របប​ក្រុងភ្នំពេញ​ប្ដឹង​លោក សម រង្ស៊ី មួយ​ករណី​ទៀត​ជុំវិញ​រឿង​ព្រះមហាក្សត្រ

ដោយ សេក បណ្ឌិត
2019-09-15
អាស៊ីសេរី

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

លោក​នាយករដ្ឋមន្ត្រី ហ៊ុន សែន (ឆ្វេង) និង​លោក សម រង្ស៊ី អតីត​ប្រធាន​គណបក្ស​សង្គ្រោះជាតិ។ Photo: RFA
លោក​នាយករដ្ឋមន្ត្រី ហ៊ុន សែន (ឆ្វេង) និង​លោក សម រង្ស៊ី អតីត​ប្រធាន​គណបក្ស​សង្គ្រោះជាតិ។ Photo: RFA


តុលាការ ​ចេញ​ដីកា​បង្គាប់ឲ្យ​​​ចាប់​ខ្លួន លោក សម រង្ស៊ី​ លើក​ទី​ពីរ​​


ក្រុម​មេធាវី​របស់​របប​ក្រុងភ្នំពេញ ប្ដឹង​ប្រធាន​ស្តីទី​គណបក្ស​សង្គ្រោះជាតិ លោក សម រង្ស៊ី មួយ​ករណី​ទៀត ពី​បទ​បរិហារកេរ្តិ៍ ថា លោក ហ៊ុន សែន យក​ព្រះមហាក្សត្រ និង​ពលរដ្ឋ​ក្នុងស្រុក ជា​ចំណាប់ខ្មាំង​។ ការ​ប្ដឹង​នេះ ធ្វើឡើង​ស្រប​ពេល រដ្ឋមន្ត្រី​មន្ត្រី​ក្រសួង​យុត្តិធម៌ បាន​ធ្វើ​អធិបញ្ជា ឱ្យ​តំណាង​អយ្យការ​ចោទ​លោក សម រង្ស៊ី ពី​បទ​ប្រមាថ​ព្រះមហាក្សត្រ កាលពី​ថ្ងៃ​ទី​១៣ កញ្ញា។

ប្រធាន​ក្រុម​មេធាវី​របប​ក្រុងភ្នំពេញ គឺ លោក គី តិច បញ្ជាក់​នៅ​ក្នុង​បណ្ដឹង ថា លោក សម រង្ស៊ី មាន​ចេតនា​អាក្រក់ បរិហារកេរ្តិ៍ លោក ហ៊ុន សែន ជា​សាធារណៈ ដើម្បី​ញុះញង់​ឱ្យ​មាន​ភាព​វឹកវរ ចលាចល អសន្តិសុខ​ក្នុង​សង្គម ដែល​ជា​ទង្វើ​ល្មើសច្បាប់​ក្រមព្រហ្មទណ្ឌ។

បទ​ចោទ​បរិហារកេរ្តិ៍​មួយ​ករណី​បន្ថែម​ទៀត​នេះ គឺ​លោក គី តិច ប្ដឹង​ថា លោក សម រង្ស៊ី និយាយ​តាម​វិទ្យុ​អាស៊ីសេរី ថា អ្នក​នៅ​លើ​ទឹកដី​កម្ពុជា ជា​ចំណាប់ខ្មាំង​របស់ លោក ហ៊ុន សែន សូម្បី​ព្រះមហាក្សត្រ ក៏​ជា​ចំណាប់ខ្មាំង​របស់​លោក ហ៊ុន សែន ដែរ​។ ដូច្នេះ​ទើប​ព្រះអង្គ​ខ្លាច លោក ហ៊ុន សែន​។ ពាក្យបណ្ដឹង​នោះ ត្រូវ​បាន​ដាក់​ចូល​តំណាង​អយ្យការ​អម​សាលាដំបូង​រាជធានី​ភ្នំពេញ​រួចហើយ កាលពី​ល្ងាច ថ្ងៃទី​១៣ កញ្ញា គឺ​ក្រោយពេល​បន្តិច ដែល​តំណាង​អយ្យការ ទទួលបញ្ជា​ពី​រដ្ឋមន្ត្រី​ក្រសួងយុត្តិធម៌ ឱ្យ​ចោទប្រកាន់ លោក សម រង្ស៊ី ថា និយាយ​ប្រមាថ​ព្រះមហាក្សត្រ។

អាស៊ីសេរី មិន​អាច​សុំ​ការ​បញ្ជាក់​បន្ថែម​ពី​លោក​មេធាវី គី តិច បានទេ នៅ​ថ្ងៃ​ទី​១៥ កញ្ញា ដោយសារ​មិន​ទទួល​ទូរស័ព្ទ តែ​លោក បាន​ប្រាប់​អាស៊ីសេរី កាលពី​ថ្ងៃ​ទី​១៤ កញ្ញា ថា លោក​លែង​ផ្ដល់​បទសម្ភាសន៍​ឱ្យ​សារព័ត៌មាន​តាម​ទូរស័ព្ទ​ហើយ ព្រោះ​ខ្លាច​មាន​អ្នក​បន្លំ​ជា​អ្នកកាសែត។

លោក សម រង្ស៊ី កំពុង​រង​បណ្ដឹង​នៅ​តុលាការ ជាង​១០​ហើយ ក្រោម​បទ​ចោទ ញុះញង់​កងទ័ព បរិហារកេរ្តិ៍ និង​ប្រមាថ​ព្រះមហាក្សត្រ​។ អាជ្ញាធរ​របប​ក្រុងភ្នំពេញ ប្រកាស​ថា កំពុង​តាម​ចាប់ខ្លួន លោក សម រង្ស៊ី ដើម្បី​ឱ្យ​ទៅ​ទទួល​ទោស​នៅ​កម្ពុជា។

បណ្ដឹង​ប្រឆាំង​លោក សម រង្ស៊ី ទាំង​២​នេះ គឺ​ធ្វើ​ឡើង​ក្រោយ​ពេល លោក សម រង្ស៊ី ផ្ដល់​បទសម្ភាសន៍​ក្នុង​កម្មវិធី​ព័ត៌មាន​អាស៊ីសេរី កាលពី​យប់​ថ្ងៃ​ទី​១២ កញ្ញា ថា ព្រះមហាក្សត្រ​បច្ចុប្បន្ន មិន​អាច​ប្រៀប​ផ្ទឹម ជាមួយ​អតីត​ព្រះមហាក្សត្រ​នរោត្តម សីហនុ បាន។ បន្ថែម​ពីលើ​នេះ លោក បាន​បង្ហោះ​សារ​ក្នុង​ហ្វេសប៊ុក (Facebook) បន្ថែម​ទៀត​ថា ព្រះមហាក្សត្រ មិនដែល​ចេញ​ព្រះ​ភ័ក្ត្រ ជួយ​ការពារ​ប្រជារាស្ត្រ​ខ្មែរ រងគ្រោះ ដូចជា ការ​រឹបអូស​ផ្ទះសម្បែង ដីធ្លី ការ​ចាប់​ប្រជាពលរដ្ឋ​ស្លូតត្រង់ យក​ទៅ​ឃុំឃាំង ការ​ធ្វើ​ទារុណកម្ម​លើ​ពលរដ្ឋ​ទន់ខ្សោយ ដែល​ទាមទារ​រក​យុត្តិធម៌​ទេ ហើយ​រង់ចាំ​តែ​ប្រថាប់ត្រា​លើ​ច្បាប់​ព្រៃផ្សៃ ដែល​ផ្ដួចផ្ដើម ដោយ លោក ហ៊ុន សែន ប៉ុណ្ណោះ​។ លោក សម រង្ស៊ី អះអាង​ថា លោក​មិន​បាន​ប្រមាថ​ព្រះមហាក្សត្រ​ទេ ប៉ុន្តែ​គឺ​បុគ្គល​ដែល​បាន​ចាប់​ព្រះមហាក្សត្រ​ធ្វើជា​ចំណាប់ខ្មាំង​ទេ ដែល​ជា​អ្នក​ប្រមាថ​ព្រះអង្គ ហើយ​ជន​នោះ គឺជា​លោកនាយក​រដ្ឋមន្ត្រី ហ៊ុន សែន ដែល​ធ្លាប់​គំរាម​រំលាយ​របប​រាជា​និយម​ចោល។

ស្រប​ពេល លោក សម រង្ស៊ី រង​បណ្ដឹង​២ ថែមទៀត ក្រសួង​អង្គភាព​ក្រោម​ចំណុះ​របប​ក្រុង​ភ្នំពេញ ចេញ​លិខិត​ថ្កោលទោស យ៉ាង​តិច​ណាស់ ៨០​លិខិត ថ្កោលទោស​ថា លោក សម រង្ស៊ី ថា​បាន​ប្រមាថ​ព្រះមហាក្សត្រ​។ លិខិត​ថ្កោលទោស​ទាំងនោះ មាន​ទាំង​ផ្នែក​ស៊ីវិល និង​កង​កម្លាំង តាំង​ពី​ថ្នាក់​ទីស្ដីការគណៈរដ្ឋមន្ត្រី រហូតដល់​រដ្ឋបាល​សាលា​រាជធានី​ខេត្ត និង​មាន​លិខិត​ផ្ទាល់ខ្លួន របស់​ក្រុម​មេទាហាន ជា​មនុស្ស​ជំនិត​របស់​លោក ហ៊ុន សែន ថែមទៀត។

ប្រធាន​ក្រុម​អ្នក​វិភាគ​វ័យក្មេង កញ្ញា លី ស្រីស្រស់ យល់ថា ការ​ចេញ​លិខិត​ថ្កោលទោស និង​ការ​ដាក់​ពាក្យ​ប្ដឹង​ប្រឆាំង​លោក សម រង្ស៊ី មិនមែន​ជា​មធ្យោបាយ​ដោះស្រាយ​វិបត្តិ​នៅ​កម្ពុជា​ទេ តែ​ជា​ការ​បន្ថែម​ស្ថានភាព​នយោបាយ​ឱ្យ​តានតឹង​ថែមទៀត​។ កញ្ញា​សង្កេត​ឃើញ​ថា ការ​ដាក់​បណ្ដឹង​ប្រឆាំង​លោក សម រង្ស៊ី ជាង​១០​មក​ហើយ គ្មាន​ឥទ្ធិពល​អ្វី ដល់​លោក សម រង្ស៊ី បន្តិច​ឡើយ ដូច្នេះ​រដ្ឋាភិបាល​គួរ​ងាក​មក​រក​ដំណោះស្រាយ ល្អ​ជាង​ការ​ដាក់​ពាក្យ​ប្ដឹង​ថែមទៀត៖ «អ៊ីចឹង​ការ​ប្ដឹង​នេះ វា​ហាក់​ដូចជា​ចំណាយ​ពេល​អត់​មាន​ប្រយោជន៍ នៅ​ក្នុង​បរិបទ​ថា ដើម្បី​ដោះស្រាយ​បញ្ហា​នយោបាយ​។ អ៊ីចឹង ខ្ញុំ​គិត​ថា វា​គឺជា​រឿង​មួយ ដែល​យើង​ខ្ជះខ្ជាយ​ដែល​រដ្ឋាភិបាល​គួរតែ​ផ្ដោត​លើ​ការ​ដោះស្រាយ​បញ្ហា ជាជាង​ការ​ប្ដឹង​អ្នកនេះ ប្ដឹង​អ្នកនោះ ពីព្រោះ​ថា ការ​ប្ដឹង វា​មាន​សកម្មភាព​ចេញទៅ​។ ដូច្នេះ​ហើយ វា​អាច​ធ្វើ​ឱ្យ​ការ​ប្រកប​វិជ្ជាជីវៈ​របស់​តុលាការ ឬក៏​មន្ត្រី ដែល​មាន​សមត្ថកិច្ច​ទៅលើ​មុខងារ​របស់​ខ្លួន​ហ្នឹង មិន​បាន​ល្អ ដោយសារតែ​ផ្ដោត​ទៅ​លើ​ការ​ប្ដឹង​ផ្ដល់ ពាក់ព័ន្ធ​នឹង​រឿង​នយោបាយ​ទៅវិញ»

លោក សម រង្ស៊ី វិញ និយាយ​ថា លោក​មាន​មោទនភាព​ខ្លាំង នៅ​ពេល​របប​លោក ហ៊ុន សែន ប្ដឹង​លោក​កាន់តែ​ច្រើន​។ លោក ជំរុញ​ឱ្យ​របប​ក្រុងភ្នំពេញ ប្ដឹង​លោក​ថែមទៀត ទាំង​នៅ​តុលាការ​កម្ពុជា និង​តុលាការ​ប្រទេស​បារាំង ខណៈ លោក សម រង្ស៊ី កំពុង​បង្កើន​វោហារ​សព្ទ​អំពាវនាវ​កងទ័ព កុំ​ស្ដាប់​បញ្ជា​លោក ហ៊ុន សែន និង​មេ​យោធា នៅ​ពេល​លោក​ធ្វើ​មាតុភូមិ​និវត្តន៍ វិល​ចូល​កម្ពុជា នៅ​ថ្ងៃ​ទី​០៩ ខែ​វិច្ឆិកា ខាងមុខ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

One Response to "របប​ក្រុងភ្នំពេញ​ប្ដឹង​លោក សម រង្ស៊ី មួយ​ករណី​ទៀត​ជុំវិញ​រឿង​ព្រះមហាក្សត្រ"

  1. so socheath says:

    Send to facebook
    អ្នកនយោបាយក្បាលទទូរសារុង!
    *******
    ពាក្យចំអករបស់ខ្មែរ ទៅលើដែគូរប្រជែងណាមួយ ដែលបានតែសម្តីអត់បានការ
    ហើយកំសាកញី គេតែងចំអកឲ្យថាជាមនុស្សក្បាលទទូរសារុង ដែលមានន័យថា
    ជាមនុស្សខ្លាំងក្នុងគ្រប ជាកង្កែបក្នុងអណ្តូង ជាមនុស្សដែលត្រូវមនុស្សស្រីដឹកមុខ
    និយាយរួមគឺជាមនុស្សចោលម្សៀតអត់បានការ ។យ៉ាងណាម៉ិញសមរង្ស៊ី គឺជាមនុស្ស
    បែបនេះ ។
    ពិតណាស់សមរង្ស៊ី ធ្វើនយោបាយ គឺចូលចិត្តប្រើក្បាច់មាត់ត្រីកំផ្លាញ។
    ជានិច្ចកាលភាពបង្កររឿង តាមនិយមន័យដំបៅមិនឈឺយកឈើចាក់ វាជាកត្តា
    យុទ្ធសាស្ត្រដែលសមរង្ស៊ីត្រូវប្រើជាប្រចាំខានមិនបាន ក្នុងន័យកេងចំណេញ
    នយោបាយផង និងដើម្បីបោកប្រាសយកលុយពីជនល្ងង់ខ្លៅនៅក្រៅប្រទេស តែ
    លោភលន់ចង់បានអំណាចផងតាមទិសស្លោកបោកប្រាសថាចូលរួមថវិកាជាមួយ
    សមរង្ស៊ីគឺស្នេហាជាតិ។ ព្រោះថាចូលលុយច្រើន ស្នេហាជាតិច្រើន ចូលលុយតិច
    ស្នេហាជាតិតិច ។
    ភាពជាអ្នកនយោបាយដែលស្មោះត្រង់ចំពោះជាតិនិងប្រជាជនមិនមានឡើយក្នុង
    ជម្រៅចិត្តសមរង្ស៊ី ដែលវាដូចគ្នា ជាមួយកឹមសុខាបេះដាក់។ តែថាអ្នកទាំងពីរនេះ
    ថ្វីត្បឹតចំណុចខាងលើដូចគ្នា តែមានភាពខុសគ្នាសម្រាប់ការប្រជែងយកអំណាច
    សម្រាប់បក្សពួករៀងខ្លួន។ ចំណុចនេះហើយដែលធ្វើឲ្យអតីតបក្សសង្គ្រោះជាតិ ដែលកើត
    ចេញពីសម្ព័ន្ធភាពរវាងគណបក្សសមរង្ស៊ី និងគណបក្សសិទ្ធិមនុស្សរបស់កឹមសុខា មានការមិនសូវចុះ
    សម្រុងគ្នា ដែលកឹមសុខាបាននិយាយដោយបើកចំហរថា ជាតិជាអ្នកនយោបាយគឺ
    មានតែកឹមសុខាមួយគត់ ដែលអាមេរិកគាំទ្រនិងបង្ហាត់បង្រៀនយុទ្ធសាស្ត្រធ្វើនយោបាយ
    ដោយផ្ទាល់ចាប់តាំងពីឆ្នាំ១៩៩៣មក ដែលវាហាក់ជាសារព្រមានដល់សមរង្ស៊ីថា សូម្បីតែសមរង្ស៊ី
    ក៏មិនមែនជាដៃគូរខាងនយោបាយជាមួយកឹមសុខាដែរ ។
    ពិតហើយក្រោយពេលសមរង្ស៊ីរត់ចេញទៅក្រៅប្រទេស ដើម្បីគេចចេញពីផ្លូវច្បាប់នៅកម្ពុជា
    វាជាឱកាសដែលកឹមសុខា ត្រូវរុញច្រានសមរង្ស៊ីផ្ទប់គៀនជញ្ជាំង។
    រដ្ឋប្រហារក្នុងបក្សសង្គ្រោះជាតិបានចាប់បង្ខំឲ្យសមរង្ស៊ីឲ្យលាលែងចេញពីតំណែង
    ប្រធានគណបក្សសង្គ្រោះជាតិ និងពីសមាជិកភាពក្នុងបក្ស ប្រែក្លាយទៅជាជនសាមញ្ញ
    ធម្មតា។ តែថាការដើរនយោបាយឃុបឃឹតជាមួយបរទេសក្នុងការធ្វើបដិវត្តន៍ពណ៌ដើម្បី
    ផ្តួលរំលំរាជរដ្ឋាភិបាលស្របច្បាប់ ត្រូវបានបើកកកាយចេញពីមាត់កឹមសុខាដែលទើប
    ដណ្តើមតំណែង មេបក្សសង្គ្រោះជាតិ បានពីសមរង្ស៊ី ហើយក៏គាប់ជួនក្នុងពេលដែល
    គណបក្សសង្គ្រោះជាតិបានកើនអាសនៈបន្ថែមនៅក្នុងការបោះឆ្នោតក្រុមប្រឹក្សាឃុំសង្កាត់
    ជាមួយនយោបាយភូតភរបោកប្រាសសន្យាផ្តល់ថវិកា៥០ម៉ឺនដុល្លារសម្រាប់ឃុំសង្កាត់
    និមួយៗក្នុងមួយឆ្នាំ។ យើងសុំមិនរម្លឹកពីរឿងសន្យាបោកប្រាសទៀតទេ តែថាក្រោយ
    កឹមសុខា ត្រូវបានជាប់ទោស ពីបទសង្ស័យថាក្បត់ជាតិវាជាឱកាសសម្រាប់អ្នកនយោបាយ
    ទទូរសារុងសមរង្ស៊ីក្រោកឈរវិញដែរ ។
    ក្រោយសម្រេចជោគជ័យក្នុងការដណ្តើមតំណែងជាប្រធានបក្សបានមកវិញ សមរង្ស៊ី
    ដែលប្រាកដក្នុងចិត្តដោយច្បាស់ថា ខ្លួនសមរង្សីផ្ទាល់និងបក្សពួក ដែលកំពុងរត់ភៀស
    ខ្ឡួនទៅក្រៅប្រទេសគេចចេញពីសំណាញ់ច្បាប់ បន្ទាប់ពីបានកសាងកំហុសច្រើនស្អេកស្កះ
    រាប់មិនអស់ក្នុងការចូលរួមដៃជាមួយកឹមសុខា ក្នុងការប្រព្រឹត្តអំពើក្បត់ជាតិ បានរៀបចំ
    ប្រើវិធីនយោបាយដើម្បីកេងចំណេញនយោបាយផង និងដើម្បីបោកប្រាសយកលុយ
    ពីជនល្ងង់ខ្លៅនៅក្រៅប្រទេស តែលោភលន់ចង់បានអំណាចផងតាមទិសស្លោក
    បោកប្រាសថាចូលរួមថវិកាជាមួយសមរង្ស៊ីគឺស្នេហាជាតិ។
    យើងមិនបដិសេធទេថា ក្នុងសកម្មភាពនយោបាយកន្លងមក សមរង្ស៊ី និងកឹមសុខា ទោះបី
    បានប្រើមហិច្ឆិតាដណ្តើមអំណាចគ្នាទៅវិញទៅមកក្នុងបក្សសង្គ្រោះជាតិក្តី តែដើម្បីមាន
    កម្លាំងផ្តួលរំលំគណបក្សប្រជាជនកម្ពុជាដែលចាគណបក្សកាន់អំណាច ពួកគេបានកសាង
    កម្លាំងប្រតិកិរិយារបស់ពួកគេបានខ្លះ ដែលកម្លាំងទាំងនោះ មានខ្លះនៅក្នុងកម្លាំង
    ប្រដាប់អាវុធ ជាយោធា នគរបាល ជាគ្រូបង្រៀន ជាគ្រូពេទ្យ មួយចំនួននៅតាម
    ស្ថាប័នក្រសួង មន្ទីរនិងក្នុងចំណោមសកម្មជនមូដ្ខាន ដែលពួកអ្នកទាំងនោះ សុទ្ធជាអ្នក
    លោភលន់ខាងបុណ្យសក្តិ ដើម្បីមុខមាត់ ហើយបើពួកគេឈរចំកន្លែងដែលអាចមួលក
    ប្រជាពលរដ្ឋទាញយកប្រយោជន៍សម្រាប់ពួកគេទៀតនោះ ពួកគេរឹតតែមិនខ្លាចក្នុងការធ្វើ
    សកម្មភាពដើម្បីទាញយកប្រយោជន៍ឲ្យពួកគេសម្រាប់ការទម្លាក់កំហុស ដាក់លើការ
    គ្រប់គ្រងរបស់រាជរដ្ឋាភិបាល ដែលក្នុងនោះក៏មានការចូលរួមក្នុងសកម្មភាពបែបនេះ ពី
    សំណាក់សង្គមស៊ីវិល អង្គការសហជីព ដែលមាននិន្នាការប្រឆាំងរដ្ឋាលផងដែរ ។
    សំអាងលើកម្លាំងប្រតិកិរិយាក្នុងប្រទេសបែបនេះ ទើបម្តងហើយម្តងទៀត សមរង្ស៊ី បាន
    ធ្វើការអំពាវនាវឲ្យកម្លាំងប្រដាប់អាវុធ ក៏ដូចជាកម្លាំងផ្សេងទៀត ដែលពួកគេបានកសាងនៅ
    មូលដ្ឋាន ឲ្យក្រោកឈរប្រឆាំងរដ្ឋាភិបាល ប៉ុន្តែសមរង្ស៊ីប្រហែលភ្លេចគឹតថា ទង្វើក្បត់ជាតិ
    ដែលសមរង្ស៊ីនិងបក្សពួកបានសាងឡើង មិនអាចទាក់ទាញទឹកចិត្តពួកគេបានទៀតឡើយ
    ទោះបីសមរង្សីបញ្ជូនសកម្មជនពីប្រទេសថៃឲ្យមកភ្ជាប់ទំនាក់ទំនងខ្សែរយះរបស់ខ្លួនក្តី ។
    នៅមានសកម្មជនឃ្លានអំណាច តែឆោតល្ងង់ខ្លះក្នុងប្រទេស បានបញ្ចេញភាពហក់កញ្ឆេង
    បញ្ចើចបញ្ជោរសមរង្សី ឲ្យមានសេចក្តីក្លាហានហានវិលត្រឡប់មកកាន់កម្ពុជាវិញ ។
    ពួកគេបានធ្វើឱកាសជួបជុំ ឃោសនានយោបាយ តាមរយះការស៊ីនំបញ្ចុក ការជប់លៀង
    ដែលគ្មានកម្មវិធី ដោយផ្អែកលើពាក្យ សេរីភាព សិទ្ធិមនុស្ស ប្រជាធិបតេយ្យ តាមការបន្ទរ
    អុចអាលពីសំនាក់សង្គមស៊ីវិលដែលមាននិន្នាការប្រឆាំងរដ្ឋាភិបាល ដោយភ្លេច
    គឹតពីផ្លូវច្បាប់របស់ជាតិ ។ សកម្មភាពបែបនេះហើយ ទើបជម្រុញឲ្យសមរង្ស៊ី និងបក្សពួក
    អន្ទោកអន្ទោលចង់វិលត្រឡប់មកកម្ពុជាវិញ ហើយដែលការចង់នេះ ធ្វើឡើងក្នុងជំនឿមួយ
    សម្រាប់បរិបទដែលមិនសមហេតុផល។
    ជាមួយជំនឿលង់ប្រកបដោយអំនួត ផ្តល់ឲ្យពីភាពហៃអើពីសំណាក់សកម្មជនអតីត
    គណៈបក្សសង្គ្រោះជាតិ ដែលត្រូវរំលាយ ចោលដោយតុលាការអាស្រ័យលើទោសកំហុស
    ក្បត់ជាតិដែលនៅសេសសល់ បូកផ្សំនិងការអន្ទងពីសំណាក់កឹមសុខាដែលកំពុងជាប់ពិរុទ្ធ
    ពីទោសក្បត់ជាតិ រៀបចំធ្វើបដិវត្តន៍ពណ៌តាមការបង្រៀននឹងបង្គាប់បញ្ជាពីជនបរទេស ដើម្បី
    ផ្តួលរំលំរដ្ឋាភិបានស្របច្បាប់នៃកម្ពុជា ដែលថា បើមានមេដឹកនាំទាំងពីរមកជាប់ទោសរួមគ្នា
    នៅកម្ពុជានឹងធ្វើឲ្យមានការកែប្រែស្ថានការណ៍នយោបាយនៅកម្ពុជា ដែលនាំដល់ការរស់
    ឡើងវិញសម្រាប់គណបក្សសង្គ្រោះជាតិនោះ វាជាការវាយតម្លៃខុស ហើយក៏បង្ហាញយ៉ាងច្បាស់ថា
    ខួរក្បាលសមរង្ស៊ី គឺជាខួរក្បាលអ្នកនយោបាយទទូរសារ៉ុង ។
    បើយើងចាំមិនភ្លេច កឹមសុខាដែលកាលនោះ បានគេចវេសពីពីសំណាញ់ច្បាប់ ទាក់ទង
    នឹងអំពើឆបោករួមសង្វាស ហើយដែលបានប្តឹងដោយសាម៉ីខ្លួនស្ត្រីផ្ទាល់ ហើយដែលបាន
    ពួនសម្ងំលាក់ខ្លួនក្នុងទីស្នាក់ការគណបក្សសង្គ្រោះជាតិយ៉ាងយូរ ពិតជាមានសកម្មជន
    ជាច្រើនរយនាក់ នៃគណៈបក្សនេះ មកដេកយាមការពារដោយប្រាកដមែន ។ តែថាពេលចាប់ខ្លួន
    កឹមសុខាពីទោសក្បត់ជាតិ សួរថា តើសភាពនៃការប្រែប្រួលពីសំណាក់កម្លាំងគាំទ្រនៃ
    បក្សនេះទៅជាយ៉ាងណា ។ វាពិតជាគ្មានកម្លាំឯណាមកគាំទ្រទៀតទេ ត្បឹតពួកគេដឹង
    ច្បាស់ថាកឹមសុខាគឹជាជនក្បត់ជាតិ។ ដូច្នេះការប្រព្រឹត្តណាមួយ ដើម្បីគាំទ្រសមរង្ស៊ី
    និងបក្សពួកដែលជាជនក្បត់ជាតិមិនខុសអីពីពួកគេទាំងនោះ បានដាក់ខ្លួនចំពោះមុខច្បាប់
    ថាពួកគេគឺជាជនក្បត់ជាតិដែរនោះទេ ។
    វាគ្មានការឃាត់ឃាំងណាមួយ ចំពោះជនក្បត់ជាតិសមរង្ស៊ីនិងបក្សពួក ក្នុងការវិលត្រឡប់
    ចូលកម្ពុជាវិញនោះទេ ។
    តែថាពួកអ្នកទាំងនោះសុទ្ធតែមានសាលដីការបស់តុលាការត្រូវចាប់ខ្លួនដើម្បីផ្តន្ទារទោស
    តាមកំហុសដែលពួកគេបានប្រព្រឹត្តក្នុងអំពើក្បត់ជាតិ។
    វាជាការល្អសម្រាប់ជំនឿងលង់ពេញដោយអំនួត របស់សមរង្ស៊ីនិងបក្សពួក ដែលយល់ខុស
    ពីស្ថានភាពបច្ចុប្បន្ននិងអតីត ដែលសមរង្ស៊ី បានទទួលនូវការលើកលែងទោសពីអង្គ
    ព្រះមហាក្សត្រ តាមការស្នើសុំពីសំណាក់នាយករដ្ឋមន្ត្រីនៃកម្ពុជា សម្តេចអគ្គមហាសេនាបតីតេជោហ៊ុន សែន ។
    ច្បាប់នឹងបង់តែមួយសំណាញ់ ក្រសោបយកក្រុមជនក្បត់ជាតិទាំងនេះ មកកាត់ទោសតាមច្បាប់
    ហើយសន្តិភាពជាតិសុខសុវត្ថិភាពសង្គម និងបន្តល្អប្រសើរទ្វេរឡើងថែមទៀតក្នុងពេលដែលគ្មានវត្តមានជនក្បត់ជាតិទាំងនេះ៕