សហភាព​អឺរ៉ុប​បន្ត​ទទូច​ឱ្យ​ផ្តល់​សិទ្ធិ​នយោបាយ​ដល់​លោក កឹម សុខា

នយោបាយ
11 វិច្ឆិកា 2019
ម៉ែន គឹមសេង
វីអូអេខ្មែរ

លោក កឹម សុខា នៅ​គេហដ្ឋាន​របស់​លោក ក្នុង​រាជធានី​ភ្នំពេញ​ នៅ​​ព្រឹក​ថ្ងៃទី​១១​ ខែវិច្ឆិកា ឆ្នាំ២០១៩។ (ខាន់ សុគុំមនោ​/​VOA)
លោក កឹម សុខា នៅ​គេហដ្ឋាន​របស់​លោក ក្នុង​រាជធានី​ភ្នំពេញ​ នៅ​​ព្រឹក​ថ្ងៃទី​១១​ ខែវិច្ឆិកា ឆ្នាំ២០១៩។ (ខាន់ សុគុំមនោ​/​VOA)

សហភាព​អឺរ៉ុប ​បន្ត​ទាមទារ​ឱ្យ​រដ្ឋាភិបាល​កម្ពុជាផ្តល់សិទ្ធិ​នយោបាយ​ទាំងស្រុង​ដល់​លោក កឹម សុខា ​ប្រធាន​គណបក្ស​សង្គ្រោះ​ជាតិបន្ទាប់ពី​តុលាការ​បាន​ដោះលែង​លោក​ចេញ​ពីការឃុំឃាំង​ក្នុង​លំនៅដ្ឋាន​ដោយ​មាន​លក្ខខណ្ឌ​មិន​ឱ្យ​ធ្វើ​សកម្មភាព​នយោបាយ។

លោកស្រី ម៉ាចា កូស៊ីចាន់ស៊ីក (Maja Kocijancic) ​អ្នកនាំពាក្យ​សម្រាប់​នាយកដ្ឋាន​គោល​នយោ​បាយកិច្ចការ​បរទេស​ និង​សន្តិសុខ​របស់សហភាព​អឺរ៉ុប។
លោកស្រី ម៉ាចា កូស៊ីចាន់ស៊ីក (Maja Kocijancic) ​អ្នកនាំពាក្យ​សម្រាប់​នាយកដ្ឋាន​គោល​នយោ​បាយកិច្ចការ​បរទេស​ និង​សន្តិសុខ​របស់សហភាព​អឺរ៉ុប។

លោកស្រី ម៉ាចា កូស៊ីចាន់ស៊ីក (Maja Kocijancic) ​អ្នកនាំពាក្យ​សម្រាប់​នាយកដ្ឋាន​គោល​នយោ​បាយកិច្ចការ​បរទេស​និង​សន្តិសុខ​របស់សហភាព​អឺរ៉ុបបានបញ្ជាក់នៅក្នុងសេចក្តីថ្លែងការណ៍​មួយ​នៅ​ថ្ងៃច័ន្ទ​នេះ​ថា៖

«សហភាព​អឺរ៉ុប​សូម​បញ្ជាក់​ជាថ្មី​ពី​សារៈសំខាន់​នៃ​សកម្មភាព​បន្ទាន់​ដែល​អាជ្ញាធរ​កម្ពុជា​ត្រូវ​ធ្វើ​គឺ បើក​លំហរ​នយោបាយ​នៅ​ក្នុង​ប្រទេស​នេះ​ បង្កើត​លក្ខខណ្ឌ​ចាំបាច់​ឱ្យ​មាន​គណបក្ស​ប្រឆាំង​តាម​លទ្ធិ​ប្រជាធិបតេយ្យ​ដែលគួរឱ្យ​ទុកចិត្ត​បាន​និង​បង្កើត​ដំណើរការ​ផ្សះផ្សារជាតិ​តាម​រយៈ​ការ​ចរចា​ពិតប្រាកដ​និង​មាន​ការចូលរួម​គ្រប់​ភាគីទាំងអស់។ ជាពិសេស​ យើង​រំពឹង​ថាលោក​កឹម សុខា ​នឹង​ត្រូវ​បានដោះលែង​ទាំងស្រុង​ហើយ​សិទ្ធិ​នយោបាយ​របស់​លោក​ត្រូវ​បាន​ស្តារឡើងវិញ​ដើម្បី​ឱ្យ​លោក​ដើរ​តួនាទី​ពេញលេញ​ក្នុង​ឆាកនយោបាយ‍»។

តុលាការ​រាជធានី​ភ្នំពេញ​បាន​ផ្តល់​សេរីភាពដល់​លោកកឹមសុខា​មួយ​ជំហានកាលពី​ថ្ងៃអាទិត្យដោយ​ដោះលែង​លោក​ឱ្យ​នៅក្រៅឃុំ​ឃាំង​ក្នុង​លំនៅដ្ឋាន​ប៉ុន្តែ​ហាមឃាត់​មិន​ឱ្យ​ចាកចេញ​ពី​ប្រទេស​និង​ធ្វើ​សកម្មភាព​នយោបាយ។

សហភាព​អឺរ៉ុប​បាន​ចាត់​ទុកថា​នេះ​គ្រាន់តែជា ​«ជំហាន​ទីមួយ​ឆ្ពោះទៅ​គោលដៅ​ត្រឹមត្រូវ‍»​ហើយ​ក៏​បាន​ទាមទារ​ឱ្យ​រដ្ឋាភិបាល​កម្ពុជា​ប្រគល់​សិទ្ធិ​នយោបាយ​ដល់មន្ត្រី​ទាំងអស់​របស់​អតីតគណបក្ស​ប្រឆាំង​នេះ​ក៏ដូចជា​ការដោះលែង​អ្នកទោស​នយោបាយ​ដែល​កំពុង​ជាប់ឃុំឃាំង។

សហភាព​អឺរ៉ុប​គ្រោង​នឹង​ប្រកាស​ពី​ការដាក់ឬ​មិន​ដាក់​ទណ្ឌកម្ម​សេដ្ឋកិច្ច​កម្ពុជា​នៅ​សប្តាហ៍​នេះ​តាម​រយៈ​ការ​ព្យួរ​ប្រព័ន្ធ​អនុគ្រោះពន្ធ​«គ្រប់មុខ​ទំនិញ​លើកលែង​សព្វាវុធ‍» (EBA) ​ដោយ​សារតែ​ការធ្លាក់​ចុះ​ខាង​ផ្នែក​សិទ្ធិ​មនុស្ស​និង​លទ្ធិប្រជាធិបតេយ្យ​នៅ​កម្ពុជា​ក្នុង​រយៈពេល​ជាង​២ឆ្នាំ​កន្លង​មកនេះ។

គណបក្ស​សង្គ្រោះ​ជាតិ​ត្រូវ​តុលាការ​រំលាយ​កាលពី​ជាង​២ឆ្នាំមុន​ហើយ​បាន​ហាមឃាត់​មន្ត្រី​គណបក្ស​ចំនួន​១១៨នាក់​មិន​ឱ្យ​ធ្វើ​នយោបាយដែល​នាំ​ឱ្យ​ពួកគេ​ខ្លះ​បាន​រត់ភៀសខ្លួន​ចេញពី​ប្រទេស​។ រហូត​មក​ដល់​ពេលនេះ​មាន​អតីត​សកម្មជន​និង​មន្ត្រី​គណបក្ស​ប្រឆាំង​ចំនួន​៥០នាក់​ត្រូវ​បាន​តុលាការ​ឃុំឃំាង​ពីបទចូលរួម​សកម្មភាព​ផ្តួល​រំលំ​រដ្ឋាភិបាល​របស់​លោក​នាយករដ្ឋ​មន្ត្រី​ហ៊ុនសែន​។ ជាពិសេស​ក្រោយពី​លោក​សម រង្ស៊ី​ប្រធាន​ស្តីទី​គណបក្ស​បាន​ប្រកាស​ពី​គម្រោង​វិល​មក​ប្រទេស​កម្ពុជា​នៅថ្ងៃទី​៩ខែ​វិច្ឆិកា៕​

What Next?

Recent Articles

2 Responses to "សហភាព​អឺរ៉ុប​បន្ត​ទទូច​ឱ្យ​ផ្តល់​សិទ្ធិ​នយោបាយ​ដល់​លោក កឹម សុខា"

  1. Anonymous says:

    you can see just five hours after my comment my word is coming true. I said EU and the US all those silver eyes people are not that dump. isn’t it right that they come to give you one more clue. do not playing game Mr I mean all Mr CHESS in Cambodia

  2. so socheath says:

    ឯ/ឧ គឹម សន្តិភាពថា កឹម សុខា ត្រូវបន្តអនុវត្តឲ្យបានខ្ជាប់ខ្ជួននូវកាតព្វកិច្ច ដែលកំណត់ដោយចៅក្រមស៉ើបសួរ បើពុំនោះទេចៅក្រមស៉ើបសួរ អាចសម្រេចឃុំខ្លួនវិញបាន
    (ភ្នំពេញ)៖ ឯ/ឧ គឹម សន្តិភាព អ្នកនាំពាក្យក្រសួងយុត្តិធម៌ បានថ្លែងថា អ្វីដែល កឹម សុខា អតីតប្រធានគណបក្សសង្គ្រោះជាតិត្រូវធ្វើ គឺបន្តអនុវត្តឲ្យបានខ្ជាប់ខ្ជួន នូវកាតព្វកិច្ចរបស់ខ្លួន ដែលកំណត់ដោយចៅក្រមស៉ើបសួរ បើពុំនោះទេចៅក្រមស៉ើបសួរ អាចសម្រេចឃុំខ្លួនបានឡើវិញបាន ដោយយោងតាមមាត្រា២៣០ នៃក្រមនីតិវិធីព្រហ្មទណ្ឌកម្ពុជា។
    ការចេញមុខមកបញ្ជាក់ពីមន្ត្រីជាន់ក្រសួងយុតិ្តធម៌ បានធ្វើឡើងបន្ទាប់ពីអ៊ូ ច័ន្ទរ័ត្ន អតីតតំណាង
    រាស្ត្រនៃអតីតគណបក្សសង្គ្រោះជាតិ បានបង្ហាញឆន្ទៈរបស់ខ្លួន ចង់ទៅជួបជជែកជាមួយ
    កឹម សុខា ពីការយកអាសនៈឃុំសង្កាត់មកវិញ។
    អ្នកនាំពាក្យក្រសួងយុត្តិធម៌ បានបញ្ជាក់យ៉ាងដូច្នេះថា៖ «អ្វីដែលកឹម សុខា ត្រូវធ្វើគឺបន្តអនុវត្តឲ្យបានខ្ជាប់ខ្ជួន នូវកាតព្វកិច្ចរបស់ខ្លួនដែលកំណត់ដោយចៅក្រមស៉ើបសួរ បើពុំនោះទេចៅក្រម
    ស៉ើបសួរអាចសម្រេចឃុំខ្លួនបាន យោងតាមមាត្រា ២៣០ នៃក្រមនីតិវិធីព្រហ្មទណ្ឌ។
    ហេតុនេះ ទាំង កឹម សុខា និងអ្នកដទៃ ត្រូវយល់អំពីបញ្ហានេះ និងចៀសវាងសកម្មភាពណា ដែលប៉ះពាល់ដល់ដំណើរការនីតិវិធីរបស់តុលាការ និងកាតព្វកិច្ចដែលត្រូវអនុវត្ត» ៕
    សូមបញ្ជាក់ថា នៅថ្ងៃទី១០ ខែវិច្ឆិកា ឆ្នាំ២០១៩ សាលាដំបូងរាជធានីភ្នំពេញ បានចេញសេចក្តីប្រកាសព័ត៌មានពិសេសមួយ ដោយសម្រេចដាក់លោក កឹម សុខា ឲ្យស្ថិតក្រោមការត្រួតពិនិត្យតាមផ្លូវតុលាការដដែល ប៉ុន្តែទទួលបានការបន្ធូរបន្ថយលក្ខខណ្ឌត្រួតពិនិត្យតាមផ្លូវកា
    ការទទួលបានការបន្ធូរបន្ថយកាតព្វកិច្ចនៅពេលនេះ ដោយសារជនត្រូវចោទលោក កឹម សុខា នាពេលកន្លងមកបានគោរពត្រឹមត្រូវតាមកាតព្វកិច្ច នៃការដាក់ឲ្យស្ថិតក្រោមការត្រួតពិនិត្យតាមផ្លូវតុលាការ ព្រមទាំងមានកិច្ចសហការល្អក្នុងដំណើរការនីតិវិធីតុលាការ ជាពិសេសបញ្ហាសុខភាពរបស់ជនត្រូវចោទដែលចាំបាច់ត្រូវពិនិត្យ និងព្យាបាល។
    សេចក្តីប្រកាសព័ត៌មានរបស់សាលាដំបូងរាជធានីភ្នំពេញ បានឲ្យដឹងថា ជនត្រូវចោទ
    ឈ្មោះ កឹម សុខា ត្រូវបានចៅក្រមស៊ើបសួរសម្រេចបន្តដាក់ឲ្យស្ថិត ក្រោមការត្រួតពិនិត្យតាមផ្លូវតុលាការ ដោយត្រូវជាប់កាតព្វកិច្ចដូចខាងក្រោម ៖
    ក៖ មិនត្រូវចេញក្រៅព្រំប្រទល់ដែនដីនៃព្រះរាជាណាចក្រកម្ពុជា។
    ខ៖ មិនត្រូវធ្វើសកម្មភាពនយោបាយ។
    គ៖ ត្រូវឆ្លើយតបនឹងការកោះហៅពីគ្រប់សមត្ថកិច្ច ។
    កឹម សុខា ត្រូវបានសមត្ថកិច្ចចាប់ខ្លួននៅថ្ងៃទី៣ ខែកញ្ញា ឆ្នាំ២០១៧ ពាក់ព័ន្ធនឹងការប្រព្រឹត្តអំពើ «ក្បត់ជាតិ» ឃុបឃិតជាមួយបរទេសផ្តួលរំលំ រាជរដ្ឋាភិបាលស្របច្បាប់ ហើយត្រូវបានឃុំខ្លួន នៅក្នុងពន្ធនាគារ ត្រពាំងផ្លុង ខេត្តត្បូងឃ្មុំ បន្ទាប់ពីបែកធ្លាយវីដេអូមួយដែលលោកនិយាយថា លោកអនុវត្តតាមការណែនាំពីបរទេស ដើម្បីធ្វើការផ្លាស់ប្តូរប្រទេសកម្ពុជា ដោយយកលំនាំតាមប្រទេសយូហ្គោស្លាវី និងប្រទេសស៊ែប៊ី ៕

Leave a Reply

Submit Comment