អ្នក​ជំនាញ​ផ្នែក​វិទ្យាសាស្រ្ត​នយោបាយ​ថា របប​លោក ហ៊ុន សែន ចង់​គំរាម​ជា​ជាង​ការ​ចាប់​ខ្លួន​លោក សម​ រង្ស៊ី

ដោយ សុជីវី
2019-10-03
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

លោក ហ៊ុន សែន ប្រធាន​គណបក្ស​ ប្រជាជន​កម្ពុជា និង​លោក សម រង្ស៊ី ប្រធាន​ស្ដីទី​គណបក្ស​ សង្គ្រោះ​ជាតិ។ រូប៖ ហ្វេសប៊ុក លោក ហ៊ុន សែន និង RFA/Sorn Chanratha
លោក ហ៊ុន សែន ប្រធាន​គណបក្ស​ ប្រជាជន​កម្ពុជា និង​លោក សម រង្ស៊ី ប្រធាន​ស្ដីទី​គណបក្ស​ សង្គ្រោះ​ជាតិ។ រូប៖ ហ្វេសប៊ុក លោក ហ៊ុន សែន និង RFA/Sorn Chanratha


ស្រប​ពេល​ដែល​លោក សម រង្ស៊ី ប្រធាន​ស្ដីទី​គណបក្ស​សង្គ្រោះ​ជាតិ សន្យា​វិល​ចូល​ស្រុក​វិញ នៅ​ថ្ងៃ​ទី៩ ខែ​វិច្ឆិកា​ខាង​មុខ មេដឹកនាំ​របប​ក្រុងភ្នំពេញ លោក ហ៊ុន សែន ក៏​កាន់​តែ​សង្ខើញ​វិធានការ​ទប់ទល់​នឹង​ការ​វិល​ចូល​ស្រុក​វិញ​របស់​លោក សម រង្ស៊ី ដែរ ក្នុង​នោះ​មាន​ទាំង​ការ​ស្នើសុំ​ឱ្យ​រដ្ឋ​សមាជិក​អាស៊ាន​ចូលរួម​ចាត់វិធានការ​រារាំង ដោយ​ចាប់​ខ្លួន​លោក សម រង្ស៊ី និង​មន្ត្រី​ដែល​អម​ដំណើរ​ទៅ​វិញ​នោះ​ផង និង​ចាប់ខ្លួន​ពលរដ្ឋ​ដែល​ទៅ​ទទួល​នោះ​ទៀត​ផង។ អ្នក​ជំនាញ​ខាង​វិទ្យាសាស្ត្រ​នយោបាយ​មើល​ឃើញ​ថា រដ្ឋ​សមាជិក​អាស៊ាន​មួយ​ចំនួន ​អាច​នឹង​រួម​ដៃ ជាមួយ​អាជ្ញាធរ​របប​ក្រុង​ភ្នំពេញ ហើយ​ក៏​មាន​ប្រទេស​មួយ​ចំនួន មាន​ទំនង​គិតគូរ​ពី​ផលប្រយោជន៍​របស់​ប្រទេស​នីមួយៗ។

សាស្ត្រាចារ្យ​ផ្នែក​វិទ្យាសាស្ត្រ​នយោបាយ លោក ឯម សុវណ្ណរ៉ា វិភាគ​ថា លោក សម រង្ស៊ី អាច​នឹង​ប្រើប្រាស់​លិខិត​ឆ្លងដែន​សញ្ជាតិ​បារាំង​របស់​លោក នៅ​ក្នុង​ពេល​ធ្វើដំណើរ​វិលត្រឡប់​ទៅ​កម្ពុជា​វិញ​ដោយ​ឆ្លង​កាត់​តាម​បណ្ដា​ប្រទេស​មួយ​ចំនួន​ជា​សមាជិក​សមាគម​ប្រជាជាតិ​អាស៊ី​អាគ្នេយ៍ ហៅ​កាត់​ថា អាស៊ាន ​នោះ​អាច​ជួប​ប្រទះ​នឹង​រឿង២ គឺ​ទី១​អាច​នឹង​ត្រូវ​ចាប់​ខ្លួន​នៅ​តាម​ប្រទេស​មួយ​ចំនួន​មាន ប្រទេស​ឡាវ និង​វៀតណាម​ជាដើម។ ប៉ុន្តែ​ក៏​អាច​រួចផុត​ពី​ការ​ចាប់​ខ្លួន​ដែរ​នៅ​ពេល​លោក សម រង្ស៊ី វិល​ចូល​តាម​ប្រទេស​មួយ​ចំនួន​ទៀត​មាន​មាន​ថៃ ម៉ាឡេស៊ី និង​សិង្ហបុរី​ជា​ដើម៖ «គេ​អាច​ចាប់ ប្រសិន​បើ​ប្រទេស​ទាំង​នោះ បាន​ចុះ​កិច្ច​ព្រមព្រៀង ឬ​អនុស្សរណៈ​ស្ដីពី​បត្យាប័ន ករណី​លោក​ សម រង្ស៊ី ជា​ករណី​ដោយ​ឡែក ព្រោះ​គាត់​មាន​សញ្ជាតិ២ គឺ​ខ្មែរ​មួយ​បារាំង​មួយ អ៊ីចឹង​សមាជិក​អាស៊ាន​ដទៃ​ទៀត ទោះ​បី​ជា​មាន​កិច្ច​ព្រមព្រៀង​បត្យាប័ន​ជាមួយ​កម្ពុជា ក៏​ដោយ​ថៃ​អាច​ថា អត់​ចាប់​ដោយ​គេ​ខ្លាច​ប៉ះ​ពាល់​ទំនាក់ទំនង​រដ្ឋាភិបាល​ថៃ និង​រដ្ឋាភិបាល​បារាំង អ៊ីចឹង​គេ​អាច​ទុក​ធ្វើ​មិន​ដឹង​មិន​ឮ»

លើស​ពី​នេះ​លោក ថា​បណ្ដា​ប្រទេស​ក្នុង​តំបន់​អាស៊ាន​តែង​ឈរ​លើ​គោលការណ៍​មិន​ជ្រៀតជ្រែក​ក៏​អាច​ជា​ហេតុផល​ដែល​បណ្ដា​ប្រទេស​មួយ​ចំនួន​មិន​ចាប់ខ្លួន​លោក សម រង្ស៊ី ដែរ។ បើ​តាម​លោក ឯម សុវណ្ណារ៉ា មាន​ប្រទេស​មួយ​ចំនួន​មាន​កិច្ច​ព្រមព្រៀង​ជា​មួយ​កម្ពុជា ស្ដីពី បត្យាប័ន ឬ​កិច្ច​ព្រមព្រៀង​ផ្ទេរ​អ្នក​ជាប់​ទោស​ក្នុង​នោះ​ក៏​មាន​ប្រទេស​ថៃ​មួយ​ដែរ។

លោក ឯម សុវណ្ណារ៉ា មើល​ឃើញ​ទៀត​ថា ករណី​បង្កើន​ការ​គំរាមកំហែង​ចំពោះ​សកម្មជន​គណបក្ស​ប្រឆាំង​នៅ​តាម​មូលដ្ឋាន ដោយ​ការ​ចាប់​ខ្លួន ការ​កោះហៅ និង​ការ​ធ្វើ​ទុក្ខ​បុក​ម្នេញ​ផ្សេង​ទៀត​គឺ​ដោយសារ តែ​លោក ហ៊ុន សែន បំភ័យ​ពលរដ្ឋ​មិន​ឱ្យ​ចូលរួម​គាំទ្រ​ជាមួយ​លោក សម​ រង្ស៊ី ដើម្បី​កាត់បន្ថយ​ការ​ប្រឈម​នឹង​ការ​ងើប​ឡើង​តវ៉ា​របស់​ពលរដ្ឋ៖ «អ្វី​ដែល​គណបក្ស​កាន់​អំណាច​បារម្ភ​ជាង​គេ​នោះ គឺ​កម្លាំង​ប្រជាពលរដ្ឋ ដែល​ងើប​ឡើង ដែល​តវ៉ា ដែល​គាំទ្រ​លោក សម រង្ស៊ី ហ្នឹង បើ​កម្លាំង​ចលនា​ហ្នឹង​កើន​ឡើង មាន​ការចូលរួម​ច្រើន​អាជ្ញាធរ​មាន​សមត្ថកិច្ច ក៏​នៅ​តែ​អាច​ចាប់​លោក​ សម រង្ស៊ី បាន​​ប៉ុន្តែ​វា​ជា​ចរន្ត​មួយ ដែល​ធ្វើ​អោយ​មាន​ការ​ប្រឈម​ដែល​មិនមែន​ចំពោះតែ​លោក សម រង្ស៊ី ​ម្នាក់​ទេ គឺ​ប្រឈម​នឹង​ប្រជាពលរដ្ឋ​ដទៃ​ទៀត​ច្រើន។ ប្រសិន​បើ​រង់ចាំ​ដល់​មាន​ការ​ចាប់​ខ្លួន​លោក​ សម​ រង្ស៊ី​ ពេល​ហ្នុង​មែន វា​ក៏​អាច​ផ្ដួចផ្ដើម​ទៅ​ដល់​ការ​ប៉ះ​ទង្គិច​គ្នា​រវាង​សមត្ថកិច្ច និង​ពលរដ្ឋ ដែល​គ្មាន​អាវុធ វា​នឹង​នាំ​ឱ្យ​គណបក្ស​កាន់​អំណាច​ខាត​សំឡេង​ក្នុង​នយោបាយ​ច្រើន​ណាស់»

លោក សុវណ្ណរ៉ា មើល​ឃើញ​ទៀត​ថា របប​ក្រុង​ភ្នំពេញ​ក៏​ចង់​សម្លាប់​ជីវិត​នយោបាយ​របស់ លោក សម រង្ស៊ី តាមរយៈ​ការ​ទុក​អោយ​លោក សម រង្ស៊ី ឋិត​នៅ​កាន់​តែ​ឆ្ងាយ​ពី​ឆាក​នយោបាយ​កម្ពុជា។

«ករណី​ដែល​គណបក្ស​កាន់អំណាច​គេ​អាច​សម្លុត គេ​អាច​បំភ័យ​បាន​ល្អ​ជាង​ការ​ប្រឈម ដូច​ករណី​មាន​ឥស្សរជន​នយោបាយ ពី​សហគមន៍​អឺរ៉ុប​អម​ដំណើរ​លោក សម រង្ស៊ី នេះ​ជា​ករណី​មួយ ដែល​គេ​មិន​ចង់​ប្រឈម​បញ្ហា ដែល​ប៉ះពាល់​ទេ។​ ប្រសិន​បើ​ពលរដ្ឋ​មិន​ចូលរួម​ច្រើន បាន​ន័យ​ថា ​លោក សម រង្ស៊ី​ កាន់តែ​ឃ្លាត​ឆ្ងាយ​ពី​នយោបាយ​កាន់​តែ​ឃ្លាតឆ្ងាយ​ពី​ប្រជាពលរដ្ឋ​ហើយ​គណបក្ស​កាន់​អំណាច​អាច​បន្សាប​ឥទ្ធិពល​លោក សម រង្ស៊ី ករណី​ហ្នឹង។

លោក ហ៊ុន សែន កាល​ពី​ព្រឹក​ថ្ងៃ​ទី២ ខែ តុលា បាន​បញ្ជាក់​ជាថ្មី​ថា បាន​បញ្ជូន​ដីកា​តាម​ចាប់​ខ្លួន​លោក សម សង្ស៊ី និង​ថ្នាក់​ដឹកនាំ​គណបក្ស​សង្គ្រោះ​ជាតិ​ទៅ​កាន់​បណ្ដា​រដ្ឋ​សមាជិក​អាស៊ាន​រួចរាល់​ហើយ។ ស្របគ្នា​នេះ​លោក ហ៊ុន សែន ក៏​បាន​ព្រមាន​ដល់​អ្នក​ចូលរួម​គាំទ្រ ប្រធាន​ស្ដីទី​គណបក្ស​សង្រ្គោះ​ជាតិ​នោះ​ថា​ចូលរួម​គំនិត​ក្បត់ជាតិ។

«ហើយ​អ្នក​នៅ​ក្នុង​ស្រុក​កុំ​ព្រហើន​ណាស់​ កុំ​ព្រហើន ដើរ​ដល់​ដំណាក់​កាល​ចូល​ដល់​រដ្ឋប្រហារ​ដែល​មាន​ការ​គ្រោង​ទុក​ហើយ ការ​រៀបចំ​កម្លាំង បើ​អ្នក​មិន​ខ្លាច​អ្នក​ចូលរួម​អ្នក​នឹង​មាន​ទោស។ តែ​បើ​អ្នក​បាន​ជា​ជ្រុល​ចូលរួម​អ្នក​សារភាព​ឱ្យ​ត្រង់​អ្នក​រួច​ទោស។»

អាស៊ី​សេរី​កំពុង​រង់ចាំ​ចម្លើយ​ពី​បណ្ដា​ប្រទេស​ជា​សមាជិក​អាស៊ាន​ទាំង​១០​ប្រទេស ដើម្បី​ទទួល​បាន​ព័ត៌មាន​ថា​តើ​ប្រទេស​ណាខ្លះ​បាន​ទទួល​ដីកា​ពី​របប​ក្រុងភ្នំពេញ​ហើយ​ប្រទេស​ណា​មិន​ទាន់​ទទួល? និង​ថា តើ​គេ​អាច​ចាត់​វិធានការ​តាម​ការ​ស្នើសុំ​នោះ​ដែរ​ឬទេ?

ចំពោះ លោក ឯម សុវណ្ណរ៉ា នៅ​តែ​មើល​ឃើញ​ថា របប​ក្រុង​ភ្នំពេញ​កំពុង​បង្ហាញ​ចេតនា​គំរាម​ថា ចាប់​ខ្លួន​ច្រើនជាង​ចេតនា​ចង់​ចាប់​ខ្លួន​ពិត​ប្រាកដ ដ្បិត​របប​នេះ អាច​ចាប់​លោក សម រង្ស៊ី ពេល​ណា​ក៏​បាន​នៅ​ពេល​បើក​អោយ​ចូល​ទៅ​ក្នុង​ទឹក​ដី​កម្ពុជា ដោយ​មិន​ចាំបាច់​បង្វែរ​ការ​ចាប់​ខ្លួន​នេះឱ្យ​ការទទួលខុសត្រូវ ឬ​ស​ទៅ​ជា​វិធានការ​របស់​រដ្ឋ​ជា​សមាជិក​អាស៊ាន​ឡើយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

2 Responses to "អ្នក​ជំនាញ​ផ្នែក​វិទ្យាសាស្រ្ត​នយោបាយ​ថា របប​លោក ហ៊ុន សែន ចង់​គំរាម​ជា​ជាង​ការ​ចាប់​ខ្លួន​លោក សម​ រង្ស៊ី"

  1. so socheath says:

    អាល្ងើ ឯម សុវណ្ណរ៉ា អញ្ចឹង អ្ហែងជួយរុញក្តឹត អាពូជឆ្កែ អាក្បត់ជាតិ សមរង្ស៊ី មកកុំខាន
    បើអ្ហែងគឹតថា វាគ្រាន់តែជាការគំរាម ។
    អ្ហែងកុំភ្លើដល់ថ្នាក់យកច្បាប់ជាតិមកលើងសើចឲ្យសោះ ។
    បើអ្ហែងចង់ដឹង អ្ហែងចូលរួមដង្ហែរអាក្បត់ជាតិសមរង្ស៊ី មកដែរមក ។ ចាំមើលចាប់ទាំងអ្ហែង
    ឬមិនចាប់ ។ កុំភ្លេចថាវាជាការចូលរួមប្រព្រឹត្តអំពើក្បត់ជាមួយជនក្បត់ជាតិ។
    ចាប់មិនចាប់ដឹងក្នុងពេលនោះហើយ ។
    អាពូជឆ្កែ ! បើថាភ្លើ គ្រាន់តែចេះត្រឹមព្រុសដូចឆ្កែទេ ដេកលិឍពងក្តទៅវាល្អជាង។
    កុំមកលេងសើចជាមួយច្បាប់ជាតិឲ្យសោះ !

  2. Anonymous says:

    wait do not rust you will see or you will not see your prey till the time come . you don’t know any thing AH CHESS . can you wait for thirty more day thirty day is not that long . I know some one have to go HUN SEN or SAM RANSY. some body new will come to solve the problem . SAM RANSY have to do what he said other wide he out . HUN SEN will be lucky if he can be alive and living in Cambodia. if HUN SEN use his right hand men his whole families will have to find another planet to live. think about that Mr>>

Leave a Reply

Submit Comment