លោក សម រង្ស៊ី ថា ព្រះមហាក្សត្រ​បច្ចុប្បន្ន​ខុសគ្នា​ដូច​មេឃ​និង​ដី បើ​ប្រៀប​នឹង​ព្រះបិតា​ព្រះអង្គ

ដោយ មួង ណារ៉េត
2019-09-14
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

ព្រះមហាក្សត្រ​ព្រះបាទ​សម្ដេច​ព្រះ​បរមនាថ នរោត្តម សីហមុនី ថតរូប​ជាមួយ​អ្នក​តំណាង​រាស្ត្រ​គណបក្ស​ប្រជាជន​កម្ពុជា នៅ​ខាង​មុខ​អគារ​រដ្ឋ​សភា ក្នុង​រាជធានី​ភ្នំពេញ កាល​ពី​​ព្រឹក​ថ្ងៃ​២៣ កញ្ញា ២០១៣។ RFA
ព្រះមហាក្សត្រ​ព្រះបាទ​សម្ដេច​ព្រះ​បរមនាថ នរោត្តម សីហមុនី ថតរូប​ជាមួយ​អ្នក​តំណាង​រាស្ត្រ​គណបក្ស​ប្រជាជន​កម្ពុជា នៅ​ខាង​មុខ​អគារ​រដ្ឋ​សភា ក្នុង​រាជធានី​ភ្នំពេញ កាល​ពី​​ព្រឹក​ថ្ងៃ​២៣ កញ្ញា ២០១៣។ RFA


លោក សម រង្ស៊ី បន្តថ្លែងថាពលរដ្ឋមិនអាចពឹងព្រះមហាក្សត្រឲ្យដោះស្រាយវិបត្តិនយោបាយ


លោក សម រង្ស៊ី ប្រធាន​ស្តីទី​គណបក្ស​សង្គ្រោះជាតិ នៅតែ​ប្រកាន់​ជំហរ​ថា ព្រះមហាក្សត្រ​បច្ចុប្បន្ន ព្រះករុណា ព្រះបាទ​សម្ដេច ព្រះបរមនាថ នរោត្ដម សីហមុនី កំពុង​ស្ថិត​ក្រោម​ការ​គំរាម និង​ប្រមាថ​ពី​លោក ហ៊ុន សែន។

ថ្លែង​សារ​នៅ​ក្នុង​ទំព័រ​ហ្វេសប៊ុក​របស់​លោក នៅ​ថ្ងៃ​ទី១៤ ខែ​កញ្ញា​នេះ លោក សម រង្ស៊ី ប្រៀបធៀប​ព្រះមហាក្សត្រ​ដែល​កំពុង​គ្រង​រាជ​សព្វថ្ងៃ ទៅ​នឹង​ព្រះបិតា​របស់​ព្រះអង្គ គឺ​ព្រះករុណា ព្រះបាទ​សម្ដេច​ព្រះនរោត្ដម សីហនុ ថា មាន​ភាព​ខុសគ្នា ដូច​មេឃ​និង​ដី។

ភាពខុស​គ្នា​នេះ គឺ​លោក សម រង្ស៊ី បញ្ជាក់​ថា មក​ពី​ព្រះបាទ​សម្ដេច​ព្រះនរោត្ដម សីហនុ កាល​ព្រះអង្គ​នៅ​មាន​ព្រះជន្ម​នៅឡើយ តែងតែ​ចេញ​ព្រះ​ភ័ក្ត្រ​ការពារ​ប្រជាពលរដ្ឋ​ទន់ខ្សោយ ដែល​ឈឺចាប់​ដោយសារ​រងគ្រោះ​ពី​អំពី​អយុត្តិធម៌​ផ្សេងៗ ពី​សំណាក់​រដ្ឋអំណាច​ផ្ដាច់ការ និង​អ្នកមាន​លុយ​។ ព្រះអង្គ​ជួយ​រក​ដំណោះស្រាយ​ជូន​កម្មករ​រោងចក្រ និង​គង់​ជា​បិតា​ឯកភាព​ជាតិ ការពារ​សិទ្ធិមនុស្ស សិទ្ធិ​សេរីភាព និង ប្រជាធិបតេយ្យ ក្នុង​ព្រះរាជ​តួនាទី​ជា​អ្នក​សម្របសម្រួល ឱ្យ​មានការ​ផ្សះផ្សា​ជាតិ។ ជាង​នេះ​ទៅ​ទៀត លោក សម រង្ស៊ី បន្ថែម​ថា ព្រះបាទ​សម្ដេច ព្រះ​នរោត្ដម សីហនុ មិន​យល់ព្រម​យាង​ទៅ​បើក​កិច្ចប្រជុំ​រដ្ឋសភា នៃ​នីតិកាល​ណា ដែល​គ្មាន​វត្តមាន​គណបក្ស​ជាប់ឆ្នោត​ទាំងអស់​ចូលរួម​ជាមួយគ្នា​នោះ​ទេ។

ចំណែក​ឯ​ព្រះមហាក្សត្រ​ខ្មែរ​បច្ចុប្បន្ន​វិញ លោក សម រង្ស៊ី លើកឡើង​ថា ព្រះអង្គ​មិនដែល​ចេញ​ព្រះ​ភ័ក្ត្រ ជួយ​ការពារ​ប្រជារាស្ត្រ​ខ្មែរ ដែល​រងគ្រោះ​ដូចជា​ការ​រឹបអូស​ផ្ទះសម្បែង និង ដីធ្លី ការ​ចាប់​ប្រជាពលរដ្ឋ​ស្លូតត្រង់​យក​ទៅ​ឃុំឃាំង ការ​ធ្វើ​ទារុណកម្ម​លើ​ពលរដ្ឋ​ទន់ខ្សោយ ដែល​ទាមទារ​រក​យុត្តិធម៌​ជាដើម​។ លោក សម រង្ស៊ី ថា​ព្រះករុណា ព្រះបាទ​សម្ដេច ព្រះបរមនាថ នរោត្ដមសីហមុនី ព្រះអង្គ​យល់ព្រម​ជានិច្ចកាល ប្រថាប់ត្រា​លើ​ច្បាប់​ទាំងឡាយ ដែល​លោក​ហៅថា​ព្រៃផ្សៃ ដែល​ផ្ដួចផ្ដើម ដោយ​លោក ហ៊ុន សែន។

ជាង​នេះ​ទៅ​ទៀត​លោក សម រង្ស៊ី ថា សារ​របស់​ព្រះករុណា ដែល​អំពាវនាវ​ឲ្យ​ប្រជាពលរដ្ឋ​ខ្មែរ នាំគ្នា​ទៅ​បោះឆ្នោត ក្រោយ​របប​លោក ហ៊ុន សែន រម្លាយ​គណបក្ស​សង្គ្រោះ​ជាតិ ដែល​មាន​ពលរដ្ឋ​គាំទ្រ​ជាង​បី​លាន​នាក់ និង​រង​ការ​ថ្កោលទោស​ជុំ​ទិស​ពី​ពលរដ្ឋ​ខ្មែរ និង សហគមន៍​អន្តរជាតិ​នោះ ថា​គឺ​រឹតតែ​បង្ហាញ​ថា ព្រះអង្គ​មិន​យក​ព្រះទ័យ ទុកដាក់​រឿង​សិទ្ធិមនុស្ស និង​ប្រជាធិបតេយ្យ និង ភាព​អយុត្តិធម៌​នោះ​ឡើយ​។ លោក​ថា ធ្វើ​បែប​នេះ ហាក់​ដូចជា​ព្រះអង្គ ចូល​ព្រះហស្ត (ចូល​ដៃ) ជាមួយ​គេ ហើយ​យល់ព្រម​ធ្វើជា​អាយ៉ង​របស់​គេ ឱ្យ​តែ​ព្រះអង្គ​បាន​សុខ​ខ្លួនឯង​។ លោក សម រង្ស៊ី បន្ថែម​ថា ការ​ធ្វើ​បែប​នេះ លោក​យល់ថា ព្រះអង្គ មិនមែន​ជា​ព្រះមហាក្សត្រ គួរ​ឲ្យ​ស្រលាញ់ និង​គោរព​នោះ​ឡើយ។តែ​ទោះជា​យ៉ាង​នេះ​ក្តី លោក សម រង្ស៊ី នៅតែ​ប្រកាន់​ជំហរ​ថា ការណ៍​ដែល​ព្រះរាជា​ខ្មែរ​បច្ចុប្បន្ន មិន​អាច​ធ្វើ​ដូច​ព្រះបិតា​ព្រះអង្គ​បាន ក៏​ដោយសារតែ​រង​សម្ពាធ និង​ការ​គំរាម​កំហែង​ពី​របប​លោក ហ៊ុន សែន នោះ​ឯង។

លោក​ថា បុគ្គល​ដែល​បាន​ចាប់​ព្រះមហាក្សត្រ​ធ្វើជា​ចំណាប់ខ្មាំង​របស់​ខ្លួន ហើយ​ដែល​បាន​ប្រមាថ​ព្រះមហាក្សត្រ​យ៉ាង​ធ្ងន់ធ្ងរ​បំផុត គឺ​លោក ហ៊ុន សែន ដែល​ធ្លាប់​ហ៊ាន​គំរាម​រំលាយ​ស្ថាប័ន​រាជបល្ល័ង្ក និង​របប​រាជា​និយម​ថែម​ទៀត​ផង។

អាស៊ីសេរី មិនទាន់​សុំ​ការ​បំភ្លឺ​ពី​ក្រសួង​ព្រះបរមរាជវាំង ជុំវិញ​ការ​លើកឡើង​របស់​លោក សម រង្ស៊ី បាន​នៅ​ឡើយ​ទេ។ ប៉ុន្តែ កាលពី​ថ្ងៃ​ទី១៣ ខែ កញ្ញា ទាំង​ក្រសួង​ព្រះបរមរាជវាំង រដ្ឋាភិបាល ស្ថាប័ន​ជាតិ​សំខាន់ៗ និង កងកម្លាំងប្រដាប់អាវុធ សុទ្ធតែ​ចេញ​សារ​ព្រម​គ្នា ថ្កោលទោស​លោក សម រង្ស៊ី ចំពោះ​ការ​ថ្លែង ដែល​ស្ថាប័ន​ទាំងនេះ ចាត់ទុកថា ប៉ះពាល់​អង្គ​ព្រះមហាក្សត្រ និង​ជា​ទង្វើ​ក្បត់ជាតិ។

តុលាការ​របប​លោក ហ៊ុន សែន ក៏បាន​សម្រេច​ចោទប្រកាន់ លោក សម រង្ស៊ី ពី​បទ​ប្រមាថ​ព្រះមហាក្សត្រ​មួយ​ករណី​ទៀត កាលពី​ថ្ងៃ​ទី​១៣ ខែ​កញ្ញា​នោះ​ដែរ ក្រោយ​លោក សម រង្ស៊ី កាលពី​ថ្ងៃ ១២ ខែ កញ្ញា បាន​ថ្លែង​ក្នុង​វេទិកា​អ្នក​ស្តាប់​វិទ្យុ​អាស៊ីសេរី ថា ប្រជារាស្ត្រ​ខ្មែរ មិន​អាច​ពឹង​ព្រះមហាក្សត្រ​ឱ្យ​ជួយ​អន្តរាគមន៍​ដោះស្រាយ​វិបត្តិ​នយោបាយ​បានទេ ព្រោះ​របប លោក ហ៊ុន សែន បាន​យក​ព្រះ​មហាក្សត្រ ធ្វើជា​ចំណាប់ខ្មាំង​បម្រើ​ផលប្រយោជន៍​នយោបាយ​របស់​ខ្លួន។

អ្នកវិភាគ​នយោបាយ​លោក គឹម សុខ យល់​ថា ចំណាត់​ការ​របស់​តុលាការ​របប​ក្រុងភ្នំពេញ មិនមែន​ជា​ព្រះរាជ​បំណង​ព្រះមហាក្សត្រ​នោះ​ទេ ហើយ​អ្នក​ដែល​ប្រមាថ​ព្រះមហាក្សត្រ​ពិតប្រាកដ គឺ​របប​ក្រុង​ភ្នំពេញ​ឯណោះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

3 Responses to "លោក សម រង្ស៊ី ថា ព្រះមហាក្សត្រ​បច្ចុប្បន្ន​ខុសគ្នា​ដូច​មេឃ​និង​ដី បើ​ប្រៀប​នឹង​ព្រះបិតា​ព្រះអង្គ"

  1. so socheath says:

    Send to facebook
    អ្នកនយោបាយក្បាលទទូរសារុង!
    *******
    ពាក្យចំអករបស់ខ្មែរ ទៅលើដែគូរប្រជែងណាមួយ ដែលបានតែសម្តីអត់បានការ
    ហើយកំសាកញី គេតែងចំអកឲ្យថាជាមនុស្សក្បាលទទូរសារុង ដែលមានន័យថា
    ជាមនុស្សខ្លាំងក្នុងគ្រប ជាកង្កែបក្នុងអណ្តូង ជាមនុស្សដែលត្រូវមនុស្សស្រីដឹកមុខ
    និយាយរួមគឺជាមនុស្សចោលម្សៀតអត់បានការ ។យ៉ាងណាម៉ិញសមរង្ស៊ី គឺជាមនុស្ស
    បែបនេះ ។
    ពិតណាស់សមរង្ស៊ី ធ្វើនយោបាយ គឺចូលចិត្តប្រើក្បាច់មាត់ត្រីកំផ្លាញ។
    ជានិច្ចកាលភាពបង្កររឿង តាមនិយមន័យដំបៅមិនឈឺយកឈើចាក់ វាជាកត្តា
    យុទ្ធសាស្ត្រដែលសមរង្ស៊ីត្រូវប្រើជាប្រចាំខានមិនបាន ក្នុងន័យកេងចំណេញ
    នយោបាយផង និងដើម្បីបោកប្រាសយកលុយពីជនល្ងង់ខ្លៅនៅក្រៅប្រទេស តែ
    លោភលន់ចង់បានអំណាចផងតាមទិសស្លោកបោកប្រាសថាចូលរួមថវិកាជាមួយ
    សមរង្ស៊ីគឺស្នេហាជាតិ។ ព្រោះថាចូលលុយច្រើន ស្នេហាជាតិច្រើន ចូលលុយតិច
    ស្នេហាជាតិតិច ។
    ភាពជាអ្នកនយោបាយដែលស្មោះត្រង់ចំពោះជាតិនិងប្រជាជនមិនមានឡើយក្នុង
    ជម្រៅចិត្តសមរង្ស៊ី ដែលវាដូចគ្នា ជាមួយកឹមសុខាបេះដាក់។ តែថាអ្នកទាំងពីរនេះថ្វីត្បឹតចំណុចខាងលើដូចគ្នា តែមានភាពខុសគ្នាសម្រាប់ការប្រជែងយកអំណាចសម្រាប់បក្សពួករៀងខ្លួន។ ចំណុចនេះហើយដែលធ្វើឲ្យអតីតបក្សសង្គ្រោះជាតិ ដែលកើតចេញពីសម្ព័ន្ធភាព
    រវាងគណបក្សសមរង្ស៊ី និងគណបក្សសិទ្ធិមនុស្សរបស់កឹមសុខា មានការមិនសូវចុះ
    សម្រុងគ្នា ដែលកឹមសុខាបាននិយាយដោយបើកចំហរថា ជាតិជាអ្នកនយោបាយគឺ
    មានតែកឹមសុខាមួយគត់ ដែលអាមេរិកគាំទ្រនិងបង្ហាត់បង្រៀនយុទ្ធសាស្ត្រធ្វើនយោបាយដោយផ្ទាល់ចាប់តាំងពីឆ្នាំ១៩៩៣មក ដែលវាហាក់ជាសារព្រមានដល់សមរង្ស៊ីថា សូម្បីតែសមរង្ស៊ី ក៏មិនមែនជាដៃគូរខាងនយោបាយជាមួយកឹមសុខាដែរ ។
    ពិតហើយក្រោយពេលសមរង្ស៊ីរត់ចេញទៅក្រៅប្រទេស ដើម្បីគេចចេញពីផ្លូវច្បាប់នៅកម្ពុជា វាជាឱកាសដែលកឹមសុខា ត្រូវរុញច្រានសមរង្ស៊ីផ្ទប់គៀនជញ្ជាំង។
    រដ្ឋប្រហារក្នុងបក្សសង្គ្រោះជាតិបានចាប់បង្ខំឲ្យសមរង្ស៊ីឲ្យលាលែងចេញពីតំណែង
    ប្រធានគណបក្សសង្គ្រោះជាតិ និងពីសមាជិកភាពក្នុងបក្ស ប្រែក្លាយទៅជាជនសាមញ្ញ
    ធម្មតា។ តែថាការដើរនយោបាយឃុបឃឹតជាមួយបរទេសក្នុងការធ្វើបដិវត្តន៍ពណ៌ដើម្បី
    ផ្តួលរំលំរាជរដ្ឋាភិបាលស្របច្បាប់ ត្រូវបានបើកកកាយចេញពីមាត់កឹមសុខាដែលទើប
    ដណ្តើមតំណែង មេបក្សសង្គ្រោះជាតិ បានពីសមរង្ស៊ី ហើយក៏គាប់ជួនក្នុងពេលដែល
    គណបក្សសង្គ្រោះជាតិបានកើនអាសនៈបន្ថែមនៅក្នុងការបោះឆ្នោតក្រុមប្រឹក្សាឃុំសង្កាត់
    ជាមួយនយោបាយភូតភរបោកប្រាសសន្យាផ្តល់ថវិកា៥០ម៉ឺនដុល្លារសម្រាប់ឃុំសង្កាត់
    និមួយៗក្នុងមួយឆ្នាំ។ យើងសុំមិនរម្លឹកពីរឿងសន្យាបោកប្រាសទៀតទេ តែថាក្រោយ
    កឹមសុខា ត្រូវបានជាប់ទោស ពីបទសង្ស័យថាក្បត់ជាតិវាជាឱកាសសម្រាប់អ្នកនយោបាយទទូរសារុងសមរង្ស៊ីក្រោកឈរវិញដែរ ។
    ក្រោយសម្រេចជោគជ័យក្នុងការដណ្តើមតំណែងជាប្រធានបក្សបានមកវិញ សមរង្ស៊ី
    ដែលប្រាកដក្នុងចិត្តដោយច្បាស់ថា ខ្លួនសមរង្សីផ្ទាល់និងបក្សពួក ដែលកំពុងរត់ភៀស
    ខ្ឡួនទៅក្រៅប្រទេសគេចចេញពីសំណាញ់ច្បាប់ បន្ទាប់ពីបានកសាងកំហុសច្រើនស្អេកស្កះរាប់មិនអស់ក្នុងការចូលរួមដៃជាមួយកឹមសុខា ក្នុងការប្រព្រឹត្តអំពើក្បត់ជាតិ បានរៀបចំប្រើវិធីនយោបាយដើម្បីកេងចំណេញនយោបាយផង និងដើម្បីបោកប្រាសយកលុយពីជនល្ងង់ខ្លៅ
    នៅក្រៅប្រទេស តែលោភលន់ចង់បានអំណាចផងតាមទិសស្លោកបោកប្រាសថាចូលរួមថវិកាជាមួយសមរង្ស៊ីគឺស្នេហាជាតិ។
    យើងមិនបដិសេធទេថា ក្នុងសកម្មភាពនយោបាយកន្លងមក សមរង្ស៊ី និងកឹមសុខា ទោះបី
    បានប្រើមហិច្ឆិតាដណ្តើមអំណាចគ្នាទៅវិញទៅមកក្នុងបក្សសង្គ្រោះជាតិក្តី តែដើម្បីមាន
    កម្លាំងផ្តួលរំលំគណបក្សប្រជាជនកម្ពុជាដែលចាគណបក្សកាន់អំណាច ពួកគេបានកសាង
    កម្លាំងប្រតិកិរិយារបស់ពួកគេបានខ្លះ ដែលកម្លាំងទាំងនោះ មានខ្លះនៅក្នុងកម្លាំង
    ប្រដាប់អាវុធ ជាយោធា នគរបាល ជាគ្រូបង្រៀន ជាគ្រូពេទ្យ មួយចំនួននៅតាម
    ស្ថាប័នក្រសួង មន្ទីរនិងក្នុងចំណោមសកម្មជនមូដ្ខាន ដែលពួកអ្នកទាំងនោះ សុទ្ធជាអ្នក
    លោភលន់ខាងបុណ្យសក្តិ ដើម្បីមុខមាត់ ហើយបើពួកគេឈរចំកន្លែងដែលអាចមួលក
    ប្រជាពលរដ្ឋទាញយកប្រយោជន៍សម្រាប់ពួកគេទៀតនោះ ពួកគេរឹតតែមិនខ្លាចក្នុងការធ្វើ
    សកម្មភាពដើម្បីទាញយកប្រយោជន៍ឲ្យពួកគេសម្រាប់ការទម្លាក់កំហុស ដាក់លើការ
    គ្រប់គ្រងរបស់រាជរដ្ឋាភិបាល ដែលក្នុងនោះក៏មានការចូលរួមក្នុងសកម្មភាពបែបនេះ ពី
    សំណាក់សង្គមស៊ីវិល អង្គការសហជីព ដែលមាននិន្នាការប្រឆាំងរដ្ឋាលផងដែរ ។
    សំអាងលើកម្លាំងប្រតិកិរិយាក្នុងប្រទេសបែបនេះ ទើបម្តងហើយម្តងទៀត សមរង្ស៊ី បាន
    ធ្វើការអំពាវនាវឲ្យកម្លាំងប្រដាប់អាវុធ ក៏ដូចជាកម្លាំងផ្សេងទៀត ដែលពួកគេបានកសាងនៅ
    មូលដ្ឋាន ឲ្យក្រោកឈរប្រឆាំងរដ្ឋាភិបាល ប៉ុន្តែសមរង្ស៊ីប្រហែលភ្លេចគឹតថា ទង្វើក្បត់ជាតិ
    ដែលសមរង្ស៊ីនិងបក្សពួកបានសាងឡើង មិនអាចទាក់ទាញទឹកចិត្តពួកគេបានទៀតឡើយ
    ទោះបីសមរង្សីបញ្ជូនសកម្មជនពីប្រទេសថៃឲ្យមកភ្ជាប់ទំនាក់ទំនងខ្សែរយះរបស់ខ្លួនក្តី ។
    នៅមានសកម្មជនឃ្លានអំណាច តែឆោតល្ងង់ខ្លះក្នុងប្រទេស បានបញ្ចេញភាពហក់កញ្ឆេង
    បញ្ចើចបញ្ជោរសមរង្សី ឲ្យមានសេចក្តីក្លាហានហានវិលត្រឡប់មកកាន់កម្ពុជាវិញ ។
    ពួកគេបានធ្វើឱកាសជួបជុំ ឃោសនានយោបាយ តាមរយះការស៊ីនំបញ្ចុក ការជប់លៀង
    ដែលគ្មានកម្មវិធី ដោយផ្អែកលើពាក្យ សេរីភាព សិទ្ធិមនុស្ស ប្រជាធិបតេយ្យ តាមការបន្ទរ
    អុចអាលពីសំនាក់សង្គមស៊ីវិលដែលមាននិន្នាការប្រឆាំងរដ្ឋាភិបាល ដោយភ្លេច
    គឹតពីផ្លូវច្បាប់របស់ជាតិ ។ សកម្មភាពបែបនេះហើយ ទើបជម្រុញឲ្យសមរង្ស៊ី និងបក្សពួកអន្ទោកអន្ទោលចង់វិលត្រឡប់មកកម្ពុជាវិញ ហើយដែលការចង់នេះ ធ្វើឡើងក្នុងជំនឿមួយ សម្រាប់បរិបទដែលមិនសមហេតុផល។
    ជាមួយជំនឿលង់ប្រកបដោយអំនួត ផ្តល់ឲ្យពីភាពហៃអើពីសំណាក់សកម្មជនអតីត
    គណៈបក្សសង្គ្រោះជាតិ ដែលត្រូវរំលាយ ចោលដោយតុលាការអាស្រ័យលើទោសកំហុសក្បត់ជាតិដែលនៅសេសសល់ បូកផ្សំនិងការអន្ទងពីសំណាក់កឹមសុខាដែលកំពុងជាប់ពិរុទ្ធពីទោសក្បត់ជាតិ រៀបចំធ្វើបដិវត្តន៍ពណ៌តាមការបង្រៀននឹងបង្គាប់បញ្ជាពីជនបរទេស ដើម្បី
    ផ្តួលរំលំរដ្ឋាភិបានស្របច្បាប់នៃកម្ពុជា ដែលថា បើមានមេដឹកនាំទាំងពីរមកជាប់ទោសរួមគ្នានៅកម្ពុជា នឹងធ្វើឲ្យមានការកែប្រែស្ថានការណ៍នយោបាយនៅកម្ពុជា ដែលនាំដល់ការរស់
    ឡើងវិញសម្រាប់គណបក្សសង្គ្រោះជាតិនោះ វាជាការវាយតម្លៃខុស ហើយក៏បង្ហាញយ៉ាងច្បាស់ថា ខួរក្បាលសមរង្ស៊ី គឺជាខួរក្បាលអ្នកនយោបាយទទូរសារ៉ុង ។
    បើយើងចាំមិនភ្លេច កឹមសុខាដែលកាលនោះ បានគេចវេសពីពីសំណាញ់ច្បាប់ ទាក់ទង
    នឹងអំពើឆបោករួមសង្វាស ហើយដែលបានប្តឹងដោយសាម៉ីខ្លួនស្ត្រីផ្ទាល់ ហើយដែលបានពួនសម្ងំលាក់ខ្លួនក្នុងទីស្នាក់ការគណបក្សសង្គ្រោះជាតិយ៉ាងយូរ ពិតជាមានសកម្មជនជាច្រើនរយនាក់ នៃគណៈបក្សនេះ មកដេកយាមការពារដោយប្រាកដមែន ។ តែថាពេលចាប់ខ្លួនកឹមសុខាពីទោសក្បត់ជាតិ សួរថា តើសភាពនៃការប្រែប្រួលពីសំណាក់កម្លាំងគាំទ្រនៃ
    បក្សនេះទៅជាយ៉ាងណា ។ វាពិតជាគ្មានកម្លាំឯណាមកគាំទ្រទៀតទេ ត្បឹតពួកគេដឹង
    ច្បាស់ថាកឹមសុខាគឹជាជនក្បត់ជាតិ។ ដូច្នេះការប្រព្រឹត្តណាមួយ ដើម្បីគាំទ្រសមរង្ស៊ីនិងបក្សពួកដែលជាជនក្បត់ជាតិមិនខុសអីពីពួកគេទាំងនោះ បានដាក់ខ្លួនចំពោះមុខច្បាប់ ថាពួកគេ
    គឺជាជនក្បត់ជាតិដែរនោះទេ ។
    វាគ្មានការឃាត់ឃាំងណាមួយ ចំពោះជនក្បត់ជាតិសមរង្ស៊ីនិងបក្សពួក ក្នុងការវិលត្រឡប់
    ចូលកម្ពុជាវិញនោះទេ ។
    តែថាពួកអ្នកទាំងនោះសុទ្ធតែមានសាលដីការបស់តុលាការត្រូវចាប់ខ្លួនដើម្បីផ្តន្ទារទោស
    តាមកំហុសដែលពួកគេបានប្រព្រឹត្តក្នុងអំពើក្បត់ជាតិ។
    វាជាការល្អសម្រាប់ជំនឿងលង់ពេញដោយអំនួត របស់សមរង្ស៊ីនិងបក្សពួក ដែលយល់ខុស
    ពីស្ថានភាពបច្ចុប្បន្ននិងអតីត ដែលសមរង្ស៊ី បានទទួលនូវការលើកលែងទោសពីអង្គ
    ព្រះមហាក្សត្រ តាមការស្នើសុំពីសំណាក់នាយករដ្ឋមន្ត្រីនៃកម្ពុជា សម្តេចអគ្គមហាសេនាបតីតេជោហ៊ុន សែន ។
    ច្បាប់នឹងបង់តែមួយសំណាញ់ ក្រសោបយកក្រុមជនក្បត់ជាតិទាំងនេះ មកកាត់ទោសតាមច្បាប់ ហើយសន្តិភាពជាតិសុខសុវត្ថិភាពសង្គម និងបន្តល្អប្រសើរទ្វេរឡើងថែមទៀត
    ក្នុងពេលដែលគ្មានវត្តមានជនក្បត់ជាតិទាំងនេះ៕

  2. Anonymous says:

    after I read this animal comment I can only tell this guy is an EVIL. the condemnation of unsafe expression , manipulation every un justification manor in politic matter. this guy acting he is a smart ass of all in Cambodia. the worse of all he look down every Cambodian over sea of not knowing any thing. at last I tell you what>> not even two month time every thing can be change no matter what. to be honest to this guy is next month you can see some thing start to round up, it will touch every Cambodian mind inside the country just a bit . the situation may change more Cambodian to considering what going to happen next. the month after it will tiding up every day and every second then the countdown time come. if worse come to worse HUN SEN will need full assistance from CHINA to survive in this term. as Cambodia already treated it’s cancer if CHINA stop their blood distribution Cambodia’s life is over. I knew if HUN SEN win that cancer will still ruin Cambodia life to the end but just only a tilt long. how can CHINA help you right now they are trying to help themselves also. instate Cambodian is helping CHINA right now. why I said that?? EBA. GSP that Chinese investor and CHINA itself really wanted to invest in Cambodia. after they have no more market you will see those Chinese will take their factory back to some where . there will be not enough order from EU or US then the market come to the end. I hop it not going that way but every thing is all up to the strong man of KAMPOUCHEA

  3. Anonymous says:

    Who sign and gave Tral island to Youn hanoi?? who betray the nation?? who betray cambodia?? Cambodian people and the world knew that Tral island belong to Cambodia’ even Singapore still accepted Tral island is belong to cambodia’