លោក កឹម សុខា ប្រកាស​ជា​លើក​ដំបូង​ក្រោយ​រួច​ពី​ការឃុំ​ក្នុង​ផ្ទះ​ថា សេរីភាព​របស់​លោក​នៅ​តែ​ត្រូវ​បាន​រឹតត្បិត

នយោបាយ
11 វិច្ឆិកា 2019
ហ៊ុល រស្មី
វីអូអេខ្មែរ

លោក កឹម សុខា នៅ​គេហដ្ឋាន​របស់​លោក ក្នុង​រាជធានី​ភ្នំពេញ​ នៅ​​ព្រឹក​ថ្ងៃទី​១១​ ខែវិច្ឆិកា ឆ្នាំ២០១៩។ (ទុំ ម្លិះ/​VOA)
លោក កឹម សុខា នៅ​គេហដ្ឋាន​របស់​លោក ក្នុង​រាជធានី​ភ្នំពេញ​ នៅ​​ព្រឹក​ថ្ងៃទី​១១​ ខែវិច្ឆិកា ឆ្នាំ២០១៩។ (ទុំ ម្លិះ/​VOA)

លោក​ កឹម​ សុខា ​មេ​ដឹកនាំ​គណបក្ស​ជំទាស់​នៅ​ថ្ងៃច័ន្ទ​នេះ​ ផ្តល់​ការ​អធិប្បាយ​ជា​សាធារណៈលើក​ដំបូង​និងដោយ​ប្រយ័តុ្ន​ប្រយែង​ជាមួយ​ក្រុម​អ្នក​សារព័ត៌មាន ​បន្ទាប់​ពី​លោក​បាន​ជួប​សន្ទនា​ជាមួយ​ប្រធាន​បេសកកម្ម​ការទូត​សហរដ្ឋ​អាមេរិក​ និង​បារាំង​ប្រចាំ​កម្ពុជា

ថ្លែង​បន្ទាប់​ពី​ជំនួប​របស់​លោក​ជាមួយ​លោក​ Patrick Murphy ឯកអគ្គ​រដ្ឋ​ទូត​អាមេរិក​ប្រចាំ​កម្ពុជាប្រហែល​មួយ​ម៉ោង​នៅ​ក្នុង​គេហដ្ឋាន​របស់​លោក​ក្នុង​ខណ្ឌទួលគោក​ ក្នុង​ទីក្រុង​ភ្នំពេញ​ លោក ​កឹម សុខា​ មាន​ប្រសាសន៍​ថា ​លោក​មាន​ចំណូល​ចិត្ត​ជួប​ជាមួយ​ប្រជា​ពលរដ្ឋ​ តែ​ខណៈ​ពេល​នេះ​លោក​មិន​ដឹង​ថា​ និយាយ​ដូចម្តេច​ទៅ​កាន់​សាធារណជន​ ដោយសារលោក​ជាប់​ បំរាម​តុលាការ​ មិន​ឲ្យ​និយាយ​អ្វី​ដែល​ពាក់​ព័ន្ធ​នឹង​រឿង​នយោបាយ។

ឯកអគ្គរដ្ឋទូត​ស.រ.អា​ប្រចាំ​នៅ​កម្ពុជា​លោក Patrick Murphyនិង​លោក កឹម សុខា ប្រធាន​គណបក្ស​សង្រ្គោះជាតិ ដែល​ត្រូវ​បាន​រំលាយ ថ្លែង​សារ​ទៅ​កាន់​អ្នកសារព័ត៌មាន ក្រោយពី​ជំនួប​ដំបូង​របស់​ពួកអស់លោក នៅ​គេហដ្ឋាន​របស់​លោក កឹម សុខា ក្នុង​រាជធានី​ភ្នំពេញ នៅថ្ងៃទី ១១ ខែវិច្ឆិកា ឆ្នាំ២០១៩។ (ខាន់ សុគុំមនោ/VOA)
ឯកអគ្គរដ្ឋទូត​ស.រ.អា​ប្រចាំ​នៅ​កម្ពុជា​លោក Patrick Murphyនិង​លោក កឹម សុខា ប្រធាន​គណបក្ស​សង្រ្គោះជាតិ ដែល​ត្រូវ​បាន​រំលាយ ថ្លែង​សារ​ទៅ​កាន់​អ្នកសារព័ត៌មាន ក្រោយពី​ជំនួប​ដំបូង​របស់​ពួកអស់លោក នៅ​គេហដ្ឋាន​របស់​លោក កឹម សុខា ក្នុង​រាជធានី​ភ្នំពេញ នៅថ្ងៃទី ១១ ខែវិច្ឆិកា ឆ្នាំ២០១៩។ (ខាន់ សុគុំមនោ/VOA)

​កំពុង​ឈរ​គៀក​នឹង​លោក​ Patrick Murphy​ ​នៅ​ចំពោះ​មុខ​ក្រុម​អ្នក​កាសែត​ក្នុង​ស្រុក​ និង​អន្តរជាតិ​ ​លោក​ កឹម សុខា​ មាន​ប្រសាសន៍​ដោយ​ការ​ប្រុងប្រយ័ត្ន​យ៉ាង​ដូច្នេះ​ថា៖

«ដោយសារ​គេ​ហាម​ខ្ញុំ​មិន​ឲ្យ​ធ្វើ​នយោបាយ មិន​ឲ្យ​និយាយ​ពី​រឿង​នយោបាយ​ ហើយ​ខ្ញុំ​មិន​ដឹង​ភាសា​អី​ ដែល​ថា​មិនមែន​នយោបាយ​ទេ​ យើង​មិន​ទាន់​ដឹង​ទេ»។

មេដឹកនាំ​រូប​នេះ​នៃ​គណបក្ស​សង្គ្រោះ​ជាតិ​ដែល​ត្រូវ​បាន​តុលាការ​កំពូល​កម្ពុជា​រំលាយ​ចោល​កាលពី​ឆ្នាំ​២០១៧ បាន​សុំ​ការ​យោគយល់​ពី​ក្រុម​អ្នក​យក​ព័ត៌មាន​ មិន​ឲ្យ​មាន​ការ​សួរ​ឆ្លើយ​ឆ្លង​ជាមួយ​នឹង​លោក​ ដោយ​លោក​នៅ​មិន​ទាន់​យល់​ច្បាស់​ពី​ការ​ដាក់​បំរាម​របស់​តុលាការ​ ទាក់​ទង​ទៅ​នឹង​ការ​ធ្វើ​សកម្មភាព​នយោបាយ។ ក្រោយ​ការ​អត្ថាធិប្បាយ​ដ៏​ខ្លី​នេះ លោក​ កឹម សុខា​ ក៏​បាន​ប្រគល់នាទីអត្ថាធិប្បាយ​ទៅ​ឲ្យ​ឯកអគ្គរដ្ឋទូត​អាមេរិក​ដែល​ឈរ​នៅ​ជាប់​លោក។

លោក​ Patrick Murphy​ ឯកអគ្គ​រដ្ឋ​ទូត​អាមេរិក​ប្រចាំ​កម្ពុជា​ ប្រាប់​ក្រុមអ្នក​កាសែត​ថា ការ​សម្រេច​របស់​តុលាការ​កម្ពុជា​ដែល​បាន​អនុញ្ញាត​ឲ្យ​លោក​ កឹម សុខា​ រួច​ពីការ​ជាប់ឃុំ​ក្នុងផ្ទះ​នោះ​ ជា​ជំហាន​វិវត្តន៍​ទៅមុខ​មួយ​ តែ​លោកមាន​ការ​សោក​ស្តាយ​ដែល​សិទ្ធិ​នយោបាយ​របស់​លោក កឹម សុខា​ ត្រូវ​បាន​អាជ្ញាធរ​កម្ពុជា​ផាត់​ចោល​កន្លង​មក។

«ខ្ញុំ​សោក​ស្តាយ​ដែល​សិទ្ធិ​សេរីភាព​របស់​គាត់​ត្រូវ​បាន​គេ​បដិសេធ​អស់​រយៈពេល​ពីរ​ឆ្នាំ​មក​នេះ»។

បន្ថែម​លើ​ការ​សោក​ស្តាយ​ចំពោះ​ការ​បាត់​បង់​សិទ្ធិ​នយោបាយ​របស់​លោក​កឹម សុខា​នោះ​ លោក​ឯកអគ្គរដ្ឋទូត​បាន​ផ្តល់​ដំបូន្មាន​ថា​ អាជ្ញាធរ​កម្ពុជា​ត្រូវ​រក​ផ្លូវ​ដើម្បី​ស្តារ​សេរីភាព​របស់​លោក​កឹម សុខា​ ឡើងវិញ​ទាំងអស់។ ហើយ​អាជ្ញាធរ​កម្ពុជា​ក៏​ត្រូវ​ធ្វើ​យ៉ាង​ដូច្នេះ​ ចំពោះ​អ្នក​ឯ​ទៀត​ដែល​បាន​បាត់​បង់​សេរីភាព​ផង​ដែរ។

«ដំបូន្មាន​របស់​យើង​ក្នុង​នាម​ជា​មិត្ត​ភក្តិ​របស់​ព្រះ​រាជាណាចក្រកម្ពុជា​គឺ​ថា​ អាជ្ញាធរ​រក​ផ្លូវ​ស្តារ​សិទិ្ធ​សេរីភាព​របស់​លោក​ កឹម​ សុខា​ ឲ្យ​បាន​ឡើង​វិញ​ទាំងស្រុង​ ទម្លាក់​ចោល​បទ​ចោទ​ប្រឆាំង​នឹង​គាត់​ ហើយ​ដូចគ្នា​នេះ​ផង​ដែរ​ យក​ពេល​នេះ​និង​ទី​កន្លែង​នេះ​ ធ្វើ​ឲ្យ​ដូច​គ្នា​ទៅ​នឹង​មនុស្ស​ជាច្រើន​នាក់​ផ្សេង​ទៀត​ ដែល​សិទ្ធិ​សេរីភាព​របស់​ពួកគេ​ត្រូវ​បាន​គេ​បដិសេធ​ចោល​នោះ»។

លោក​ កឹម ​សុខា​ ត្រូវ​បាន​ដោះលែង​និង​បន្ធូរ​បន្ថយ​លក្ខខណ្ឌ​នៃ​ការ​ដាក់​ឲ្យ​ស្ថិត​ក្រោម​ការ​ត្រួតពិនិត្យ​តាម​ផ្លូវ​តុលាការ​ ក្រោយពី​ក្រុម​មេធាវី​បាន​ស្នើ​សុំ​ឲ្យ​មាន​ការ​ដោះលែង​លោក ​កឹម ​សុខា ​ដោយ​យោង​ថា​ ថិរវេលា​នៃ​ការ​ឃុំខ្លួន​ដោយ​គ្មាន​ការ​កាត់ទោស​បាន​លើសកំណត់​ជាង​ពីរឆ្នាំ​ ហើយ​មិន​មាន​ភស្តុតាង​ដាក់​បន្ទុក​លើ​លោក​ កឹម ​សុខា។

ទោះ​យ៉ាង​ណា​ ​តុលាការ​កម្ពុជា​ ផ្តល់​សេចក្តី​ពន្យល់​ថា ការ​បន្ធូរ​បន្ថយ​លក្ខខណ្ឌ​ចំពោះ​លោក​ កឹម សុខា​នោះ​គឺផ្អែក​លើ​ហេតុផល​សុខភាពនិង​ការ​សហការ​ល្អ​របស់​លោក​កឹម ​សុខា ជាមួយ​តុលាការ។ នេះ​បើតាម​សេចក្តី​ប្រកាស​ព័ត៌មាន​របស់​តុលាការ​រាជធានី​ភ្នំពេញ​កាល​ពី​ម្សិល​មិញ។

លោកស្រី Eva Nguyen Binh ឯកអគ្គរដ្ឋទូត​បារាំង​ប្រចាំ​នៅ​កម្ពុជា ជួប​ជាមួយ​លោក កឹម សុខា ប្រធាន​គណបក្ស​សង្គ្រោះ​ជាតិ​ដែល​ត្រូវបាន​រំលាយ នៅ​ព្រឹក​ថ្ងៃ​ទី​១១ ខែ​វិច្ឆិកា ឆ្នាំ​២០១៩ នៅ​គេហដ្ឋាន​របស់​លោក កឹម សុខា ក្នុង​រាជធានី​ភ្នំពេញ មួយ​ថ្ងៃ​ក្រោយពី​តុលាការ​សម្រេច​ដោះលែង​លោក​ពី​ការឃុំឃាំង​ក្នុង​ផ្ទះ​ដោយ​នៅ​បន្ត​មាន​លក្ខខណ្ឌ​រឹតត្បិត​បន្ត​ទៀត។ (ទុំ ម្លិះ/VOA)
លោកស្រី Eva Nguyen Binh ឯកអគ្គរដ្ឋទូត​បារាំង​ប្រចាំ​នៅ​កម្ពុជា ជួប​ជាមួយ​លោក កឹម សុខា ប្រធាន​គណបក្ស​សង្គ្រោះ​ជាតិ​ដែល​ត្រូវបាន​រំលាយ នៅ​ព្រឹក​ថ្ងៃ​ទី​១១ ខែ​វិច្ឆិកា ឆ្នាំ​២០១៩ នៅ​គេហដ្ឋាន​របស់​លោក កឹម សុខា ក្នុង​រាជធានី​ភ្នំពេញ មួយ​ថ្ងៃ​ក្រោយពី​តុលាការ​សម្រេច​ដោះលែង​លោក​ពី​ការឃុំឃាំង​ក្នុង​ផ្ទះ​ដោយ​នៅ​បន្ត​មាន​លក្ខខណ្ឌ​រឹតត្បិត​បន្ត​ទៀត។ (ទុំ ម្លិះ/VOA)

នៅ​មុន​ជំនួប​ជាមួយ​ប្រធាន​បេសសកម្ម​ការទូត​សហរដ្ឋ​អាមេរិក​ប្រចាំ​កម្ពុជា​នា​រសៀល​ថ្ងៃ​ច័ន្ទ​នេះ​លោក​ កឹម សុខា​អតីត​អនុប្រធាន​ទីមួយ​រដ្ឋសភា​ ក៏​បានពិភាក្សា​អំពី​ស្ថានភាព​ប្រជាធិបតេយ្យ​នៅ​កម្ពុជា​ ជា​មួយ​ឯក​អគ្គរដ្ឋទូត​បារាំង​លោក​ស្រី​ អេវ៉ា ង្វៀន ប៊ិញ​ (Eva Nguyen Binh)។ នេះ​បើ​យោង​តាម​ការ​បញ្ជាក់​របស់លោក ​មុត ចន្ថា​ អតីត​នាយក​ឧទ្ទកាល័យ​លោក​ កឹម សុខា។

លោក​ មុត ចន្ថា​ បា្រប់​អ្នកកាសែត​ថា​ ជំនួប​ពិភាក្សា​រវាង​ឥស្សរជន​ទាំងពីរ​នេះ​ ​ផ្តោត​ជា​សំខាន់​លើ​សុខ​ទុក្ខ​របស់​លោក កឹម សុខា។ ជំនួប​ដដែល​ក៏​មាន​ការ​ផ្លាស់​ប្តូរ​យោបល់​អំពី​ដំណើរ​ការ​កសាង​ប្រជាធិបតេយ្យ​នៅ​ប្រទេស​កម្ពុជា។

«ជា​ការ​ពិត​ យើង​គ្រាន់​តែ​ពិភាក្សា​ពី​ការ​សួរ​សុខ​ទុក្ខ​ ពិភាក្សា​អំពី​សុខភាព​របស់​គាត់​ ស្ថានភាព​ផ្ទាល់​ខ្លួន​របស់​គាត់​ និង​ផ្លាស់​ប្តូរ​ទស្សន​មួយ​ចំនួន​អំពី​ថា​តើ​យើង​នឹង​ត្រូវ​បោះ​ជំហាន​ទៅ​មុខយ៉ាង​ដូចម្តេច​ ទៅ​រក​ការ​កសាង​លទ្ធិ​ប្រជាធិបតេយ្យ»។

លោក​ស្រី​ អេវ៉ា ង្វៀន ប៊ិញ ​មិនបាន​ផ្តល់​ការ​អធិប្បាយ​ណា​មួយ​ បន្ទាប់​ពី​ជំនួប​របស់​លោក​ស្រី​ជាមួយ​លោក​ កឹម សុខា​នោះ​ទេ។

លោក កឹម សុខា​ ត្រូវ​បាន​អាជ្ញាធរ​កម្ពុជា​ចោទ​ថា​ បាន​ប្រព្រឹត្ត​អំពើ​ក្បត់​ជាតិ​ ដោយសារ​លោក​បាន​ឃុប​ឃិត​ជាមួយ​រដ្ឋាភិបាល​បរទេស​ប៉ុនប៉ង​ផ្តួល​រំលំ​រដ្ឋាភិបាល​ស្រប​ច្បាប់​របស់​លោក​នាយករដ្ឋមន្ត្រី​ហ៊ុន សែន។

ទោះបីលោក ​កឹម សុខា​ នៅ​ពេល​នេះ​មាន​សិទ្ធិ​ទទួល​ជួប​ភ្ញៀវជាតិ​ និង​អន្តរជាតិ​ក្តី តែ​មេដឹកនាំ​បក្ស​ជំទាស់​រូបនេះ​ នឹង​ត្រូវបាន​ចៅក្រម​ស៊ើបសួរ​សម្រេច​បន្ត​ដាក់​ឲ្យ​ស្ថិត​ក្រោម​ការ​ត្រួត​ពិនិត្យ​តាម​ផ្លូវ​តុលាការ​ ដោយ​ត្រូវ​ជាប់​កាតព្វកិច្ច​ ចំនួន​បី​ គឺ៖«មិន​ត្រូវ​ចេញ​ក្រៅ​ព្រំប្រទល់​ដែន​ដី​នៃ​ព្រះ​រាជាណាចក្រ​កម្ពុជា​ មិន​ត្រូវ​ធ្វើ​សកម្មភាព​នយោបាយ​ និង​ត្រូវ​ឆ្លើយ​តប​នឹង​ការ​កោះ​ហៅ​ពី​គ្រប់​សមត្ថកិច្ច»។

ក្រុម​អង្គការ​សិទ្ធិមនុស្ស​អន្តរជាតិ​បាន​ស្នើ​ឲ្យ​អាជ្ញាធរ​កម្ពុជា​ផ្តល់​សិទ្ធិ​ពេញ​លេញ​ដល់​លោក ​កឹម សុខា​ ឲ្យ​បាន​ធ្វើ​នយោបាយ​ឡើង​វិញ។​ ពួកគេ​ថា​ ការ​សម្រាល​លក្ខខណ្ឌ​ត្រឹម​ឲ្យ​អតីត​មេដឹក​នាំគណបក្សសង្គ្រោះ​ជាតិ​រូបនេះ​ ធ្វើ​ដំណើរ​តែក្នុងស្រុក និង​ត្រឹម​តែ​ជា​សាមញ្ញជន​នោះ​ គឺ​មិន​គ្រប់​គ្រាន់​ទេ។​

ដោយ​ឡែក​ លោក​ អេង​ ឆៃ​អ៊ាង​ អនុ​ប្រធាន​គណបក្ស​សង្គ្រោះ​ជាតិ​បាន​បញ្ជាក់​ឲ្យ​ដឹង​ពី​សកម្មភាព​នយោបាយ​ចុង​ក្រោយ​របស់​លោក​ សម រង្ស៊ី​ អតីត​ប្រធាន​គណបក្ស​សង្គ្រោះ​ជាតិ​ បន្ទាប់​ពី​លោក​ កឹម សុខា​ បាន​ទទួល​ពិភាក្សា​ជាមួយ​ឯកអគ្គរដ្ឋ​ទូត​បារំាង​ និង​អាមេរិកនៅ​ទីក្រុង​ភ្នំពេញ​នា​ថ្ងៃ​ច័ន្ទ​នេះ។

លោក​ អេង ឆៃអ៊ាង​ បាន​សរសេរ​លើ​គណនី​ហ្វេសប៊ុក​របស់​លោក​ក្នុង​ន័យ​ដើម​ថា៖«ថ្ងៃនេះ នៅ​ប្រទេស​កម្ពុជា​លោក​ប្រធាន​ កឹម សុខា​ បាន​ទទួល​ជួប​ឯកអគ្គ​រដ្ឋទូត​បារំាង​និង​សហរដ្ឋ​អាមេរិក។ ឯ​នៅ​ប្រទេស​ម៉ាឡេស៊ី​ លោក​ប្រធាន​ស្តី​ទី​សម រង្ស៊ី​ និង​ថ្នាក់​ដឹកនាំ​គណបក្ស​សង្គ្រោះ​ជាតិ​ បាន​ជួប​ជាមួយ​លោក​ Saifuddin Abdullah ​អគ្គលខាធិការ​គណបក្ស​សម្ព័ន្ធ​ម៉ាឡេស៊ី​ កំពុង​កាន់​អំណាច​ និង​ជា​រដ្ឋមន្ត្រី​ការ​បរទេស​ម៉ាឡេស៊ី»៕

What Next?

Recent Articles

One Response to "លោក កឹម សុខា ប្រកាស​ជា​លើក​ដំបូង​ក្រោយ​រួច​ពី​ការឃុំ​ក្នុង​ផ្ទះ​ថា សេរីភាព​របស់​លោក​នៅ​តែ​ត្រូវ​បាន​រឹតត្បិត"

  1. so socheath says:

    ឯ/ឧ គឹម សន្តិភាពថា កឹម សុខា ត្រូវបន្តអនុវត្តឲ្យបានខ្ជាប់ខ្ជួននូវកាតព្វកិច្ច ដែលកំណត់ដោយចៅក្រមស៉ើបសួរ បើពុំនោះទេចៅក្រមស៉ើបសួរ អាចសម្រេចឃុំខ្លួនវិញបាន
    (ភ្នំពេញ)៖ ឯ/ឧ គឹម សន្តិភាព អ្នកនាំពាក្យក្រសួងយុត្តិធម៌ បានថ្លែងថា អ្វីដែល កឹម សុខា អតីតប្រធានគណបក្សសង្គ្រោះជាតិត្រូវធ្វើ គឺបន្តអនុវត្តឲ្យបានខ្ជាប់ខ្ជួន នូវកាតព្វកិច្ចរបស់ខ្លួន ដែលកំណត់ដោយចៅក្រមស៉ើបសួរ បើពុំនោះទេចៅក្រមស៉ើបសួរ អាចសម្រេចឃុំខ្លួនបានឡើវិញបាន ដោយយោងតាមមាត្រា២៣០ នៃក្រមនីតិវិធីព្រហ្មទណ្ឌកម្ពុជា។
    ការចេញមុខមកបញ្ជាក់ពីមន្ត្រីជាន់ក្រសួងយុតិ្តធម៌ បានធ្វើឡើងបន្ទាប់ពីអ៊ូ ច័ន្ទរ័ត្ន អតីតតំណាង
    រាស្ត្រនៃអតីតគណបក្សសង្គ្រោះជាតិ បានបង្ហាញឆន្ទៈរបស់ខ្លួន ចង់ទៅជួបជជែកជាមួយ
    កឹម សុខា ពីការយកអាសនៈឃុំសង្កាត់មកវិញ។
    អ្នកនាំពាក្យក្រសួងយុត្តិធម៌ បានបញ្ជាក់យ៉ាងដូច្នេះថា៖ «អ្វីដែលកឹម សុខា ត្រូវធ្វើគឺបន្តអនុវត្តឲ្យបានខ្ជាប់ខ្ជួន នូវកាតព្វកិច្ចរបស់ខ្លួនដែលកំណត់ដោយចៅក្រមស៉ើបសួរ បើពុំនោះទេចៅក្រម
    ស៉ើបសួរអាចសម្រេចឃុំខ្លួនបាន យោងតាមមាត្រា ២៣០ នៃក្រមនីតិវិធីព្រហ្មទណ្ឌ។
    ហេតុនេះ ទាំង កឹម សុខា និងអ្នកដទៃ ត្រូវយល់អំពីបញ្ហានេះ និងចៀសវាងសកម្មភាពណា ដែលប៉ះពាល់ដល់ដំណើរការនីតិវិធីរបស់តុលាការ និងកាតព្វកិច្ចដែលត្រូវអនុវត្ត» ៕
    សូមបញ្ជាក់ថា នៅថ្ងៃទី១០ ខែវិច្ឆិកា ឆ្នាំ២០១៩ សាលាដំបូងរាជធានីភ្នំពេញ បានចេញសេចក្តីប្រកាសព័ត៌មានពិសេសមួយ ដោយសម្រេចដាក់លោក កឹម សុខា ឲ្យស្ថិតក្រោមការត្រួតពិនិត្យតាមផ្លូវតុលាការដដែល ប៉ុន្តែទទួលបានការបន្ធូរបន្ថយលក្ខខណ្ឌត្រួតពិនិត្យតាមផ្លូវកា
    ការទទួលបានការបន្ធូរបន្ថយកាតព្វកិច្ចនៅពេលនេះ ដោយសារជនត្រូវចោទលោក កឹម សុខា នាពេលកន្លងមកបានគោរពត្រឹមត្រូវតាមកាតព្វកិច្ច នៃការដាក់ឲ្យស្ថិតក្រោមការត្រួតពិនិត្យតាមផ្លូវតុលាការ ព្រមទាំងមានកិច្ចសហការល្អក្នុងដំណើរការនីតិវិធីតុលាការ ជាពិសេសបញ្ហាសុខភាពរបស់ជនត្រូវចោទដែលចាំបាច់ត្រូវពិនិត្យ និងព្យាបាល។
    សេចក្តីប្រកាសព័ត៌មានរបស់សាលាដំបូងរាជធានីភ្នំពេញ បានឲ្យដឹងថា ជនត្រូវចោទ
    ឈ្មោះ កឹម សុខា ត្រូវបានចៅក្រមស៊ើបសួរសម្រេចបន្តដាក់ឲ្យស្ថិត ក្រោមការត្រួតពិនិត្យតាមផ្លូវតុលាការ ដោយត្រូវជាប់កាតព្វកិច្ចដូចខាងក្រោម ៖
    ក៖ មិនត្រូវចេញក្រៅព្រំប្រទល់ដែនដីនៃព្រះរាជាណាចក្រកម្ពុជា។
    ខ៖ មិនត្រូវធ្វើសកម្មភាពនយោបាយ។
    គ៖ ត្រូវឆ្លើយតបនឹងការកោះហៅពីគ្រប់សមត្ថកិច្ច ។
    កឹម សុខា ត្រូវបានសមត្ថកិច្ចចាប់ខ្លួននៅថ្ងៃទី៣ ខែកញ្ញា ឆ្នាំ២០១៧ ពាក់ព័ន្ធនឹងការប្រព្រឹត្តអំពើ «ក្បត់ជាតិ» ឃុបឃិតជាមួយបរទេសផ្តួលរំលំ រាជរដ្ឋាភិបាលស្របច្បាប់ ហើយត្រូវបានឃុំខ្លួន នៅក្នុងពន្ធនាគារ ត្រពាំងផ្លុង ខេត្តត្បូងឃ្មុំ បន្ទាប់ពីបែកធ្លាយវីដេអូមួយដែលលោកនិយាយថា លោកអនុវត្តតាមការណែនាំពីបរទេស ដើម្បីធ្វើការផ្លាស់ប្តូរប្រទេសកម្ពុជា ដោយយកលំនាំតាមប្រទេសយូហ្គោស្លាវី និងប្រទេសស៊ែប៊ី ៕

Leave a Reply

Submit Comment