មន្ត្រី​ជាន់​ខ្ពស់​គណបក្ស​សង្គ្រោះ​ជាតិ​បាន​ចាក​ចេញ​ពី​សហរដ្ឋ​អាមេរិក​ទៅ​កាន់​ប្រទេស​អាស៊ាន ដើម្បី​ត្រៀម​ខ្លួន​អមដំណើរ​លោក សម រង្ស៊ី

ដោយ ហេង រស្មី
2019-10-16
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

អ្នកស្រី មូរ សុខហួរ អនុប្រធាន​គណបក្ស​សង្គ្រោះ​ជាតិ ​ពេល​ផ្ដល់​បទ​សម្ភាសន៍​នៅ​បន្ទប់​ផ្សាយ​វិទ្យុ​អាស៊ី​សេរី ថ្ងៃ​ទី១៥ ខែ​តុលា ឆ្នាំ២០១៩ អំពី​ការ​ធ្វើ​មាតុភូមិនិវត្តន៍។ RFA
អ្នកស្រី មូរ សុខហួរ អនុប្រធាន​គណបក្ស​សង្គ្រោះ​ជាតិ ​ពេល​ផ្ដល់​បទ​សម្ភាសន៍​នៅ​បន្ទប់​ផ្សាយ​វិទ្យុ​អាស៊ី​សេរី ថ្ងៃ​ទី១៥ ខែ​តុលា ឆ្នាំ២០១៩ អំពី​ការ​ធ្វើ​មាតុភូមិនិវត្តន៍។ RFA


ថ្នាក់​ដឹកនាំ​បក្ស​សង្គ្រោះ​ជាតិ​ ទៅ​ដល់​ប្រទេស​ក្នុង​តំបន់​អាស៊ី


មន្ត្រី​ជាន់​ខ្ពស់ និង​សកម្មជន គណបក្ស​សង្គ្រោះ​ជាតិ​នៅ​ក្រៅ​ប្រទេស​បាន​ចាប់​ផ្ដើម​ចេញ​ដំណើរ​ទៅ​កាន់​ប្រទេស​មួយ​ចំនួន​ក្បែរ​កម្ពុជា ដើម្បី​ត្រៀម​ខ្លួន​ចាំ​ទទួល​លោក​ សម រង្ស៊ី​ ដែល​គ្រោង​វិល​ចូល​មាតុប្រទេស​វិញ​នៅ​ថ្ងៃ​ទី៩ វិច្ឆិកា​ខាង​មុខ​នេះ។ មន្រ្តី​របប​លោក ហ៊ុន សែន ថា រដ្ឋាភិបាល​នេះ​ធ្លាប់​រំលាយ​ខ្មែរក្រហម ដូច្នេះ ​រដ្ឋាភិបាល​មិន​ខ្លាច​សកម្មជន​គណបក្ស​សង្គ្រោះ​ជាតិ​នោះ​ទេ។

អនុប្រធាន​គណបក្ស​សង្គ្រោះ​ជាតិ​ លោកស្រី​ មូរ សុខហួរ​ បញ្ជាក់​ថា​ មន្ត្រី​ជាន់ខ្ពស់​គណបក្ស​សង្គ្រោះ​ជាតិ​ជាច្រើន​នាក់​ បាន​ប្រមូល​ផ្ដុំ​គ្នា​បន្ត​បេសកកម្ម​ប្រវត្តិសាស្ត្រ ដើម្បី​នាំ​អោយ​មាន​ការ​ផ្លាស់​ប្ដូរ​យ៉ាង​ពិត​ប្រាកដ​នៅ​កម្ពុជា។

លោក​ស្រី​បញ្ជាក់​ថា មាន​មនុស្ស​មួយ​ចំនួន​បាន​ទៅ​ប្រទេស​ក្បែរៗ ខាង​កម្ពុជា​ដើម្បី​ចូល​រួម​អម​លោក​ សម រង្ស៊ី វិល​ចូល​មាតុប្រទេស​វិញ នៅ​ថ្ងៃ​ទី៩ វិច្ឆិកា​ខាង​មុខ​នេះ។ លោក​ស្រី​បញ្ជាក់​ថា មន្ត្រី​ជាន់​ខ្ពស់ និង​មន្ត្រី​គណបក្ស​ទាំង​នោះ​បាន​ធ្វើ​ដំណើរ​ចេញ​ពី​សហរដ្ឋ​អាមេរិក បារាំង អូស្ត្រាលី និង​ កាណាដា៖ «ធ្វើ​មាតុភូមិ​និវត្តន៍​នេះ ដើម្បី​ដោះ​ស្រាយ​បញ្ហា​ជាតិ​ទាំង​អស់​គ្នា​ជាមួយ​គ្នា​ ជា​ផែន​ការ​រួម​ មិន​មែន​ជា​ផែន​ការ​ផ្ដួល​រំលំ​របប​លោក​ ហ៊ុន សែន ទេ។ តែ​ជា​ផែនការ​ឈាន​ទៅ​ការ​ស្ដារ​ឡើង​វិញ​នៃ​លទ្ធិប្រជាធិបតេយ្យ និង​អោយ​មាន​ការ​ផ្លាស់​ប្ដូរ​ជា​វិជ្ជមាន​ យើង​ធ្វើ​កិច្ច​ការ​ងារ​អន្តរជាតិ​ ធ្វើ​កិច្ចការ​ងារ​ទូត​និង​កិច្ច​ការ​ងារ​សង្គម​ពាក់ព័ន្ធ​ទាំង​អស់​ដែល​ទាក់ទិន​នឹង​ការ​ធ្វើ​មាតុភូមិនិវត្តន៍»

លោក​ សម រង្ស៊ី​ ប្រធាន​ស្ដីទី​គណបក្ស​សង្គ្រោះ​ជាតិ បាន​ប្រកាស​តាម​ហ្វេសប៊ុក កាល​ពី​សប្ដាហ៍​មុន​ថា ផែន​ការ​វិល​ត្រឡប់​ទៅ​កាន់​មាតុ​ប្រទេស​វិញ​របស់​លោក​គ្មាន​អ្វី​ផ្លាស់​ប្ដូរ​ទេ​ ហើយ​លោក​បញ្ជាក់​ថា​ នឹង​ធ្វើ​ដំណើរ​ទៅ​កាន់​ប្រទេស​មួយ​ចំនួន​ជិត​ប្រទេស​កម្ពុជា ៥ថ្ងៃ​មុន​ថ្ងៃ​កំណត់​ដែល​លោក​វិល​ចូល​មាតុ​ប្រទេស​វិញ។

អតីត​សមាជិក​ព្រឹទ្ធសភា​ខាង​គណបក្ស​សម រង្ស៊ី ដែល​កំពុង​និទ្ទេស​ខ្លួន​នៅ​ប្រទេស​កាណាដា​ លោក​ សោ ចាន់ដេត មាន​ប្រសាសន៍​ថា​ លោក​នឹង​ចាក​ចេញ​ពី​កាណាដា​ក្នុង​ពេល​ឆាប់ៗ ខាង​មុខ​នេះ ដើម្បី​ចូលរួម​អម​ដំណើរ​ជាមួយ​លោក សម រង្ស៊ី។ លោក​បញ្ជាក់​ថា ថ្ងៃ​ទី៩ វិច្ឆិកា​ខាង​មុខ​នេះ​ច្បាស់​ណាស់​នឹង​ធ្វើ​ឲ្យ​មាន​ការ​ប្រែប្រួល​ស្ថានការណ៍​នយោបាយ​យ៉ាង​ពិត​ប្រាកដ​ពី​ព្រោះ​អ្វី​ដែល​លោក​ ហ៊ុន សែន​ កំពុង​តែ​ធ្វើ​ និង​បន្ត​ធ្វើ​សព្វថ្ងៃ​នេះ គឺ​រំលោភ​បំពាន​ច្បាប់​យ៉ាង​ធ្ងន់ធ្ងរ៖ «ខ្ញុំ សោ ចាន់ដេត​ ត្រូវ​តែ​ធ្វើ​ដំណើរ​វិល​ត្រឡប់​ទៅ​ប្រទេស​កម្ពុជា​វិញ​ជាមួយ​លោក​ប្រធាន​សម រង្ស៊ី នៅ​ថ្ងៃ​ទី៩​ វិច្ឆិកា​ខាង​មុខ​នេះ ពី​ព្រោះ​វា​ជា​ពេល​វេលា​ ជា​ឱកាស​ដ៏​ល្អ​បំផុត​ក្នុង​ការ​សង្គ្រោះ​ប្រទេស​ជាតិ​យើង​ពី​កណ្ដាប់​ដៃ​ក្រុម​គ្រួសារ​និង​បក្ស​ពួក​លោក​ ហ៊ុន សែន»

ក្រៅ​ពី​មន្ត្រី​ជាន់​ខ្ពស់​គណបក្ស​សង្គ្រោះ​ជាតិ​នៅ​សហរដ្ឋអាមេរិក​ និង​ កាណាដា។ សកម្មជន និង​អ្នក​គាំទ្រ​គណបក្ស​ប្រឆាំង ក៏​បាន​ត្រៀម​ខ្លួន​ចូល​រួម​អម​ដំណើរ​ជាមួយ​លោក​ សម រង្ស៊ី​ ផង​ដែរ។

ប្រធាន​ក្រុម​ចលនា​យុវជន​គណបក្ស​សង្គ្រោះ​ជាតិ​​នៅ​ប្រទេស​បារាំង​កញ្ញា​ លឹម កន្និកា ប្រាប់​អាស៊ី​សេរី​ថា​ អ្នក​គាំទ្រ​គណបក្ស​សង្គ្រោះ​ជាតិ​ជា​ច្រើន​នាក់​បាន​ត្រៀម​ខ្លួន​រួច​ហើយ​នឹង​ចាកចេញ​ពី​ប្រទេស​បារាំង​ក្នុង​ពេល​ឆាប់ៗ​នេះ។

កញ្ញា​បញ្ជាក់​ថា​ នេះ​ជា​ពេល​វេលា​ដ៏​សំខាន់​សម្រាប់​ឲ្យ​ពលរដ្ឋ ខ្មែរ​ទាំង​ក្នុង​និង​ក្រៅ​ប្រទេស​រួម​សាមគ្គី​គ្នា ដើម្បី​នាំ​ឲ្យ​មាន​ការ​ផ្លាស់​ប្ដូរ​ដោយ​សន្តិវិធី​នៅ​កម្ពុជា៖ «ដោយសារ​យើង​ស្រឡាញ់​ជាតិ​ យើង​ដឹង​ហើយ​ថា បើ​យើង​មិន​ងើបឈរ​សម្រាប់​ប្រទេស​កម្ពុជា​អត់​មាន​អ្នកណា​ងើប​ឈរ​ទេ។ មូល​ហេតុ​ទី២ ដោយសារ​តែ​យើង​ឃើញ​គេ​ចាប់​ក្រុម​យុវជន​នៅ​ក្នុង​ពន្ធនាគារ​ដោយសារ​គេ​ចង់​ចូល​រួម​ថ្ងៃ​ទី៩​ ខែ​វិច្ឆិកា​ហ្នឹង។ យើង​ចង់​បង្ហាញ​ថា យុវជន​មាន​សាមគ្គីភាព​តាំង​ពី​ស្រុក​បារាំង និង​នៅ​ទូទាំង​ពិភព​លោក»

សម្រាប់​មន្ត្រី​របប​ក្រុង​ភ្នំពេញ​វិញ​មិន​មាន​ជំនឿ​ថា​ លោក​ សម រង្ស៊ី​ នឹង​វិល​តាម​ការ​សន្យា​នោះ​ទេ​ ដោយ​សារ​តែ​នេះ​មិន​មែន​ជា​លើក​ទី​មួយ​ទេ​ដែល​មេ​គណបក្ស​ប្រឆាំង​រូប​នេះ​ប្រកាស​ចូល​មាតុប្រទេស​នោះ។

ទោះ​បី​ជា​យ៉ាង​ណា អ្នក​នាំ​ពាក្យ​គណបក្ស​ប្រជាជន​កម្ពុជា​លោក​ សុខ​ ឥសាន​ មាន​ប្រសាសន៍​ថា​ រដ្ឋាភិបាល​មិន​ហាម​ឃាត់​លោក​ សម រង្ស៊ី​ ទេ។ ប៉ុន្តែ​ព្រមាន​ថា ​ នៅ​ពេល​ដែល​លោក​ សម រង្ស៊ី​ ឈានជើង​ចូល​ដល់​កម្ពុជា​ភ្លាម​អាជ្ញាធរ​មាន​សមត្ថកិច្ច​នឹង​ចាប់​ដាក់​ខ្នោះ​បញ្ជូន​ទៅ​ពន្ធនាគារ​ភ្លាម៖ «ខ្ញុំ​យល់​ថា ប៉ុល ពត មាន​ទាហាន​ រាប់​កងពល​ក៏​នៅតែ​បង្ក្រាប​បាន​ចុះ​បង​ប្អូន​ទៅ​ប៉ុន្មាន​យន្ត​ហោះ​ មកពី​បារាំង​ប៉ុន្មាន​កងពល​ ពី​អាមេរិក​មក​ប៉ុន្មាន​កងពល​ អា​ហ្នឹង​ចាំ​និយាយ​គ្នា។​បើ​មិន​ទាន់​ឃើញ​ជាក់​ស្ដែង​និយាយ​មិន​ទាន់​បាន​ទេ​ពី​ព្រោះ​ការ​ឆ្លើយតប​របស់​រដ្ឋាភិបាល​គឺ​ស្រប​ទៅ​តាម​អ្វី​ដែល​កើត​ឡើង​ជាក់​ស្ដែង»

គិត​ត្រឹម​ថ្ងៃ​ទី១៥ ខែ​តុលា ការ​សន្យា​វិល​ចូល​ប្រទេស​កម្ពុជា​វិញ​របស់​លោក សម រង្ស៊ី នៅ​សល់​តែ​ ២៥ថ្ងៃ​ទៀត​ប៉ុណ្ណោះ ដែល​ទំនង​ជា​ធ្វើ​ឱ្យ​អ្នក​គាំទ្រ​បក្ស​ប្រឆាំង​​កាន់​តែ​អន្ទះសា​ចង់​ទៅ​ទទួល​ដំណើរ​មាតុភូមិ​និវត្តន៍​របស់​លោក​ចូល​ទៅ​កាន់​មាតុប្រទេស៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

2 Responses to "មន្ត្រី​ជាន់​ខ្ពស់​គណបក្ស​សង្គ្រោះ​ជាតិ​បាន​ចាក​ចេញ​ពី​សហរដ្ឋ​អាមេរិក​ទៅ​កាន់​ប្រទេស​អាស៊ាន ដើម្បី​ត្រៀម​ខ្លួន​អមដំណើរ​លោក សម រង្ស៊ី"

  1. so socheath says:

    នៅតែប៉ុន្មានថ្ងៃទៀតប៉ុណ្ណោះដែលការសន្យារបស់អាពូជឆ្កែ អាក្បត់ជាតិសមរង្សុី
    និងបរិវារក្បត់ជាតិរបស់វាអួតថាមកចាប់
    មកបណ្តេញសម្តេចតេជោហ៊ុនសែនពីអំណាច រហូតដល់ថ្នាក់
    មីក្តឹតស្វឹតមួរសុខហួរ ស្រែកអួតអាង អំពីចំនួនមនុស្ស២យន្ត
    ហោះ ដែលហោះពីអាមេរិក មកកាន់តំបន់អាសុី ដេីម្បីដង្ហែរ
    អាពូជឆ្កែ អាក្បត់ជាតិសមរង្សុីមកបណ្តេញ មកចាប់តេជោ
    ហ៊ុនសែនទៀតផង ។
    ដេីម្បីអបអរស្វាគមន៍ចំពោះដំណេីរមកចាប់ មកដេញ
    តេជោសែនចេញពីអំណាច របស់អាពូជឆ្កែ អាក្បត់សមរង្សុី
    និងបរិវាររបស់វា ខ្ញុំសុំជូនបទចម្រៀងមួយបទ អមដោយ
    អត្ថបទមួយ ដេីម្បីជាការជូនពរ ដល់ទីអវសាន របស់អាក្បត់ជាតិសមរង្សុី
    និងបរិវាររបស់វាផងដែរ។

    ចម្រៀងបទ: កុហក
    *
    l-កុហកៗ កុហករកគ្មាន បោកប្រាសបំពាន គឺសមរង្ស៊ី
    កុហកបោកប្រាស អត់មានពេលល្ហែ បោកស៊ីដាក់ខែ ប្រើពាក្យកុហក ។
    ll- កុហក ឆ្ងាញ់ណាស់កុហក បោកប្រាសវីវក់ ប្រើសន្យា
    សន្យាខ្យល់ខ្ចប់ បោកយកលាភា បោកប្រាសគ្រប់គ្នាអ្នកជឿកុហក ។
    R-ឆ្ងាញ់ណាស់ បោកប្រាស ប្រើពាក្យកុហក ភូតភរវីវក់ បោកប្រាសយកស៊ី
    លុយព្រះអាទឹត្យ ទូរទស្សន៍មាត់ឆ្កែ បាត់សូន្យទទេប្រាកដកុហក ។
    lll- កុហក ជឿពាក្យកុហក ច្បាស់ជាជួបទុក្ខ មិនសុខសាន្តទេ ជឿសមរង្ស៊ី
    ហាក់ដូចជឿឆ្កែ អត់បានការទេ ត្បឹតវាកុហក៕
    *****

    ដង្ហើមចុងក្រោយរបស់អាក្បត់ជាតិសមរង្ស៊ី
    ……….
    វាហាក់ដូចអត់មានរៀងអីចម្លែកទេ ដែលអាក្បត់ជាតិសមរង្ស៊ីរួមទាំងគូកនរបស់វាទន្ទេញនូវពាក្យដដែល ពីដំណើរវិលត្រឡប់មកកាន់កម្ពុជាវិញ ដែលរឿងនេះខ្ញុំបានជម្រាបជូនលោកអ្នកជ្រាបស្តីពីភាពមិនខ្មេះរបស់អាក្បត់ជាតិសមរង្ស៊ី ដែលវាចាំតែភ្លើត្រឡប់មកដេកស៊ីបាយគុករួចហើយ។ប៉ុន្តែថា សម្រាប់ការរក្សាដង្ហើមចុងក្រោយរបស់អាក្បត់ជាតិ
    នេះដែលវាដង្ហក់រកកលឈានចូលសេចក្តីស្លាប់នោះ គឺវាដាច់ខាតប្រវេប្រវារក្សាដង្ហើមចុងក្រោយរបស់វា ក្រែងលោមានសំណាងបានរស់ឡើងវិញ រួចពីក្តីស្លាប់បាន ។
    ខ្យល់ដង្ហើម ចុងក្រោយរបស់វាដែលប្រឹងដកនេះគឺវាពឹងផ្អែកលើក្រុមការងារចំពោះកិច្ច (ក្រុមវិទ្ធង្សនា ធ្វើសកម្មភាពបង្កើតចលាចលក្នុងសង្គម ) ដែលវាខិតខំប្រឹងប្រែងបង្កើតឡើង ដើម្បីបង្ករឲ្យក្លាយទៅជាកម្លាំងអុកឡុក រើបម្រាស់ បង្ករចលាចល ធ្វើឲ្យមានភាពវឹកវរក្នុង
    សង្គម ឲ្យគេមើលឃើញថា ជាចលនាសម្រាប់ការជួយទ្រទ្រង់ដំណើរវិលត្រឡប់របស់វា ធានាកាត់ផ្តាច់បាននូវការមន្ទិលសង្ស័យពីភាពកំសាករបស់អាក្បត់ជាតិ អាថោកជាងឆ្កែនេះ ក្នុងពេលដែលរាជរដ្ឋាភិបាលប្រើការបង្ក្រាបទៅលើក្រុមវិទ្ធង្សនា ធ្វើសកម្មភាពបង្កើតចលាចលក្នុងសង្គម របស់វា ដែលវាអាចមានលេសក្នុងការដកខ្លួនពីការសន្យាផងនិងបានក្តោបលុយមូលនិធិ៣០ម៉ឺនដុល្លារ ដែលបានវាបោកបានពីក្រុមជនឆោតល្ងង់តែស្រេកឃ្លានអំណាច ចាយបានដោយសមហេតុផលផងដែរ។
    គឺពិតជាអញ្ចឹង ! នេះគឺជាល្បិចព្រួញមួយបាញ់បានសត្វពីរ របស់អាក្បត់ជាតិសមរង្ស៊ី។
    ដូចនេះ ចម្រៀងដែលវាច្រៀងចេញមកទាំងប៉ុន្មាន វាគ្រាន់តែជាចម្រៀងបោកប្រាសប៉ុណ្ណោះ។
    សម្រាប់អាពូជឆ្កែសមរង្ស៊ី វាដឹងខ្លួនឯងយ៉ាងច្បាស់ថាវាមិនអាចវិលមកចូលរួមក្នុងឆាកនយោបាយបានទៀតទេដោយសារទោសក្បត់ជាតិ (កាត់ដី៤ខេត្តឲ្យយួនដេហ្កាដូច្នេះការបោកប្រាសចុងក្រោយនេះ ក៍ជាពេលវេលានៃដង្ហើម ចុងក្រោយរបស់វាដែរ ៕

  2. Anonymous says:

    there was two group of Khmer rue by the way I knew. Khmer rue Vietcong and Khmer rue China . HUN SEN ,HENG SAMRIN was Khmer rue Vietcong 100% up to this day . they already eliminated Khmer rue China. since 1979 they have been leaded this nation along side whit many opposition parties in democracy way in order for the world to help Cambodian to get up on their feed. but so sad communist brain wash never obey democracy after they fight in the battle whit CNRP they knew they may lost then HUN SEN order to Eliminated CNRP. not so long ago HUN SEN make up his mind to cooperated whit communist China after all we can see HUN SEN never has his brain as a democracy person at all.

Leave a Reply

Submit Comment