មេធាវី​ថា លោក កឹម សុខា ចង់​ទៅ​វត្ត​ធ្វើ​បុណ្យ​រាប់​បាត្រ ក្នុង​ឱកាស​បុណ្យ​ភ្ជុំ​បិណ្ឌ

ដោយ វ៉ែន សុមេធ
2019-09-18
អាស៊ីសេរី

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

លោក កឹម សុខា ប្រធាន​គណបក្ស​សង្គ្រោះ​ជាតិ កាល​ពី​មិន​ទាន់​ជាប់​ឃុំឃាំង។ រូប៖ ហ្វេសប៊ុក​លោក កឹម សុខា
លោក កឹម សុខា ប្រធាន​គណបក្ស​សង្គ្រោះ​ជាតិ កាល​ពី​មិន​ទាន់​ជាប់​ឃុំឃាំង។ រូប៖ ហ្វេសប៊ុក​លោក កឹម សុខា


ក្រុម​មេធាវី​គ្រោងស្នើសុំចៅក្រមអនុញ្ញាតឱ្យលោក កឹម សុខា ចូលរួមពិធីបុណ្យភ្ជុំបិណ្ឌ


លោក កឹម សុខា ប្រធាន​គណបក្ស​សង្គ្រោះ​ជាតិ បាន​ខកខាន​ទៅ​ធ្វើ​បុណ្យ​ដាក់​បិណ្ឌ​ នៅ​វត្ត​អារាម ​ចំនួន ៤ឆ្នាំ​ជាប់ៗ​គ្នា ដោយសារ​លោក​ត្រូវ​បង្ខំ​ចិត្ត​ឃុំ​ខ្លួន​ឯង និង​ត្រូវ​របប​ក្រុង​ភ្នំពេញ ចាប់​ឃុំ​ខ្លួន​នៅ​ពន្ធនាគារ ហើយ​ចុង​ក្រោយ​កំពុង​ជាប់​ឃុំ​នៅ​ផ្ទះ។ មេធាវី​ គ្រោង​ពិភាក្សា​គ្នា​ ស្នើសុំ​ចៅក្រម​អនុញ្ញាត​ឲ្យ​ លោក កឹម សុខា បាន​ទៅ​ធ្វើ​បុណ្យ​កាន់​បិណ្ឌ​នៅ​វត្ត​នឹង​គេ នៅ​ឆ្នាំ​នេះ។

សហ​មេធាវី​ការពារ​ក្ដី​ឲ្យ​​លោក កឹម សុខា គឺ​អ្នក​ស្រី​មេធាវី​ ម៉េង សុភារី ប្រាប់​ថា ក្រុម​មេធាវី​ មិន​ទាន់​បាន​ទៅ​សួរ​សុខទុក្ខ​ លោក កឹម សុខា​ទេ តែ​អ្នកស្រី​គិត​ថា លោក កឹម សុខា ច្បាស់​ជា​មាន​បំណង​ចង់​ទៅ​វត្ត​រាប់បាត្រ ឧទ្ទិស​កុសល​ ក្នុង​ពិធី​បុណ្យ​កាន់​បិណ្ឌ​ណាស់ គ្រាន់​តែ​លោក ត្រូវ​ជាប់​បម្រាប​ឃុំ​ខ្លួន នៅ​​ក្នុង​ផ្ទះ។ អ្នកស្រី ថា ក្រុម​មេធាវី មាន​បំណង​ ស្នើសុំ​ចៅក្រម​ អនុញ្ញាត​ឲ្យ​លោក កឹម សុខា បាន​ទៅ​វត្ត​ធ្វើ​បុណ្យ​នៅ​ឱកាស​ភ្ជុំបិណ្ឌ​ ជាមួយ​ពលរដ្ឋ​ដទៃ​ទៀត៖ «ខ្ញុំ​អត់​បាន​ទៅ ​សួរ​សុខ​ទុក្ខ​គាត់​ផង ដូច្នេះ​អត់​បាន​ទទួល​ព័ត៌មាន​អ្វី​ពី​គាត់​ទេ ប៉ុន្តែ​ការ​សន្និដ្ឋាន​របស់​ខ្ញុំ ធម្មតា​ទេ យើង​អ្នក​កាន់​ព្រះ​ពុទ្ធ​សាសនា​ កាល​ណា​មាន​ពិធី​បុណ្យ​សាសនា​ ពិធី​បុណ្យ​ជាតិ​អ៊ីចឹង​ គឺ​​តែងតែ​ចង់​ទៅ​ចូលរួម​នៅ​ក្នុង​កម្មវិធី​ហ្នឹង​ហើយ​។ ជា​ពិសេស​ហ្នឹង​បុណ្យ​ភ្ជុំ​បិណ្ឌ​នេះ​ទៀត​សោត គឺ​ជា​បុណ្យ​ដែល​ឧទ្ទិស​ដល់​ញាតិ​សន្ដាន​ សាច់​ញាតិ​​ដែល​បាន​ចែក​ឋាន​ទៅ។ ធម្មតា​ទេ សាច់​ញាតិ​កូន​ចៅ​ ដែល​នៅ​រស់​ហ្នឹង គឺ​តែងតែ​ចង់​​វត្ត​ ទៅ​វ៉ា ឧទ្ទិស​កុសល​ជូន​ញាតិ​សន្ដាន​របស់​ខ្លួន​ដែរ​។ មិន​ថា​រូប​គាត់ ឬ​ក៏​អ្នក​ណា អ្នកណា​ដែល​កាន់​សាសនា​ព្រះ​ពុទ្ធ​។ ពូក​ខ្ញុំ​មិន​ទាន់​បាន​ជជែក​គ្នា​ពី​រឿង​ហ្នឹង​ថា ត្រូវ​សុំ​ឬ​មួយ​អត់។ ចាំ​មើល​ពួក​ខ្ញុំ​ជជែក​គ្នា​សិន​ណា»

លោក កឹម សុខា ត្រូវ​បាន​ឃុំ​ខ្លួន​មិន​បាន​ចូលរួម​បុណ្យ​ភ្ជុំបិណ្ឌ​ ចាប់​តាំង​ពី​ឆ្នាំ២០១៦ មក គឺ​កាល​នោះ លោក​ត្រូវ​បង្ខំ​ចិត្ត​ ឃុំ​ខ្លួន​ឯង ​ក្នុង​ស្នាក់​ការ​គណបក្ស​សង្គ្រោះ​ជាតិ​ នៅ​សង្កាត់​ចាក់​អង្រែ ដើម្បី​គេច​​​ពី​ការ​​ធ្វើ​ទុក្ខ​បុក​ម្នេញ ពី​​តុលាការ​ និង​របប​ក្រុង​ភ្នំពេញ ក្នុង​សំណុំ​ រឿង​កោះ​ហៅ​ លោក​ឲ្យ​ធ្វើ​សាក្សី​ ក្នុង​សំណុំ​រឿង​សញ្ចរកម្ម។

ក្រោយ​មក​ទៀត នៅ​ឆ្នាំ​២០១៧ នៅ​មុន​ពិធី​បុណ្យ​ដាក់​បិណ្ឌ​ប្រហែល​មួយ​ខែ​ លោក កឹម សុខា ត្រូវ​បាន​អាជ្ញាធរ​​របប​ក្រុង​ភ្នំពេញ សម្រុក​ចូល​ចាប់​ខ្លួន​ទាំង​កណ្ដាល​អាធ្រាត្រ​ យក​ទៅ​ឃុំ​នៅ​ពន្ធនាគារ​ត្រពាំង​ផ្លុង ក្បែរ​ព្រំដែន​ប្រទេស​វៀតណាម ពី​បទ​​សន្ទិដ្ឋិភាព ឬ​ក្បត់​ជាតិ។

នៅ​​ខែ​កញ្ញា ឆ្នាំ​២០១៨ ទោះ​របប​ក្រុង​ភ្នំពេញ បាន​ដោះលែង​ លោក កឹម សុខា ពី​ពន្ធនាគារ​ត្រពាំង​ផ្លុង តែ​ចៅក្រម​ នៅ​បន្ត​ឃុំ​ខ្លួន​មេ​បក្ស​ប្រឆាំង​រូប​នេះ នៅ​ក្នុង​ផ្ទះ​ដដែល ដោយ​មិន​អនុញ្ញាត​ឲ្យ​ដើរ​ចេញ​ក្រៅ​របង​ ឬ​ ជួប​និយាយ​ស្ដី​ជាមួយ​នរណា​ម្នាក់​ឡើយ ក្រៅពី​ម្ដាយ ប្រពន្ធ​ កូន និង​មេធាវី ជា​ហេតុ​ធ្វើ​ឲ្យ​លោក​ខកខាន ​មិន​បាន​ចូលរួម​ពិធី​បុណ្យ​ភ្ជុំ​បិណ្ឌ​ម្ដង​ទៀត។

អាស៊ី​សេរី​មិន​អាច​ទាក់ទង​ចៅក្រម​ស៊ើបសួរ​កាន់​សំណុំ​រឿង លោក កឹម សុខា គឺ លោក គី ឫទ្ធី បាន​ទេ នៅ​ថ្ងៃ​ទី១៧ ខែ​កញ្ញា​នេះ ចំណែក​អ្នក​នាំ​ពាក្យ​ក្រសួង​យុត្តិធម៌ លោក ជិន ម៉ាលីន ក៏​មិន​អាច​ទាក់ទង​បាន​ដែរ។ តែ​ក្រសួង​ការបរទេស និង​សហប្រតិបត្តិការ​អន្តរជាតិ​កម្ពុជា ​កាល​ថ្ងៃ​ទី១០ កញ្ញា​ អះអាង​ថា លោក កឹម សុខា ត្រូវ​បាន​ដោះលែង​ឱ្យ​មក​រស់នៅ​ក្នុង​ផ្ទះ​ ជាមួយ​គ្រួសារ​យ៉ាង​សុខ​ស្រួល ចាប់​តាំង​ពី​ថ្ងៃ​ទី៩ ខែ​កញ្ញា ឆ្នាំ​២០១៨ ក្រោម​ហេតុផល​មនុស្សធម៌។

ផ្ទុយ​ពី​ការ​អះអាង​របស់​របប​ក្រុង​ភ្នំពេញ មេធាវី​ការពារ​ក្ដី​ឲ្យ​លោក កឹម សុខា អ្នកស្រី ម៉េង សុភារី ប្រាប់​ថា កូនក្ដី​អ្នកស្រី គ្មាន​ក្ដី​សុខ​ស្រួល​ឡើយ ព្រោះ​ចៅក្រម​បាន​ដក​ហូត​សិទ្ធិ​ក្នុង​នាម​ជា​មនុស្ស​ជាតិ​ ស្ទើរ​ទាំង​អស់​ហើយ សូម្បី​សិទ្ធិ​ទៅ​វត្ត​ធ្វើ​បុណ្យ​ដាក់​បិណ្ឌ​ក៏​គ្មាន​ដែរ។ ដូច្នេះ​គ្មាន​ផ្លូវ​ណា ដែល​លោក កឹម សុខា អាច​រស់​នៅ​បាន​ដោយ​សុខ​ស្រួល​ឡើយ។

ព្រះ​តេជគុណ​ លួន សាវ៉ាត គង់​នៅ​វត្ត​ស្លែង ឃុំ​ជីក្រែង ស្រុក​ជីក្រែង ខេត្ត​សៀមរាប យល់​ថា ចៅ​ក្រម ​ត្រូវ​អនុញ្ញាត​ឲ្យ ​លោក កឹម សុខា បាន​ទៅ​វត្ត​ធ្វើ​បុណ្យ​កាន់​បិណ្ឌ និង​ភ្ជុំបិណ្ឌ។ ព្រះ​អង្គ​ពន្យល់​ថា ឱកាស​ភ្ជុំ​​បិណ្ឌ សូម្បី​ពពួក​ប្រេត ក៏​ទទួល​បាន​ការ​ដោះ​លែង​ឲ្យ​មក​ទទួល​យក​បុណ្យ​កុសល នៅ​វត្ត​អារាម​ដែរ។ ចំណែក​អ្នក​ទោស​វិញ ក៏​អនុញ្ញាត​ឲ្យ​ធ្វើ​បុណ្យ​រាប់​បាត្រ ក្នុង​ពន្ធនាគារ​ដែរ ដូច្នេះ លោក កឹម សុខា ជា​មនុស្ស​គ្មាន​ទោស អាជ្ញាធរ​ត្រូវ​ផ្ដល់​សិទ្ធិ​ឲ្យ​លោក​ទៅ​វត្ត​ធ្វើ​បុណ្យ​ភ្ជុំ​បិណ្ឌ៖ «អ៊ីចឹង​សូម្បី​តែ​ស្ដេច​យមរាជ​ក៏​គេ​មាន​ក្ដី​មេត្តា​ ចុះ​រឿង​អ្វី បាន​ជា​ខ្មែរ​យើង​ដូច​គ្នា ហើយ​ជា​ខ្មែរ​ដែល​កាន់​ព្រះ​ពុទ្ធ​សាសនា​ទេ ដែល​ជា​មាន​គំនុំ​ឈ្នានីស​មួល​បង្កាច់​ចោទ​ប្រកាន់​គ្នា ធ្វើ​បាប​គ្នា​ទាំង​ផ្លូវ​កាយ​ ផ្លូវ​វាចា ​​ទាំង​ផ្លូវ​ចិត្ត​ ទាំង​អស់​នេះ គឺ​ឈ្មោះ​ថា កំហុស​ខុស​ឆ្គង​នៃ​វប្បធម៌​ខ្មែរ ដែល​បាន​បន្សល់​ទុក​តាំង​ពី​បុរាណ​ផង អំពី​អត្ថន័យ​ភ្ជុំបិណ្ឌ ហើយ​ក៏​ខុស​ក្នុង​ច្បាប់​ព្រះ​ពុទ្ធសាសនា​ដែរ ដែល​ហាម​មនុស្ស​គ្មាន​ទោស​ពៃ មិន​ឲ្យ​មាន​សិទ្ធិ​សេរី ទៅ​ធ្វើ​បុណ្យ​ទាន​ ក្នុង​ឱកាស​ដ៏​សប្បាយ​រីក​រាយ​ក្នុង​ពិធី​បុណ្យ​ផ្សេងៗ បែប​នេះ​នោះ»

ពិធី​បុណ្យ​កាន់​បិណ្ឌ និង​ភ្ជុំ​បិណ្ឌ មាន​រយៈ​ពេល ១៥ថ្ងៃ។ ពិធី​បុណ្យ​កាន់​បិណ្ឌ និង​ភ្ជុំបិណ្ឌ​នៅ​ឆ្នាំ​នេះ ប្រព្រឹត្តិ​ទៅ​ពី​ថ្ងៃ​ទី១៤ ដល់​ថ្ងៃ​ទី២៨ កញ្ញា។ អ្នក​វិភាគ​នយោបាយ​ និង​ជា​សាស្ត្រាចារ្យ​ច្បាប់​ បណ្ឌិត ឡៅ ម៉ុងហៃ លើក​ឡើង​ថា ពិធី​បុណ្យ​ភ្ជុំ​បិណ្ឌ ត្រូវ​បាន​ព្រះ​បាទ​អង្គ ឌួង បង្កើត​ឡើង​ក្នុង​រាជ្យ​ព្រះអង្គ​ ក្នុង​​បំណង​ពង្រឹង​ព្រះពុទ្ធ​សាសនា ធ្វើ​ជា​ស្នូល​នៃ​ឯកភាព​ជាតិ ដើម្បី​ឲ្យ​ប្រទេស​បាន​ឯករាជ្យ​ជាតិ។ បណ្ឌិត ឡៅ ម៉ុងហៃ និង​ពលរដ្ឋ​​ តែង​តែ​ជំរុញ​ឲ្យ​អ្នក​នយោបាយ​ខ្មែរ យក​ឱកាស​បុណ្យ​ភ្ជុំបិណ្ឌ​ ផ្សះផ្សា​ជាតិ​​​ ដោះលែង​អ្នក​​ទោស​នយោបាយ អ្នក​ទោស​មនសិការ​ ក្នុង​ឱកាស​បុណ្យ​ភ្ជុំ​បិណ្ឌ​នេះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

4 Responses to "មេធាវី​ថា លោក កឹម សុខា ចង់​ទៅ​វត្ត​ធ្វើ​បុណ្យ​រាប់​បាត្រ ក្នុង​ឱកាស​បុណ្យ​ភ្ជុំ​បិណ្ឌ"

  1. so socheath says:

    ជាប់គុក ចង់ទៅវត្ត ?
    អញ្ចឹងគេហៅថាគុកធ្វើអីវ៉ី ?
    សំណាងហើយផ្លូវច្បាប់ឲ្យជាប់គុកក្នុងផ្ទះនោះ !
    បើអ្នកជាប់គុកមានសេរីភាពគ្រប់បែបយ៉ាងនោះ គេមិនបាច់យកមនុស្សដែល
    មានកំហុសទៅដាក់គុកទេ !
    ឡប់មែន !
    និយាយ ឲ្យរួចតែពីមាត់ វ៉ី !

  2. so cheat says:

    អា so socheath កូនមីកណ្ដួយយួនកញ្ចាស់ហាមកមិនដឹងបុណ្យដឹងបាបឥសោះកូនមីរន្ទះបាញ់ក្នុងស្បូនអាងាប់កូនមីយួនកញ្ចាស់ឯងនេះគួរត្រឡប់ទៅជាមួយប្រែតក្រោយបុណ្យភ្ជុំវិញទៅអាប្រែត so socheath កូនមីចោរគេបុក។

  3. Anonymous says:

    SOR KHENG said KIM SOKHA was not in the house of arrest but he is in the house waiting for DOLLARKA to fine justice for him. it is normal to hear those speak that was not humanly word . I knew all of them saying the same shit according to their communist brain shell. well this is what we call the century of AH ..LNGOUNG gone on the stage. please look >> starting from the top to the bottom they speak the same language . after all Cambodia is the land of those highly educated communist jungle’s gangster.

  4. Anonymous says:

    You can’t do anything in the cage of Veitcong mafia dictator’ khmer people living in the cage of hell leaded by veitcong mafia dictator’ and his groups’ .They capture cambodia and her people for ransom from international ‘so this beast regime can do anything they wanted even step on constitution ‘

Leave a Reply

Submit Comment