ការ​ចាប់​ខ្លួន​សកម្មជន​អតីត​បក្ស​ប្រឆាំង​កើន​ឡើង​ជាង​៤០​នាក់​ ខណៈ៣​នាក់​បាន​ចូល​សារ​ភាព​

ដោយ វ៉ា សំណព្វ
12/10/2019
RFI

media
គណបក្សសង្គ្រោះជាតិព្រមានបង្ហាញកម្លាំងប្រជាពលរដ្ឋ ដែលជាម្ចាស់ស្នាមមេដៃ បន្ទាប់ពីគណបក្សប្រឆាំងមួយនេះ កំពុងរងការចោទប្រកាន់ជុំវិញភាពមិនប្រក្រតីនៃស្នាមមេដៃមួយចំនួនក្នុងចំណោមស្នាមមេដៃជាង១៧ម៉ឺន ដែលបានដាក់ថ្វាយព្រះមហាក្សត្រកាលពីថ្ងៃចន្ទដើមសប្ដាហ៍។
Faceboook


គិត​ត្រឹម​ថ្ងៃទី ​១២​ តុលា ​ការ​ចាប់​ខ្លួន​សកម្មជន​អតីត​គណបក្ស​ប្រឆាំង​បាន​កើន​ឡើង​ដល់​៤២​នាក់​ហើយ ​បន្ទាប់​ពី​អាជ្ញាធ​រ​កម្ពុជា​នៅ​ថ្ងៃ​សៅរិ៍​នេះ ​បាន​ចាប់​ខ្លួន​សកម្មជន​អតីត​គណបក្ស​ប្រឆាំង​ពីរ​នាក់​ទៀត​ ពី​បទ​ «​រួម​គំនិត​ក្បត់​»​។ ​មន្ត្រី​ជាន់​ខ្ពស់​រដ្ឋាភិបាល​កម្ពុជា​បាន​អះអាង​ថា ​អាជ្ញាធរ​មិន​មាន​ជម្រើស​អ្វី​ក្រៅ​ពី​ការ​ចាប់​ខ្លួន​នេះទេ​ ខណៈ​ដែល​ពួកគេ​បាន​ប្រកាស​ចូល​រួម​សកម្មភាព​ជា​មួយ​លោក ​សម រង្ស៊ី​។​

ការ​ចាប់​ខ្លួន​ សកម្មជន​អតីត​គណបក្ស​ប្រឆាំង​បាន​កើន​ឡើង​ដល់​៤២​នាក់​ហើយ​ គិ​ត​ត្រឹម​រសៀល​ថ្ងៃទី ​១២​ តុលា​នេះ ​ខណៈជាង​២០០​នាក់​បាន​រង​ការ​ចោទ​ប្រកាន់ ​ពី​បទ ​«​រួម​គំនិត​ក្បត់​»​។ ​ការ​កើន​ឡើងនេះ​ គឺ​បន្ទាប់​ពី​អាជ្ញាធរ​កម្ពុជា ​នៅ​ថ្ងៃ​សៅរិ៍ ​ទី​១២ ​តុលានេះ​ បាន​ចាប់​ខ្លួន​សកម្មជន​អតីត​គណបក្ស​ប្រឆាំង​ពីរ​នាក់​ទៀត​។ ​ម្នាក់​គឺ​ជា​ស្ត្រី ​ឈ្មោះ ​ប៉ែន ​មុំ ​ហៅ ​ស្រីមុំ ​ជា​សមាជិក​ក្រុម​ប្រឹក្សា​ឃុំ​ជាប់​ឆ្នោត​មក​ពី​អតីត​គណបក្ស​សង្រ្គោះ​ជាតិ ​នៅ​ឃុំ​​កណ្ដោល ​ស្រុក​ទឹក​ឈូ ​ខេត្តកំពត​។ ​លោក​ស្រី ​ប៉ែន ​មុំ ​ឬ ​មុំ ​សំបូរ​ ត្រូវ​បាន​អាជ្ញាធរ ​ចុះ​ឡោម​ព័ទ្ធ ​និង​ចាប់​ខ្លួន ​ក្រោម​ការ​ចោទ​ប្រកាន់ ​«​រួម​គំនិត​ក្បត់​» ​ដោយ​សារ​លោក​ស្រី​បាន​ប្រើ​ហ្វេស​បុកឈ្មោះ ​សំបូរ មុំ ​ឬ ​មុំ ​សំបូរ​ សរសេរ​រិះ​គន់​រដ្ឋាភិបាល​រាល់​ថ្ងៃ ​ចាប់​តាំង​ពី​ក្រោយ​គណបក្ស​សង្គ្រោះជាតិ​ត្រូវ​បាន​តុលាការ​កំពូល​រំលាយ​តាំង​ពី​ថ្ងៃទី ​១៦ ​វិច្ឆិកា ​ឆ្នាំ ​២០១៦​រហូតដ​ល់ប​ច្ចុប្បន្ន​ ប្រឆាំង​គោល​នយោបាយ​ស្រប​ច្បាប់ ​និង​គៀងគ​រ​បំផុស​ឲ្យ​មហា​ជន​ចូលរួ​ម​ក្នុង​ផែនការ​ផ្តួល​រំលំ​រដ្ឋាភិបាល ​ក្រោម​ផែនការ​វិល​ត្រលប់​របស់​លោក​សម ​រង្ស៊ី​។ ​នេះបើ​យោង​តាម​ដីកា​បញ្ជា​ឲ្យ​ចូល​ខ្លួន​របស់​លោក ​ម៉ុត ​ដារ៉ា ​ព្រះរាជ​អាជ្ញារង​អម​សាលា​ដំបូង​ខេត្ត​កំពត​។ ​ចំណែក​សកម្មជន​អតីត​គណបក្ស​ប្រឆាំង​ដែល​រ​ង​ការ​ចាប់​ខ្លួន​ម្នាក់​ទៀត ​គឺ​លោក ​ឡី សុខុន​ ជា​សមាជិក​ក្រុម​ការងារ​ស្ថិត​នៅ​ភូមិ​ស្វាយ​ជ្រុំ ​ឃុំព្រែក​នរិន្ទ ​ស្រុក​ឯកភ្នំ ​ខេត្ត​បាត់​ដំបង​។ ​លោក​ ឡី សុខុន​ ត្រូ​វបាន​អាជ្ញាធរ​កម្ពុជា​ចាប់​ខ្លួន ​នៅ​ខណៈ​ពេល​ដែល​លោក​កំពុង​បង្រៀន​សិស្ស​នៅ​ក្នុង​សកល​វិទ្យាល័យ​មួយ​នៅ​ក្នុង​ខេត្ត​បាត់​ដំបង ​នា​ព្រឹក​ថ្ងៃទី ​១២ ​តុលា​នេះ​។

​អតីត​មន្ត្រី​គណបក្ស​សង្គ្រោះ​ជាតិ​លោក ​ឃិន ​ជំរឿន ​ដែលកំ​ពុង​ភៀស​ខ្លួន​នៅ​ក្នុង​ប្រទេស​ថៃ ​បាន​ចាត់​ទុក​ការ​ចាប់​ខ្លួន​សកម្មជ​ន​អតីត​គណបក្ស​ប្រឆាំង​ជា​បន្ត​បន្ទា​ប់​នេះ​ថា​ គឺ​ជា​ចេតនា​គំរាម​កំហែង​ផ្នែក​នយោបាយ ​និង​បំបាក់​ស្មារតី ​សកម្មជន​និង​យុវជន​ដែល​ហ៊ាន​ងើប​ឡើង​ណាមួ​យ ​ដើម្បី​ទៅ​ទទួល​លោក ​សម ​រង្ស៊ី ធ្វើ​មាតុភូមិ​និវត្ត​ន៍​នៅ​ថ្ងៃទី​០៩ ​ខែ​វិច្ឆិកា ​ខាង​មុខ​នេះ។ យ៉ាង​ណាក៏​ដោយ ​លោក​ឧបនាយករដ្ឋមន្ត្រី ​ស ​ខេង ​រដ្ឋ​មន្ត្រី​ក្រសួង​មហាផ្ទៃ ​បាន​ថ្លែង​នៅ​ថ្ងៃ​សៅរិ៍​នេះ​ថា ​រដ្ឋាភិបាល​មិន​មាន​ជម្រើស​អ្វី ​ក្រៅ​ពី​ការ​បន្ត​ចាប់​ខ្លួន​និង​ចោទ​ប្រកាន់​លើ​សកម្មជន​អតីត​គណបក្ស​ប្រឆាំង​នោះ​ទេ​។ ​ប៉ុន្តែ​បើ​តាម​លោក ស​ ខេង​ ដើម្បី​ជៀស​ផុត​ពី​ការ​ចាប់​ខ្លួន​ និង​ចោទ​ប្រកាន់​នេះ ​ប្រជា​ពល​រដ្ឋ​គួរ​តែ​បដិសេធ​កុំ​ចូលរួម​សកម្មភាព​ជាមួយ​លោក ​សម រង្ស៊ី ​ជា​អ្វី​ដែល ​លោក ​ស ​ខេង ​បាន​ចាត់​ទុក​ថា ​សកម្មភាព​របស់​លោក ​សម រ​ង្ស៊ី បា​ន​ដើរ​ហួស​ពី​បន្ទាត់​ក្រហម​ទៅ​ហើយ​នោះ​។

​សូម​បញ្ជាក់​ថា ​ស្រប​ពេល​ដែល​អាជ្ញាធរ​បាន​បន្ត​ចាប់​ខ្លួន ​និង​ចោទ​ប្រកាន់​លើ​អតីត​សកម្មជន​បក្ស​ប្រឆាំង​បាន​កើន​ឡើង​ជាង​៤០​នាក់​នេះ ​ក៏​មាន​សកម្មជន​អតីត​គណបក្ស​ប្រឆាំង​យ៉ាង​ហោច​ណាស់​៣​នាក់​ដែរ ​បាន​ចូល​ទៅ​សារភាព ​ហើយ​រួច​ផុត​ពី​ការ​ចាប់​ឃុំ​ខ្លួ​ន​៕

What Next?

Recent Articles

2 Responses to "ការ​ចាប់​ខ្លួន​សកម្មជន​អតីត​បក្ស​ប្រឆាំង​កើន​ឡើង​ជាង​៤០​នាក់​ ខណៈ៣​នាក់​បាន​ចូល​សារ​ភាព​"

  1. so socheath says:

    អាពូជឆ្កែ អាក្បត់ជាតិ សម រង្ស៊ី ទាល់តែយូរហើយយារ ទៀត បានហ៊ានមក !
    អាពូជឆ្កែ នេះ វាមិនមែនល្ងង់ដល់ថ្នាក់រត់មកចូលគុកទេ កុំឆ្ងល់ !
    ចំណែកដែលវាចង់បានពួកពួក អាកាកសំណល់អតីតបក្សខ្មោចសង្គ្រោះជាតិ នោះគឺ
    កេងចំណេញនយោបាយ និងបោកប្រាសបានលុយចាយ តាមរយះមូលនិធិ នៃដំណើរ
    ដែលវាអួតថាវិលត្រឡប់ប៉ុណ្ណោះ !
    តែថាសម្រាប់ការចំណេញនយោបាយ ពីការចាប់ចងពួករួមដៃក្បត់ជាតិជាមួយវា មិនបាន
    ផលសម្រាប់វាទេ ។ ព្រោះថា អន្តរជាតិ មិនមានការគាំទ្រសកម្មភាពបំផ្លាញលទ្ធិប្រជាធិបតេយ្យ
    របស់វាឡើយ ។
    វិទ្យុលាងក្តអាស៊ីសេរី(RFA) ដែលជួយឃោសនាពីការវិលត្រឡប់របស់វានេះ ក៏បានទទួលចំណែកលុយ
    ពីមូលនិធីបោកប្រាសស្តីពីការវិលត្រឡប់របស់វាដែរ ៕
    ពួកអាល្ងង់ទាំងឡាយ ត្រូវយល់ពីរឿងនេះ !

  2. so socheath says:

    socheat So,
    Event summary Today 14.10.19 10:23
    សង្ខេបព្រឹត្តិការថ្ងៃនេះ ១៤/១០/២០១៩
    Send to facebook
    មេចលនាដែលវាអួតថាជាឧទ្ទាម
    ប្រដាប់អាវុធ ក្នុងរណសិរ្សរំដោះជាតិស្អីណានោះ
    ក្រោយពីត្រូវប៉ុន្មានទំពក់របស់ខ្ញុំតាមរយៈmessage
    sam sereyបាននិយាយស្នើមកខ្ញុំថា:
    (បងអោយខាងបងលើកលែងទោសខ្ញុំ ដោះលែងសមាជិក និងសងជំងឺចិត្តប្អូនខ្ញុំ
    ដែលស្លាប់ទៅ ចបរឿងហើយ ខ្ញុំទៅបង្កើតគណបក្សនយោបាយ ហើយអន្តរជាតិ
    ក៏គេទទួលស្គាល់ដែរបើមានខ្ញុំ)
    អត់យល់ ?
    មិនដឹងពួកវា នាំគ្នាចាត់ទុកខ្ញុំជាអ្នកណាឲ្យប្រាកដ ?
    តែថា ដើម្បីសម្រេចគោលជំហរsam serey
    ទី១ sam serey ត្រូវទំនាក់ទំនង ទៅសម្តេចសខេង ឬសម្តេច ទា បាញ់ ឬទៅដោយផ្ទាល់
    ជាមួយសម្តេចតេជោ ដម្បីទទួលបានការណែនាំ ស្តីពីនិតិវិធី សម្រាប់ការចូលសារភាព
    ជាមួយការណែនាំ ដើម្បីរំលាយចោល អង្គការចាត់តាំង ខុសច្បាប់ ដែលsam serey បង្កើតឡើង ។
    ផ្អែលលើការដឹងកំហុស ហ៊ានចូលសារភាព ព្រមជាមួយសមត្ថភាពដែលអ្នកមាន
    រាជរដ្ឋភិបាលមិនទុកអ្នកចោលទេ ។
    នេះជាការណែនាំបឋម របស់ខ្ញុំ ។
    ការសម្រេចយ៉ាងណានោះ គឺរាជរដ្ឋាភិបាល !

    so socheath
    October 14, 2019 at 9:57 am
    Send to facebook
    sam serey ក្រោយការផ្តល់យោបល់
    របស់ខ្ញុំ ឲ្យមានការដាក់ពាក្យស្នើសុំ លើក
    លែងទោស តាមរយះសម្តេច ស ខេង ឬតាមរយះ
    សម្តេចទា បាញ់ ឬទៅដោយផ្ទាល់ចំពោះសម្តេចតេជោ
    ហ៊ុន សែននាយករដ្ឋមន្ត្រី គាត់បានបញ្ជាក់ថា គាត់
    មិនដឹងជាទំនាក់ទំនងយាងម៉េចបាន(អត់មានច្រកទាក់ទង)
    តែsam Serey បានបញ្ជាក់ប្រាប់ខ្ញុំតាមរយះmessenger
    ថា:
    (ខ្ញុំសុំគេបង្កើតគណបក្សរំដោះជាតិខ្មែរម្តងហើយ តែគេមិនអោយបង្កើត)
    ដូចនេះខ្ញុំមិនដឹងថាពេលមុន គាត់ទំនាក់ទំនង តាមវិធីណា
    ឬតាមរយះអ្នកណានោះទេ។
    ខ្ញុំបានប្រាប់គាត់ថា សម្តេចតេជោនាយករដ្ឋមន្ត្រី លោកជាអ្នក
    នាំមកនូវសន្តិភាពជូនជាតិ តាមរយះនយោបាយបង្រួប
    បង្រួមជាតិ ។ ដូចនេះ លោកមិនទុកខ្មែរណាម្នាក់ចោលនោះទេ។
    ដូចនេះ តាមរយះfacebookនេះ សម្តេច ស ខេង សម្តេច
    ទា បាញ់ និងសម្តេចនាយករដ្ឋមន្ត្រីនិងឃើញ ដោយសុំ
    ឲ្យគាត់ sam Serey កុំអាលតក់ក្រហល់ ។
    sam sereyលោក អាចសរសេរ សុំការលើកលែងទោស ទៅ
    កាន់ប្រមុខរដ្ឋាភិបាលតាមរយៈfacebook នោះលទ្ធផល
    និងបង្ហាញតាមរយៈ ការឆ្លើយតប ពីសំណាក់ប្រមុខដឹកនាំជាតិ
    តាមរយះការឲ្យចូលមកជួបដោយ
    ផ្ទាល់មុខ ជាក់ជាមិនខាន។

Leave a Reply

Submit Comment