​អ្នក​វិភាគ​៖ ​កម្ពុជា​ទិញ​អាវុធ​ពី​ឆេក ដើម្បី​ពង្រឹង​វិស័យ​ការពារ​ជាតិ ​និង​ដោយ​សារ​តម្លៃ​ធូរ​ថ្លៃ​

ដោយ ញឹម សុផល
16/10/2019
RFI

media
យន្តហោះស៊ើបការណ៍ L-39 (រូបភាពទូទៅ)
@Internet


នៅ​ក្នុង​ដំណើរ​ទស្សន​កិច្ច​ពី​ថ្ងៃទី១៣​ដល់​ថ្ងៃទី១៧​ខែ​តុលា​របស់​លោក​នាយក​រដ្ឋ​មន្ត្រី ហ៊ុន សែន ទៅ​កាន់​ប្រទេស​អឺរ៉ុប​ខាង​កើត​ចំនួន​៣គឺ ឆេក ហុងគ្រី និង​ប៊ុលហ្គារី ប្រទេស​កម្ពុជា​បាន​ចាប់​អារម្មណ៍ និង​គ្រោង​ទិញ​អាវុធ និង​យន្ត​ហោះ​បន្ថែម​ពី​ប្រទេស​ឆេក​។ ជុំវិញ​បញ្ហា​នេះ ត្រូវ​អ្នក​តាម​ដាន​សង្គម និង​នយោ​បាយ​មួយ​ចំនួន​មើល​ឃើញ​ថា​ជា​ឱកាស​សម្រាប់​កម្ពុជា​ដើម្បី​ពង្រឹង​ឃឿន​ការពារ​ជាតិ និង​មួយ​ចំនួន​ទៀត​លើក​ជា​ចំងល់​ថា​ហេតុអ្វី​ក៏​កម្ពុជា​ត្រូវ​ទិញ​អាវុធ​នៅ​ក្នុង​កាលៈ​ទេសៈ​នេះ។

នៅ​ក្នុង​សន្និសីទ​កាសែត​នៅ​ទីក្រុង​ប្រាក កាល​ពី​ថ្ងៃចន្ទ​កន្លង​ទៅ លោក​នាយក​រដ្ឋ​មន្ត្រី ហ៊ុន សែន បាន​ថ្លែង​ថា ដើម្បី​ពង្រឹង​វិស័យ​យោធា​របស់​កម្ពុជា​ឲ្យ​កាន់​តែ​រឹង​មាំ​បន្ថែម​ទៀត កម្ពុជា​គ្រោង​នឹង​ទិញ​យន្ត​ហោះ​ស៊ើប​ការណ៍​ប្រភេទ L39 ចំនួន៣-៤​គ្រឿង​បន្ថែម​ទៀត និង​សពា្វ​វុធ​មួយ​ចំនួន​ពី​ប្រទេស​ឆែក ខណៈ​កាល​ពី​មុន​កម្ពុជា បាន​ទិញ​យន្ត​ហោះ​ស៊ើប​ការណ៍​ប្រភេទL39 ចំនួន​៦គ្រឿង​ពី​ប្រទេស​ឆេក​រួច​ហើយ​។

ជុំវិញ​ការ​គ្រោង​ទិញ​អាវុធ​និង​យន្ត​ហោះ​ពី​ប្រទេស​ឆែក​បន្ថែម​នេះ លោក​បណ្ឌិត មាស នី អ្នក ស្រាវ​ជ្រាវ​ការ​អភិវឌ្ឍ​សង្គម មើល​ឃើញ​ថា វា​មិន​ត្រូវ​នឹង​កាលៈ​ទេសៈ ដែល​កម្ពុជា​ត្រូវ​ចំណាយ​ថវិកា​ជាតិ ប្រយោជន៍​ដើម្បី​បង្ក្រាប​ខ្មែរ​គ្នា​ឯង ខណៈ​នយោបាយ​ផ្ទៃ​ក្នុង​កម្ពុជា កំពុង​តែ​បង្ហាញ​រូប​ភាព​ប្រឈម​មុខ​គ្នា រវាង​គណ​បក្ស​ដែល​ដឹក​នាំ​រដ្ឋា​ភិបាល និង​គណ​បក្ស​ប្រឆាំង​។

ផ្ទុយ​ទៅ​វិញ លោក ផៃ ស៊ីផាន អ្នក​នាំ​ពាក្យ​រដ្ឋា​ភិបាល​កម្ពុជា ពន្យល់​ថា រដ្ឋា​ភិបាល​មាន​កាតព្វ​កិច្ច​ផ្តាច់​មុខ ក្នុង​កិច្ច​ការ​ថែ​រក្សា​ការពារ​សន្តិ​សុខ​ជាតិ​។ មួយ​វិញ​ទៀត កម្ពុជា​ត្រូវ​រៀប​ចំ​ទំនើប​កម្ម​សព្វា​វុធ ឲ្យ​បាន​សម​ស្រប​ប្រហាក់​ប្រហែល​នឹង​ភាព​ជឿន​លឿន​ខាង​សព្វាវុធ​ជាមួយ​ប្រទេស​ជិត​ខាង​។ នេះ​បើ​តាម​លោក ផៃ ស៊ីផាន ដោយ​លោក​បញ្ជាក់​ថា​ការ​ទិញ​យន្ត​ហោះ​ស៊ើប​ការណ៍​ពី​ឆេក គឺ​សម​ស្រប​សម្រាប់​កម្ពុជា​។

ជាមួយ​គ្នា​នេះ លោក​បណ្ឌិត ឡៅ ម៉ុងហៃ អ្នក​វិភាគ​នយោបាយ​កម្ពុជា មើល​ឃើញ​ដែរ​ថា ជា​ការ​ធម្មតា​ទេ កង​ទ័ព​ត្រូវ​ការ​អាវុធ​ទំនើបៗ ដើម្បី​ការពារ​ជាតិ និង​ទប់​ទល់​កម្លាំង​ណា​មួយ ខណៈ​ដែល​កង​ទ័ព​បាន​ប្តេជ្ញា​ចិត្ត ប្រកាស​ទប់​ទល់​នឹង​ការ​វិល​ត្រលប់​របស់​លោក សម រង្ស៊ី នៅ​ថ្ងៃទី០៩​ខែវិច្ឆិកា​ខាង​មុខ​។

ទោះ​យ៉ាង​ណា លោក​បណ្ឌិត គិន ភា ប្រធាន​វិទ្យា​ស្ថាន​ទំនាក់​ទំនង​អន្តរ​ជាតិ​នៃ​រាជ​បណ្ឌិត​សភា​កម្ពុជា កត់​សម្គាល់​ថា ការ​គ្រោង​ទិញ​អាវុធ​និង​យន្ត​ហោះ​ពី​ឆេក គឺ​ជា​ពេល​វេលា​សម​ស្រប​មួយ ដែល​កម្ពុជា​ត្រូវ​ពង្រឹង​វិស័យ​ការពារ​ជាតិ​របស់​ខ្លួន ខណៈ​អាវុធ​ឆេក​ធូរ​ថ្លៃ​ជាង ប្រទេស​អឺរ៉ុប​ខាង​លិច និង​សហ​រដ្ឋ​អាមេរិក​៕

What Next?

Recent Articles

2 Responses to "​អ្នក​វិភាគ​៖ ​កម្ពុជា​ទិញ​អាវុធ​ពី​ឆេក ដើម្បី​ពង្រឹង​វិស័យ​ការពារ​ជាតិ ​និង​ដោយ​សារ​តម្លៃ​ធូរ​ថ្លៃ​"

  1. Anonymous says:

    I do not think they want to make money from Cambodia. the reason why they love Cambodian and that jet is not food that Cambodian need. they think twit that their jet may use to kill HUN SEN enemy. I do not think Cambodian need that kind of weapon Cambodian need work, food isn’t it?? shame on you which I call the dumb and dumper are the same no one know what was wrong. I wonder how can all these face be the responsible for a nation??will this nation end soon?? GOD bless this poor Cambodian ‘s nation

  2. Anonymous says:

    I do not think they want to make money from Cambodia. the reason why?? they love Cambodian and that jet is not food that Cambodian need. they think twit that their jet may use to kill HUN SEN’s enemy. I do not think Cambodian need that kind of weapon Cambodian need work, food isn’t it?? shame on you which I call the dumb and dumper are the same no one know what was wrong. I wonder how can all these faces be the responsible for a nation??will this nation end soon?? GOD bless this poor Cambodian ‘s nation