លោក សម រង្ស៊ី ​ត្រៀម​ខ្លួន​រួចរាល់​ដើម្បី​ធ្វើ​មាតុភូមិ​និវត្តន៍

06 វិច្ឆិកា 2019
Associated Press
វីអូអេខ្មែរ

រូបឯកសារ៖ លោក សម រង្ស៊ី អតីតប្រធានគណបក្សសង្គ្រោះជាតិ ថ្លែងនៅក្នុងសន្និសីទសារព័ត៌មានមួយនៅទីក្រុងតូក្យូ ប្រទេសជប៉ុន កាលពីថ្ងៃទី១៣ ខែមេសា ឆ្នាំ២០១៨។
រូបឯកសារ៖ លោក សម រង្ស៊ី អតីតប្រធានគណបក្សសង្គ្រោះជាតិ ថ្លែងនៅក្នុងសន្និសីទសារព័ត៌មានមួយនៅទីក្រុងតូក្យូ ប្រទេសជប៉ុន កាលពីថ្ងៃទី១៣ ខែមេសា ឆ្នាំ២០១៨។

លោក សម រង្ស៊ី ប្រធាន​ស្ដីទី​គណបក្ស​សង្គ្រោះជាតិ​នៅ​​តែ​ប្រកាន់​ជំហរ​មុតមាំ​ថា លោក​នឹង​វិល​ត្រឡប់​ចូល​ក្នុង​ប្រទេស​កម្ពុជា​វិញ​នៅ​ថ្ងៃ​សោរ៍ ទី​៩ ខែវិច្ឆិកា នេះ បើ​ទោះ​ជា​លោក​ត្រូវ​ប្រឈម​នឹង​រឿង​អ្វី​ក៏​ដោយ។

ប៊្រុចសែល ប្រទេស​បែលហ្សិក — 

អ្នក​នយោបាយ​ខាង​គណបក្ស​ប្រឆាំង​ដ៏​សំខាន់​បំផុត​របស់​កម្ពុជា លោក សម រង្ស៊ី ​និយាយ​ថា លោក​ត្រៀម​ខ្លួន​រួចរាល់​ដើម្បី​ប្រឈម​នឹង​ការ​ជាប់​ពន្ធនាគារ​ឬ​ការ​ស្លាប់ នៅ​ពេល​ដែល​លោក​ត្រឡប់​ទៅ​កាន់​ប្រទេស​កម្ពុជា​វិញ ដើម្បី​ទម្លាក់​លោក ហ៊ុន សែន ​មេដឹកនាំ​យូរ​អង្វែង​របស់​កម្ពុជា​ពី​តំណែង។

លោក សម រង្ស៊ី ដែល​ជា​សហស្ថាបនិក​គណបក្ស​សង្គ្រោះជាតិ បាន​ថ្លែង​ប្រាប់​ទីភ្នាក់ងារ​សារព័ត៌មាន The Associated Press ថា លោក​សង្ឃឹម​ថា ផែនការ​ធ្វើ​មាតុភូមិនិវត្តន៍​របស់​លោក​នៅ​ថ្ងៃ​សៅរ៍​នេះ នឹង​នាំ​ឲ្យ​មាន​ចលនា​រើ​បម្រាស់​ដ៏​ធំ​មួយ​ពី​សំណាក់​ប្រជាជន​ដោយ​អហិង្សា ដើម្បី​បង្ខំ​ឲ្យ​លោក​នាយករដ្ឋមន្ត្រី ហ៊ុន សែន ចុះ​ចេញ​ពី​តំណែង។

លោក សម រង្ស៊ី បាន​ថ្លែង​នៅ​ក្នុង​បទសម្ភាសន៍​មួយ​កាល​ពី​ថ្ងៃ​ច័ន្ទ ក្នុង​រដ្ឋធានី ប្រ៊ុចសែល​ថា៖ «ខ្ញុំ​រំពឹង​ថា នឹង​នាំ​មក​នូវ​ការ​ផ្លាស់ប្ដូរ​ប្រជាធិបតេយ្យ​មួយ ដែល​មាន​ន័យ​ថា នឹង​បញ្ចប់​របប​ក្នុង​ពេល​បច្ចុប្បន្ន​នេះ ដែល​ជា​របប​ផ្ដាច់ការ​ដ៏​សាហាវ​ឃោរឃៅ​មួយ។

នៅ​ក្នុង​រដ្ឋធានី ប្រ៊ុចសែល​ លោក សម រង្ស៊ី កំពុង​តែ​ព្យាយាម​ស្វែងរក​ការ​គាំទ្រ​ពី​តំណាងរាស្ត្រ​សភា​អឺរ៉ុប។

លោក​បន្ថែម​ថា លោក​មាន​ផែនការ​នឹង​ធ្វើ​ដំណើរ​តាម​ជើង​ហោះហើរ​ពី​រដ្ឋធានី ប៊្រុចសែល ​ទៅ​ប្រទេសមួយ​នៅ​តំបន់​អាស៊ី​និង​ត្រៀម​ធ្វើ​ដំណើរ​ឆ្លង​ទៅ​ប្រទេស​កម្ពុជា​ពី​ប្រទេស​ជិត​ខាង​នោះនៅ​ថ្ងៃ​សៅរ៍​សប្ដាហ៍​នេះ។ គម្រោង​វិល​ត្រឡប់​របស់​លោក សម រង្ស៊ី គឺ​ចំ​ទិវា​ឯករាជ្យ​ជាតិ​របស់​កម្ពុជា។

រូបឯកសារ៖ ទិដ្ឋភាព​ទូទៅ​ថ្ងៃ​ដំបូងនៃយុទ្ធនាការ​ឃោសនា​រក​សំលេងឆ្នោត​របស់​គណបក្សសង្គ្រោះ​ជាតិ​ ​ដែលមាន​សកម្មជន​ និង​អ្នកគាំទ្រជា​ច្រើន​ពាន់នាក់​ចូលរួម នៅរាជ​ធានីភ្នំពេញ​ ថ្ងៃទី​ ២០​ ខែ​ឧសភា​ ឆ្នាំ២០១៧។ (ខាន់​ សុគុំ​មនោ​/VOA)
រូបឯកសារ៖ ទិដ្ឋភាព​ទូទៅ​ថ្ងៃ​ដំបូងនៃយុទ្ធនាការ​ឃោសនា​រក​សំលេងឆ្នោត​របស់​គណបក្សសង្គ្រោះ​ជាតិ​ ​ដែលមាន​សកម្មជន​ និង​អ្នកគាំទ្រជា​ច្រើន​ពាន់នាក់​ចូលរួម នៅរាជ​ធានីភ្នំពេញ​ ថ្ងៃទី​ ២០​ ខែ​ឧសភា​ ឆ្នាំ២០១៧។ (ខាន់​ សុគុំ​មនោ​/VOA)

គម្រោង​ធ្វើ​មាតុភូមិ​និវត្តន៍​របស់​លោក សម រង្ស៊ី នេះ ប្រកប​ដោយ​គ្រោះថ្នាក់​ខ្លាំង​ណាស់។ ប្រសិន​បើ​លោក​ត្រឡប់​ចូល​ក្នុង​ប្រទេស​កម្ពុជា​វិញ​ដោយ​ជោគជ័យ លោក​អាច​ប្រឈម​នឹង​ការ​ជាប់​ពន្ធនាគារ។

យោងតាម​ក្រសួង​យុត្តិធម៌ លោក សម រង្ស៊ី មាន​ទោស​ចំនួន​៦​ករណី ដោយ​រួម​មាន​ទាំង​ទោស​ពី​បទ​បរិហារកេរ្តិ៍ ដែល​បាន​ធ្វើ​ឲ្យ​លោក​និរទេស​ខ្លួន​កាលពី​ឆ្នាំ​២០១៥ ដើម្បី​ចៀសវាង​ពី​ការ​កាត់ទោស​ឲ្យ​ជាប់​ពន្ធនាគារ​រយៈពេល​ពីរ​ឆ្នាំ។ ​ករណី​ចោទប្រកាន់​លោក​ សម រង្ស៊ី ចំនួន​៨​ផ្សេង​ទៀត​កំពុង​រង់ចាំ​ការ​សម្រេច​ពី​តុលាការ​។ លោក សម រង្ស៊ី និង​សហការី​របស់​លោក​ប្រឈម​នឹង​ការ​ចោទប្រកាន់​ថា​ជា​ក្រុម​ឧទ្ទាម​ប្រដាប់​អាវុធ​ សម្រាប់គម្រោង​មាតុភូមិនិវត្តន៍​នេះ ដែល​អាច​ឲ្យ​ពួកគេ​ជាប់​ពន្ធនាគារ​ពី​១៥​ទៅ​៣០​ឆ្នាំ។

កាល​ពី​ឆ្នាំ​១៩៩៧ លោក សម រង្ស៊ី ស្ទើរ​តែ​នឹង​បាត់បង់​ជីវិត​នៅ​ក្នុង​ការ​ប៉ុនប៉ង​ធ្វើ​ឃាតលក្ខណៈ​នយោបាយ​មួយ ដោយ​សារ​មាន​ការ​បោកគ្រាប់បែក​នៅ​កន្លែង​ប្រមូល​ផ្ដុំ​សាធារណៈ​តូច​មួយដែលលោក​កំពុង​តែ​ដឹកនាំ​ប្រជុំ​នៅ​កណ្ដាល​រាជធានី ភ្នំពេញ។ មនុស្ស​យ៉ាង​ហោច​ណាស់​ចំនួន​១៦​នាក់​បាន​ស្លាប់​ ហើយ​មនុស្ស​ជាច្រើន​នាក់​ទៀត​រងរបួស​នៅ​ក្នុង​ហេតុការណ៍​បំផ្ទុះ​គ្រាប់​បែក​នោះ។

លោក សម រង្ស៊ី បាន​ថ្លែង​ថា៖ «យើង​ត្រូវ​តែ​ហ៊ានប្រថុយប្រថាន។ ខ្ញុំ​បាន​វាយតម្លៃ​ទៅ​លើ​ហានិភ័យ​ទាំង​នោះ​ហើយ ប៉ុន្តែ​យើង​ត្រូវ​តែ​ហ៊ាន​ធ្វើ​វា ដោយសារ​តែ​ប្រជាជន​ខ្មែរ​បាន​រងទុក្ខ​អស់​រយៈពេល​ជា​យូរ​មក​ហើយ។ ដូច្នេះ​យើង​ត្រូវ​តែ​ហ៊ាន​បញ្ឈប់​ការ​រង​ទុក្ខទោស​នេះ‍»។

គណបក្ស​របស់​លោក សម រង្ស៊ី ត្រូវ​បាន​គេ​ចាត់​ទុក​ថា​បង្ក​ជា​ការ​គំរាមកំហែង​មួយ​ដល់​គណបក្ស​ប្រជាជន​កម្ពុជា​របស់​លោក ហ៊ុន សែន នៅ​ក្នុង​ការ​បោះឆ្នោត​ជាតិ​កាល​ពី​ឆ្នាំ​មុន ប៉ុន្តែ​គណបក្ស​នេះ​ត្រូវ​បាន​តុលាការ​កំពូល​រំលាយ​នៅ​មុន​ការ​បោះឆ្នោត​ជាតិ​នោះ​ទៅ​ទៀត​។ ការណ៍​នេះ​ត្រូវ​បានគេ​មើល​ឃើញ​ថា គឺ​ជា​ការ​ធ្វើ​តាម​ការ​ចង់​បាន​របស់​រដ្ឋាភិបាល។

នៅ​ក្នុង​ការ​បោះឆ្នោត​ជាតិ​ឆ្នាំ​២០១៣ គណបក្ស​សង្គ្រោះជាតិ​របស់​លោក សម រង្ស៊ី ឈ្នះ​បាន​អាសនៈ​ស្ទើរ​តែ​ពាក់កណ្ដាល​នៅ​ក្នុង​រដ្ឋសភាជាតិ។ ប្រជាពលរដ្ឋ​ជាច្រើន​បាន​នាំគ្នា​ចេញ​មក​សម្ដែង​ការ​គាំទ្រ​ចំពោះ​លោក សម រង្ស៊ី នៅ​ពេល​ដែល​លោក​អះអាង​ថា មាន​ការ​លួចបន្លំ​សន្លឹក​ឆ្នោត​ដើម្បី​ប្លន់​យក​ជ័យ​ជម្នះ​ពី​គណបក្ស​របស់​លោក។

កម្លាំងចម្រុះរួមមាននគរបាល កងរាជអាវុធហត្ថ និងទាហាន យាមកាមនៅច្រកព្រំដែនជាំស្រងាំ ក្នុងស្រុកអន្លង់វែង ខេត្តឧត្តរមានជ័យ កាលពីថ្ងៃទី៣ ខែវិច្ឆិកា ឆ្នាំ២០១៩។ (ស៊ុន ណារិន/VOA)
កម្លាំងចម្រុះរួមមាននគរបាល កងរាជអាវុធហត្ថ និងទាហាន យាមកាមនៅច្រកព្រំដែនជាំស្រងាំ ក្នុងស្រុកអន្លង់វែង ខេត្តឧត្តរមានជ័យ កាលពីថ្ងៃទី៣ ខែវិច្ឆិកា ឆ្នាំ២០១៩។ (ស៊ុន ណារិន/VOA)

ការ​បង្ក្រាប​ដូចគ្នា​នេះ​កាល​ពី​ចុង​ឆ្នាំ​២០១៧​ រួម​មាន​ការ​រំលាយ​គណបក្ស​សង្គ្រោះជាតិ​របស់​លោក​ ដែល​បាន​ឈាន​ដល់​ការ​ដក​តំណែង​តំណាងរាស្ត្រ​នៃ​គណបក្ស​របស់​លោក​ទាំងអស់​ពី​ក្នុង​រដ្ឋសភា​ជាតិ ការ​បិទ​ប្រព័ន្ធ​ផ្សព្វផ្សាយ​ទាំងអស់​ដែល​រិះគន់​រដ្ឋាភិបាល និង​ការ​ចាប់​ខ្លួន​លោក​ កឹម សុខា ដែល​ជា​សហស្ថាបនិក​គណបក្ស​សង្គ្រោះជាតិ​ពី​បទ​ចោទថា​ក្បត់​ជាតិ​ ចំពោះ​ការ​ពាក់ព័ន្ធ​នឹង​អង្គការ​គាំទ្រ​លទ្ធិប្រជាធិបតេយ្យ​មួយ​របស់​អាមេរិក។ សមាជិក​ជាន់ខ្ពស់​ដទៃទៀត​នៅ​ក្នុង​គណបក្ស​នេះ​បាន​រត់ភៀស​ខ្លួន​ចេញ​ពី​ប្រទេស​កម្ពុជា។

លោក ហ៊ុន សែន បាន​រក្សា​តំណែង​ជា​នាយករដ្ឋមន្ត្រី​អស់​រយៈពេល​ជិត​៣៥​ឆ្នាំ​មក​ហើយ ដោយ​មាន​ទាំង​ការ​ប្រើ​ឧបាយកល​និង​អំពើ​សាហាវ​ឃោរឃៅ។ លោក ហ៊ុន សែន​ បាន​ប្រកាស​ជា​សាធារណៈ​ថា លោក​មាន​គោលបំណង​នឹង​កាន់​តំណែង​ជា​នាយករដ្ឋមន្ត្រីពីរ​អាណត្តិ​ទៀត ដែល​ស្មើ​នឹង​រយៈពេល​១០​ឆ្នាំ។ លោក សម រង្ស៊ី គឺ​ជា​គូប្រជែង​នយោបាយ​របស់​លោក ហ៊ុន សែន អស់​រយៈ​ពេល​រាប់​ទសវត្សរ៍​មក​ហើយ។

លោក ហ៊ុន សែន មិន​ប្រថុយ​ចំពោះ​គម្រោង​ធ្វើ​មាតុភូមិនិវត្តន៍​របស់​គូប្រជែង​របស់​លោក​នោះ​ទេ។ លោក​នៅ​តែ​បន្ដ​និយាយ​វាយប្រហារនិង​ប្រើ​ពាក្យ​គំរាមកំហែង​នានា។ ប្រព័ន្ធ​ផ្សព្វផ្សាយ​ក្នុង​ស្រុក​បាន​រាយការណ៍​ថា មាន​ការ​ពង្រឹង​កងកម្លាំង​យោធា​នៅ​តាម​ព្រំដែន​កម្ពុជា ដោយ​មាន​ការ​ផ្សាយ​រូបថត​អំពី​ការ​ដង្ហែ​ក្បួន​របស់​កងកម្លាំង​យោធា​ផង​ដែរ។

បើ​ទោះ​ជា​លោក​ សម រង្ស៊ី អាច​ត្រឡប់​ទៅ​កាន់​ប្រទេស​កម្ពុជា​វិញ​ក៏​ដោយ ក៏​នៅ​តែ​មាន​សំណួរ​អំពី​ថា​តើ​លោក​អាច​ដឹកនាំ​ការ​បះបោរ​របស់​ប្រជាជន​បាន​ដែរ​ឬ​យ៉ាង​ណា។

លោក Sebastian Strangio អ្នក​និពន្ធ​សៀវភៅ​អំពី​ប្រទេស​កម្ពុជា​ក្រោម​របប​របស់​លោក ហ៊ុន សែន និយាយ​ថា ទោះ​ជា​ប្រជាជន​ចង់​ឲ្យ​មាន​ការ​ផ្លាស់ប្ដូរ​យ៉ាង​ណា​ក៏​ដោយ ក៏​ពួកគេ​ធ្លាប់​ដឹង​ពី​បទពិសោធន៍​ជូរចត់ ដែល​មិន​ត្រូវ​ប្រឆាំង​នឹង​លោក ហ៊ុន សែន និង​គណបក្ស​ប្រជាជន​កម្ពុជា​របស់​លោក​នោះ​ទេ។

លោក Strangio បាន​ថ្លែង​ថា៖ «ខ្ញុំ​គិត​ថា ការគំរាមកំហែង​ចំពោះ​គណបក្ស​ប្រជាជន​កម្ពុជា​ពិត​ជា​មាន​ប្រាកដ​មែន។ សំណួរ​ថា​តើ​ប្រជាជន​កម្ពុជា​នឹង​ប្រមូលផ្ដុំ​គ្នា​ក្នុង​ទ្រង់ទ្រាយ​ធំ​ មុន​ពេល​ដែល​លោក សម រង្ស៊ី ឈាន​ជើង​ជាន់​ទឹកដី​កម្ពុជា​ជា​លើក​ដំបូង​ក្នុង​រយៈពេល​បួន​ឆ្នាំ​មក​នេះ​ឬ​យ៉ាង​ណា នៅ​តែ​មិន​ទាន់​ប្រាកដ​ប្រជា​នៅ​ឡើយ​ទេ‍»។

លោក Strangio បាន​បន្ថែម​ទៀត​ថា៖ «ខ្ញុំ​គិត​ថា​ ប្រជាជន​កម្ពុជា​ដឹង​ថា លោក ហ៊ុន សែន មាន​ប្រវត្តិ​ប្រើប្រាស់​កងកម្លាំង​ដើម្បី​គ្រប់គ្រង​ស្ថានភាព​នយោបាយនិង​កិត្តិសព្ទរបស់​លោក។ លោក​នឹង​មិន​ស្ទាក់ស្ទើរ​ក្នុង​ការ​ប្រើប្រាស់​កងកម្លាំង​នោះ​ទេ ប្រសិន​បើ​លោក​គិត​ថា ការ​ក្ដោបក្ដាប់​អំណាច​របស់​លោក​រង​ការ​គំរាមកំហែង‍​នោះ»។

ប៉ុន្តែ​ស្ថានភាព​នេះ​ប្រហែល​ជា​នឹង​មិន​កើតឡើង​នោះ​ទេ។ ក្រុម​មន្ត្រី​កម្ពុជា​បាន​និយាយ​ថា ពួកគេ​បាន​ប្រាប់​ដល់​បណ្ដា​ប្រទេស​ជិត​ខាង​ដែល​ជា​សមាជិក​សមាគម​ប្រជាជាតិ​អាស៊ីអាគ្នេយ៍​រួច​ហើយ ថា​កម្ពុជា​មិន​ស្វាគមន៍​លោក​ សម រង្ស៊ី នោះ​ទេ ហើយលោក​មិន​គួរ​ត្រូវ​បាន​អនុញ្ញាត​ឲ្យ​ឆ្លង​ព្រំដែន​ចូល​មក​ក្នុង​ប្រទេស​កម្ពុជា​នោះ​ទេ។

កាល​ពី​សប្ដាហ៍​មុន ប៉ូលិស​អន្តោប្រវេសន៍​ក្នុង​ប្រទេស​ថៃ​បាន​ចាប់​បញ្ជូន​ខ្លួន​អ្នកស្រី មូរ សុខហួរ អនុប្រធាន​គណបក្ស​សង្គ្រោះជាតិ នៅ​ពេល​ដែល​អ្នកស្រី​បាន​ធ្វើ​ដំណើរ​ទៅ​ដល់​អាកាសយានដ្ឋាន​អន្តរជាតិ​ក្នុង​ទីក្រុង​បាងកក។ អ្នកស្រី មូរ សុខហួរ គឺ​ជា​សហការី​ម្នាក់​ក្នុង​ចំណោម​សហការី​ដទៃទៀត​ ដែល​គ្រោង​នឹង​អម​ដំណើរ​លោក សម រង្ស៊ី ចូល​ក្នុង​ប្រទេស​កម្ពុជា​វិញ បើ​ទោះ​ជា​រដ្ឋាភិបាល​កម្ពុជា​បាន​ប្រកាស​ថា​មិន​ស្វាគមន៍​ពួកគេ​ក៏​ដោយ។

អាជ្ញាធរ​អាកាសចរណ៍​កម្ពុជា​បាន​ឲ្យ​ដឹង​ថា ពួកគេ​បាន​បញ្ជា​មិន​ឲ្យ​ក្រុមហ៊ុន​អាកាសចរណ៍​នានា​ដែល​ហោះហើរ​ចូល​ក្នុង​ប្រទេស​កម្ពុជា ​ដឹក​លោក​ សម រង្ស៊ី និង​សហការី​របស់​លោក​ចូល​មក​កម្ពុជា​ជា​ដាច់ខាត។

ទោះ​ជា​យ៉ាង​នេះ​ក្ដី លោក សម រង្ស៊ី ​ទទូច​ថា លោក​នឹង​នៅ​តែ​បន្ដ​ធ្វើ​ដំណើរ​វិល​ត្រឡប់​ចូល​កម្ពុជា​វិញ។

លោក សម រង្ស៊ី បាន​ថ្លែង​ដូច្នេះ​ថា៖ «នេះ​ប្រហែល​ជា​លើក​ចុងក្រោយ​ហើយ​ដែល​អ្នក​រាល់​គ្នា​ឃើញ​ខ្ញុំ​នៅ​មាន​ជីវិត​ឬ​នៅ​មាន​សេរីភាព។ នៅ​ក្នុង​រយៈពេល​ប៉ុន្មាន​ថ្ងៃ​ខាង​មុខ​នេះ ខ្ញុំ​ប្រហែល​ជា​ត្រូវ​ស្លាប់​ ឬ​ជាប់​ពន្ធនាគារ។ ដូច្នេះ​ក្នុង​ពេល​ដែល​ខ្ញុំ​នៅ​មាន​សេរីភាព ខ្ញុំ​សូម​បង្ហាញ​ជំនឿ​របស់​ខ្ញុំ​ថា ប្រជាធិបតេយ្យនឹង​នៅ​តែ​ឈ្នះ‍»៕

ប្រែសម្រួល​ដោយ​អ្នកស្រី ហុង ចិន្ដា

What Next?

Recent Articles

One Response to "លោក សម រង្ស៊ី ​ត្រៀម​ខ្លួន​រួចរាល់​ដើម្បី​ធ្វើ​មាតុភូមិ​និវត្តន៍"

  1. so socheath says:

    គោលជំហរបក្សម៉្រាយអ្ហែងស្អីទៀត ?
    អាបក្សសង្គ្រោះជាតិវាងាប់តៃហោងយូរហើយ អាឡប់ !
    វិទ្យុលាងក្តអាស៊ីសេរីវាអួតថា អាក្បត់ជាតិសម​ រង្ស៊ី​ បាន​ចេញ​វីដេអូ​ឃ្លី​បជា​ភាសា​អង់គ្លេស
    ​ដ៏​កម្រ​មួយ​ (???)ដោយ​ អំពាវនាវ​ទៅ​កាន់​សហគមន៍​អន្តរជាតិ​ និង​មនុស្ស​ទាំង​អស់​លើ​ពិភពលោកថា​ មុន​ពេល​វាត្រឡប់​ទៅ​កម្ពុជា​វិញ​នៅ​ថ្ងៃ​ទី៩​ វិច្ឆិកា​ថា “​អាក្បត់ជាតិសមរង្ស៊ីបាន​ត្រៀម​ខ្លួន​រួចរាល់​ វិល​ត្រឡប់​ទៅ​កម្ពុជា​វិញ​ ទោះបីជា​ត្រូវ​លះបង់​ជីវិត​ក៏​ដោយ​ គឺ​ដើម្បី​ស្ដារ​លទ្ធិ​ប្រជាធិបតេយ្យ (???) ។ ​
    ហាស !ហាស
    ជឿអាក្បត់ជាតិសមរង្ស៊ី ជឿឆ្កែវិញល្អជាង
    ដូចខ្ញុំបានវាយតម្លៃស្ថានការណ៍នយោបាយ នៃការសន្យាការវិល
    របស់ជនក្បត់ជាតិសមរង្ស៊ីនិងបក្សពួករួចមកហើយថាវាមិនខ្មេះទេ ។
    អាសមរង្ស៊ីជាជនកំសាក ការភូតភរបោកប្រាសចុងក្រោយ
    របស់ជនក្បត់ជាតិសមរង្ស៊ី និងបក្សពួក គឺដើម្បីយកលុយ
    មូលនិធិ ៣០ម៉ឺនដុល្លារចាយ ក្នុងពេលវេលាចុងក្រោយ
    នៃការបញ្ចប់អាជីពនយោបាយរបស់វាជារៀងរហូត។
    តើមានអន្តរជាតិណាមួយហ៊ានធានាចំពោះអាក្បត់ជាតិសមរង្ស៊ី
    និងបក្សពួកក្បត់ជាតិរបស់វាដើម្បីបំពានលើអធិបតេយ្យរបស់ប្រទេសមួយ
    ដែលស្ថិតក្នុងកិច្ចគាំពារតាមច្បាប់អង្គការសហប្រជាជាតិនោះ។
    សរុបសេចក្តីមក ទាល់តែសេះដុះស្នែង ទើបសមរង្ស៊ីនិងបក្សពួកហ៊ាន
    ចូលកម្ពុជាវិញ។ សម្រាប់ល្បះចុងក្រោយដែលថា និងជំរុញឲ្យសមរង្ស៊ី
    ចូលកម្ពុជាថ្ងៃទី៩វិច្ឆិកា វាគ្រាន់តែជាការនិយាយដើម្បី
    បោកប្រាស ដើម្បីបោកយកលុយបន្ថែមពីពីអាល្ងង់ខ្លៅ មីល្ងង់ខ្លៅ
    តែមានលុយទិញសក្តិ៍ខ្យល់ប៉ុណ្ណោះ។
    វា ទាល់តែយូរបានអាក្បត់ជាតិសមរង្ស៊ី និងបក្សពួកក្បត់ជាតិរបស់វា
    ហ៊ានមកជាប់គុក និង ឲ្យគេបាញ់ងាប់
    អត់ប្រយោជន៍ ។
    ដំណឹង សម្រាប់ ពួកអាកាកសំណល់ អតីតបក្សខ្មោចតៃហោងសង្គ្រោះជាតិ
    ដែលត្រូវយល់ឲ្យច្បាស់មុនបង្កររឿងហេតុ ដែលនាំគ្រោះដល់ខ្លួន
    ដែលនឹកស្មានមិនដល់ !
    *******
    កម្ពុជា ជារដ្ឋអធិបតេយ្យ !
    ក្រោមបាវចនា ជាតិ សាសនា ព្រះមហាក្សត្រ
    ច្បាប់ស្ដីពីវិសោធនកម្មច្បាប់ស្ដីពីគណបក្សនយោបាយ ត្រង់មាត្រា៦ គឺសំដៅដាច់ខាត
    ឲ្យមានការគោរពអនុវត្តន៍ ដោយចែងថា គ្រប់គណបក្សនយោបាយមិនត្រូវធ្វើ
    សកម្មភាពណាមួយ ដូចខាងក្រោមជាដាច់ខាត៖
    ១. ធ្វើឱ្យមានអបគមន៍ ដែលនាំឱ្យអន្តរាយដល់ឯកភាពជាតិ និងបូរណភាពដែនដី។
    ២. ធ្វើវិទ្ធង្សនាប្រឆាំងនឹងរបបប្រជាធិបតេយ្យ សេរី ពហុបក្ស និងរបបរាជានិយមអាស្រ័យធម្មនុញ្ញ។
    ៣. ធ្វើប៉ះពាល់សន្តិសុខនៃរដ្ឋ។
    ៤. បង្កើតកម្លាំងប្រដាប់អាវុធ។
    ៥. ធ្វើការញុះញង់ដែលអាចនាំអោយមានការបែកបាក់ជាតិ។
    ដូច្នេះចលានាណាមួយដែលមានបំណងបំផ្លាញសន្តិភាពជាតិ ដើម្បីផ្តួលរំលំរដ្ឋាភិបាល
    ស្របច្បាប់ដែលកើតចេញពីការបោះឆ្នោត តាមលទ្ធិប្រជាធិបតេយ្យ សេរីពហុបក្ស
    សម្រាប់ឆន្ទះប្រជាពលរដ្ឋ ដែលជ្រើសរើសអ្នកដឹកនាំជាតិ ទោះក្នុងទម្រង់ណាមួយ ក៏ដោយ
    គឺដាច់ខាតកម្ទេចចោល ដោយគ្មានការអត់ឱនឡើយ ។
    ដូច្នេះ ! ត្រូវចាំឲ្យច្បាស់ពួកអាកាកសំណល់បក្សក្បត់ជាតិសង្គ្រោះជាតិ

Leave a Reply

Submit Comment