លោក ​សម រង្ស៊ី ​ត្រូវ​បាន​ចោទ​ប្រកាន់​​ករណី​ថ្មី​មួយ​ទៀត​ ​​ពី​​បទ ​«​​ប្រមាថ​​អង្គ​​ព្រះ​មហាក្សត្រ​​»​

ដោយ វ៉ា សំណព្វ
14/09/2019
RFI

media
លោក សម រង្ស៊ី
@Internet


លោក ​សម រង្ស៊ី ​ប្រធាន​ស្តីទី​អតីត​គណបក្ស​សង្គ្រោះ​ជាតិ ​ត្រូវ​បាន​ចោទ​ប្រកាន់​ជាផ្លូវការ​ពី​បទ​ប្រមាថ​ព្រះ​មហាក្សត្រ ​បន្ទាប់​ពី​បាន​ថ្លែង​រិះគន់​ព្រះ​អង្គ​ថា ​ជា​ចំណាប់​ខ្មាំង​ និង​ជា​អាយ៉ង​ របស់​លោក​នាយករដ្ឋ​មន្ត្រី ​ហ៊ុន សែន​។ ​សូម​បញ្ជាក់​ថា ​នេះ​គឺ​ជា​បណ្តឹង​ប្រមាថ​ព្រះមហាក្សត្រ​ជា​លើ​កទី​០២​ហើយ​របស់​លោក ​សម រង្ស៊ី​។

គឺ​បន្ទាប់​ពី​មាន​ប្រតិកម្ម​ពី​ក្រសួង​ព្រះ​បរមរាជ​វាំង ​និង​ក្រោយ​ពី​មាន​អធិបញ្ជា​​ពី​រដ្ឋ​មន្ត្រី​ក្រសួង​យុត្តិធម៌ ​លោក ​អង្គ វង្ស ​វឌ្ឍនា ​នៅ​ល្ងាច​ថ្ងៃទី ​១៣​ កញ្ញា​នេះ ​ព្រះ​រាជ​អាជ្ញា​នៃ​អយ្យការ​អមសាលាដំបូង​រាជធានី​ភ្នំពេញ ​លោក ​កែវ ​សុធា ​បាន​សម្រេច​ចេញ​ដីកា​ចោទ​ប្រកាន់​និង​បញ្ជូន​សំណុំ​រឿង​របស់​លោក​ សម រង្ស៊ី ​ទៅ​កាន់​ចៅ​ក្រម​ស៊ើប​សួរ ​ពី​បទ​ប្រមាថ​ព្រះមហាក្សត្រ​។ ​បើ​យោង​តាម​ដីកា​នេះ ​លោក ​សម ​រង្ស៊ី ​ត្រូវ​បាន​ចោទ​ប្រកាន់​ពី​បទ​ប្រមាថ​ចំពោះ​អង្គ​ព្រះ​មហាក្សត្រ​ តាម​មាត្រា ​៤៣៧ ​ស្ទួន​ នៃ​ក្រម​ព្រហ្មទណ្ឌ​នៃ​ព្រះ​រា​ជា​ណាចក្រ​កម្ពុជា ​និង​ដាក់​ឲ្យ​ស្ថិត​ក្រោម​ការ​ឃុំ​ខ្លួន​បណ្តោះ​អាសន្ន​។

គួរជំរាបជូនថា​ ការ​ចោទ​ប្រកាន់​លោក​ សម រង្ស៊ី ពី​បទ​ប្រមាថ​ព្រះ​មហាក្សត្រ​នេះ ​គឺ​បន្ទាប់​ពី​លោក ​សម ​រង្ស៊ី បាន​ផ្តល់​បទ​សម្ភាសន៍​ជា​មួយ​វិទ្យុ​អាស៊ី​សេរី ​កាល​ពី​យប់​ថ្ងៃទី​១២ ​ខែក​ញ្ញា ​ដោយ​រិះគន់​អង្គព្រះមហាក្សត្រ​ថា​ ជា​ចំណាប់​ខ្មាំង​ និង​ជា​អាយ៉ង​ របស់​លោក​នាយករដ្ឋមន្ត្រី​ ហ៊ុន​ សែន​។ ​ក្រោយ​ពី​ការ​លើក​ឡើង​របស់​លោក ​សម​ រង្ស៊ី ​បែប​នេះ ​ក្រសួង​ព្រះ​បរមរាជ​វាំង​ នៅ​ព្រឹក​ថ្ងៃទី ​១៣​ កញ្ញា​នេះ ​បាន​ចេញ​សេចក្តី​ថ្លែង​ការណ៍ ​ប្រតិកម្ម​ចំពោះ​លោក ​សម ​រង្ស៊ី ​និ​ងបាន​ថ្កោល​ទោស​យ៉ាង​ដាច់​អហង្ការ​ ហើយ​បាន​ហៅ​លោ​ក​ សម ​រង្ស៊ី ​ថា ​មាន​ចរិ​ត​ជា​ជន​ក្បត់ជាតិ ​ដែល​តែង​តែ​ពោល​ពាក្យ​ធ្វើ​ឲ្យ​ប៉ះ​ពាល់​ដល់​ព្រះ​កិត្តិនាម​របស់​ព្រះករុណា​ព្រះមហាក្សត្រ​។ ​ក្រោយ​មាន​ប្រតិកម្ម​ពី​ក្រសួង​ព្រះ​បរមរាជ​វាំង​មក ​រដ្ឋមន្ត្រី​ក្រសួង​យុត្តិធម៌​ លោក​ អង្គ​ វង្ស ​វឌ្ឍនា ​ក៏បា​ន​ចេញ​អធិបញ្ជា​បន្ទាន់​មួយ​ ទៅ​កាន់​ស្ថាប័ន​អយ្យការ​អមសាលាដំបូង​រាជធានី​ភ្នំពេញ ​ឲ្យ​ធ្វើ​បណ្តឹង​អាជ្ញា​ចំពោះ​លោក​ សម រង្ស៊ី ពី​បទ​ប្រមាថ​ព្រះមហាក្សត្រ​នេះ។​ តាម​រយៈអធិបញ្ជា​នេះ ​លោក​រដ្ឋ​មន្រ្តី ​អង្គ វង្ស ​វឌ្ឍនា ​បាន​ប្រាប់​ឲ្យព្រះរាជ​អាជ្ញា​ចាត់​វិធាន​ការ​ផ្លូវ​ច្បាប់​ជា​បន្ទាន់ ​និង​តឹង​រឹង​បំផុត​ចំពោះ​លោក ​សម រង្ស៊ី​។ ​សម្រាប់​លោក​រដ្ឋមន្រ្តី ​ពាក្យ​សម្តី​របស់​លោក​ សម​ រង្ស៊ី ​ដែល​បាន​ផ្សព្វផ្សាយ​ជា​សាធារណៈ ​បាន​ធ្វើ​ឲ្យ​ប៉ះពាល់​យ៉ាង​ធ្ងន់ធ្ងរ​ដល់​ព្រះកិត្តិនាម​របស់​ព្រះករុណា​ព្រះមហាក្សត្រ ​ជាទីគោរព​សក្ការៈ​ដ៏​ខ្ពង់ខ្ពស់​បំផុត ​ដែល​ប្រជារាស្រ្ត​ខ្មែរ​ទូទាំង​ប្រទេស​គោរព​ស្រឡាញ់​ស្មើជីវិត​។ ​ការ​ប្រមាថ​យ៉ាង​ធ្ងន់ធ្ងរ​ដល់​ព្រះចេស្តា​អង្គ​ព្រះមហាក្សត្រ​ខាង​លើ​នេះ ​គឺ​ជា​ទង្វើ​រំលោភ​បំពាន​លើ​រដ្ឋធម្មនុញ្ញ​ ហើយ​ទង្វើ​នេះ ​ត្រូវ​បាន​កំណត់​ជាបទ​ល្មើស​ព្រហ្មទណ្ឌ​។​ នេះបើ​តាម​លោក​រដ្ឋមន្ត្រី​។

​គួរ​ជំរាប​ជូន​ថា ​នេះ​គឺ​ជា​បណ្តឹង​ប្រមាថ​ព្រះមហាក្សត្រ​ជា​លើក​ទី​០២ហើ​យ​របស់​លោក​ សម ​រង្ស៊ី​។ ​កាល​ពី​អំឡុង​ខែ​មេសា​ឆ្នាំ​២០១៩ ​សាលាដំបូង​រាជធានី​ភ្នំពេញ ​ក៏​បាន​កាត់​ទោស​ឲ្យ​លោក ​សម​ រង្ស៊ី ​ជាប់​ពន្ធនាគារ​រយៈពេល​៤​ឆ្នាំ​ពី​បទ​ប្រមាថ​ព្រះ​មហាក្សត្រ​នេះ​ដែរ​។ ​កាល​នោះ ​លោក​ សម ​រង្ស៊ី បា​ន​សរសេរ​លើ​ទំព័រ​ហ្វេសប៊ុក​ថា ​ព្រះ​រាជ​សារ​របស់​ព្រះ​មហាក្សត្រ ​ដែល​អំពាវនាវ​ឲ្យ​ប្រជាពលរដ្ឋ​ខ្មែរ​ ចូល​រួម​បោះ​ឆ្នោត​អាណត្តិទី​៦ ​គឺជា​ព្រះ​រាជសារ​ក្លែង​ក្លាយ ​ឬ​ត្រូវ​បាន​ធ្វើឡើ​ង​ដោយ​មាន​ការ​គាប​សង្កត់។​

គួរ​ជំរាប​ជូន​ដែរ​ថា ​គិត​មក​ទល់នឹ​ងពេល​នេះ ​មាន​ពាក្យ​បណ្តឹង​មិន​តិច​ជាង​១០​នោះទេ​ ដែល​កំពុង​ប្រឆាំង​នឹង​លោក ​សម ​រង្ស៊ី អ​តីត​ប្រធាន​គណបក្ស​ប្រឆាំង​ ដែល​កំពុង​រស់នៅ​និរទេស​ខ្លួន​នៅ​ក្នុង​ប្រទេស​បារាំងនេះ​៕​​

What Next?

Recent Articles

One Response to "លោក ​សម រង្ស៊ី ​ត្រូវ​បាន​ចោទ​ប្រកាន់​​ករណី​ថ្មី​មួយ​ទៀត​ ​​ពី​​បទ ​«​​ប្រមាថ​​អង្គ​​ព្រះ​មហាក្សត្រ​​»​"

  1. so socheath says:

    Send to facebook
    អ្នកនយោបាយក្បាលទទូរសារុង!
    *******
    ពាក្យចំអករបស់ខ្មែរ ទៅលើដែគូរប្រជែងណាមួយ ដែលបានតែសម្តីអត់បានការ
    ហើយកំសាកញី គេតែងចំអកឲ្យថាជាមនុស្សក្បាលទទូរសារុង ដែលមានន័យថា
    ជាមនុស្សខ្លាំងក្នុងគ្រប ជាកង្កែបក្នុងអណ្តូង ជាមនុស្សដែលត្រូវមនុស្សស្រីដឹកមុខ
    និយាយរួមគឺជាមនុស្សចោលម្សៀតអត់បានការ ។យ៉ាងណាម៉ិញសមរង្ស៊ី គឺជាមនុស្ស
    បែបនេះ ។
    ពិតណាស់សមរង្ស៊ី ធ្វើនយោបាយ គឺចូលចិត្តប្រើក្បាច់មាត់ត្រីកំផ្លាញ។
    ជានិច្ចកាលភាពបង្កររឿង តាមនិយមន័យដំបៅមិនឈឺយកឈើចាក់ វាជាកត្តា
    យុទ្ធសាស្ត្រដែលសមរង្ស៊ីត្រូវប្រើជាប្រចាំខានមិនបាន ក្នុងន័យកេងចំណេញ
    នយោបាយផង និងដើម្បីបោកប្រាសយកលុយពីជនល្ងង់ខ្លៅនៅក្រៅប្រទេស តែ
    លោភលន់ចង់បានអំណាចផងតាមទិសស្លោកបោកប្រាសថាចូលរួមថវិកាជាមួយ
    សមរង្ស៊ីគឺស្នេហាជាតិ។ ព្រោះថាចូលលុយច្រើន ស្នេហាជាតិច្រើន ចូលលុយតិច
    ស្នេហាជាតិតិច ។
    ភាពជាអ្នកនយោបាយដែលស្មោះត្រង់ចំពោះជាតិនិងប្រជាជនមិនមានឡើយក្នុង
    ជម្រៅចិត្តសមរង្ស៊ី ដែលវាដូចគ្នា ជាមួយកឹមសុខាបេះដាក់។ តែថាអ្នកទាំងពីរនេះថ្វីត្បឹតចំណុចខាងលើដូចគ្នា តែមានភាពខុសគ្នាសម្រាប់ការប្រជែងយកអំណាចសម្រាប់បក្សពួករៀងខ្លួន។ ចំណុចនេះហើយដែលធ្វើឲ្យអតីតបក្សសង្គ្រោះជាតិ ដែលកើតចេញពីសម្ព័ន្ធភាព
    រវាងគណបក្សសមរង្ស៊ី និងគណបក្សសិទ្ធិមនុស្សរបស់កឹមសុខា មានការមិនសូវចុះ
    សម្រុងគ្នា ដែលកឹមសុខាបាននិយាយដោយបើកចំហរថា ជាតិជាអ្នកនយោបាយគឺ
    មានតែកឹមសុខាមួយគត់ ដែលអាមេរិកគាំទ្រនិងបង្ហាត់បង្រៀនយុទ្ធសាស្ត្រធ្វើនយោបាយដោយផ្ទាល់ចាប់តាំងពីឆ្នាំ១៩៩៣មក ដែលវាហាក់ជាសារព្រមានដល់សមរង្ស៊ីថា សូម្បីតែសមរង្ស៊ី ក៏មិនមែនជាដៃគូរខាងនយោបាយជាមួយកឹមសុខាដែរ ។
    ពិតហើយក្រោយពេលសមរង្ស៊ីរត់ចេញទៅក្រៅប្រទេស ដើម្បីគេចចេញពីផ្លូវច្បាប់នៅកម្ពុជា វាជាឱកាសដែលកឹមសុខា ត្រូវរុញច្រានសមរង្ស៊ីផ្ទប់គៀនជញ្ជាំង។
    រដ្ឋប្រហារក្នុងបក្សសង្គ្រោះជាតិបានចាប់បង្ខំឲ្យសមរង្ស៊ីឲ្យលាលែងចេញពីតំណែង
    ប្រធានគណបក្សសង្គ្រោះជាតិ និងពីសមាជិកភាពក្នុងបក្ស ប្រែក្លាយទៅជាជនសាមញ្ញ
    ធម្មតា។ តែថាការដើរនយោបាយឃុបឃឹតជាមួយបរទេសក្នុងការធ្វើបដិវត្តន៍ពណ៌ដើម្បី
    ផ្តួលរំលំរាជរដ្ឋាភិបាលស្របច្បាប់ ត្រូវបានបើកកកាយចេញពីមាត់កឹមសុខាដែលទើប
    ដណ្តើមតំណែង មេបក្សសង្គ្រោះជាតិ បានពីសមរង្ស៊ី ហើយក៏គាប់ជួនក្នុងពេលដែល
    គណបក្សសង្គ្រោះជាតិបានកើនអាសនៈបន្ថែមនៅក្នុងការបោះឆ្នោតក្រុមប្រឹក្សាឃុំសង្កាត់
    ជាមួយនយោបាយភូតភរបោកប្រាសសន្យាផ្តល់ថវិកា៥០ម៉ឺនដុល្លារសម្រាប់ឃុំសង្កាត់
    និមួយៗក្នុងមួយឆ្នាំ។ យើងសុំមិនរម្លឹកពីរឿងសន្យាបោកប្រាសទៀតទេ តែថាក្រោយ
    កឹមសុខា ត្រូវបានជាប់ទោស ពីបទសង្ស័យថាក្បត់ជាតិវាជាឱកាសសម្រាប់អ្នកនយោបាយទទូរសារុងសមរង្ស៊ីក្រោកឈរវិញដែរ ។
    ក្រោយសម្រេចជោគជ័យក្នុងការដណ្តើមតំណែងជាប្រធានបក្សបានមកវិញ សមរង្ស៊ី
    ដែលប្រាកដក្នុងចិត្តដោយច្បាស់ថា ខ្លួនសមរង្សីផ្ទាល់និងបក្សពួក ដែលកំពុងរត់ភៀស
    ខ្ឡួនទៅក្រៅប្រទេសគេចចេញពីសំណាញ់ច្បាប់ បន្ទាប់ពីបានកសាងកំហុសច្រើនស្អេកស្កះរាប់មិនអស់ក្នុងការចូលរួមដៃជាមួយកឹមសុខា ក្នុងការប្រព្រឹត្តអំពើក្បត់ជាតិ បានរៀបចំប្រើវិធីនយោបាយដើម្បីកេងចំណេញនយោបាយផង និងដើម្បីបោកប្រាសយកលុយពីជនល្ងង់ខ្លៅ
    នៅក្រៅប្រទេស តែលោភលន់ចង់បានអំណាចផងតាមទិសស្លោកបោកប្រាសថាចូលរួមថវិកាជាមួយសមរង្ស៊ីគឺស្នេហាជាតិ។
    យើងមិនបដិសេធទេថា ក្នុងសកម្មភាពនយោបាយកន្លងមក សមរង្ស៊ី និងកឹមសុខា ទោះបី
    បានប្រើមហិច្ឆិតាដណ្តើមអំណាចគ្នាទៅវិញទៅមកក្នុងបក្សសង្គ្រោះជាតិក្តី តែដើម្បីមាន
    កម្លាំងផ្តួលរំលំគណបក្សប្រជាជនកម្ពុជាដែលចាគណបក្សកាន់អំណាច ពួកគេបានកសាង
    កម្លាំងប្រតិកិរិយារបស់ពួកគេបានខ្លះ ដែលកម្លាំងទាំងនោះ មានខ្លះនៅក្នុងកម្លាំង
    ប្រដាប់អាវុធ ជាយោធា នគរបាល ជាគ្រូបង្រៀន ជាគ្រូពេទ្យ មួយចំនួននៅតាម
    ស្ថាប័នក្រសួង មន្ទីរនិងក្នុងចំណោមសកម្មជនមូដ្ខាន ដែលពួកអ្នកទាំងនោះ សុទ្ធជាអ្នក
    លោភលន់ខាងបុណ្យសក្តិ ដើម្បីមុខមាត់ ហើយបើពួកគេឈរចំកន្លែងដែលអាចមួលក
    ប្រជាពលរដ្ឋទាញយកប្រយោជន៍សម្រាប់ពួកគេទៀតនោះ ពួកគេរឹតតែមិនខ្លាចក្នុងការធ្វើ
    សកម្មភាពដើម្បីទាញយកប្រយោជន៍ឲ្យពួកគេសម្រាប់ការទម្លាក់កំហុស ដាក់លើការ
    គ្រប់គ្រងរបស់រាជរដ្ឋាភិបាល ដែលក្នុងនោះក៏មានការចូលរួមក្នុងសកម្មភាពបែបនេះ ពី
    សំណាក់សង្គមស៊ីវិល អង្គការសហជីព ដែលមាននិន្នាការប្រឆាំងរដ្ឋាលផងដែរ ។
    សំអាងលើកម្លាំងប្រតិកិរិយាក្នុងប្រទេសបែបនេះ ទើបម្តងហើយម្តងទៀត សមរង្ស៊ី បាន
    ធ្វើការអំពាវនាវឲ្យកម្លាំងប្រដាប់អាវុធ ក៏ដូចជាកម្លាំងផ្សេងទៀត ដែលពួកគេបានកសាងនៅ
    មូលដ្ឋាន ឲ្យក្រោកឈរប្រឆាំងរដ្ឋាភិបាល ប៉ុន្តែសមរង្ស៊ីប្រហែលភ្លេចគឹតថា ទង្វើក្បត់ជាតិ
    ដែលសមរង្ស៊ីនិងបក្សពួកបានសាងឡើង មិនអាចទាក់ទាញទឹកចិត្តពួកគេបានទៀតឡើយ
    ទោះបីសមរង្សីបញ្ជូនសកម្មជនពីប្រទេសថៃឲ្យមកភ្ជាប់ទំនាក់ទំនងខ្សែរយះរបស់ខ្លួនក្តី ។
    នៅមានសកម្មជនឃ្លានអំណាច តែឆោតល្ងង់ខ្លះក្នុងប្រទេស បានបញ្ចេញភាពហក់កញ្ឆេង
    បញ្ចើចបញ្ជោរសមរង្សី ឲ្យមានសេចក្តីក្លាហានហានវិលត្រឡប់មកកាន់កម្ពុជាវិញ ។
    ពួកគេបានធ្វើឱកាសជួបជុំ ឃោសនានយោបាយ តាមរយះការស៊ីនំបញ្ចុក ការជប់លៀង
    ដែលគ្មានកម្មវិធី ដោយផ្អែកលើពាក្យ សេរីភាព សិទ្ធិមនុស្ស ប្រជាធិបតេយ្យ តាមការបន្ទរ
    អុចអាលពីសំនាក់សង្គមស៊ីវិលដែលមាននិន្នាការប្រឆាំងរដ្ឋាភិបាល ដោយភ្លេច
    គឹតពីផ្លូវច្បាប់របស់ជាតិ ។ សកម្មភាពបែបនេះហើយ ទើបជម្រុញឲ្យសមរង្ស៊ី និងបក្សពួកអន្ទោកអន្ទោលចង់វិលត្រឡប់មកកម្ពុជាវិញ ហើយដែលការចង់នេះ ធ្វើឡើងក្នុងជំនឿមួយ សម្រាប់បរិបទដែលមិនសមហេតុផល។
    ជាមួយជំនឿលង់ប្រកបដោយអំនួត ផ្តល់ឲ្យពីភាពហៃអើពីសំណាក់សកម្មជនអតីត
    គណៈបក្សសង្គ្រោះជាតិ ដែលត្រូវរំលាយ ចោលដោយតុលាការអាស្រ័យលើទោសកំហុសក្បត់ជាតិដែលនៅសេសសល់ បូកផ្សំនិងការអន្ទងពីសំណាក់កឹមសុខាដែលកំពុងជាប់ពិរុទ្ធពីទោសក្បត់ជាតិ រៀបចំធ្វើបដិវត្តន៍ពណ៌តាមការបង្រៀននឹងបង្គាប់បញ្ជាពីជនបរទេស ដើម្បី
    ផ្តួលរំលំរដ្ឋាភិបានស្របច្បាប់នៃកម្ពុជា ដែលថា បើមានមេដឹកនាំទាំងពីរមកជាប់ទោសរួមគ្នានៅកម្ពុជា នឹងធ្វើឲ្យមានការកែប្រែស្ថានការណ៍នយោបាយនៅកម្ពុជា ដែលនាំដល់ការរស់
    ឡើងវិញសម្រាប់គណបក្សសង្គ្រោះជាតិនោះ វាជាការវាយតម្លៃខុស ហើយក៏បង្ហាញយ៉ាងច្បាស់ថា ខួរក្បាលសមរង្ស៊ី គឺជាខួរក្បាលអ្នកនយោបាយទទូរសារ៉ុង ។
    បើយើងចាំមិនភ្លេច កឹមសុខាដែលកាលនោះ បានគេចវេសពីពីសំណាញ់ច្បាប់ ទាក់ទង
    នឹងអំពើឆបោករួមសង្វាស ហើយដែលបានប្តឹងដោយសាម៉ីខ្លួនស្ត្រីផ្ទាល់ ហើយដែលបានពួនសម្ងំលាក់ខ្លួនក្នុងទីស្នាក់ការគណបក្សសង្គ្រោះជាតិយ៉ាងយូរ ពិតជាមានសកម្មជនជាច្រើនរយនាក់ នៃគណៈបក្សនេះ មកដេកយាមការពារដោយប្រាកដមែន ។ តែថាពេលចាប់ខ្លួនកឹមសុខាពីទោសក្បត់ជាតិ សួរថា តើសភាពនៃការប្រែប្រួលពីសំណាក់កម្លាំងគាំទ្រនៃ
    បក្សនេះទៅជាយ៉ាងណា ។ វាពិតជាគ្មានកម្លាំឯណាមកគាំទ្រទៀតទេ ត្បឹតពួកគេដឹង
    ច្បាស់ថាកឹមសុខាគឹជាជនក្បត់ជាតិ។ ដូច្នេះការប្រព្រឹត្តណាមួយ ដើម្បីគាំទ្រសមរង្ស៊ីនិងបក្សពួកដែលជាជនក្បត់ជាតិមិនខុសអីពីពួកគេទាំងនោះ បានដាក់ខ្លួនចំពោះមុខច្បាប់ ថាពួកគេ
    គឺជាជនក្បត់ជាតិដែរនោះទេ ។
    វាគ្មានការឃាត់ឃាំងណាមួយ ចំពោះជនក្បត់ជាតិសមរង្ស៊ីនិងបក្សពួក ក្នុងការវិលត្រឡប់
    ចូលកម្ពុជាវិញនោះទេ ។
    តែថាពួកអ្នកទាំងនោះសុទ្ធតែមានសាលដីការបស់តុលាការត្រូវចាប់ខ្លួនដើម្បីផ្តន្ទារទោស
    តាមកំហុសដែលពួកគេបានប្រព្រឹត្តក្នុងអំពើក្បត់ជាតិ។
    វាជាការល្អសម្រាប់ជំនឿងលង់ពេញដោយអំនួត របស់សមរង្ស៊ីនិងបក្សពួក ដែលយល់ខុស
    ពីស្ថានភាពបច្ចុប្បន្ននិងអតីត ដែលសមរង្ស៊ី បានទទួលនូវការលើកលែងទោសពីអង្គ
    ព្រះមហាក្សត្រ តាមការស្នើសុំពីសំណាក់នាយករដ្ឋមន្ត្រីនៃកម្ពុជា សម្តេចអគ្គមហាសេនាបតីតេជោហ៊ុន សែន ។
    ច្បាប់នឹងបង់តែមួយសំណាញ់ ក្រសោបយកក្រុមជនក្បត់ជាតិទាំងនេះ មកកាត់ទោសតាមច្បាប់ ហើយសន្តិភាពជាតិសុខសុវត្ថិភាពសង្គម និងបន្តល្អប្រសើរទ្វេរឡើងថែមទៀត
    ក្នុងពេលដែលគ្មានវត្តមានជនក្បត់ជាតិទាំងនេះ៕