លោក មុត ចន្ថា៖ អ្នក​នយោបាយ​ក្រៅ​ប្រទេស​អាច​ធ្វើអ្វី​តាម​អំពើ​ចិត្ត ​តែ​ពលរដ្ឋ​ខ្មែរ​ក្នុង​ប្រទេស​ត្រូវ​តែ​គោរព​ច្បាប់​

ដោយ សឿង ភារៈ
12/10/2019
RFI

media
លោក មុត ចន្ថា និង លោក កឹម សុខា
FB: Chantha Muth


អតីត​មន្ត្រី​គណបក្ស​សង្រ្គោះ​ជាតិ ដែល​ស្និទ្ធ​នឹង​លោក កឹម សុខា ចង់​ឲ្យ​ពលរដ្ឋ​នៅ​ក្នុង​ប្រទេស គោរព និង​បដិបត្តិ​ច្បាប់ ទោះ​បី​យល់​ថា​ច្បាប់​នោះ​បែប​ណា​ក៏​ដោយ​។ ខណៈ​ការ​ចាប់​ខ្លួន​អតីត​សកម្មជន​គណបក្ស​សង្រ្គោះ​ជាតិ​ត្រូវ​បាន​ធ្វើ​ឡើង​ជា​បន្ត​បន្ទាប់ ដោយ​អាជ្ញាធរ​ចោទ​ប្រកាន់​ថា​ពួក​គេ​បាន​ប្រព្រឹត្ត​ខុស​ច្បាប់​។

លោក មុត ចន្ថា ទីប្រឹក្សា និង ជា​មនុស្ស​ជំនិត​របស់ ​លោក កឹម សុខា បាន​សរសេរ​លើ​បណ្ដាញ ទំនាក់​ទំនង​សង្គម​ហ្វេស​ប៊ុក នៅ​ថ្ងៃទី​១១​តុលា​ថា ច្បាប់​ គឺ​នៅ​តែ​ជា​ច្បាប់ ទោះ​ច្បាប់​ល្អ ឬ​អាក្រក់​ក៏​នៅ​តែ​ជា​ច្បាប់​។ យើង​ជា​ពលរដ្ឋ​ខ្មែរ​រស់​នៅ​ក្រោម​ដំបូល​នៃ​ព្រះរាជា​ណាចក្រកម្ពុជា​ត្រូវ​មាន​កាតព្វ​កិច្ច​គោរព និង​បដិបត្តិ​ច្បាប់​ រួម​ទាំង​អ្នក​ដឹង​ និង​ អ្នក​មិន​ដឹង​អំពី​ច្បាប់​។

ក្នុង​សំណេរ​ដដែល លោក មុត ចន្ថា បាន​លើក​ឡើង​ថា មាន​មនុស្ស​ខ្លះ​រិះគន់​ចំពោះ​ទស្សនៈ​នេះ​ដោយ​ពាក្យ​សំដី​អសុរស លាប​ពណ៌ និង​ចោទ​មួល​បង្កាច់​។ ឥឡូវ​នេះ មាន​មនុស្ស​មួយ​ចំនួន​ត្រូវ​បាន​ចោទ​ប្រកាន់ និង​ចាប់​ខ្លួន​ដោយ​សារ​ការ​មើល​ស្រាល​ចំពោះ​អ្វី​ដែល​ពួក​គេ​អះអាង​ថា​ជា​ច្បាប់​អាក្រក់ និង​បង្កើត​ហេតុផល​ច្បាប់​ ឲ្យ​គេ​យក​ច្បាប់​មក​ប្រើប្រាស់​ចំពោះ​ខ្លួន​។

មនុស្ស​ជំនិត​របស់ លោក កឹម សុខា រូប​នេះ​សរសេរ​ថា អ្នក​នយោបាយ​រស់​នៅ​ក្រៅ​ប្រទេស​អាច​និយាយ​និង​ធ្វើអ្វី​បាន​តាម​អំពើចិត្ត និង​តាម​អារម្មណ៍​របស់​ខ្លួន ប៉ុន្តែ​សម្រាប់​ពលរដ្ឋ​ខ្មែរ ​ដែល​រស់​នៅ​ក្នុង​ប្រទេស​ត្រូវ​តែ​គោរព​និង​បដិបត្តិ​ច្បាប់ ទោះបី​យល់​ថា​ច្បាប់​នោះ​បែប​ណា​ក៏​ដោយ​។

ការ​លើក​ឡើង​របស​លោក មុត ចន្ថា គឺ​បន្ទាប់​ពី​ការ​អំពាវនាវ​របស់​មន្ត្រី​គណបក្ស​សង្រ្គោះ​ជាតិ និង​លោក​សម រង្ស៊ី ពី​ក្រៅ​ប្រទេស ឲ្យ​ពលរដ្ឋ​ចូលរួម​ក្នុង​ដំណើរ​ត្រឡប់​មក​ប្រទេស​កម្ពុជា​របស់​លោក​ នៅ​ថ្ងៃទី០៩ ខែ​វិច្ឆិកា ខាង​មុខ​នេះ​។ ប៉ុន្តែ​សកម្មជន​បក្ស​ប្រឆាំង ដែល​ចូល​រួម ត្រូវ​បាន​សមត្ថកិច្ច​កម្ពុជា​ចាប់​ខ្លួន​ជា​បន្ត​បន្ទាប់ ​ដោយ​ចោទ​ប្រកាន់​ពី​បទ រួម​គំនិត​ក្បត់​ជាមួយ​លោក សម រង្ស៊ី ក្នុង​ផែន​ការ​ផ្ដួល​រំលំ​រដ្ឋា​ភិបាល​ស្រប​ច្បាប់ និង របប​រាជា​និយម​នៅ​ថ្ងៃទី០៩ ខែវិច្ឆិកា ខាង​មុខ​។ គិត​ត្រឹម​ថ្ងៃទី ១២ តុលា​ មាន​សកម្មជន​អតីត​គណ​បក្ស​សង្គ្រោះ​ជាតិ​ប្រមាណ​៤២នាក់​ត្រូវ​បាន​អាជ្ញាធរ​កម្ពុជា​ចាប់​ខ្លួន​ពី​បទ «រួម​គំនិត​ក្បត់»។

សាស្ត្រាចារ្យ​ផ្នែក​វិទ្យាសាស្ត្រ​នយោបាយ លោក ឯម សុវណ្ណរ៉ា បាន​ថ្លែង​ប្រាប់​វិទ្យុបារាំង​អន្តរ​ជាតិ​នា​ថ្ងៃទី​១២​ ខែ​តុលា នេះ​ថា ការ​លើក​ឡើង​បែប​នេះ ស្តែង​ឲ្យ​ឃើញ​ពី​ស្ថានភាព​របស់​អ្នក​នយោបាយ​នៅ​ក្នុង​ប្រទេស​ និង​អ្នក​នយោបាយ ដែល​នៅ​ក្រៅ​ប្រទេស​មាន​សេរីភាព​ច្រើន​ជាង​ ប៉ុន្តែ​សម្រាប់​ពលរដ្ឋ​កម្ពុជា​ត្រូវ​រស់​នៅ​ក្រោម​គោល​ការណ៍​ច្បាប់ ទោះ​ច្បាប់​នោះ​មិន​មាន​សមធម៌ ជា​ពិសេស​អនុវត្ត​ចំពោះ​អ្នក​នយោបាយ​មក​ពី​គណបក្ស​ប្រឆាំង​៕

What Next?

Recent Articles

2 Responses to "លោក មុត ចន្ថា៖ អ្នក​នយោបាយ​ក្រៅ​ប្រទេស​អាច​ធ្វើអ្វី​តាម​អំពើ​ចិត្ត ​តែ​ពលរដ្ឋ​ខ្មែរ​ក្នុង​ប្រទេស​ត្រូវ​តែ​គោរព​ច្បាប់​"

  1. crazy says:

    Muth Chantha is not a politician who will be respect by Cambodian People.

    How is Kem Sokha site why not doing all the best for CNRP and Cambodian.

  2. so socheath says:

    socheat So,
    Event summary Today 14.10.19 10:23
    សង្ខេបព្រឹត្តិការថ្ងៃនេះ ១៤/១០/២០១៩
    Send to facebook
    មេចលនាដែលវាអួតថាជាឧទ្ទាម
    ប្រដាប់អាវុធ ក្នុងរណសិរ្សរំដោះជាតិស្អីណានោះ
    ក្រោយពីត្រូវប៉ុន្មានទំពក់របស់ខ្ញុំតាមរយៈmessage
    sam sereyបាននិយាយស្នើមកខ្ញុំថា:
    (បងអោយខាងបងលើកលែងទោសខ្ញុំ ដោះលែងសមាជិក និងសងជំងឺចិត្តប្អូនខ្ញុំ
    ដែលស្លាប់ទៅ ចបរឿងហើយ ខ្ញុំទៅបង្កើតគណបក្សនយោបាយ ហើយអន្តរជាតិ
    ក៏គេទទួលស្គាល់ដែរបើមានខ្ញុំ)
    អត់យល់ ?
    មិនដឹងពួកវា នាំគ្នាចាត់ទុកខ្ញុំជាអ្នកណាឲ្យប្រាកដ ?
    តែថា ដើម្បីសម្រេចគោលជំហរsam serey
    ទី១ sam serey ត្រូវទំនាក់ទំនង ទៅសម្តេចសខេង ឬសម្តេច ទា បាញ់ ឬទៅដោយផ្ទាល់
    ជាមួយសម្តេចតេជោ ដម្បីទទួលបានការណែនាំ ស្តីពីនិតិវិធី សម្រាប់ការចូលសារភាព
    ជាមួយការណែនាំ ដើម្បីរំលាយចោល អង្គការចាត់តាំង ខុសច្បាប់ ដែលsam serey បង្កើតឡើង ។
    ផ្អែលលើការដឹងកំហុស ហ៊ានចូលសារភាព ព្រមជាមួយសមត្ថភាពដែលអ្នកមាន
    រាជរដ្ឋភិបាលមិនទុកអ្នកចោលទេ ។
    នេះជាការណែនាំបឋម របស់ខ្ញុំ ។
    ការសម្រេចយ៉ាងណានោះ គឺរាជរដ្ឋាភិបាល !

    so socheath
    October 14, 2019 at 9:57 am
    Send to facebook
    sam serey ក្រោយការផ្តល់យោបល់
    របស់ខ្ញុំ ឲ្យមានការដាក់ពាក្យស្នើសុំ លើក
    លែងទោស តាមរយះសម្តេច ស ខេង ឬតាមរយះ
    សម្តេចទា បាញ់ ឬទៅដោយផ្ទាល់ចំពោះសម្តេចតេជោ
    ហ៊ុន សែននាយករដ្ឋមន្ត្រី គាត់បានបញ្ជាក់ថា គាត់
    មិនដឹងជាទំនាក់ទំនងយាងម៉េចបាន(អត់មានច្រកទាក់ទង)
    តែsam Serey បានបញ្ជាក់ប្រាប់ខ្ញុំតាមរយះmessenger
    ថា:
    (ខ្ញុំសុំគេបង្កើតគណបក្សរំដោះជាតិខ្មែរម្តងហើយ តែគេមិនអោយបង្កើត)
    ដូចនេះខ្ញុំមិនដឹងថាពេលមុន គាត់ទំនាក់ទំនង តាមវិធីណា
    ឬតាមរយះអ្នកណានោះទេ។
    ខ្ញុំបានប្រាប់គាត់ថា សម្តេចតេជោនាយករដ្ឋមន្ត្រី លោកជាអ្នក
    នាំមកនូវសន្តិភាពជូនជាតិ តាមរយះនយោបាយបង្រួប
    បង្រួមជាតិ ។ ដូចនេះ លោកមិនទុកខ្មែរណាម្នាក់ចោលនោះទេ។
    ដូចនេះ តាមរយះfacebookនេះ សម្តេច ស ខេង សម្តេច
    ទា បាញ់ និងសម្តេចនាយករដ្ឋមន្ត្រីនិងឃើញ ដោយសុំ
    ឲ្យគាត់ sam Serey កុំអាលតក់ក្រហល់ ។
    sam sereyលោក អាចសរសេរ សុំការលើកលែងទោស ទៅ
    កាន់ប្រមុខរដ្ឋាភិបាលតាមរយៈfacebook នោះលទ្ធផល
    និងបង្ហាញតាមរយៈ ការឆ្លើយតប ពីសំណាក់ប្រមុខដឹកនាំជាតិ
    តាមរយះការឲ្យចូលមកជួបដោយ
    ផ្ទាល់មុខ ជាក់ជាមិនខាន។

Leave a Reply

Submit Comment