អ.ស.ប​ និង​សហរដ្ឋអាមេរិក​ ស្នើ​ឱ្យ​អ្នកនយោបាយ​ខ្មែរ​សន្ទនា​គ្នា​ដោយ​សន្តិវិធី

ដោយ យន់ សាមៀន
2019-11-08
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

អគ្គលេខាធិការ​អង្គការសហប្រជាជាតិ លោក អង់តូនីញ៉ូ ហ្គោទែរ៉េស (Antonio Guterres)  (ឆ្វេង) និងរដ្ឋមន្ត្រី​ក្រសួងការបរទេស​សហរដ្ឋអាមេរិក លោក ម៉ៃ ផុមភីអូ (Mike Pompeo) (ស្ដាំ)។

អគ្គលេខាធិការ​អង្គការសហប្រជាជាតិ លោក អង់តូនីញ៉ូ ហ្គោទែរ៉េស (Antonio Guterres)  (ឆ្វេង) និងរដ្ឋមន្ត្រី​ក្រសួងការបរទេស​សហរដ្ឋអាមេរិក លោក ម៉ៃ ផុមភីអូ (Mike Pompeo) (ស្ដាំ)។ Photo courtesy


អង្គការ​សហប្រជាជាតិ​ និង​អាមេរិក​បារម្ភ​ពីស្ថានភាព​នយោបាយ​ក្នុង​ប្រទេស​កម្ពុជា


អង្គការ​សហប្រជាជាតិ និង​សហរដ្ឋអាមេរិក សម្ដែង​ក្ដី​ព្រួយបារម្ភ​ចំពោះ​ស្ថានភាព​នយោបាយ​នៅ​ប្រទេស​កម្ពុជា ហើយ​ស្នើ​ឱ្យ​អ្នកនយោបាយ​ខ្មែរ សន្ទនា​គ្នា​ដោយ​សន្តិវិធី។

ការិយាល័យ​អ្នកនាំពាក្យ​នៃ​អគ្គលេខាធិការ​អង្គការសហប្រជាជាតិ ឱ្យ​ដឹង​ថា លោក អង់តូនីញ៉ូ ហ្គោទែរ៉េស (Antonio Guterres) អគ្គលេខាធិការ​អង្គការសហប្រជាជាតិ បាន​តាមដាន​ស្ថានភាព​វិវឌ្ឍ​នៅ​ប្រទេស​កម្ពុជា យ៉ាង​ដិតដល់​ទាក់ទង​នឹង​ការប្រកាស​វិលត្រឡប់​មកវិញ របស់ លោក សម រង្ស៊ី និង​មេដឹកនាំ​ផ្សេងទៀត​នៃ​គណបក្ស​ប្រឆាំង។

ការិយាល័យ​អ្នកនាំពាក្យ ឱ្យ​ដឹង​ថា​ទៀត​ថា លោក អង់តូនីញ៉ូ ហ្គោទែរ៉េស មាន​ក្ដី​បារម្ភ​ចំពោះ​វិធានការ​រឹតត្បិត​របស់​អាជ្ញាធរ​កម្ពុជា​ទៅលើ​សេរីភាព​ក្នុង​ការ​ធ្វើដំណើរ និង​ការ​ជួប​ប្រជុំ​។

​លោក​អគ្គលេខាធិការ​អង្គការសហប្រជាជាតិ​ថា កិច្ច​សន្ទនា​ដោយ​សន្តិវិធី ក្នុងចំណោម​អ្នក​ពាក់ព័ន្ធ​ទាំងអស់ ដោយ​គ្មាន​ការ​បំភិតបំភ័យ ការ​យាយី​ធ្វើទុក្ខបុកម្នេញ ឬ​ការភ័យខ្លាច​គឺ​មាន​ភាព​ចំ​បាច់​បំផុត​នៅ​ពេល​នេះ។

ចំណែក រដ្ឋមន្ត្រី​ក្រសួងការបរទេស​សហរដ្ឋអាមេរិក លោក ម៉ៃ ផុមភីអូ (Mike Pompeo) ក្នុង​លិខិត​អបអរសាទរ​ប្រទេស​កម្ពុជា ក្នុង​ទិវា​បុណ្យ​ឯករាជ្យ​ជាតិ​លើក​ទី​៦៦ នៅ​ថ្ងៃ​៩ វិច្ឆិកា ស្អែក​នេះ លោក​ក៏បាន​យក​ឱកាស​នេះ សំដែង​សង្ឃឹមថា កម្ពុជា​នឹង​គិតគូរ​ពី​ការផ្សះផ្សា​ជាតិ ការសន្ទនា​គ្នា​ដោយ​សន្តិវិធី ការលូតលាស់​ផ្នែក​លទ្ធិប្រជាធិបតេយ្យ និង​ការ​អភិវឌ្ឍ​សេដ្ឋកិច្ច និង​សង្គម​។​

ប្រតិកម្ម​នឹង​អង្គការសហប្រជាជាតិ និង​សហរដ្ឋអាមេរិក អ្នកនាំពាក្យ​បក្ស​កាន់អំណាច លោក សុខ ឥសាន្ត សាទរ​ការ​យក​ចិត្តទុក​ដាក់​របស់​អង្គការសហប្រជាជាតិ និង​សហរដ្ឋអាមេរិក​ចំពោះ​ស្ថានភាព​នយោបាយ​នៅ​ប្រទេស​កម្ពុជា។ ប៉ុន្តែ លោក​ថា ការ​ដាក់​កងកម្លាំង​សមត្ថកិច្ច​ចម្រុះ​តាម​ព្រំដែន​ថៃ នៅ​ពេលនេះ គឺ​ដើម្បី​រក្សា​ស្ថិរភាព​នយោបាយ និង​សន្តិសុខ​ដល់​ប្រជាពលរដ្ឋ ក្នុង​ឱកាស​ពិធីបុណ្យ​ឯករាជ្យ​ជាតិ និង​ព្រះ​រាជពិធី​បុណ្យអុំទូក។

លោក​បន្ត​ថា ការ​ស្នើ​ឱ្យ​មានការ​សន្ទនា​គ្នា​ដោយ​សន្តិវិធី រវាង​រដ្ឋាភិបាល ជាមួយ​មេដឹកនាំ​បក្ស​ប្រឆាំង នឹង​មិន​អាច​ទៅ​រួច​ទេ ព្រោះ​ក្រុម​លោក សម រង្ស៊ី គឺជា​ក្រុម​ឧទ្ទាម​ខុសច្បាប់​។​លោក​ថា អាជ្ញាធរ​នឹង​អនុវត្ត​ច្បាប់​ចំពោះ​ក្រុម​លោក សម រង្ស៊ី ប្រសិនបើ​ពួកគេ​មាន​វត្តមាន​នៅ​លើ​ទឹកដី​ខ្មែរ ដូច​ការប្រកាស​កន្លង​មក​ថា វិល​ចូល​ស្រុក​វិញ នៅ​ថ្ងៃ​ទី៩ វិច្ឆិកា។ «»

លោក អេង ឆៃអ៊ាង អនុប្រធាន​គណបក្ស​សង្គ្រោះជាតិ ថា​ការ​លើកឡើង​របស់​អ្នកនាំពាក្យ​គណបក្ស​កាន់​អំណាច​រូប​នេះ បង្ហាញ​ឱ្យ​អន្តរជាតិ​ឃើញច្បាស់​ថា របប​ក្រុងភ្នំពេញ​គ្មាន​ឆន្ទៈ​ពិតប្រាកដ ក្នុង​ផ្សះផ្សា​ជាតិ​រវាង​ខ្មែរ​និង​ខ្មែរ ដូច​តាម​ការ​ចង់​បាន​ពី​អង្គការសហប្រជាជាតិ និង​ប្រទេស​លោក​សេរី​នោះ​ទេ​។ លោក​បន្ត​ថា មូលហេតុ​ដែល​អំពាវនាវ​ឱ្យ​មាន​កម្លាំង​មហាជន​ងើបឡើង​ប្រឆាំង​របប​ដឹកនាំ​សព្វថ្ងៃ ដោយ​អហិង្សា​នេះ ព្រោះតែ​របប​ក្រុងភ្នំពេញ​បាន​ដើរ​ហួស​គន្លង​លទ្ធិប្រជាធិបតេយ្យ ដោយ​ប្រើ​ប្រព័ន្ធ​តុលាការ​ទៅ​រំលាយ​បក្ស​ប្រឆាំង និង​ចាប់​ប្រធាន​បក្ស​លោក កឹម សុខា ដាក់​ឃុំ​ក្នុង​ផ្ទះ ហើយ​មិន​ឱ្យ​បក្ស​ប្រឆាំង​ចូលរួម​ការបោះឆ្នោត​កាលពី​ឆ្នាំ​២០១៨​។ មន្ត្រី​ជាន់ខ្ពស់​បក្ស​ប្រឆាំង​រូប​នេះ បញ្ជាក់​ថា ដំណាល​ពេលនេះ គឺ​ពេលវេលា​ចាំបាច់ ដែល​អ្នកស្នេហាជាតិ​ទាំងអស់ ត្រូវ​រួម​កម្លាំង​គ្នា​ដូរ​របប​សព្វថ្ងៃ ឱ្យ​ខាង​តែ​បាន។ «»

អ្នកវិភាគ​បញ្ហា​សង្គម និង​នយោបាយ លោក​បណ្ឌិត ឡៅ ម៉ុងហៃ យល់​ថា នេះ​គឺជា​ពេលវេលា​សម​ល្មម ដែល​លោក ហ៊ុន សែន និង​លោក សម រង្ស៊ី គួរតែ​ដាក់​អស្មិមានះ​រៀង​ៗ​ខ្លួន​ចុះ ហើយ​ងាក​មក​រក​ការសន្ទនា​គ្នា​ដោយ​សន្តិវិធី ដើម្បី​នាំមក​នូវ​ភាព​សុខដុមរមនា​ពិតប្រាកដ​ជូន​ប្រជាពលរដ្ឋ និង​ប្រទេស​ជាតិ។ «»

គិត​ត្រឹម​ថ្ងៃ​ទី​០៨ វិច្ឆិកា នៅ​សល់​តែ ១​ថ្ងៃ​ទៀត ដល់​ពេល​កំណត់ ដែល​លោក សម រង្ស៊ី ថា នឹង​វិល​ទៅ​កម្ពុជា​វិញ។

លោក សម រង្ស៊ី បាន​ប្រកាស​ជំហរ​ហើយ​ថា លោក​នឹង​រិះរក​គ្រប់​មធ្យោបាយ​ទាំងអស់​ដើម្បី​ឱ្យ​វិល​ចូល​ប្រទេស​កម្ពុជា​ឱ្យ​បាន​តាម​កាល​កំណត់៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


អត្ថបទ​ដែល​ទាក់ទង

What Next?

Recent Articles

2 Responses to "អ.ស.ប​ និង​សហរដ្ឋអាមេរិក​ ស្នើ​ឱ្យ​អ្នកនយោបាយ​ខ្មែរ​សន្ទនា​គ្នា​ដោយ​សន្តិវិធី"

  1. Anonymous says:

    U-N and USA are so funny hurs’ Don’t even dream about compromise with Veitcong mafia dictator and his groups’ even they did the coup 1997 killing a lot more khmer and giving Tral Island to Youn hanoi no body can do anything for this mafia groups haha’ .So don’t ever dream about democracy in cambodia because cambodia have alot of evil people become dictator since communist king si haknouk bread his thugs and capture khmer people in their cage ‘

  2. so socheath says:

    វាសនា បុរស ឬសដុះក្នុងក្ត !
    *******
    ហាស ! ហាស
    រឿងអ្ហែងវាចប់ដោយបរិបូណ៍ ហើយ អាឬសដុះក្នុងក្ត សមរង្ស៊ី !
    ម៉ាជាតិជាអ្នកនយោបាយ ឃើញតែអ្ហែងមួយប៉ុណ្ណោះ ដែលធ្វើនយោបាយ
    បែបឡប់សតិ រលត់រលាយ គ្មានសល់អ្វីទាំងអស់ ។
    ចាប់ពីពេលនេះទៅអ្ហែងកុំសង្ឃឹម ថាមានមុខក្នុងឆាកនយោបាយទៀត ។
    ទោសទណ្ឌវ័ណ្ឌក ទាំងប្តីទាំងប្រពន្ធ ។ ទាក់ទងទ្រព្យសម្បត្តិ នៅកម្ពុជា
    បើថាមិនរឹបអូស តែវាហាក់ដូចជារឹបអូសរួចទៅហើយ ។ មានន័យថា មានផ្ទះ
    អត់មនុស្សនៅ មានផ្លូវអត់មនុស្សដើរ ។
    ចង់បានទ្រព្យសម្បត្តិ ចូលមកដេកគុកសិន អាហ្នឹងបានទ្រព្យសម្បត្តិវិញហើយ ។
    តែថាទោសផ្តុំគ្នាស្អេកស្កះយ៉ាងនេះ ទោះជាប់គុកហាសឹបឆ្នាំក៏បែបមិនទាន់រួចទោសដែរអ្ហា !
    អានេះគេហៅថា ចំណេះស្ទើរធ្វើចេះ ។ ទីបំផុត ចំណេះ ជិះ ក ឯង តែអញ្ចឹង !
    យល់ទេ ប៉ុណ្ណឹង អាល្ងង់ !

Leave a Reply

Submit Comment