ប៉ូលិស​ជាច្រើន​នាក់​អុកឡុក​រំខាន​សកម្មជន​បក្ស​ប្រឆាំង​ក្នុង​ពិធី​កាន់បិណ្ឌ​នៅ​ក្រុង​ប៉ោយប៉ែត

ដោយ ថន ថារ៉ូ
2019-09-14
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

សកម្មជន​គណបក្ស សង្គ្រោះ​ជាតិ ខេត្ត​បន្ទាយមានជ័យ ជួប​ជុំ​គ្នា​ពង្រឹង​សាមគ្គីភាព​នៅ​ភូមិ​ចាន់គិរី សង្កាត់​ប៉ោយប៉ែត ខេត្ត​បន្ទាយមានជ័យ កាល​ពី​ព្រឹក​ថ្ងៃ​ទី១ ខែ​មករា ឆ្នាំ២០១៩។ រូបថត៖ ដោយ​ប្រជាពលរដ្ឋ
សកម្មជន​គណបក្ស សង្គ្រោះ​ជាតិ ខេត្ត​បន្ទាយមានជ័យ ជួប​ជុំ​គ្នា​ពង្រឹង​សាមគ្គីភាព​នៅ​ភូមិ​ចាន់គិរី សង្កាត់​ប៉ោយប៉ែត ខេត្ត​បន្ទាយមានជ័យ កាល​ពី​ព្រឹក​ថ្ងៃ​ទី១ ខែ​មករា ឆ្នាំ២០១៩។ រូបថត៖ ដោយ​ប្រជាពលរដ្ឋ


សកម្មជន​គណបក្សប្រឆាំង​នៅ​ក្រុង​ប៉ោយប៉ែត ខេត្ត​បន្ទាយមានជ័យ ចោទប្រកាន់​មន្ត្រី​ប៉ូលិស​ក្រុង​នេះ​ថា បាន​នាំ​កម្លាំង​ប៉ូលិស​ជាច្រើន​នាក់​អុកឡុក​រំខាន​ដល់​ការ​ធ្វើ​បុណ្យទាន​របស់​ពួកគាត់​នៅ​ក្នុង​វត្ត ធ្វើ​ឱ្យ​ពួកគេ មានការ​ភ័យខ្លាច​មិន​អាច​ធ្វើបុណ្យ​កាន់បិណ្ឌ​ឱ្យ​បាន​ត្រឹមត្រូវ​តាម​ព្រះពុទ្ធសាសនា​ឡើយ​។ មន្ត្រី​អង្គការ​សង្គម​ស៊ីវិល ចាត់​ទុក​ទង្វើ​របស់​សមត្ថកិច្ច​នេះ​ថា ជា​ការ​គំរាមកំហែង​បិទ​សិទ្ធ​សេរីភាព​របស់​ប្រជាពលរដ្ឋ​ដោយ​ខុសច្បាប់។

សកម្មជន​គណបក្ស​សង្គ្រោះ​ជាតិ​សង្កាត់​ប៉ោយប៉ែត លោកស្រី ឆាំ ស្រីណែត ប្រាប់​អាស៊ីសេរី​នៅ​ព្រឹក​ថ្ងៃ ទី​១៤ កញ្ញា​ថា សកម្មជន​គណបក្សប្រឆាំង​ប្រមាណ ៥០​នាក់​បាន​រួមគ្នា​ធ្វើបុណ្យ​កាន់បិណ្ឌ​វេន​ទី​១ នៅ​វត្ត​ទំនប់​ក​៥ នៅ​សង្កាត់​ប៉ោយប៉ែត នៅ​ព្រឹក​ថ្ងៃ ទី​១៤ កញ្ញា​។

លោកស្រី​បន្ថែម​ថា មន្ត្រី​ប៉ូលិស​ក្រុង​ប៉ោយប៉ែត​ប្រមាណ ៣០​នាក់ មាន​ស្លៀកពាក់​ឯកសណ្ឋាន​ប៉ូលិស និង​ពាក់​ស៊ីវិល ចូល​ទៅ​អុកឡុក​រំខាន​ដល់​ពួកគាត់ ដូចជា​ការ​តាម​ថត​ពួកគាត់​កំពុង​ធ្វើបុណ្យ ឱ្យ​ពួកគាត់​ភ័យខ្លាច និង​នាំគ្នា​ប្រញាប់​បញ្ចប់​បុណ្យ​យ៉ាង​តក់ក្រហល់ ដើម្បី​រត់គេច​ទៅផ្ទះ​រៀងៗ ខ្លួន​។ សកម្មជន​បក្ស​ប្រឆាំង​រូប​នេះ អះអាង​ទៀត​ថា មូលហេតុ​ដែល​ពួកគេ​ប្រញាប់​បញ្ចប់​បុណ្យ​ដោយសារ​ប៉ូលិស​តាម​ពួកគាត់​ជាប់​ធ្វើ​ឱ្យ​ពិបាក​ក្នុង​ការ​និយាយ​ទាក់ទង​គ្នា៖ «ខ្ញុំ​មានការ​ភ្ញាក់ផ្អើល ហើយ​ម្នាក់ៗ​មានការ​ភ័យខ្លាច យើង​មក​ធ្វើបុណ្យ​ដល់​អីចឹង​ឃើញ​អីចឹង​យើង​ភ័យខ្លាច​ធ្វើបុណ្យ​មិន​ពេញ​ដៃ​ពេញ​ជើង​ទេ​។ ខ្ញុំ​គិត​ថា វា​រំលោភ​សិទ្ធិ​ខ្ញុំ​ពេក ព្រោះ​ថា គ្រាន់តែ​ពួក​ខ្ញុំ​ទៅ​ធ្វើ​បុណ្យ​សមត្ថកិច្ច​មក​ធ្វើ​បែប​នេះ​តើ​ចាត់​ទុក​ខ្ញុំ​ជា​ចោរ​ឬ? បានជា​មក​តាមដាន​ពួក​ខ្ញុំ វា​អត់​សម​ទេ។ មិន​សម​ត្រង់​ថា មក​លួច​ថត​ពួក​ខ្ញុំ ហើយ​បង្កប់​មនុស្ស​តាមដាន​ខ្ញុំ​ធ្វើ​ឱ្យ​មិន​អាច​ជួប​ជជែក​គ្នា​លែង​បាន»

អាស៊ីសេរី​មិន​អាច​ទាក់ទង​អធិការរង​នៃ​នគរបាល​ក្រុង​ប៉ោយប៉ែត​ទទួលបន្ទុក​ផ្នែក​ព្រហ្មទណ្ឌ លោក ព្រហ្ម ពិសិដ្ឋ ដើម្បី​សុំ​អត្ថាធិប្បាយ​ជុំវិញ​បញ្ហា​នេះ​បានទេ នៅ​ថ្ងៃ​ទី​១៤ កញ្ញា ដោយសារ​ទូរស័ព្ទ​ចូល​ជា​ច្រើនដង​ពុំ​មាន​អ្នកទទួល។

ប៉ុន្តែ​អ្នកនាំពាក្យ​គណបក្ស​ប្រជាជន​កម្ពុជា​លោក សុខ ឥសាន មានប្រសាសន៍ថា មន្ត្រី​ប៉ូលិស​ចូល​នៅ​ក្នុង​វត្ត ដើម្បី​ទៅ​ការពារ​សន្តិសុខ​ជូន​ពលរដ្ឋ​ធ្វើ​បុណ្យទាន​នៅ​ក្នុង​ឱកាស​បុណ្យកាន់បិណ្ឌ គឺ​មិនមែន​ជា​ការ​ទៅ​អុកឡុក​ប្រជាពលរដ្ឋ ដូច​ការ​ចោទ​ប្រកាន់​របស់​សកម្មជន​បក្ស​ប្រឆាំង​ឡើយ៖ «បើ​ទៅ​ធ្វើ​បុណ្យ​ទៅ​ជួបជុំគ្នា​ចាំ​ទៅ​ទទួល​លោក សម រង្ស៊ី អី​គឺ​វា​ខុសច្បាប់​ហើយ តែ​បើ​គេ​ជួប​គ្នា​វត្ត​ពេញៗ​សាលាឆាន់​វា​អត់​មាន​បញ្ហា​អី​ទេ ខ្ញុំ​ធានា​១០០​ភាគរយ​គឺ អត់​មាន​បញ្ហា​អី​ទេ​បើ​យើង​ទៅ​ធ្វើ​បុណ្យ​ដោយ​ស្មោះ​ស្ម័គ្រ តែ​បើ​យើង​ធ្វើបុណ្យ​ឆ្លៀត​យក​ឱកាស​ដើម្បី​ប្រមូលផ្ដុំ​សកម្មជន​ណា​ទៅ​ទទួល​លោក សម រង្ស៊ី វា​ខុសច្បាប់​ហើយ»

អ្នកនាំពាក្យ​សមាគម​ការពារ​សិទ្ធិមនុស្ស អាដហុក (Adhoc) លោក សឹង សែនករុណា លើកឡើង​ថា ករណី​មន្ត្រី​ប៉ូលិស​ដ៏​ច្រើន​បែន​នេះ គឺជា​ការ​គំរាមកំហែង​បិទ​សិទ្ធិ​សេរីភាព​ក្នុង​ការ​ជួប​ប្រជុំ​គ្នា​ធ្វើបុណ្យ​ទាន​របស់​ពលរដ្ឋ ដែល​បាន​កំណត់​នៅ​ក្នុង​រដ្ឋធម្មនុញ្ញ​។ លោក​បន្ត​ថា កន្លង​មក​រដូវ​បុណ្យកាន់បិណ្ឌ​ម្ដងៗ ពុំ​មាន​ការ​ដាក់​ប៉ូលិស​តាម​វត្ត​អារាម​ដ៏​ច្រើនបែប​នេះ​ឡើយ គឺ​លើកលែងតែ​វត្ត​ណា ដែល​មាន​ថ្នាក់ដឹកនាំ​ជាន់ខ្ពស់​របស់​រដ្ឋាភិបាល​ទៅ​ធ្វើ​បុណ្យ​នៅ​ទីនោះ​ប៉ុណ្ណោះ៖ «អីចឹង​បើសិនជា​សមត្ថកិច្ច​ណា​ធ្វើអំពើ​ផ្ទុយ​ពី​ច្បាប់​បែបនេះ គួរតែ​មាន​អាជ្ញាធរ​ថ្នាក់​ជាតិ​ត្រួត​ពិនិត្យមើល​សកម្មភាព​ក្រុម​មន្ត្រី​ទាំងនោះ គួរតែ​មាន​វិធានការ​ដើម្បី​ដាក់​វិន័យ​រដ្ឋបាល​ទៅលើ​ជន​ទាំងអស់​នោះ មិន​គួរ​បណ្ដោយ​ឱ្យ​បញ្ហា​បែបនេះ​កើតឡើង​ធ្វើ​ឱ្យ​ពលរដ្ឋ​ភ័យខ្លាច​នោះ​ទេ»

មន្ត្រី​សង្គម​ស៊ីវិល​រូប​នេះ កត់សំគាល់​ទៀត​ថា ការ​ដាក់​កងកម្លាំង​ដ៏​ច្រើន​នេះ មិនមែន​មានតែ​នៅ​ក្នុង​ប៉ោយប៉ែត​នោះ​ទេ គឺជា​ការ​ធ្វើ​ឡើងជា​ប្រព័ន្ធ​នូវ​ចំណុច​គោល​ទាំងឡាយ ដែល​មាន​សកម្មជន​គណបក្ស​ប្រឆាំង​ចូលរួម​ធ្វើបុណ្យ​ច្រើន​។ លោក​បន្ត​ថា ការ​ធ្វើ​បែបនេះ​ដោយសារ​អាជ្ញាធរ​ភ័យ​ព្រួយ​ខ្លាច​សកម្មជន​បក្ស​ប្រឆាំង ជួបជុំគ្នា​ធ្វើ​សកម្មភាព​នយោបាយ​ពង្រឹង​សាមគ្គីភាព​គ្នា​ចាំ​ទទួល​លោក សម រង្ស៊ី ដែល​គ្រោង​វិល​ចូល​ស្រុក​វិញ​នៅ​ថ្ងៃ​ទី​៩ វិច្ឆិកា​ខាងមុខ​។ លោក សឹង សែន​ករុណា បញ្ជាក់​ថា ការ​រឹតត្បិត​បែបនេះ មិនមែន​ជា​ដំណោះស្រាយ​នយោបាយ​ទេ ផ្ទុយទៅវិញ គឺ​កាន់តែ​ធ្វើ​ឱ្យ​ប្រជាពលរដ្ឋ​អ្នកគាំទ្រ​បក្ស​ប្រឆាំង​ជិត​កន្លះ​នគរ​កាន់តែ​ក្ដៅក្រហាយ ហើយ​អាច​នឹង​ងើប​តវ៉ា​ប្រឆាំង​នឹង​រដ្ឋាភិបាល​នៅ​ថ្ងៃ​ខាងមុខ​ជាមិនខាន​។ មន្ត្រី​សង្គម​ស៊ីវិល​រូប​នេះ ទទូច​​ដល់​​មេដឹកនាំ​គណបក្ស​កាន់​អំណាច និង​គណបក្សប្រឆាំង ឱ្យ​​គិតគូរ​ពី​ប្រយោជន៍​ជាតិ​ជាធំ ហើយ​ងាក​មក​រក​តុ​ចរចា​គ្នា​បញ្ចប់​វិបត្តិ​នយោបាយ​នៅ​កម្ពុជា​ឱ្យ​បាន​ឆាប់ ទើប​ប្រសើរ​ជាង​ការ​ឈ្លោះ​គ្នា​នាំ​ឱ្យ​ខាតបង់​ដល់​សេដ្ឋកិច្ច​ជាតិ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

One Response to "ប៉ូលិស​ជាច្រើន​នាក់​អុកឡុក​រំខាន​សកម្មជន​បក្ស​ប្រឆាំង​ក្នុង​ពិធី​កាន់បិណ្ឌ​នៅ​ក្រុង​ប៉ោយប៉ែត"

  1. so socheath says:

    Send to facebook
    អ្នកនយោបាយក្បាលទទូរសារុង!
    *******
    ពាក្យចំអករបស់ខ្មែរ ទៅលើដែគូរប្រជែងណាមួយ ដែលបានតែសម្តីអត់បានការ
    ហើយកំសាកញី គេតែងចំអកឲ្យថាជាមនុស្សក្បាលទទូរសារុង ដែលមានន័យថា
    ជាមនុស្សខ្លាំងក្នុងគ្រប ជាកង្កែបក្នុងអណ្តូង ជាមនុស្សដែលត្រូវមនុស្សស្រីដឹកមុខ
    និយាយរួមគឺជាមនុស្សចោលម្សៀតអត់បានការ ។យ៉ាងណាម៉ិញសមរង្ស៊ី គឺជាមនុស្ស
    បែបនេះ ។
    ពិតណាស់សមរង្ស៊ី ធ្វើនយោបាយ គឺចូលចិត្តប្រើក្បាច់មាត់ត្រីកំផ្លាញ។
    ជានិច្ចកាលភាពបង្កររឿង តាមនិយមន័យដំបៅមិនឈឺយកឈើចាក់ វាជាកត្តា
    យុទ្ធសាស្ត្រដែលសមរង្ស៊ីត្រូវប្រើជាប្រចាំខានមិនបាន ក្នុងន័យកេងចំណេញ
    នយោបាយផង និងដើម្បីបោកប្រាសយកលុយពីជនល្ងង់ខ្លៅនៅក្រៅប្រទេស តែ
    លោភលន់ចង់បានអំណាចផងតាមទិសស្លោកបោកប្រាសថាចូលរួមថវិកាជាមួយ
    សមរង្ស៊ីគឺស្នេហាជាតិ។ ព្រោះថាចូលលុយច្រើន ស្នេហាជាតិច្រើន ចូលលុយតិច
    ស្នេហាជាតិតិច ។
    ភាពជាអ្នកនយោបាយដែលស្មោះត្រង់ចំពោះជាតិនិងប្រជាជនមិនមានឡើយក្នុង
    ជម្រៅចិត្តសមរង្ស៊ី ដែលវាដូចគ្នា ជាមួយកឹមសុខាបេះដាក់។ តែថាអ្នកទាំងពីរនេះថ្វីត្បឹតចំណុចខាងលើដូចគ្នា តែមានភាពខុសគ្នាសម្រាប់ការប្រជែងយកអំណាចសម្រាប់បក្សពួករៀងខ្លួន។ ចំណុចនេះហើយដែលធ្វើឲ្យអតីតបក្សសង្គ្រោះជាតិ ដែលកើតចេញពីសម្ព័ន្ធភាព
    រវាងគណបក្សសមរង្ស៊ី និងគណបក្សសិទ្ធិមនុស្សរបស់កឹមសុខា មានការមិនសូវចុះ
    សម្រុងគ្នា ដែលកឹមសុខាបាននិយាយដោយបើកចំហរថា ជាតិជាអ្នកនយោបាយគឺ
    មានតែកឹមសុខាមួយគត់ ដែលអាមេរិកគាំទ្រនិងបង្ហាត់បង្រៀនយុទ្ធសាស្ត្រធ្វើនយោបាយដោយផ្ទាល់ចាប់តាំងពីឆ្នាំ១៩៩៣មក ដែលវាហាក់ជាសារព្រមានដល់សមរង្ស៊ីថា សូម្បីតែសមរង្ស៊ី ក៏មិនមែនជាដៃគូរខាងនយោបាយជាមួយកឹមសុខាដែរ ។
    ពិតហើយក្រោយពេលសមរង្ស៊ីរត់ចេញទៅក្រៅប្រទេស ដើម្បីគេចចេញពីផ្លូវច្បាប់នៅកម្ពុជា វាជាឱកាសដែលកឹមសុខា ត្រូវរុញច្រានសមរង្ស៊ីផ្ទប់គៀនជញ្ជាំង។
    រដ្ឋប្រហារក្នុងបក្សសង្គ្រោះជាតិបានចាប់បង្ខំឲ្យសមរង្ស៊ីឲ្យលាលែងចេញពីតំណែង
    ប្រធានគណបក្សសង្គ្រោះជាតិ និងពីសមាជិកភាពក្នុងបក្ស ប្រែក្លាយទៅជាជនសាមញ្ញ
    ធម្មតា។ តែថាការដើរនយោបាយឃុបឃឹតជាមួយបរទេសក្នុងការធ្វើបដិវត្តន៍ពណ៌ដើម្បី
    ផ្តួលរំលំរាជរដ្ឋាភិបាលស្របច្បាប់ ត្រូវបានបើកកកាយចេញពីមាត់កឹមសុខាដែលទើប
    ដណ្តើមតំណែង មេបក្សសង្គ្រោះជាតិ បានពីសមរង្ស៊ី ហើយក៏គាប់ជួនក្នុងពេលដែល
    គណបក្សសង្គ្រោះជាតិបានកើនអាសនៈបន្ថែមនៅក្នុងការបោះឆ្នោតក្រុមប្រឹក្សាឃុំសង្កាត់
    ជាមួយនយោបាយភូតភរបោកប្រាសសន្យាផ្តល់ថវិកា៥០ម៉ឺនដុល្លារសម្រាប់ឃុំសង្កាត់
    និមួយៗក្នុងមួយឆ្នាំ។ យើងសុំមិនរម្លឹកពីរឿងសន្យាបោកប្រាសទៀតទេ តែថាក្រោយ
    កឹមសុខា ត្រូវបានជាប់ទោស ពីបទសង្ស័យថាក្បត់ជាតិវាជាឱកាសសម្រាប់អ្នកនយោបាយទទូរសារុងសមរង្ស៊ីក្រោកឈរវិញដែរ ។
    ក្រោយសម្រេចជោគជ័យក្នុងការដណ្តើមតំណែងជាប្រធានបក្សបានមកវិញ សមរង្ស៊ី
    ដែលប្រាកដក្នុងចិត្តដោយច្បាស់ថា ខ្លួនសមរង្សីផ្ទាល់និងបក្សពួក ដែលកំពុងរត់ភៀស
    ខ្ឡួនទៅក្រៅប្រទេសគេចចេញពីសំណាញ់ច្បាប់ បន្ទាប់ពីបានកសាងកំហុសច្រើនស្អេកស្កះរាប់មិនអស់ក្នុងការចូលរួមដៃជាមួយកឹមសុខា ក្នុងការប្រព្រឹត្តអំពើក្បត់ជាតិ បានរៀបចំប្រើវិធីនយោបាយដើម្បីកេងចំណេញនយោបាយផង និងដើម្បីបោកប្រាសយកលុយពីជនល្ងង់ខ្លៅ
    នៅក្រៅប្រទេស តែលោភលន់ចង់បានអំណាចផងតាមទិសស្លោកបោកប្រាសថាចូលរួមថវិកាជាមួយសមរង្ស៊ីគឺស្នេហាជាតិ។
    យើងមិនបដិសេធទេថា ក្នុងសកម្មភាពនយោបាយកន្លងមក សមរង្ស៊ី និងកឹមសុខា ទោះបី
    បានប្រើមហិច្ឆិតាដណ្តើមអំណាចគ្នាទៅវិញទៅមកក្នុងបក្សសង្គ្រោះជាតិក្តី តែដើម្បីមាន
    កម្លាំងផ្តួលរំលំគណបក្សប្រជាជនកម្ពុជាដែលចាគណបក្សកាន់អំណាច ពួកគេបានកសាង
    កម្លាំងប្រតិកិរិយារបស់ពួកគេបានខ្លះ ដែលកម្លាំងទាំងនោះ មានខ្លះនៅក្នុងកម្លាំង
    ប្រដាប់អាវុធ ជាយោធា នគរបាល ជាគ្រូបង្រៀន ជាគ្រូពេទ្យ មួយចំនួននៅតាម
    ស្ថាប័នក្រសួង មន្ទីរនិងក្នុងចំណោមសកម្មជនមូដ្ខាន ដែលពួកអ្នកទាំងនោះ សុទ្ធជាអ្នក
    លោភលន់ខាងបុណ្យសក្តិ ដើម្បីមុខមាត់ ហើយបើពួកគេឈរចំកន្លែងដែលអាចមួលក
    ប្រជាពលរដ្ឋទាញយកប្រយោជន៍សម្រាប់ពួកគេទៀតនោះ ពួកគេរឹតតែមិនខ្លាចក្នុងការធ្វើ
    សកម្មភាពដើម្បីទាញយកប្រយោជន៍ឲ្យពួកគេសម្រាប់ការទម្លាក់កំហុស ដាក់លើការ
    គ្រប់គ្រងរបស់រាជរដ្ឋាភិបាល ដែលក្នុងនោះក៏មានការចូលរួមក្នុងសកម្មភាពបែបនេះ ពី
    សំណាក់សង្គមស៊ីវិល អង្គការសហជីព ដែលមាននិន្នាការប្រឆាំងរដ្ឋាលផងដែរ ។
    សំអាងលើកម្លាំងប្រតិកិរិយាក្នុងប្រទេសបែបនេះ ទើបម្តងហើយម្តងទៀត សមរង្ស៊ី បាន
    ធ្វើការអំពាវនាវឲ្យកម្លាំងប្រដាប់អាវុធ ក៏ដូចជាកម្លាំងផ្សេងទៀត ដែលពួកគេបានកសាងនៅ
    មូលដ្ឋាន ឲ្យក្រោកឈរប្រឆាំងរដ្ឋាភិបាល ប៉ុន្តែសមរង្ស៊ីប្រហែលភ្លេចគឹតថា ទង្វើក្បត់ជាតិ
    ដែលសមរង្ស៊ីនិងបក្សពួកបានសាងឡើង មិនអាចទាក់ទាញទឹកចិត្តពួកគេបានទៀតឡើយ
    ទោះបីសមរង្សីបញ្ជូនសកម្មជនពីប្រទេសថៃឲ្យមកភ្ជាប់ទំនាក់ទំនងខ្សែរយះរបស់ខ្លួនក្តី ។
    នៅមានសកម្មជនឃ្លានអំណាច តែឆោតល្ងង់ខ្លះក្នុងប្រទេស បានបញ្ចេញភាពហក់កញ្ឆេង
    បញ្ចើចបញ្ជោរសមរង្សី ឲ្យមានសេចក្តីក្លាហានហានវិលត្រឡប់មកកាន់កម្ពុជាវិញ ។
    ពួកគេបានធ្វើឱកាសជួបជុំ ឃោសនានយោបាយ តាមរយះការស៊ីនំបញ្ចុក ការជប់លៀង
    ដែលគ្មានកម្មវិធី ដោយផ្អែកលើពាក្យ សេរីភាព សិទ្ធិមនុស្ស ប្រជាធិបតេយ្យ តាមការបន្ទរ
    អុចអាលពីសំនាក់សង្គមស៊ីវិលដែលមាននិន្នាការប្រឆាំងរដ្ឋាភិបាល ដោយភ្លេច
    គឹតពីផ្លូវច្បាប់របស់ជាតិ ។ សកម្មភាពបែបនេះហើយ ទើបជម្រុញឲ្យសមរង្ស៊ី និងបក្សពួកអន្ទោកអន្ទោលចង់វិលត្រឡប់មកកម្ពុជាវិញ ហើយដែលការចង់នេះ ធ្វើឡើងក្នុងជំនឿមួយ សម្រាប់បរិបទដែលមិនសមហេតុផល។
    ជាមួយជំនឿលង់ប្រកបដោយអំនួត ផ្តល់ឲ្យពីភាពហៃអើពីសំណាក់សកម្មជនអតីត
    គណៈបក្សសង្គ្រោះជាតិ ដែលត្រូវរំលាយ ចោលដោយតុលាការអាស្រ័យលើទោសកំហុសក្បត់ជាតិដែលនៅសេសសល់ បូកផ្សំនិងការអន្ទងពីសំណាក់កឹមសុខាដែលកំពុងជាប់ពិរុទ្ធពីទោសក្បត់ជាតិ រៀបចំធ្វើបដិវត្តន៍ពណ៌តាមការបង្រៀននឹងបង្គាប់បញ្ជាពីជនបរទេស ដើម្បី
    ផ្តួលរំលំរដ្ឋាភិបានស្របច្បាប់នៃកម្ពុជា ដែលថា បើមានមេដឹកនាំទាំងពីរមកជាប់ទោសរួមគ្នានៅកម្ពុជា នឹងធ្វើឲ្យមានការកែប្រែស្ថានការណ៍នយោបាយនៅកម្ពុជា ដែលនាំដល់ការរស់
    ឡើងវិញសម្រាប់គណបក្សសង្គ្រោះជាតិនោះ វាជាការវាយតម្លៃខុស ហើយក៏បង្ហាញយ៉ាងច្បាស់ថា ខួរក្បាលសមរង្ស៊ី គឺជាខួរក្បាលអ្នកនយោបាយទទូរសារ៉ុង ។
    បើយើងចាំមិនភ្លេច កឹមសុខាដែលកាលនោះ បានគេចវេសពីពីសំណាញ់ច្បាប់ ទាក់ទង
    នឹងអំពើឆបោករួមសង្វាស ហើយដែលបានប្តឹងដោយសាម៉ីខ្លួនស្ត្រីផ្ទាល់ ហើយដែលបានពួនសម្ងំលាក់ខ្លួនក្នុងទីស្នាក់ការគណបក្សសង្គ្រោះជាតិយ៉ាងយូរ ពិតជាមានសកម្មជនជាច្រើនរយនាក់ នៃគណៈបក្សនេះ មកដេកយាមការពារដោយប្រាកដមែន ។ តែថាពេលចាប់ខ្លួនកឹមសុខាពីទោសក្បត់ជាតិ សួរថា តើសភាពនៃការប្រែប្រួលពីសំណាក់កម្លាំងគាំទ្រនៃ
    បក្សនេះទៅជាយ៉ាងណា ។ វាពិតជាគ្មានកម្លាំឯណាមកគាំទ្រទៀតទេ ត្បឹតពួកគេដឹង
    ច្បាស់ថាកឹមសុខាគឹជាជនក្បត់ជាតិ។ ដូច្នេះការប្រព្រឹត្តណាមួយ ដើម្បីគាំទ្រសមរង្ស៊ីនិងបក្សពួកដែលជាជនក្បត់ជាតិមិនខុសអីពីពួកគេទាំងនោះ បានដាក់ខ្លួនចំពោះមុខច្បាប់ ថាពួកគេ
    គឺជាជនក្បត់ជាតិដែរនោះទេ ។
    វាគ្មានការឃាត់ឃាំងណាមួយ ចំពោះជនក្បត់ជាតិសមរង្ស៊ីនិងបក្សពួក ក្នុងការវិលត្រឡប់
    ចូលកម្ពុជាវិញនោះទេ ។
    តែថាពួកអ្នកទាំងនោះសុទ្ធតែមានសាលដីការបស់តុលាការត្រូវចាប់ខ្លួនដើម្បីផ្តន្ទារទោស
    តាមកំហុសដែលពួកគេបានប្រព្រឹត្តក្នុងអំពើក្បត់ជាតិ។
    វាជាការល្អសម្រាប់ជំនឿងលង់ពេញដោយអំនួត របស់សមរង្ស៊ីនិងបក្សពួក ដែលយល់ខុស
    ពីស្ថានភាពបច្ចុប្បន្ននិងអតីត ដែលសមរង្ស៊ី បានទទួលនូវការលើកលែងទោសពីអង្គ
    ព្រះមហាក្សត្រ តាមការស្នើសុំពីសំណាក់នាយករដ្ឋមន្ត្រីនៃកម្ពុជា សម្តេចអគ្គមហាសេនាបតីតេជោហ៊ុន សែន ។
    ច្បាប់នឹងបង់តែមួយសំណាញ់ ក្រសោបយកក្រុមជនក្បត់ជាតិទាំងនេះ មកកាត់ទោសតាមច្បាប់ ហើយសន្តិភាពជាតិសុខសុវត្ថិភាពសង្គម និងបន្តល្អប្រសើរទ្វេរឡើងថែមទៀត
    ក្នុងពេលដែលគ្មានវត្តមានជនក្បត់ជាតិទាំងនេះ៕