ដោយ មួង ណារ៉េត
2019-10-19
RFA
កម្មកររោងចក្រ ហ៊ឹង ជីង (Hoeng Gin) នាំគ្នាតវ៉ានៅមុខរោងចក្រ ទាមទារបើកប្រាក់ឈ្នួល និងប្រាក់រំលឹកអតីតភាពការងារ។
រូប៖ សហជីព CCAWDU
គណៈកម្មការសម្រាប់ដោះស្រាយកូដកម្ម បាតុកម្មនៃក្រសួងការងារ សម្រេចឲ្យថៅកែរោងចក្រ ហ៊ឹង ជីង (Hoeng Gin) ជនជាតិចិន ផ្ដល់ប្រាក់សំណងដល់កម្មករប្រមាណ ៥០នាក់ ដែលតវ៉ាទាមទារបើកប្រាក់ឈ្នួល និងប្រាក់រំលឹកអតីតភាពការងារ។ ក្រុមកម្មករ ព្រមទទួលសំណងជាង ៣ម៉ឺនដុល្លារ (៣២,៤០០) តាមការសម្របសម្រួលពីក្រសួងការងារ ដើម្បីបញ្ចប់វិវាទការងារមួយនេះ។
តំណាងកម្មករ លោកស្រី ពៅ លីណា ឲ្យដឹងថា ក្រសួងការងារនឹងទាក់ទងទៅខាងថៅកែរោងចក្របើកប្រាក់សំណងឲ្យកម្មករ នៅថ្ងៃទី២១ ខែតុលា។ លោកស្រីបន្តថា ថវិកាទាំងអស់នឹងបែងចែកឲ្យកម្មករ គិតទៅតាមចំនួនឆ្នាំធ្វើការ ដោយទទួលបាន ១០៥ដុល្លារក្នុងមួយឆ្នាំ៖«ឧទាហរណ៍ថា ខ្ញុំ៩ឆ្នាំ យក១០៥ គុណនឹង ៩ឆ្នាំអ៊ីចឹង បានប៉ុន្មាន។ និយាយបើគិតក្នុងរយៈពេលដែលពួកខ្ញុំអត់ការងារធ្វើហ្នឹង គ្មានទៅបានអីចំណេញទេ។ និយាយទៅវាចូលក្បាលបីខែ វាស្នើនឹងលុយដែលយើងដេកស៊ីបីខែហ្នឹងដែរ។ វាមិនបានយកមកប៉ុណ្ណឹង គ្រប់គ្រាន់ទេ។ ប៉ុន្តែយើងសុខចិត្តបញ្ចប់ត្រឹមហ្នឹងទៅ ដើម្បីកុំឲ្យខាតពេលច្រើនទៀតអ៊ីចឹង ព្រោះដេកចាំក្នុងរោងចក្រហ្នឹង វាយូរដែរ។ ខ្ញុំសួរកម្មករគ្នាឯងអ៊ីចឹង គាត់ក៏ព្រមយកប៉ុណ្ណឹង បញ្ចប់ព្រោះអស់សមត្ថភាពដេកយាមហើយ ព្រោះភ្លើងក៏ផ្ដាច់ ទឹកក៏ផ្ដាច់ ខ្លាចមានបញ្ហា ដូចជំងឺគ្រុនឈាម»។
វិវាទការងាររវាងកម្មករ និងថៅកែរោងចក្រ អូសបន្លាយអស់រយៈពេលជាង ៣ខែហើយ ដោយសារថៅកែមិនបានបើកប្រាក់ឈ្នួល រួមនឹងប្រាក់រំលឹកអតីតភាពការងារឲ្យកម្មករទាន់ពេលវេលា គិតចាប់តាំងពីខែកក្កដាកន្លងមក។ ក្នុងកំឡុងពេលនោះ ក្រុមកម្មករធ្វើបាតុកម្មនៅមុខរោងចក្រ និងដាក់វេនគ្នាដេកយាមរោងចក្រ ដោយខ្លាចថៅកែលួចបញ្ជូនសម្ភារៈចេញពីរោងចក្រ។
រោងចក្រ (Hoeng Gin Garment Factory) ដែលមានទីតាំងស្ថិតនៅសង្កាត់ស្ទឹងមានជ័យ គឺជារោងចក្រ ដែលទទួលយកផលិតផលមិនទាន់សម្រេចពីរោងចក្រដទៃ មកផលិតបន្ត ដោយមានកម្មករធ្វើការសរុប ១៥០នាក់។ កម្មករមួយចំនួនជាកម្មករពេញសិទ្ធិធ្វើការចាប់ពី ៣ឆ្នាំដល់ ៩ឆ្នាំ កម្មករខ្លះជាប់កិច្ចសន្យារយៈពេលខ្លី និងកម្មករខ្លះទៀត ជាកម្មករទទួលបានប្រាក់ឈ្នួលប្រចាំថ្ងៃ៕
(កម្មកររោងចក្រ ហ៊ឹង ជីង (Hoeng Gin) ពេលនាំគ្នាទៅតវ៉ានៅមុខក្រសួងការងារ និងបណ្ដុះបណ្ដាលវិជ្ជាជីវៈ កាលពីថ្ងៃទី៨ ខែតុលា ឆ្នាំ២០១៩ ដើម្បីរកអន្តរាគមន៍ទៅថៅកែឱ្យបើកប្រាក់ឈ្នួល និងប្រាក់រំលឹកអតីតភាពការងារ។ រូប៖ សហជីព CCAWDU)
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- សមត្ថកិច្ចខេត្តស្វាយរៀងឃាត់ជនជាតិចិនពីរនាក់ពីបទបង្ខាំងមនុស្សខុសច្បាប់
- ចំនួននិស្សិតខ្មែរទៅរៀននៅសហរដ្ឋអាមេរិក កើនឡើងជិត ២៩% ក្នុងឆ្នាំ២០១៨
- មតិពលរដ្ឋ ព្រះសង្ឃ និងអ្នកនយោបាយ ក្នុងខួប ៧ឆ្នាំ នៃការសោយទិវង្គតរបស់ព្រះបរមរតនកោដ្ឋ
- បុគ្គលិកក្រុមហ៊ុន ណាហ្គា វើលដ៍ ជួបគ្នារៀបចំផែនការតវ៉ាសុំឲ្យក្រុមហ៊ុនទទួលយកប្រធានសហជីពម្នាក់ចូលធ្វើការវិញ
- ព្រះសង្ឃថា អាជ្ញាធរខេត្តកំពត ហាមមិនឲ្យបន្តកសាងវត្តមួយ នៅក្នុងជ្រលងភ្នំដំរី ដើម្បីយកទីតាំងវាយថ្មភ្នំ ធ្វើស៊ីម៉ងត៍
- សង្គមស៊ីវិល និងពលរដ្ឋហួសចិត្តដែលក្រសួងថា ផ្លូវខូចបណ្ដាលមកពីបញ្ហាអាកាសធាតុ
- អ្នកឃ្លាំមើលថា បទល្មើសបាញ់សម្លាប់គ្នារវាងជនជាតិចិន និងជនជាតិចិន នៅខេត្តព្រះសីហនុ មិនថមថយទេ
- សមត្ថកិច្ចបញ្ជូនជនសង្ស័យ ៤នាក់ ជួញដូរគ្រឿងញៀនជិត ៤០គីឡូក្រាម ទៅតុលាការ
- កម្មករនិងសហជីពប្រតិកម្មចំពោះមន្ត្រីរបបភ្នំពេញរឿងចោទកម្មករធ្វើពុតឈឺកិបកេងលុយរដ្ឋ
- ក្រសួងការងារ ពន្យារពេលដោះស្រាយវិវាទការងាររវាងសហជីព និងកាស៊ីណូ ណាហ្គា វើលដ៍
ក្រុមល្ខោនអត់រោង
*******
ដូចខ្ញុំបានវាយតម្លៃស្ថានការណ៍នយោបាយ នៃការសន្យាការវិល
របស់ជនក្បត់ជាតិសមរង្ស៊ីនិងបក្សពួករួចមកហើយថាវាមិនខ្មេះទេ ។
សមរង្ស៊ីជាជនកំសាក ការភូតភរបោកប្រាសចុងក្រោយ
របស់ជនក្បត់ជាតិសមរង្ស៊ី និងបក្សពួក គឺដើម្បីយកលុយ
មូលនិធិ ៣០ម៉ឺនដុល្លារចាយ ក្នុងពេលវេលាចុងក្រោយ
នៃការបញ្ចប់អាជីពនយោបាយរបស់វាជារៀងរហូត
ដូចការសារភាពដោយបើកចំហរបស់អេង ឆៃអ៊ាង ខាងក្រោម
នេះជាភ័ស្តុតាងស្រាប់។
តើមានអន្តរជាតិណាមួយហ៊ានធានាចំពោះសមរង្ស៊ី
ដើម្បីបំពានលើអធិបតេយ្យរបស់ប្រទេសមួយ ដែលស្ថិត
ក្នុងកិច្ចគាំពារតាមច្បាប់អង្គការសហប្រជាជាតិនោះ។
សរុបសេចក្តីមក ទាល់តែសេះដុះស្នែង ទើបសមរង្ស៊ី
និងបក្សពួកហ៊ានចូលកម្ពុជាវិញ។
សម្រាប់ល្បះចុងក្រោយដែលថា និងជំរុញឲ្យសមរង្ស៊ី
ចូលកម្ពុជាថ្ងៃទី៩វិច្ឆិកា វាគ្រាន់តែជាការនិយាយដើម្បី
បោកប្រាស ដើម្បីបានលុយបន្ថែមប៉ុណ្ណោះ។
ហាស ! ហាស
ជឿសម្តី មួរសុខហួរ ជឿឆ្កែវិញល្អជាង ។
អេង ឆៃអ៊ាង វាថាទាល់តែយូរ ហើយយារស្តោក ទៀត ក៏មិនហ៊ានមកដែរ ។
ព្រោះគ្មានការគាំទ្រនិងធានាសន្តិសុខពីអន្តរជាតិ ( ????? ) ។
វាថាទាល់តែយូរបានមកជាប់គុក និង ឲ្យគេបាញ់ងាប់
អត់ប្រយោជន៍ ។ វាថាទុកពេល សម្រាប់តស៊ូវិញល្អជាង ( ??????)
(ស្តាប់សម្តីហូវ៉ាន់ម្តង)
ដកស្រង់ពីគណនីហ្វេសប៊ុកហូវ៉ាន់
*******
ញុំ ហូ វ៉ាន់ តំណាងរាស្ត្រគណបក្សសង្គ្រោះជាតិ មណ្ឌល ភ្នំពេញ សូមបញ្ជាក់គោលជំហរជាថ្មីថា ខ្ញុំគ្មានគម្រោងវិល ត្រឡប់ចូលប្រទេសកម្ពុជាវិញនៅថ្ងៃទី៩ ខែវិច្ឆិកា នោះទេ ព្រោះលោកប្រធានស្តីទី សម រង្ស៊ី ក៏នឹងមិនវិលត្រឡប់ ចូលប្រទេសវិញតាមការគ្រោងទុកដែរ។ ការសម្រេចចិត្ត នេះធ្វើឡើង ក្រោយពីលោកប្រធាន ក៏ដូចជាខ្ញុំទើបតែ បានដឹងច្បាស់លាស់ជាមួយភស្តុតាង និងសាក្សីថា លោកប្រធាន សម រង្ស៊ីបានចាញ់ល្បិចកលរបស់ក្រុមលោក អេង ឆៃអ៊ាង និងលោកស្រី មូរ សុខហួរ ព្រះអង្គ ប៊ុត ប៊ុនតិញ ដែលបានរៀបចំផែនការសម្លាប់ជីវិត នយោបាយ របស់លោកប្រធាន សម រង្ស៊ី។ លោក អេង ឆៃអ៊ាង បានក្បត់ គណបក្សសង្គ្រោះជាតិ ក្បត់មនសិការជាតិ ក្បត់ពលរដ្ឋខ្មែរ ម្ចាស់ឆ្នោតកន្លះប្រទេសដោយបានឃុបឃិតគ្នាជាមួយក្រុមគាត់ដោយមានទំនាក់ទំនងសម្ងាត់ជាមួយអ្នកនៅក្នុងប្រទេស បង្ខំឱ្យលោកប្រធាន សម រង្ស៊ី កំណត់ពេលវេលា ចូល ប្រទេសកម្ពុជា ខណៈមិនមានសេចក្តីសង្ឃឹមណាមួយថានឹង អាចមានការគាំទ្រពីមហាអំណាចនិងអាចសម្រេចបានតាមផែនការក្នុងការផ្តួលរំលំរាជរដ្ឋាភិបាល។ និយាយឱ្យចំទៅ លោកប្រធាន សម រង្ស៊ី ត្រូវបានលោក អេង ឆៃអ៊ាង លក់ ដើម្បីផលប្រយោជន៍នយោបាយ។
ដូច្នេះ លោកប្រធាន សម រង្ស៊ី កំពុងតែគិតគូរថា តើនឹងត្រូវ ធ្វើយ៉ាងណាសង្គ្រោះជីវិតនយោបាយនៅក្រោយថ្ងៃទី៩ ខែវិច្ឆិកា។ ជាមួយគ្នានេះ ខ្ញុំក៏សូមផ្តាំផ្ញើដល់ ក្មួយៗ យុវជន ប្រជាធិបតេយ្យសង្គ្រោះជាតិ ដែលត្រៀមធ្វើបាតុកម្មនៅ ប្រទេសកូរ៉េខាងត្បូងថា បាតុកម្មក្នុងន័យគាំទ្រការ មាតុភូមិនិវត្តន៍របស់លោកប្រធាន សម រង្ស៊ីចុះបើលោក ប្រធានកំពុងគិតគូរថានឹងមិនវិលចូលមកប្រទេសវិញ ដោយសារតែទើបដឹងថា លោក អេង ឆៃអ៊ាង និងបក្ខពួក បានបំផ្លាញជីវិតនយោបាយចុងក្រោយរបស់គាត់ តើបាតុកម្មបានផលប្រយោជន៍អ្វីទៅ បាតុកម្មដែល បងប្អូនធ្វើនៅពេលនេះ គឺជាការបាតុកម្មដែលធ្វើឱ្យលោក ប្រធាន សម រង្ស៊ី កាន់តែទ័លច្រក និងកាន់តែធ្វើឱ្យជីវិត នយោបាយលោកប្រធានស្ថិតក្នុងសភាពគ្រោះថ្នាក់កាន់តែធ្ងន់ធ្ងរ។ ខ្ញុំសង្ឃឹមថាសារដែលចេញពីចិត្តរបស់ខ្ញុំនេះ អាចធ្វើឱ្យបងប្អូនសង្គ្រោះជាតិដែលកំពុងតែបែកបាក់គ្នានេះអាចគិតពិចារណា និងម្យ៉ាងទៀត ដើម្បីជាសារដល់ សកម្មជននៅមូលដ្ឋានកុំឱ្យប្រឈមនឹងច្បាប់ ព្រោះរហូតមក ទល់ពេលនេះ សកម្មជនយើងនៅមូលដ្ឋានចំនួន ៤៥ នាក់ហើយដែលត្រូវបានចោទប្រកាន់ និងខ្លះត្រូវបាន ចាប់ខ្លួន ខ្លះរត់គេចខ្លួនទៅក្រៅប្រទេស។ ខ្ញុំមិនចង់ឃើញ សកម្មជនអ្នកស្នេហាជាតិយើងជួបគ្រោះថ្នាក់ឡើយ។
សូមអរគុណ
ពីខ្ញុំ ហូ វ៉ាន់
តំណាងរាស្ត្រគណបក្សសង្គ្រោះជាតិមណ្ឌលរាជធានីភ្នំពេញ
ហាស ! ហាស
ពួកអាអស់ នេះចេះសម្តែង ល្ខោនអត់រោង មែន !