លោក ស ខេង ថា ការ​​វិល​​ចូល​​ស្រុក​​របស់​​លោក​ សម រង្ស៊ី ធ្វើ​​ឲ្យ​​កម្ពុជា​​មាន​សង្គ្រាម​​រវាង​​ខ្មែរ​ និង​​ខ្មែរ

ដោយ ទីន ហ្សាការីយ៉ា
2019-10-14
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

លោក ស ខេង តំណាង​គណបក្ស​ប្រជាជន កម្ពុជា និង​លោក លោក សម រង្ស៊ី តំណាង​គណបក្ស​សង្រ្គោះជាតិ ថ្លែង​ក្នុង​សន្និសីទ​កាសែត នៅ​មន្ទីរ​រដ្ឋសភា នៅ​ថ្ងៃ​ច័ន្ទ ទី៦ ខែ​មេសា ឆ្នាំ​២០១៥។ RFA/Tin Zakariya
លោក ស ខេង តំណាង​គណបក្ស​ប្រជាជន កម្ពុជា និង​លោក លោក សម រង្ស៊ី តំណាង​គណបក្ស​សង្រ្គោះជាតិ ថ្លែង​ក្នុង​សន្និសីទ​កាសែត នៅ​មន្ទីរ​រដ្ឋសភា នៅ​ថ្ងៃ​ច័ន្ទ ទី៦ ខែ​មេសា ឆ្នាំ​២០១៥។ RFA/Tin Zakariya


ថ្នាក់​ដឹក​នាំ​របប​ក្រុង​ភ្នំពេញ បង្ហាញ​ក្ដី​កង្វល់​ជុំវិញ​ការប្រកាស​វិល​ចូល​ស្រុក ​របស់​មេ​បក្ស​ប្រឆាំង​ នៅ​ខែ​វិច្ឆិកា​ខាង​មុខ​នេះ​ថា​ អាច​នឹង​នាំ​ឲ្យ​កម្ពុជា​ធ្លាក់​ចូល​ក្នុង​ភ្លើង​សង្គ្រាម និង​ធ្វើ​ឲ្យ​បាក់បែក​សង្គម​ជាតិ។ អ្នក​វិភាគ​ថា ការ​លើក​ឡើង​នេះ​គ្រាន់​តែ​ជា​សង្គ្រាម​ចិត្ត​របស់​របប​ក្រុងភ្នំពេញ​ប៉ុណ្ណោះ ព្រោះ​លោក​ សម រង្ស៊ី​ គ្មាន​លទ្ធភាព​ណា​ អាច​ទៅ​បង្កើត​កង​កម្លាំង​ប្រដាប់​អាវុធ និង​ទីតាំង​ភូមិសាស្ត្រ ដើម្បី​តតាំង​នឹង​របប​ក្រុង​ភ្នំពេញ​ក្នុង​រយៈ​ពេល​ដ៏​ខ្លី​នេះ​បាន​ឡើយ។

រដ្ឋមន្ត្រី​ក្រសួង​មហាផ្ទៃ លោក ស ខេង លើក​ឡើង​ថា គម្រោង​វិល​ចូល​ប្រទេស​កម្ពុជា​វិញ​របស់​ប្រធាន​ស្ដី​ទី​គណបក្ស​សង្គ្រោះ​ជាតិ លោក សម រង្ស៊ី នៅ​ថ្ងៃ​ទី​៩ វិច្ឆិកា​ ចំ​ថ្ងៃ​បុណ្យ​ឯករាជ្យ​ខាង​មុខ​នេះ មិន​មែន​ជា​ដំណើរ​នាំ​យក​ប្រជាធិបតេយ្យ សុខ​សន្តិភាព និង​ភាព​រីក​ចម្រើន​ ជូន​ប្រទេស​ជាតិ​នោះ​ទេ។ ផ្ទុយ​ទៅ​វិញ លោក​ថា មាតុ​ភូមិ​និវត្តន៍​របស់​មេ​បក្ស​ប្រឆាំង​រូប​នេះ អាច​នឹង​បង្ក​ឲ្យ​មាន​សង្គ្រាម​រវាង​ខ្មែរ​និង​ខ្មែរ ហើយ​បាត់​បង់​ឱកាស​កសាង​ប្រទេស​ជាតិ​ឲ្យ​រីក​ចម្រើន។

លោក​ ស ខេង បញ្ជាក់​ទៀត​ថា លោក សម រង្ស៊ី បាន​ដើរ​ហួស​បន្ទាត់​ក្រហម ២លើក​រួច​មក​ហើយ។ លោក​ថា បន្ទាត់​ក្រហម​ទី១ ដែល​មេ​បក្ស​ប្រឆាំង​នៅ​ក្រៅ​ប្រទេស ដើរ​ហួស​នោះ គឺ​ការ​ប្រមែ​ប្រមូល​ថវិកា​ជួយ​ផ្គត់ផ្គង់​កងទ័ព​ដែល​នឹង​ផ្ដាច់​ខ្លួន​ទៅ​គាំទ្រ​ខាង​បក្ស​ប្រឆាំង ហើយ​និង​ទី​២ គឺ​ការ​ប្រមាថ​ព្រះ​មហាក្សត្រ​ថា ជា​អាយ៉ង​របស់​បក្ស​កាន់​អំណាច។

ការ​ថ្លែង​របស់​នាយក​រដ្ឋមន្ត្រី​ស្ដីទី​រូប​នេះ គឺ​ធ្វើឡើង​នៅ​ពិធី​បុណ្យ​អុំទូក ដែល​ប្រារព្ធ​នៅ​ស្ទឹង​សង្កែ ខេត្ត​បាត់ដំបង កាល​ពី​ថ្ងៃ​ទី១៣ ខែ​តុលា៖ «ឥឡូវ​នេះ យើង​មាន​សុខ​សន្តិភាព​ហើយ។ ក៏ប៉ុន្តែ​ដូច​ដែរ​ប្រជាពលរដ្ឋ​យើង​បាន​ជ្រាប​ថា ក្រុម​មួយ​ដែល​ដឹកនាំ​ដោយ​លោក សម រង្ស៊ី គាត់​កំពុង​តែ​ប្រកាស​ដើម្បី​វិល​ចូល​ស្រុក ក៏​ប៉ុន្តែ​ការ​វិល​ចូល​ស្រុក​របស់​គាត់​នេះ គឺ​មិន​នាំ​មក​នូវ​សុខ​សន្តិភាព​ទេ ព្រោះ​សុខ​សន្តិភាព កំពុង​តែ​មាន​នៅ​សព្វថ្ងៃ​នេះ​ហើយ។ ផ្ទុយ​ទៅ​វិញ​ ការ​ដែល​គាត់​ប្រកាស​ចូល​ស្រុក​ នាំ​មក​នូវ​សង្គ្រាម ការ​បែក​បាក់»

អ្នក​វិភាគ​បញ្ហា​សង្គម​ និង​នយោបាយ លោក គឹម សុខ យល់ថា ការ​ថ្លែង​របស់​លោក ស ខេង​ នៅ​ពេល​នេះ គ្រាន់​តែ​ជា​សង្គ្រាម​ចិត្តសាស្ត្រ​ របស់​បក្ស​កាន់​អំណាច​ ព្រោះ​ថា​រាល់​កម្លាំង​ប្រដាប់​អាវុធ​ទាំងអស់ គឺ​ស្ថិត​ក្រោម​ការ​គ្រប់គ្រង​របស់​របប​ក្រុងភ្នំពេញ​យ៉ាង​តឹងរ៉ឹង។ លោក​បន្ត​ថា កង​កម្លាំង​ប្រដាប់​អាវុធ​គ្មាន​លទ្ធភាព​ទៅចុះ​ចូល​ជា​មួយ​បក្ស​ប្រឆាំង តាម​ការ​អំពាវនាវ​របស់​មេ​បក្ស​ប្រឆាំង​បាន​ឡើយ។

លោក​លើក​ឡើង​ទៀត​ថា ប្រសិន​បើ​មាន​ការ​ប៉ះ​ទង្គិច​គ្នា​ដោយ​អាវុធ នោះ​គឺ​ជា​កល​វិធី​របស់​របប​ក្រុង​ភ្នំពេញ ដែល​ធ្លាប់​ប្រើ​កន្លង​មក ​ហើយ​ទទួល​ជោគជ័យ​ ក្នុង​ការ​តាម​វាយ​កម្ទេច​ក្រុម​ខ្មែរ​ក្រហម​ ក្នុង កំឡុង​ពេល​ដែល​ប្រទេស​កម្ពុជា​គ្រប់​គ្រង​ដោយ​របប​កុម្មុយនិស្ត នា​ទសវត្ស​ទី៨០។ លោក គឹម សុខ យល់​ថា មេ​ដឹក​នាំ​របប​ក្រុង​ភ្នំពេញ ​អាច​នឹង​ល្បិច​កល​ដដែល​នេះ ដោយ​បង្កើត​ក្រុម​មួយ​ឲ្យ​ប្រឆាំង​នឹង​ខ្លួន​វិញ ដើម្បី​បាន​លេស​​បង្ក្រាប​​ក្រុម​បក្ស​ប្រឆាំង​ថា ប៉ុនប៉ង​ផ្ដួល​រំលំ​រដ្ឋាភិបាល៖ «សារ​រយៈ​ពេល​ខ្លី​របស់​លោក​ សម រង្ស៊ី អាច​មាន​ពេល​ឯណា​ទៅ​រៀប​ចំ​កម្លាំង​ និង​គ្រប់គ្រង​ភូមិសាស្ត្រ​ធ្វើ​សង្គ្រាម​ទៅ​កើត។ ដូច្នេះ ទៅ​មិន​រួច​ទេ។ ហើយ​បើ​ជា​សង្គ្រាម​ទៅ​វិញ វា​មាន​តែ​ឆាកល្ខោន​សង្គ្រាម​នៃ​ពួក​កុម្មុយនិស្ត​ ដូច​ជា​សម័យ​​រដ្ឋ​កម្ពុជា​ជា​ដើម ដើម្បី​កម្ចាត់​ខ្មែរ​ណា​ម្នាក់ គេ​ប្រើ​វិធី​និង​ពាក្យ​ថា ពួក​នោះ​ជា​ខ្មែរ​ក្រហម ហើយ​ទម្លាក់​កំហុស​ និង​កម្ចាត់​ក្រុម​ហ្នឹង​តែ​ម្ដង ហើយ​ក្រុម​លោក ស ខេង និង​លោក ហ៊ុន សែន បច្ចុប្បន្ន​ ប្រហែល​ជា​គាត់​ឃើញ​អំពី​យុទ្ធវិធី​មួយ​ គឺ​ការ​ប្រើ​ឈ្មោះ​ក្រុម​លោក​ សម រង្ស៊ី ឬ​អ្នក​ប្រឆាំង​ផ្សេងៗ ថា ធ្វើ​រដ្ឋ​ប្រហារ​អ៊ីចឹង​ទៅ ហើយ​បង្កើត​ឈុត​ឆាក​ជា​សង្គ្រាម ដើម្បី​គាត់​ងាយ​ស្រួល​បន្ត​អំណាច​ខុស​ច្បាប់​របស់​គាត់»

កាល​ពី​ពេល​ថ្មីៗ នេះ លោក សម រង្ស៊ី អះអាង​តាម​បណ្ដាញ​សង្គម​ហ្វេសប៊ុក​ថា លោក និង​ថ្នាក់​ដឹក​នាំ​គណបក្ស​ប្រឆាំង គ្មាន​ការ​រួញរា ចំពោះ​ការ​វិល​ចូល​ស្រុក​វិញ​នោះ​ទេ បើ​ទោះ​មាន​ការ​គំរាម​កំហែង និង​ចាប់ខ្លួន​សកម្មជន​បក្ស​ប្រឆាំង​រាល់​ថ្ងៃ​ក៏​ដោយ។ លោក ​ក៏​អំពាវនាវ​ជា​ថ្មី​ទៀត​ដល់​កង​កម្លាំង​ប្រដាប់​អាវុធ ឲ្យ​ត្រៀមខ្លួន​ចូលរួម​ជាមួយ​ពលរដ្ឋ នៅ​ថ្ងៃ​ទី៩ វិច្ឆិកា ដើម្បី​កម្ចាត់​មេ​ដឹក​នាំ​របប​ក្រុង​ភ្នំពេញ​ចេញ​ពី​អំណាច ដោយ​លោក​ហៅ​របប​សព្វ​ថ្ងៃ​នេះ​ថា ខុស​ច្បាប់ និង​ផ្ដាច់ការ។

អ្នក​វិភាគ​នយោបាយ លោក គឹម សុខ នៅ​តែ​រំពឹង​ថា ដំណោះ​ស្រាយ​នយោបាយ​នៅ​កម្ពុជា​ប្រាកដ​ជា​មាន ប្រសិន​បើ​មេ​ដឹក​នាំ​បក្ស​នយោបាយ​ទាំង​ពីរ​លះបង់​មានៈ​រៀងៗ ខ្លួន ហើយ​ងាក​មក​រក​ការ​ចរចា​គ្នា​វិញ ដោយ​សន្តិវិធី​ និង​ឈរ​លើ​គោលការណ៍​នីតិរដ្ឋ ដូច​មាន​ចែង​ក្នុង​រដ្ឋធម្មនុញ្ញ និង​កិច្ច​ព្រមព្រៀង​សន្តិភាព​ទីក្រុង​ប៉ារីស៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

3 Responses to "លោក ស ខេង ថា ការ​​វិល​​ចូល​​ស្រុក​​របស់​​លោក​ សម រង្ស៊ី ធ្វើ​​ឲ្យ​​កម្ពុជា​​មាន​សង្គ្រាម​​រវាង​​ខ្មែរ​ និង​​ខ្មែរ"

  1. Anonymous says:

    well every thing is all up to you guy but the victim will always Cambodian .

  2. so socheath says:

    Send to facebook
    សុបិន្តវែង
    ***
    ការពិតអាពូជឆ្កែsom sovannaraម្នាក់នេះ មានមុខងារខ្យល់ជា
    ឯកអគ្គរាជទូតរដ្ឋាភិបាល
    នាយកដ្ឋមន្ត្រីខ្យល់អាថោកជាងឆ្កែ អាក្បត់ជាតិសរង្សុី
    ប្រចាំប្រទេសកាណាដា។
    អានេះយួនសុទ្ធ ! គឺអម្បូរយួនដេហ្កា ដែលអាក្បត់ជាតិ
    សមរង្សុី បានចុះកិច្ចព្រមព្រៀងជាមួយកុក ស មេចលនា
    ឧទ្ទាមយួនដេហ្កា កាត់ខេត្តខ្មែរចំនួន៤ ឲ្យយួនដេហ្កា
    ធ្វេីតំបន់ស្វយ័ត ។
    អាម្នាក់នេះ ទៀតសោត ដែលប៉ុន្មានថ្ងៃនេះ ត្រដរខ្យល់
    ខំប្រឹងបំផុសរឿងអ្នកនេះអ្នកនោះក្នុងកងយោធពល
    ខេមរភូមិន្ទ ស្ម័គ្រចិត្តចុះចូលជាមួយពួកវា គឺជារឿងគួរ
    ឲ្យអស់សំណេីចណាស់។
    រាល់ភូមិសាស្ត្ត្រតំបន់ព្រំដែន ត្រូវបានគ្រប់គ្រងយ៉ាង
    ណែនក្នុងដៃ របស់កងយោធពលខេមរភូមិន្ទ ដែល
    ជាកងទ័ពជាតិដ៏អង់អាចក្លាហានក្រោមការដឹកនាំ
    របស់សម្តេចតេជោហ៊ុនសែន តេីតាមរូបភាពដែលវាបង្ហោះ
    មានកន្លែងណាមួយអាចកំណត់បានថាជាចំណុចទីតាំង
    ឈរជេីងរបស់វា ហេីយក៏ជាការស្របពេលដែលsam serey
    មេចលនារបស់វារកច្រកចូលសារភាព ចុះចូលជាមួយ
    រដ្ឋាភិបាល ក្រោយកម្លាំងដែលត្រៀមធ្វេីរដ្ឋប្រហាររបស់វា
    ត្រូវបានបង្ក្រាបនិងចាប់ដាក់គុកជាបន្តបន្ទាប់អស់ហេីយនោះ។
    ប៉ុន្មានថ្ងៃខាងមុននេះ ការសន្យា របស់អាក្បត់ជាតិសមរង្សុី
    ក្នុងការមកបណ្តេញសម្តេចតេជោហ៊ុនសែនចេញពីអំណាច
    នាថ្ងៃទី៩វិច្ឆិកា ២០១៩ ខិតជិតមកដល់ហេីយ។

    ការឃោសនាញុះញង់ស្ទាបស្ទង់ស្វែងរកការគាំទ្ររបស់អាក្បត់ជាតិសមរង្សុី
    ពីសំណាក់កងយោធពលខេមរភូមិន្ទ គឹអត់
    មានបានផលនោះទេ។ ដូចនេះសួរថា តេីអាក្បត់ជាតិសមរង្សុី
    និងបក្សពួកក្បត់ជាតិរបស់វា ហ៊ានអេីតក្បាល មកចាប់ខ្លួន
    បណ្តេញតេជោហ៊ុនសែនចេញពីអំណាចទេ ?
    គឺពិតជាមិនហ៊ានទេ ! កុំថាឡេីយចូលមកចាប់ សូម្បីដេីរ
    លេីដីនៃប្រទេសអាស៊ានមិនហ៊ានផង ព្រោះថា ដីកាចាប់
    ខ្លួនជនក្បតជាតិសរង្សុីនិងបក្សពួកបានផ្ញេីដល់គ្រប់
    ប្រទេសទាំងនោះរួចហេីយ។
    សរុបសេចក្តីមក ការញុះញង់ស្ទាបស្ទង់ស្វែងរកការគាំទ្រ
    ពីសំណាក់អាក្បត់ជាតិសមរង្សុី គ្រាន់តែជាសុបិន្តដ៏វែង
    របស់វាតែប៉ុណ្ណោះ៕

  3. so socheath says:

    មន្ទិល !
    ***
    រយះពេលជាងមួយឆ្នាំមកនេះ យឹម សុវណ្ណដែលរាប់ថាជា
    មនុស្សពិសេសនិងប្តូរផ្តាច់ ការពារសមរង្សុី ដែលឥឡូវនេះ
    បានក្លាយាាទៅជាទណ្ឌឹត ដោយសារការប្រព្រឹត្តអំពេីក្បត់ជាតិ
    យឹម សុវណ្ណ ឥឡូវនេះ ហាក់ត្រូវបានធ្វេីឲ្យខ្លួនឯងបាត់ខ្លួន
    ពីពិភពគុននយោបាយ ដែលក្នុងនោះ សូម្បីក្នុងmessenger
    ត្រូវបានបិទ ដែលមិនសមនិងសកម្មភាពកន្លងដែល
    យឹមសុវណ្ណ បានបញ្ចេញគ្រប់សកម្មភាព ប្រឆាំរដ្ឋាភិបាល
    កម្ពុជាគ្រប់រូបភាព ទោះទាំងរូបភាពភូតភរបោកប្រាសក្តី។
    បែបនេះវាត្រូវបានបង្កេីតនូវក្តីមន្ទិលសង្ស័យ ពីមនុស្សភាគ
    ច្រេីនក្នុងសង្គម ហេីយក៏មានមនុស្សខ្លះដែលមានគំនឹត សន្តិភាពនិយមចេះតែមេីលឃេីញ
    ក្នុងការវាយតម្លៃថា ទឹកថ្លាបែបនេះពិតជាគ្មានត្រីនោះទេ។
    សន្តិភាពនិយមក្នុងការវាយតម្លៃបែបនេះ វាច្បាស់ជាមិនត្រឹម
    ត្រូវជាមួយសកម្មភាពរបស់យឹម សុវណ្ណកន្លងមកទេ។
    យឹម សុវណ្ណ អាចត្រូវបានកំណត់ ថាជាអ្នកចាត់ចែងកិច្ច
    ការងារយ៉ាងសកម្មឲ្យជនក្បត់ជាតិសមរង្សុី នាពេលបច្ចុប្បន្ន
    នោះប្រហែលជាត្រឹមត្រូវជាង ។
    ជាមួយការបញ្ឈប់ក្តីមន្ទិលចំពោះយឹម សុវណ្ណ មិនអាចប្រព្រឹត្ត
    ទៅតាមរយះភាពស្ងប់ស្ងាត់ របស់យឹម សុវណ្ណនោះឡេីយ។
    ព្រោះថាសុទ្ធចិត្តជាមួយសត្រូវ វាមិនខុសអីពីការធ្វេីបាប
    ខ្លួនឯង សម្លាប់ខ្លួនឯងនោះទេ។ ព្រោះសកម្មភាពស្ងៀមស្ងាត់
    របស់យឹមសុវណ្ណ វាមិនសមនឹងសាច់រឿងសោះ៕

Leave a Reply

Submit Comment