង់ខ្លៅនៅក្រៅប្រទេស តែ
    លោភលន់ចង់បានអំណាចផងតាមទិសស្លោកបោកប្រាសថាចូលរួមថវិកាជាមួយ
    សមរង្ស៊ីគឺស្នេហាជាតិ។ ព្រោះថាចូលលុយច្រើន ស្នេហាជាតិច្រើន ចូលលុយតិច
    ស្នេហាជាតិតិច ។
    ភាពជាអ្នកនយោបាយដែលស្មោះត្រង់ចំពោះជាតិនិងប្រជាជនមិនមានឡើយក្នុង
    ជម្រៅចិត្តសមរង្ស៊ី ដែលវាដូចគ្នា ជាមួយកឹមសុខាបេះដាក់។ តែថាអ្នកទាំងពីរនេះថ្វីត្បឹតចំណុចខាងលើដូចគ្នា តែមានភាពខុសគ្នាសម្រាប់ការប្រជែងយកអំណាចសម្រាប់បក្សពួករៀងខ្លួន។ ចំណុចនេះហើយដែលធ្វើឲ្យអតីតបក្សសង្គ្រោះជាតិ ដែលកើតចេញពីសម្ព័ន្ធភាព
    រវាងគណបក្សសមរង្ស៊ី និងគណបក្សសិទ្ធិមនុស្សរបស់កឹមសុខា មានការមិនសូវចុះ
    សម្រុងគ្នា ដែលកឹមសុខាបាននិយាយដោយបើកចំហរថា ជាតិជាអ្នកនយោបាយគឺ
    មានតែកឹមសុខាមួយគត់ ដែលអាមេរិកគាំទ្រនិងបង្ហាត់បង្រៀនយុទ្ធសាស្ត្រធ្វើនយោបាយដោយផ្ទាល់ចាប់តាំងពីឆ្នាំ១៩៩៣មក ដែលវាហាក់ជាសារព្រមានដល់សមរង្ស៊ីថា សូម្បីតែសមរង្ស៊ី ក៏មិនមែនជាដៃគូរខាងនយោបាយជាមួយកឹមសុខាដែរ ។
    ពិតហើយក្រោយពេលសមរង្ស៊ីរត់ចេញទៅក្រៅប្រទេស ដើម្បីគេចចេញពីផ្លូវច្បាប់នៅកម្ពុជា វាជាឱកាសដែលកឹមសុខា ត្រូវរុញច្រានសមរង្ស៊ីផ្ទប់គៀនជញ្ជាំង។
    រដ្ឋប្រហារក្នុងបក្សសង្គ្រោះជាតិបានចាប់បង្ខំឲ្យសមរង្ស៊ីឲ្យលាលែងចេញពីតំណែង
    ប្រធានគណបក្សសង្គ្រោះជាតិ និងពីសមាជិកភាពក្នុងបក្ស ប្រែក្លាយទៅជាជនសាមញ្ញ
    ធម្មតា។ តែថាការដើរនយោបាយឃុបឃឹតជាមួយបរទេសក្នុងការធ្វើបដិវត្តន៍ពណ៌ដើម្បី
    ផ្តួលរំលំរាជរដ្ឋាភិបាលស្របច្បាប់ ត្រូវបានបើកកកាយចេញពីមាត់កឹមសុខាដែលទើប
    ដណ្តើមតំណែង មេបក្សសង្គ្រោះជាតិ បានពីសមរង្ស៊ី ហើយក៏គាប់ជួនក្នុងពេលដែល
    គណបក្សសង្គ្រោះជាតិបានកើនអាសនៈបន្ថែមនៅក្នុងការបោះឆ្នោតក្រុមប្រឹក្សាឃុំសង្កាត់
    ជាមួយនយោបាយភូតភរបោកប្រាសសន្យាផ្តល់ថវិកា៥០ម៉ឺនដុល្លារសម្រាប់ឃុំសង្កាត់
    និមួយៗក្នុងមួយឆ្នាំ។ យើងសុំមិនរម្លឹកពីរឿងសន្យាបោកប្រាសទៀតទេ តែថាក្រោយ
    កឹមសុខា ត្រូវបានជាប់ទោស ពីបទសង្ស័យថាក្បត់ជាតិវាជាឱកាសសម្រាប់អ្នកនយោបាយទទូរសារុងសមរង្ស៊ីក្រោកឈរវិញដែរ ។
    ក្រោយសម្រេចជោគជ័យក្នុងការដណ្តើមតំណែងជាប្រធានបក្សបានមកវិញ សមរង្ស៊ី
    ដែលប្រាកដក្នុងចិត្តដោយច្បាស់ថា ខ្លួនសមរង្សីផ្ទាល់និងបក្សពួក ដែលកំពុងរត់ភៀស
    ខ្ឡួនទៅក្រៅប្រទេសគេចចេញពីសំណាញ់ច្បាប់ បន្ទាប់ពីបានកសាងកំហុសច្រើនស្អេកស្កះរាប់មិនអស់ក្នុងការចូលរួមដៃជាមួយកឹមសុខា ក្នុងការប្រព្រឹត្តអំពើក្បត់ជាតិ បានរៀបចំប្រើវិធីនយោបាយដើម្បីកេងចំណេញនយោបាយផង និងដើម្បីបោកប្រាសយកលុយពីជនល្ងង់ខ្លៅ
    នៅក្រៅប្រទេស តែលោភលន់ចង់បានអំណាចផងតាមទិសស្លោកបោកប្រាសថាចូលរួមថវិកាជាមួយសមរង្ស៊ីគឺស្នេហាជាតិ។
    យើងមិនបដិសេធទេថា ក្នុងសកម្មភាពនយោបាយកន្លងមក សមរង្ស៊ី និងកឹមសុខា ទោះបី
    បានប្រើមហិច្ឆិតាដណ្តើមអំណាចគ្នាទៅវិញទៅមកក្នុងបក្សសង្គ្រោះជាតិក្តី តែដើម្បីមាន
    កម្លាំងផ្តួលរំលំគណបក្សប្រជាជនកម្ពុជាដែលចាគណបក្សកាន់អំណាច ពួកគេបានកសាង
    កម្លាំងប្រតិកិរិយារបស់ពួកគេបានខ្លះ ដែលកម្លាំងទាំងនោះ មានខ្លះនៅក្នុងកម្លាំង
    ប្រដាប់អាវុធ ជាយោធា នគរបាល ជាគ្រូបង្រៀន ជាគ្រូពេទ្យ មួយចំនួននៅតាម
    ស្ថាប័នក្រសួង មន្ទីរនិងក្នុងចំណោមសកម្មជនមូដ្ខាន ដែលពួកអ្នកទាំងនោះ សុទ្ធជាអ្នក
    លោភលន់ខាងបុណ្យសក្តិ ដើម្បីមុខមាត់ ហើយបើពួកគេឈរចំកន្លែងដែលអាចមួលក
    ប្រជាពលរដ្ឋទាញយកប្រយោជន៍សម្រាប់ពួកគេទៀតនោះ ពួកគេរឹតតែមិនខ្លាចក្នុងការធ្វើ
    សកម្មភាពដើម្បីទាញយកប្រយោជន៍ឲ្យពួកគេសម្រាប់ការទម្លាក់កំហុស ដាក់លើការ
    គ្រប់គ្រងរបស់រាជរដ្ឋាភិបាល ដែលក្នុងនោះក៏មានការចូលរួមក្នុងសកម្មភាពបែបនេះ ពី
    សំណាក់សង្គមស៊ីវិល អង្គការសហជីព ដែលមាននិន្នាការប្រឆាំងរដ្ឋាលផងដែរ ។
    សំអាងលើកម្លាំងប្រតិកិរិយាក្នុងប្រទេសបែបនេះ ទើបម្តងហើយម្តងទៀត សមរង្ស៊ី បាន
    ធ្វើការអំពាវនាវឲ្យកម្លាំងប្រដាប់អាវុធ ក៏ដូចជាកម្លាំងផ្សេងទៀត ដែលពួកគេបានកសាងនៅ
    មូលដ្ឋាន ឲ្យក្រោកឈរប្រឆាំងរដ្ឋាភិបាល ប៉ុន្តែសមរង្ស៊ីប្រហែលភ្លេចគឹតថា ទង្វើក្បត់ជាតិ
    ដែលសមរង្ស៊ីនិងបក្សពួកបានសាងឡើង មិនអាចទាក់ទាញទឹកចិត្តពួកគេបានទៀតឡើយ
    ទោះបីសមរង្សីបញ្ជូនសកម្មជនពីប្រទេសថៃឲ្យមកភ្ជាប់ទំនាក់ទំនងខ្សែរយះរបស់ខ្លួនក្តី ។
    នៅមានសកម្មជនឃ្លានអំណាច តែឆោតល្ងង់ខ្លះក្នុងប្រទេស បានបញ្ចេញភាពហក់កញ្ឆេង
    បញ្ចើចបញ្ជោរសមរង្សី ឲ្យមានសេចក្តីក្លាហានហានវិលត្រឡប់មកកាន់កម្ពុជាវិញ ។
    ពួកគេបានធ្វើឱកាសជួបជុំ ឃោសនានយោបាយ តាមរយះការស៊ីនំបញ្ចុក ការជប់លៀង
    ដែលគ្មានកម្មវិធី ដោយផ្អែកលើពាក្យ សេរីភាព សិទ្ធិមនុស្ស ប្រជាធិបតេយ្យ តាមការបន្ទរ
    អុចអាលពីសំនាក់សង្គមស៊ីវិលដែលមាននិន្នាការប្រឆាំងរដ្ឋាភិបាល ដោយភ្លេច
    គឹតពីផ្លូវច្បាប់របស់ជាតិ ។ សកម្មភាពបែបនេះហើយ ទើបជម្រុញឲ្យសមរង្ស៊ី និងបក្សពួកអន្ទោកអន្ទោលចង់វិលត្រឡប់មកកម្ពុជាវិញ ហើយដែលការចង់នេះ ធ្វើឡើងក្នុងជំនឿមួយ សម្រាប់បរិបទដែលមិនសមហេតុផល។
    ជាមួយជំនឿលង់ប្រកបដោយអំនួត ផ្តល់ឲ្យពីភាពហៃអើពីសំណាក់សកម្មជនអតីត
    គណៈបក្សសង្គ្រោះជាតិ ដែលត្រូវរំលាយ ចោលដោយតុលាការអាស្រ័យលើទោសកំហុសក្បត់ជាតិដែលនៅសេសសល់ បូកផ្សំនិងការអន្ទងពីសំណាក់កឹមសុខាដែលកំពុងជាប់ពិរុទ្ធពីទោសក្បត់ជាតិ រៀបចំធ្វើបដិវត្តន៍ពណ៌តាមការបង្រៀននឹងបង្គាប់បញ្ជាពីជនបរទេស ដើម្បី
    ផ្តួលរំលំរដ្ឋាភិបានស្របច្បាប់នៃកម្ពុជា ដែលថា បើមានមេដឹកនាំទាំងពីរមកជាប់ទោសរួមគ្នានៅកម្ពុជា នឹងធ្វើឲ្យមានការកែប្រែស្ថានការណ៍នយោបាយនៅកម្ពុជា ដែលនាំដល់ការរស់
    ឡើងវិញសម្រាប់គណបក្សសង្គ្រោះជាតិនោះ វាជាការវាយតម្លៃខុស ហើយក៏បង្ហាញយ៉ាងច្បាស់ថា ខួរក្បាលសមរង្ស៊ី គឺជាខួរក្បាលអ្នកនយោបាយទទូរសារ៉ុង ។
    បើយើងចាំមិនភ្លេច កឹមសុខាដែលកាលនោះ បានគេចវេសពីពីសំណាញ់ច្បាប់ ទាក់ទង
    នឹងអំពើឆបោករួមសង្វាស ហើយដែលបានប្តឹងដោយសាម៉ីខ្លួនស្ត្រីផ្ទាល់ ហើយដែលបានពួនសម្ងំលាក់ខ្លួនក្នុងទីស្នាក់ការគណបក្សសង្គ្រោះជាតិយ៉ាងយូរ ពិតជាមានសកម្មជនជាច្រើនរយនាក់ នៃគណៈបក្សនេះ មកដេកយាមការពារដោយប្រាកដមែន ។ តែថាពេលចាប់ខ្លួនកឹមសុខាពីទោសក្បត់ជាតិ សួរថា តើសភាពនៃការប្រែប្រួលពីសំណាក់កម្លាំងគាំទ្រនៃ
    បក្សនេះទៅជាយ៉ាងណា ។ វាពិតជាគ្មានកម្លាំឯណាមកគាំទ្រទៀតទេ ត្បឹតពួកគេដឹង
    ច្បាស់ថាកឹមសុខាគឹជាជនក្បត់ជាតិ។ ដូច្នេះការប្រព្រឹត្តណាមួយ ដើម្បីគាំទ្រសមរង្ស៊ីនិងបក្សពួកដែលជាជនក្បត់ជាតិមិនខុសអីពីពួកគេទាំងនោះ បានដាក់ខ្លួនចំពោះមុខច្បាប់ ថាពួកគេ
    គឺជាជនក្បត់ជាតិដែរនោះទេ ។
    វាគ្មានការឃាត់ឃាំងណាមួយ ចំពោះជនក្បត់ជាតិសមរង្ស៊ីនិងបក្សពួក ក្នុងការវិលត្រឡប់
    ចូលកម្ពុជាវិញនោះទេ ។
    តែថាពួកអ្នកទាំងនោះសុទ្ធតែមានសាលដីការបស់តុលាការត្រូវចាប់ខ្លួនដើម្បីផ្តន្ទារទោស
    តាមកំហុសដែលពួកគេបានប្រព្រឹត្តក្នុងអំពើក្បត់ជាតិ។
    វាជាការល្អសម្រាប់ជំនឿងលង់ពេញដោយអំនួត របស់សមរង្ស៊ីនិងបក្សពួក ដែលយល់ខុស
    ពីស្ថានភាពបច្ចុប្បន្ននិងអតីត ដែលសមរង្ស៊ី បានទទួលនូវការលើកលែងទោសពីអង្គ
    ព្រះមហាក្សត្រ តាមការស្នើសុំពីសំណាក់នាយករដ្ឋមន្ត្រីនៃកម្ពុជា សម្តេចអគ្គមហាសេនាបតីតេជោហ៊ុន សែន ។
    ច្បាប់នឹងបង់តែមួយសំណាញ់ ក្រសោបយកក្រុមជនក្បត់ជាតិទាំងនេះ មកកាត់ទោសតាមច្បាប់ ហើយសន្តិភាពជាតិសុខសុវត្ថិភាពសង្គម និងបន្តល្អប្រសើរទ្វេរឡើងថែមទៀត
    ក្នុងពេលដែលគ្មានវត្តមានជនក្បត់ជាតិទាំងនេះ៕