កម្ពុជា
19 តុលា 2019
គង់ សុឋានរិទ្ធ
វីអូអេខ្មែរ
ចាប់ពីខែសីហា ការចោទប្រកាន់និងចាប់ខ្លួនសកម្មជនអតីតបក្សសង្គ្រោះជាតិពីបទ«ផ្សំគំនិតក្បត់» បានកើតឡើងជាបន្តបន្ទាប់។ អ្នកឃ្លាំមើលនយោបាយយល់ថាការចាប់ខ្លួនទាំងនោះ គឺដើម្បីទប់ស្កាត់ការវិលត្រឡប់របស់លោកសម រង្ស៊ី។ភ្នំពេញ —
ក្នុងរយៈពេលចុងក្រោយនេះ ក្រុមអាជ្ញាធរកម្ពុជាបានសម្រុកចាប់ខ្លួនសកម្មជនសំខាន់ៗរបស់អតីតគណបក្សសង្គ្រោះជាតិស្ទើរមិនលោះថ្ងៃ។ មកទល់នឹងថ្ងៃសុក្រ ទី១៨ ខែតុលានេះ សកម្មជនអតីតគណបក្សសង្គ្រោះជាតិដែលត្រូវចាប់ខ្លួនបានកើនដល់៤៩នាក់ហើយ។
ការចាប់ខ្លួនភាគច្រើនក្រោមការចោទប្រកាន់ពីបទ «រួមគំនិតក្បត់» ជាមួយលោកសម រង្ស៊ី ខណៈដែលប្រធានស្តីទីអតីតគណបក្សសង្គ្រោះជាតិរូបនេះ បានដាក់ផែនការវិលត្រឡប់មកកម្ពុជាវិញ នៅថ្ងៃទី៩ ខែវិច្ឆិកាខាងមុខ។
ចាប់តាំងពីខែសីហាមកម្ល៉េះ លោកសម រង្ស៊ី បានបំផុសទឹកចិត្តអ្នកគាំទ្ររបស់ខ្លួនឲ្យប្រមូលផ្តុំគ្នា និងរង់ចាំទទួលរូបលោក។ ប៉ុន្តែរដ្ឋាភិបាលចាត់ទុកថាលោកសម រង្ស៊ី មានគម្រោងចូលមកផ្តួលរំលំរដ្ឋាភិបាលសព្វថ្ងៃ ហើយអ្នកដែលហ៊ានសម្តែងការគាំទ្រការនិវត្តរបស់អតីតមេបក្សប្រឆាំងនេះជាចំហជាច្រើនត្រូវបានចាប់ខ្លួន ឬបង្ខំឲ្យសារភាព។
លោកបណ្ឌិ ឡៅ ម៉ុងហៃ អ្នកវិភាគនយោបាយមួយរូបមានប្រសាសន៍ថា គណបក្សកាន់អំណាចប្រើប្រាស់ការចាប់ខ្លួនអ្នកគាំទ្រអតីតគណបក្សសង្គ្រោះជាតិក្នុងហេតុផលចំនួនពីរ។
«ទី១ គឺគេចាត់វិធានការដើម្បីផ្តាច់ខ្សែរយៈ និងសកម្មជនដែលអាចដើរតួនាទីជាអ្នកកៀរគរ ឬរៀបចំឲ្យមានការទៅទទួល សម រង្ស៊ី ដើម្បីទប់ទល់ការវិលត្រឡប់របស់សម រង្ស៊ី នេះ»។
ប៉ុន្តែ បន្ថែមពីលើទឡ្ហីករនៃការរារាំងដំណើរនិវត្តមកកម្ពុជាវិញរបស់លោក សម រង្ស៊ី ទិដ្ឋភាពមួយទៀតបង្ហាញថា ការចោទប្រកាន់និងការកោះហៅសកម្មជនអតីតគណបក្សសង្គ្រោះជាតិ អាចជាហេតុផលមួយនៃការកាត់ផ្តាច់ជើងក្រោមរបស់បក្សប្រឆាំង បង្កើនសម្ពាធផ្លូវចិត្តលើពួកគេ នៅពេលដែលពួកគេបាត់បង់ក្បាលម៉ាស៊ីនដឹកនាំកំពូល និងបន្ថយភាពក្លាហានក្នុងការគាំទ្រនៅតាមមូលដ្ឋាន។
ទោះជាយ៉ាងណា លោកសម រង្ស៊ី បានប្រាប់វីអូអេតាមខ្សែទូរស័ព្ទពីទ្វីបអឺរ៉ុបថា ការចាប់ខ្លួនសកម្មជនគាំទ្របក្សប្រឆាំង គឺជាការចាប់ខ្លួន«អត់មានតម្លៃនិងមិនមានប្រសិទ្ធភាព»។
«ពីព្រោះរដ្ឋអំណាចលោកហ៊ុន សែន សព្វថ្ងៃភ័យស្លន់ស្លោ។ គាត់យល់ឃើញថា ប្រជាពលរដ្ឋនឹងងើបឈរព្រមគ្នា។ ដូច្នេះគាត់ចង់បំភិតបំភ័យអ្នកដែលជារចនាសម្ព័ន្ធគណបក្សសង្គ្រោះជាតិកុំឲ្យកេណ្ឌប្រជាពលរដ្ឋ។ ប៉ុន្តែប្រជាពលរដ្ឋ នឹងមកដោយចិត្តលោក ឲ្យតែដឹងថាថ្នាក់ដឹកនាំគណបក្សសង្គ្រោះជាតិមកដល់ពេលណា ពួកគាត់នឹងចូលរួមអមដំណើរ ទៅទទួលថ្នាក់ដឹកនាំគណបក្សសង្គ្រោះជាតិពេលនោះ»។
លោកសម រង្ស៊ី បាននិរទេសទៅក្រៅប្រទេសចាប់តាំងពីឆ្នាំ២០១៥មកម្ល៉េះ ដើម្បីគេចពីការតាមចាប់ខ្លួនរបស់អាជ្ញាធរ។ ក្នុងពេលនេះលោកស្ថិតក្រោមការចោទប្រកាន់របស់តុលាការច្រើនជាងដប់ករណី។
នៅពេលដែលមេដឹកនាំនយោបាយប្រឆាំងរូបនេះ កាន់តែបង្ហាញពីចេតនាមកកម្ពុជាវិញយ៉ាងពុះកញ្ជ្រោល លោកនាយករដ្ឋមន្ត្រីហ៊ុន សែន បានបង្កើនសម្ពាធកាន់តែខ្លាំង និងបានគំរាមប្រើប្រាស់កម្លាំងកងទ័ពដើម្បីទប់ស្កាត់រូបលោកទៀតផង។
លោកសុខ ឥសាន អ្នកនាំពាក្យគណបក្សប្រជាជនកម្ពុជាកំពុងកាន់អំណាច បកស្រាយថាការបង្ក្រាបលើសកម្មជនអតីតគណបក្សសង្គ្រោះជាតិមិនមែនដើម្បីទប់ស្កាត់មិនឲ្យលោកសម រង្ស៊ី វិលចូលប្រទេសកម្ពុជានោះទេ។
«ការបង្ក្រាបហ្នឹង គឺមិនមែនដើម្បីបំណងរារាំងទេ។ គឺយើងអនុវត្តច្បាប់តែម្តង។ ហើយច្បាប់នេះគឺយើងអនុវត្តត្រឹមត្រូវតាមស្មារតីនៃកិច្ចព្រមព្រៀងទីក្រុងប៉ារីស ដោយយើងលើកកម្ពស់លិទ្ធិប្រជាធិបតេយ្យ អនុវត្តលទ្ធិប្រជាធិបតេយ្យសេរីពហុបក្ស ពង្រឹងនីតិរដ្ឋនៅកម្ពុជា។ អញ្ចឹងការចាប់វិធានការណ៍មួយចំនួនលើជនល្មើសច្បាប់ អត់មានអីខុសទេ»។
វិបត្តិនយោបាយនៅក្នុងប្រទេសកម្ពុជាបានចាប់ផ្តើមនៅឆ្នាំ ២០១៧ នៅពេលដែលលោកកឹម សុខា ត្រូវបានចាប់ខ្លួនពីបទក្បត់ជាតិ និងគណបក្សសង្គ្រោះជាតិរបស់លោកត្រូវបានរំលាយចោល។
ការរំលាយបក្សប្រឆាំងនេះបានបង្វិលប្រទេសកម្ពុជាឲ្យក្លាយជារដ្ឋាភិបាលឯកបក្ស និងនាំឲ្យមានការរិះគន់ពីបណ្តាបច្ចឹមប្រទេស រួមទាំងសហភាពអឺរ៉ុបផងដែរ។ សហភាពអឺរ៉ុបដែលដាក់សម្ពាធលើកម្ពុជា ដោយគំរាមព្យួរការអនុគ្រោះពន្ធនាំទំនិញពីកម្ពុជាទៅកាន់អឺរ៉ុប ឬ EBA។ ដើម្បីការពារការអនុគ្រោះពន្ធនេះ លោកនាយករដ្ឋមន្ត្រីហ៊ុន សែន បានដោះលែងអ្នកទោសនយោបាយមួយចំនួន ប៉ុន្តែបន្ទាប់ពីលោកសម រង្ស៊ី ប្រកាសថាលោកនឹងវិលត្រឡប់ចូលកម្ពុជាវិញ ការបង្រ្កាបបានចាប់ផ្តើម។
ក្នុងពេលនោះលោកសម រង្ស៊ី ហាក់ដូចជាបានចាក់សាំងបន្ថែមលើកម្តៅដែលមានស្រាប់តាមរយៈការរិះគន់លើព្រះមហាក្សត្រថា ព្រះអង្គមិនមានព្រះរាជអន្តរាគមដោះស្រាយវិបត្តិនយោបាយ។ហើយព្រះអង្គស្ថិតក្នុងចំណាត់ខ្មាំងរបស់លោកនាយករដ្ឋមន្ត្រីហ៊ុន សែន។
តាមរយៈសេចក្តីថ្លែងការណ៍នេះ លោកសម រង្ស៊ី ទំនងជាអាចរុញច្រានរដ្ឋាភិបាលឲ្យប្រឈមនឹងសម្ពាធពីអឺរ៉ុប និងពីអាមេរិកបន្ថែមទៀត ទាក់ទងនឹងការអនុគ្រោះពន្ធនាំទំនិញចេញពីកម្ពុជា ខណៈដែលរដ្ឋាភិបាលលោតច្រឡោតទប់ទល់នឹងការបរិហាររបស់លោកសម រង្ស៊ី។
ស្របពេលដែលសហភាពអឺរ៉ុប និងសហរដ្ឋអាមេរិករឹតបន្តឹងកាន់តែខ្លាំងលើការអនុគ្រោះពន្ធលើទំនិញរបស់កម្ពុជា ដែលធ្វើឲ្យកម្ពុជាខាតបង់ប្រាក់ចំណេញយ៉ាងតិចក៏ជិតមួយពាន់លានដុល្លារដែរនោះ កម្ពុជាអាចនឹងងាកទៅរកជន្ទល់ពីប្រទេសចិនកាន់តែខ្លាំង។
ស្របពេលជាមួយគ្នានោះ អ្នកគាំទ្រនយោបាយមួយចំនួនដែលមិនសប្បាយចិត្តជាមួយឥរិយាបទរបស់ប្រជាពលរដ្ឋចិននៅកម្ពុជាអាចនឹងមានផ្នត់គំនិតបែបផ្សេង។ ប៉ុន្តែនៅពេលលោកសម រង្ស៊ី ថ្លែងរិះគន់ព្រះមហាក្សត្រនេះ គេសង្កេតឃើញថា គណបក្សប្រជាជនបានទាញស្រូបយកផលចំណេញពីអ្នកគាំទ្ររាជានិយមបានខ្លះដែរ។
យ៉ាងណាក៏ដោយ ការដាក់សម្ពាធលើសកម្មជនអតីតគណបក្សសង្គ្រោះជាតិនាពេលនេះ អាចជាមធ្យោបាយមួយដើម្បីស្រូបយកពួកគេឲ្យសាកល្បងចុះចូលជាមួយគណបក្សកាន់អំណាចផងដែរ។
លោកសុខ ឥសាន អ្នកនាំពាក្យគណបក្សប្រជាជនកម្ពុជា មិនអះអាងចំៗត្រង់ចំណុចនេះទេ។ ប៉ុន្តែ លោកពោលថា ការជ្រើសរើសផ្លូវនយោបាយ គឺជាសេរីភាពរបស់ពួកគេ។
«សិទ្ធិនយោបាយរបស់បងប្អូនទេ។ បងប្អូនណាភ្ញាក់រលឹកមិនជឿតាមមេឧទ្ទាមក្រៅច្បាប់តទៅទៀត គេចូលមកគណបក្សប្រជាជនក៏បាន ចូលគណបក្សផ្សេងក៏បានដែរ។ វាជាសិទ្ធិនយោបាយដែលមានចែងក្នុងរដ្ឋធម្មនុញ្ញរបស់បងប្អូនហើយ»។
ផ្ទុយទៅវិញ លោកសម រង្ស៊ី បានហៅសម្ពាធមកលើសកម្មជនប្រឆាំងថាជាការធ្វើសង្គ្រាមប្រឆាំងនឹងប្រជាពលរដ្ឋកម្ពុជា។
«ការចោទប្រកាន់ ការចាប់ ការគំរាម ប្រើអំពើហិង្សា គឺលោកហ៊ុន សែន ធ្វើសង្គ្រាមប្រឆាំងជាមួយប្រជារាស្ត្រខ្មែរ»។
បើពិនិត្យមើលជ្រុងមួយទៀត ការគាបសង្កត់ ការចាប់ខ្លួន ឬចោទប្រកាន់លើសកម្មជនបក្សប្រឆាំងទំនងជាមិនមែនជាមធ្យោបាយល្អនោះទេ។ វាអាចជាការដោះស្រាយបានមួយគ្រា តែមិនមែនជាដំណោះស្រាយរៀងរហូតទេ ខណៈដែលការកែទម្រង់តាមមូលដ្ឋានមួយចំនួនហាក់ដូចជាលែងដើរទៅមុខ ការយកចិត្តទុកដាក់លើហេដ្ឋារចនាសម្ព័ន្ធ មានការធ្វេសប្រហែសរបស់មន្ត្រីដឹកនាំមូលដ្ឋាន ពេលដែលបាត់បង់បក្សប្រឆាំងជាគូប្រជែង ទំនងជាចំណុចសមស្របត្រូវពិនិត្យមើលច្រើនជាងការប្រើសម្ពាធនយោបាយ។
សន្ទុះនៃការកើនសំឡេងឆ្នោតឆ្នាំ២០១៣ និងឆ្នាំ២០១៧ របស់គណបក្សសង្គ្រោះជាតិ បានក្លាយជាការគំរាមកំហែងកាន់តែច្បាស់សម្រាប់បក្សកាន់អំណាច។ ហើយប្រហែលជាគេអាចយល់បានពីឬសគល់មួយចំនួននៅកម្រិតមូលដ្ឋាន និងកម្រិតថ្នាក់ជាតិរបស់បក្សកាន់អំណាច។
ទោះជាបែបនេះក្តី ការរុញសកម្មជនបក្សប្រឆាំងលេចធ្លោមួយចំនួនឲ្យផ្ទប់ជញ្ជាំង និងការព្យាយាមដាក់របាំងចំពោះលោកសម រង្ស៊ី ក្នុងការវិលត្រឡប់មកកម្ពុជាវិញ អាចជាយានមួយឈូសរុញឲ្យបក្សប្រឆាំងក្រាបដល់ឬសគល់ពិបាកនឹងងើបឡើងវិញបាន។
ហេតុដូច្នេះការសម្រេចចិត្តរបស់លោកសម រង្ស៊ី ក្នុងការវិលត្រឡប់មកកម្ពុជាវិញទំនងជារឿងចាំបាច់សម្រាប់អនាគតនយោបាយរបស់លោក។ ផ្ទុយទៅវិញ ប្រសិនបើមាតុភូមិនិវត្តន៍របស់លោកសម រង្ស៊ី មិនបានកើតឡើងនោះទេ ផលវិបាកមួយចំនួនរបស់អតីតគណបក្សប្រឆាំងរបស់លោកនឹងរីកកាន់តែរីកធំ។ សកម្មជននយោបាយដែលត្រូវចាប់ខ្លួនអាចក្លាយជាជនរងគ្រោះដោយសារនយោបាយ ហើយអ្នកគាំទ្រនយោបាយប្រឆាំងដទៃទៀត អាចស្ថិតក្រោមសុបិនអាក្រក់ និងការភ័យខ្លាច៕
ដូចខ្ញុំបានវាយតម្លៃស្ថានការណ៍នយោបាយ នៃការសន្យាការវិល
របស់ជនក្បត់ជាតិសមរង្សុីនិង
បក្សពួករួចមកហេីយថាវាមិនខ្មេះទេ ។
សមរង្សុីជាជនកំសាក ការភូតភរបោកប្រាសចុងក្រោយ
របស់ជនក្បត់ជាតិសមរង្សុី និងបក្សពួក គឺដេីម្បីយកលុយ
មូលនិធិ ៣០មុឺនដុល្លារចាយក្នុងពេលវេលាចុងក្រោយ
នៃការបញ្ចប់អាជីពនយោបាយរបស់វាជារៀងរហូត
ដូចការសារភាពដោយបេីចំហរបស់អេង ឆៃអ៊ាង ខាងក្រោម
នេះស្រាប់។
តេីមានអន្តរជាតិណាមួយហ៊ានធានាចំពោះសមរង្សុី
ដេីម្បីបំពានលេីអធិបតេយ្យរបស់ប្រទេសមួយ ដែលស្ថិត
ក្នុងកិច្ចគាំពារតាមច្បាប់អង្គការសហប្រជាជាតិនោះ។
សរុបសេចក្តីមក ទាល់តែសេះដុះស្នែង ទេីបសមរង្សុី
និងបក្សពួកហ៊ានចូលកម្ពុជាវិញ។
សម្រាប់ល្បះចុងក្រោយដែលថា និងជំរុញឲ្យសមរង្សុី
ចូលកម្ពុជាថ្ងៃទី៩វិច្ឆិកា វាគ្រានតែជាការនិយាយដេីម្បី
បោកប្រាសដេីម្បីបានលុយបន្ថែមប៉ុណ្ណោះ៕
ហាស ! ហាស
ជឿមីក្តឹតស្វឹត មួរសុខហួរ ជឿឆ្កែវិញល្អជាង ។
អាអេង ឆៃអ៊ាង វាថាទាល់តែយូរ ហើយយារស្តោក ទៀត ក៏មិនហ៊ានមកដែរ ។ ព្រោះគ្មានការគាំទ្រ
និងធានាសន្តិសុខពីអន្តរជាតិ ( ????? ) ។ វាថាទាល់តែយូរបានមកជាប់គុក និង ត្រូវគេបាញ់ងាប់
អត់ប្រយោជន៍ ។ វាថាទុកពេល សម្រាប់តស៊ូវិញល្អជាង ( ??????)
ហើយពាក្យបន្ទាប់ របស់វា អញបង្ហាញខាងលើស្រាប់ ។
ដកស្រង់ពីគណនីហ្វេសប៊ុកហូវ៉ាន់
*******
ញុំ ហូ វ៉ាន់ តំណាងរាស្ត្រគណបក្សសង្គ្រោះជាតិ មណ្ឌល ភ្នំពេញ សូមបញ្ជាក់គោលជំហរជាថ្មីថា ខ្ញុំគ្មានគម្រោងវិល ត្រឡប់ចូលប្រទេសកម្ពុជាវិញនៅថ្ងៃទី៩ ខែវិច្ឆិកា នោះទេ ព្រោះលោកប្រធានស្តីទី សម រង្ស៊ី ក៏នឹងមិនវិលត្រឡប់ ចូលប្រទេសវិញតាមការគ្រោងទុកដែរ។ ការសម្រេចចិត្ត នេះធ្វើឡើង ក្រោយពីលោកប្រធាន ក៏ដូចជាខ្ញុំទើបតែ បានដឹងច្បាស់លាស់ជាមួយភស្តុតាង និងសាក្សីថា លោកប្រធាន សម រង្ស៊ីបានចាញ់ល្បិចកលរបស់ក្រុមលោក អេង ឆៃអ៊ាង និងលោកស្រី មូរ សុខហួរ ព្រះអង្គ ប៊ុត ប៊ុនតិញ ដែលបានរៀបចំផែនការសម្លាប់ជីវិត នយោបាយ របស់លោកប្រធាន សម រង្ស៊ី។ លោក អេង ឆៃអ៊ាង បានក្បត់ គណបក្សសង្គ្រោះជាតិ ក្បត់មនសិការជាតិ ក្បត់ពលរដ្ឋខ្មែរ ម្ចាស់ឆ្នោតកន្លះប្រទេសដោយបានឃុបឃិតគ្នាជាមួយក្រុមគាត់ដោយមានទំនាក់ទំនងសម្ងាត់ជាមួយអ្នកនៅក្នុងប្រទេស បង្ខំឱ្យលោកប្រធាន សម រង្ស៊ី កំណត់ពេលវេលា ចូល ប្រទេសកម្ពុជា ខណៈមិនមានសេចក្តីសង្ឃឹមណាមួយថានឹង អាចមានការគាំទ្រពីមហាអំណាចនិងអាចសម្រេចបានតាមផែនការក្នុងការផ្តួលរំលំរាជរដ្ឋាភិបាល។ និយាយឱ្យចំទៅ លោកប្រធាន សម រង្ស៊ី ត្រូវបានលោក អេង ឆៃអ៊ាង លក់ ដើម្បីផលប្រយោជន៍នយោបាយ។
ដូច្នេះ លោកប្រធាន សម រង្ស៊ី កំពុងតែគិតគូរថា តើនឹងត្រូវ ធ្វើយ៉ាងណាសង្គ្រោះជីវិតនយោបាយនៅក្រោយថ្ងៃទី៩ ខែវិច្ឆិកា។ ជាមួយគ្នានេះ ខ្ញុំក៏សូមផ្តាំផ្ញើដល់ ក្មួយៗ យុវជន ប្រជាធិបតេយ្យសង្គ្រោះជាតិ ដែលត្រៀមធ្វើបាតុកម្មនៅ ប្រទេសកូរ៉េខាងត្បូងថា បាតុកម្មក្នុងន័យគាំទ្រការ មាតុភូមិនិវត្តន៍របស់លោកប្រធាន សម រង្ស៊ីចុះបើលោក ប្រធានកំពុងគិតគូរថានឹងមិនវិលចូលមកប្រទេសវិញ ដោយសារតែទើបដឹងថា លោក អេង ឆៃអ៊ាង និងបក្ខពួក បានបំផ្លាញជីវិតនយោបាយចុងក្រោយរបស់គាត់ តើបាតុកម្មបានផលប្រយោជន៍អ្វីទៅ បាតុកម្មដែល បងប្អូនធ្វើនៅពេលនេះ គឺជាការបាតុកម្មដែលធ្វើឱ្យលោក ប្រធាន សម រង្ស៊ី កាន់តែទ័លច្រក និងកាន់តែធ្វើឱ្យជីវិត នយោបាយលោកប្រធានស្ថិតក្នុងសភាពគ្រោះថ្នាក់កាន់តែធ្ងន់ធ្ងរ។ ខ្ញុំសង្ឃឹមថាសារដែលចេញពីចិត្តរបស់ខ្ញុំនេះ អាចធ្វើឱ្យបងប្អូនសង្គ្រោះជាតិដែលកំពុងតែបែកបាក់គ្នានេះអាចគិតពិចារណា និងម្យ៉ាងទៀត ដើម្បីជាសារដល់ សកម្មជននៅមូលដ្ឋានកុំឱ្យប្រឈមនឹងច្បាប់ ព្រោះរហូតមក ទល់ពេលនេះ សកម្មជនយើងនៅមូលដ្ឋានចំនួន ៤៥ នាក់ហើយដែលត្រូវបានចោទប្រកាន់ និងខ្លះត្រូវបាន ចាប់ខ្លួន ខ្លះរត់គេចខ្លួនទៅក្រៅប្រទេស។ ខ្ញុំមិនចង់ឃើញ សកម្មជនអ្នកស្នេហាជាតិយើងជួបគ្រោះថ្នាក់ឡើយ។
សូមអរគុណ
ពីខ្ញុំ ហូ វ៉ាន់
តំណាងរាស្ត្រគណបក្សសង្គ្រោះជាតិមណ្ឌលរាជធានីភ្នំពេញ