ដោយ ខែ សុណង
2019-10-19
RFA
ស្ដាប់ ឬទាញយកសំឡេង
ប៉ុស្តិ៍ប៉ូលិសព្រំដែនខ្មែរនៅភូមិពាមមន្ទារ ឃុំពាមមន្ទារ ស្រុកកំពង់ត្របែក ខេត្តព្រៃវែង ជាប់ព្រំដែនវៀតណាម ថ្ងៃទី២៨ ខែវិច្ឆិកា ឆ្នាំ២០១៦។ RFA
ក្រុមយុវជន និងពលរដ្ឋចាត់ទុកថា ការបណ្ដោយឲ្យពលរដ្ឋវៀតណាមចូលមករស់នៅលើកដីខ្មែរ តាមបណ្ដោយព្រំដែនច្រើនស្អេកស្កះ នឹងធ្វើឱ្យកម្ពុជាបាត់បង់ទឹកដីបន្តទៀតនៅថ្ងៃអនាគត។ តំបន់ដែលប្រជាជនវៀតណាមរស់នៅច្រើនរួមមាន តំបន់ថ្មបីដុំ ក្នុងខេត្តតាកែវ តំបន់ក្អមសំណ តំបន់ជ្រៃធំ ភូមិប៉ាកណាម ក្នុងខេត្តកណ្ដាល និងក្រុងបាវិត នៅខេត្តស្វាយរៀង។
ក្រុមយុវជន និងពលរដ្ឋ បារម្ភពីហានិភ័យជាច្រើន ដែលធ្វើឱ្យកម្ពុជាងាយនឹងរបូតដីទៅវៀតណាមគ្រប់គ្រងតាមបណ្ដោយព្រំដែនកម្ពុជា-វៀតណាម ជាពិសេស នៅខេត្តមួយចំនួន រួមមានខេត្តតាកែវ ខេត្តកណ្ដាល ព្រៃវែង និងខេត្តស្វាយរៀងជាដើម។ ក្រុមយុវជនអះអាងថា ពួកគេបានចុះទៅស្រាវជ្រាវផ្ទាល់នៅតំបន់នោះ ហើយរកឃើញថា មានជនអន្តោប្រវេសន៍វៀតណាម ចូលមករស់នៅលើដីខ្មែរ និងតាំងទីលំនៅដោយខុសច្បាប់ លើកទឹកដីខ្មែរជាច្រើនឆ្នាំមកហើយ មកទល់ពេលនេះនៅតែគ្មានដំណោះស្រាយជាវិជ្ជមាននៅឡើយទេ ពីសំណាក់អាជ្ញាធរកម្ពុជា។
សមាជិកក្រុមការងារ ១០០រាត្រី លោក ស៊ឺន ពិសិទ្ធិ ឱ្យដឹងនៅថ្ងៃទី១៩ ខែតុលា ថា រដ្ឋាភិបាលគ្មានឆន្ទៈដោះស្រាយរឿងនេះទាល់តែសោះ បើទោះបីពួកគេ បានចុះប្រមូលព័ត៌មាន និងផ្សាយវីដេអូ បង្ហាញតឹកតាងមួយចំនួន ដែលបញ្ជាក់ថា មានពលរដ្ឋវៀតណាមជាង ៩០ភាគរយរស់នៅខុសច្បាប់ នៅតំបន់ថ្មបីដុំ ក្នុងស្រុកបុរីជលសា ខេត្តតាកែវ។ លោកគិតថា ការធ្វេសប្រហែលរបស់រដ្ឋាភិបាល នឹងបង្កឱ្យកម្ពុជារបូតដី តាមបណ្ដោយព្រំដែននៅថ្ងៃអនាគត៖ «នៅតំបន់ហ្នឹងខ្ញុំធ្លាប់ចុះទៅ និងមានឯកសារធ្លាប់ធ្វើមាន គឺពលរដ្ឋវៀតណាមស្ទើរទាំងអស់ មករកស៊ីចេញចូល ដោយខុសច្បាប់ ហើយអាជ្ញាធរខ្មែររបស់យើង គ្មានសមត្ថភាពគ្រប់គ្រងតំបន់នោះបាន។ ការគ្រប់គ្រងកម្សោយរបៀបហ្នឹង មានហានិភ័យខ្ពស់មែនទែន»។
លោក ស៊ឺន ពិសិទ្ធិ បង្ហាញក្ដីបារម្ភយ៉ាងខ្លាំងថា ប្រសិនបើរដ្ឋាភិបាលនៅតែអូសបន្លាយពេល មិនដោះស្រាយបញ្ហានេះ កម្ពុជានឹងលំបាកទាមទារដីនៅតំបន់នោះពីភាគីវៀតណាម។ លោកថា ល្បិចឈ្លានពានទឹកដី គឺសំណាក់រដ្ឋាភិបាលវៀតណាមមានគ្រប់រូបភាព រួមមាន ការបំពានដោយបញ្ជូនប្រជាជនវៀតណាម ឱ្យមករស់នៅតាមព្រំដែន ដើម្បីរំកិលព្រំដែន សកម្មភាពទិញដី និងជួលដីស្រែពីពលរដ្ឋខ្មែរ និងការសង់ផ្នូរខ្មោចច្រើនស្អេកស្កះនៅតាមបណ្ដោយព្រំដែនជាដើម៖ «ចាញ់ប្រៀបវៀតណាមច្រើន វាជាវិធីសាស្ត្រ ក្នុងការទន្ទ្រានយកដីខ្មែរដោយសារតែ ការដឹកនាំឆ្លុះបញ្ចាំងពីភាពខ្សោយរបស់មេដឹកនាំរបស់យើង រឿងបូរណភាពទឹកដី យើងចាញ់ប្រៀបច្រើនណាស់។ ផ្លូវគមនាគម ហេដ្ឋារចនាសម្ព័ន្ធ និងបទដ្ឋានរដ្ឋបាលយើងខ្សោយណាស់»។
ទេសរដ្ឋមន្ត្រីទទួលបន្ទុកបេសកកម្មពិសេសកិច្ចការព្រំដែន លោក វ៉ា គឹមហុង បដិសេធមិនអធិប្បាយរឿងនេះទេ ដោយលោកថា កំពុងជាប់រវល់ប្រជុំ៖ «កំពុងជាប់ប្រជុំបាទ សុំអធ្យាស្រ័យ»។
អាស៊ីសេរីបានព្យាយាមទាក់ទង អ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន និងលោក សុខ ទូច ប្រធានរាជបណ្ឌិត្យសភាកម្ពុជា ដើម្បីសុំការអធិប្បាយរឿងនេះដែរ តែទូរស័ព្ទហៅចូលគ្មានអ្នកទទួលនៅថ្ងៃទី១៩ តុលា។
កន្លងទៅ ក្រុមការងារ ១០០រាត្រី បានផ្សាយរបាយការណ៍ស្រាវជ្រាវ រកឃើញថា តំបន់ថ្មបីដុំ ឋិតនៅភូមិថ្មបីដុំ ឃុំកំពង់ក្រសាំង ស្រុកបុរីជលសាខេត្តតាកែវ មានជនជាតិវៀតណាម រស់នៅខ្ពស់បំផុតជាង ៩០ភាគរយ ប្រើភាសាវៀតណាមស្ទើរទាំងអស់។ ពួកគេបានបង្ហាញភស្តុតាងមួយចំនួន ឆ្លុះបញ្ចាំងថា តំបន់នោះគ្រប់គ្រងដោយអាជ្ញាធរវៀតណាមរួមមាន រចនាបថសាងសង់អគារ ផ្ទះសម្បែង ស្លាកយីហោរកស៊ី មានលក្ខណៈវៀតណាម និងមានពលរដ្ឋវៀតណាមចេញចូលដោយសេរី។ ក្រុមយុវជនថា ពុំឃើញមានប៉ុស្តិ៍ត្រួតពិនិត្យទេនៅខាងទឹកដីខ្មែរ នៅចន្លោះបង្គោលព្រំដែនពីលេខ ២៦៥ ដល់ ២៧៥ និងគ្មានផ្លូវធ្វើដំណើរទៅកាន់ភូមិនោះឡើយ ដែលផ្ទុយពីខាងទឹកដីវៀតណាម មានហេដ្ឋារចនាសម្ព័ន្ធ និងផ្លូវថ្នល់តភ្ជាប់ភូមិថ្មបីដុំ ចូលទៅខាងក្នុងប្រទេសរបស់វៀតណាម។
ប្រធានសមាគមសម្ព័ន្ធនិស្សិតបញ្ញវន្តខ្មែរ និងជាសមាជិកក្រុមការងារ ១០០រាត្រី លោក មួង សូនី ដែលធ្លាប់ចុះដល់តំបន់នោះ ផ្ដល់ទស្សនៈថា រដ្ឋាភិបាលត្រូវបង្កើតប៉ុស្តិ៍យាមព្រំដែននៅទីនោះ និងមានប្រព័ន្ធរដ្ឋបាលគ្រប់គ្រងតំបន់នោះឱ្យច្បាស់លាស់ ជាពិសេសត្រូវស្រង់ស្ថិតិជនជាតិវៀតណាមដែលកំពុងរស់ តាមបណ្ដោយព្រំដែន នៅចំណុចក្អមសំណ តំបន់ជ្រៃធំ និងភូមិប៉ាក់ណាម នៅខេត្តកណ្តាល។ លោកបន្ថែមថា មន្ត្រីជំនាញ ដែលទៅឈរជើងនៅតំបន់នោះ ត្រូវមានជំនាញច្បាស់លាស់ និងមានឆន្ទៈរឹងមាំ ការពារអធិបតេយ្យជាតិរបស់ខ្លួន។ លើសពីនេះ អាជ្ញាធរខ្មែរត្រូវមានវិធានការអនុវត្តច្បាប់ លើជនអន្តោប្រវេសន៍វៀតណាម ដែលរស់នៅខុសច្បាប់ ឱ្យបានម៉ឺងម៉ាត់៖ «រឿងវៀតណាមចូលមករស់នៅតាមបណ្ដោយព្រំដែន ពុំមែនជារឿងមួយ ដែកកើតឡើងដោយ វៀតណាមចូលមកបែបរកស៊ី ធ្វើអាជីវកម្ម និងជនភាសន៍ខ្លួនទេ។ ខ្ញុំមើលទៅ ទំនងជារឿងនយោបាយច្រើនជាង ព្រោះតំបន់នោះជាភូមិដែលវៀតណាមទាមទារ»។
ប្រធានក្រុមស្រាវជ្រាវកិច្ចការព្រំដែននៃរាជបណ្ឌិត្យសភាកម្ពុជា បណ្ឌិត សុខ ទូច ធ្លាប់ប្រាប់អាស៊ីសេរីថា តំបន់ថ្មបីដុំ ឋិតក្រោមការគ្រប់គ្រងរបស់កម្ពុជា។ លោកថា មានហេតុផលមួយវចំនួន ដែលតំបន់នោះ មិនឋិតក្នុងទឹកដីវៀតណាម រួមមាន កម្ពុជាមានច្រកថ្មបីដុំ មានកាស៊ីណូថ្មបីដុំ មានអ្នកតាថ្មបីដុំ មានព្រំដែនច្រកថ្មបីដុំ និងមានរដ្ឋបាលឃុំច្បាស់លាស់។ ទាកទិនការលើកឡើងរបស់លោក សុខ ទូច ក្រុមយុវជនទាមទារឱ្យរដ្ឋាភិបាលកម្ពុជា ផ្តល់សេរីភាពពេញលេញ ឱ្យសាធារណជន ចូលទៅសិក្សា ស្រាវជ្រាវតំបន់នោះ ដោយគ្មានការរារាំង និងគំរាមកំហែង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- អ្នកជំនាញកិច្ចការអន្តរជាតិថា វៀតណាមរកាំរកូសចិត្តខ្លាំងជាមួយរបបភ្នំពេញរឿងឱបក្រសោបចិនខ្លាំង
- យុវជន និងពលរដ្ឋប្រតិកម្មចំពោះការចុះហត្ថលេខាទទួលស្គាល់បង្គោលព្រំដែន ៨៤ភាគរយ
- កម្ពុជា-វៀតណាមចុះហត្ថលេខាទទួលស្គាល់ការបោះបង្គោលព្រំដែន និងបង្កើតតំបន់សេដ្ឋកិច្ចពិសេសបន្ថែម ខណៈរងការរិះគន់
- ក្រុមការងារ ១០០រាត្រី៖ រដ្ឋាភិបាលអសមត្ថភាពទប់ស្កាត់អាហារគីមីតាមព្រំដែនពីវៀតណាម
- កម្ពុជា-ឡាវ សម្រេចបង្កើតសន្ធិសញ្ញាព្រំដែន និងដូរដាក់បង្គោលព្រំដែនថ្មី
- អ្នកវិភាគ៖ របបភ្នំពេញអាចបារម្ភថា ឡាវយកលេសព្រំដែនជាថ្នូរឱ្យលោក សម រង្ស៊ី ចុះយន្តហោះ
- “កម្ពុជាបរាជ័យលើគម្រោងអភិវឌ្ឍរួមនៅតំបន់មុំ៣ និងអាចកាន់កាប់ផ្ដាច់មុខដោយវៀតណាម”
- កម្ពុជា-ឡាវរក្សាកងទ័ពមួយចំនួននៅតំបន់មានជម្លោះតាមបណ្ដោយព្រំដែននៃប្រទេសទាំងពីរ
- កម្ពុជា-ឡាវព្រមព្រៀងគ្នាបណ្ដោះអាសន្នដកកងទ័ពចេញពីតំបន់មានជម្លោះ
- ក្រុមយុវជនថា វៀតណាមគ្រប់គ្រងតំបន់អូរហ៊ុច ឬដាក់ហ៊ួដ ៥១គីឡូម៉ែត្រក្រឡានៅមណ្ឌលគិរី
ដូចខ្ញុំបានវាយតម្លៃស្ថានការណ៍នយោបាយ នៃការសន្យាការវិល
របស់ជនក្បត់ជាតិសមរង្សុីនិង
បក្សពួករួចមកហេីយថាវាមិនខ្មេះទេ ។
សមរង្សុីជាជនកំសាក ការភូតភរបោកប្រាសចុងក្រោយ
របស់ជនក្បត់ជាតិសមរង្សុី និងបក្សពួក គឺដេីម្បីយកលុយ
មូលនិធិ ៣០មុឺនដុល្លារចាយក្នុងពេលវេលាចុងក្រោយ
នៃការបញ្ចប់អាជីពនយោបាយរបស់វាជារៀងរហូត
ដូចការសារភាពដោយបេីចំហរបស់អេង ឆៃអ៊ាង ខាងក្រោម
នេះស្រាប់។
តេីមានអន្តរជាតិណាមួយហ៊ានធានាចំពោះសមរង្សុី
ដេីម្បីបំពានលេីអធិបតេយ្យរបស់ប្រទេសមួយ ដែលស្ថិត
ក្នុងកិច្ចគាំពារតាមច្បាប់អង្គការសហប្រជាជាតិនោះ។
សរុបសេចក្តីមក ទាល់តែសេះដុះស្នែង ទេីបសមរង្សុី
និងបក្សពួកហ៊ានចូលកម្ពុជាវិញ។
សម្រាប់ល្បះចុងក្រោយដែលថា និងជំរុញឲ្យសមរង្សុី
ចូលកម្ពុជាថ្ងៃទី៩វិច្ឆិកា វាគ្រានតែជាការនិយាយដេីម្បី
បោកប្រាសដេីម្បីបានលុយបន្ថែមប៉ុណ្ណោះ៕
ហាស ! ហាស
ជឿមីក្តឹតស្វឹត មួរសុខហួរ ជឿឆ្កែវិញល្អជាង ។
អាអេង ឆៃអ៊ាង វាថាទាល់តែយូរ ហើយយារស្តោក ទៀត ក៏មិនហ៊ានមកដែរ ។ ព្រោះគ្មានការគាំទ្រ
និងធានាសន្តិសុខពីអន្តរជាតិ ( ????? ) ។ វាថាទាល់តែយូរបានមកជាប់គុក និង ត្រូវគេបាញ់ងាប់
អត់ប្រយោជន៍ ។ វាថាទុកពេល សម្រាប់តស៊ូវិញល្អជាង ( ??????)
ហើយពាក្យបន្ទាប់ របស់វា អញបង្ហាញខាងលើស្រាប់ ។
ដកស្រង់ពីគណនីហ្វេសប៊ុកហូវ៉ាន់
*******
ញុំ ហូ វ៉ាន់ តំណាងរាស្ត្រគណបក្សសង្គ្រោះជាតិ មណ្ឌល ភ្នំពេញ សូមបញ្ជាក់គោលជំហរជាថ្មីថា ខ្ញុំគ្មានគម្រោងវិល ត្រឡប់ចូលប្រទេសកម្ពុជាវិញនៅថ្ងៃទី៩ ខែវិច្ឆិកា នោះទេ ព្រោះលោកប្រធានស្តីទី សម រង្ស៊ី ក៏នឹងមិនវិលត្រឡប់ ចូលប្រទេសវិញតាមការគ្រោងទុកដែរ។ ការសម្រេចចិត្ត នេះធ្វើឡើង ក្រោយពីលោកប្រធាន ក៏ដូចជាខ្ញុំទើបតែ បានដឹងច្បាស់លាស់ជាមួយភស្តុតាង និងសាក្សីថា លោកប្រធាន សម រង្ស៊ីបានចាញ់ល្បិចកលរបស់ក្រុមលោក អេង ឆៃអ៊ាង និងលោកស្រី មូរ សុខហួរ ព្រះអង្គ ប៊ុត ប៊ុនតិញ ដែលបានរៀបចំផែនការសម្លាប់ជីវិត នយោបាយ របស់លោកប្រធាន សម រង្ស៊ី។ លោក អេង ឆៃអ៊ាង បានក្បត់ គណបក្សសង្គ្រោះជាតិ ក្បត់មនសិការជាតិ ក្បត់ពលរដ្ឋខ្មែរ ម្ចាស់ឆ្នោតកន្លះប្រទេសដោយបានឃុបឃិតគ្នាជាមួយក្រុមគាត់ដោយមានទំនាក់ទំនងសម្ងាត់ជាមួយអ្នកនៅក្នុងប្រទេស បង្ខំឱ្យលោកប្រធាន សម រង្ស៊ី កំណត់ពេលវេលា ចូល ប្រទេសកម្ពុជា ខណៈមិនមានសេចក្តីសង្ឃឹមណាមួយថានឹង អាចមានការគាំទ្រពីមហាអំណាចនិងអាចសម្រេចបានតាមផែនការក្នុងការផ្តួលរំលំរាជរដ្ឋាភិបាល។ និយាយឱ្យចំទៅ លោកប្រធាន សម រង្ស៊ី ត្រូវបានលោក អេង ឆៃអ៊ាង លក់ ដើម្បីផលប្រយោជន៍នយោបាយ។
ដូច្នេះ លោកប្រធាន សម រង្ស៊ី កំពុងតែគិតគូរថា តើនឹងត្រូវ ធ្វើយ៉ាងណាសង្គ្រោះជីវិតនយោបាយនៅក្រោយថ្ងៃទី៩ ខែវិច្ឆិកា។ ជាមួយគ្នានេះ ខ្ញុំក៏សូមផ្តាំផ្ញើដល់ ក្មួយៗ យុវជន ប្រជាធិបតេយ្យសង្គ្រោះជាតិ ដែលត្រៀមធ្វើបាតុកម្មនៅ ប្រទេសកូរ៉េខាងត្បូងថា បាតុកម្មក្នុងន័យគាំទ្រការ មាតុភូមិនិវត្តន៍របស់លោកប្រធាន សម រង្ស៊ីចុះបើលោក ប្រធានកំពុងគិតគូរថានឹងមិនវិលចូលមកប្រទេសវិញ ដោយសារតែទើបដឹងថា លោក អេង ឆៃអ៊ាង និងបក្ខពួក បានបំផ្លាញជីវិតនយោបាយចុងក្រោយរបស់គាត់ តើបាតុកម្មបានផលប្រយោជន៍អ្វីទៅ បាតុកម្មដែល បងប្អូនធ្វើនៅពេលនេះ គឺជាការបាតុកម្មដែលធ្វើឱ្យលោក ប្រធាន សម រង្ស៊ី កាន់តែទ័លច្រក និងកាន់តែធ្វើឱ្យជីវិត នយោបាយលោកប្រធានស្ថិតក្នុងសភាពគ្រោះថ្នាក់កាន់តែធ្ងន់ធ្ងរ។ ខ្ញុំសង្ឃឹមថាសារដែលចេញពីចិត្តរបស់ខ្ញុំនេះ អាចធ្វើឱ្យបងប្អូនសង្គ្រោះជាតិដែលកំពុងតែបែកបាក់គ្នានេះអាចគិតពិចារណា និងម្យ៉ាងទៀត ដើម្បីជាសារដល់ សកម្មជននៅមូលដ្ឋានកុំឱ្យប្រឈមនឹងច្បាប់ ព្រោះរហូតមក ទល់ពេលនេះ សកម្មជនយើងនៅមូលដ្ឋានចំនួន ៤៥ នាក់ហើយដែលត្រូវបានចោទប្រកាន់ និងខ្លះត្រូវបាន ចាប់ខ្លួន ខ្លះរត់គេចខ្លួនទៅក្រៅប្រទេស។ ខ្ញុំមិនចង់ឃើញ សកម្មជនអ្នកស្នេហាជាតិយើងជួបគ្រោះថ្នាក់ឡើយ។
សូមអរគុណ
ពីខ្ញុំ ហូ វ៉ាន់
តំណាងរាស្ត្រគណបក្សសង្គ្រោះជាតិមណ្ឌលរាជធានីភ្នំពេញ