ដោយ ជាតិ ចំណាន
2019-12-11
RFA
លោក ទ្រី ភាព (ឆ្វេង) និងលោក គន់ គីម ស្ដាំ (រូប៖ ហ្វេសប៊ុក)
ពលរដ្ឋ និងសកម្មជនបរិស្ថានស្វាគមន៍ចំណាត់ការរបស់អាមេរិកដែលបានសម្រេចដាក់ទណ្ឌកម្មបង្កកទ្រព្យសម្បត្តិឈ្មួញព្រៃឈើ លោក ទ្រី ភាព និង លោក គន់ គីម និងក្រុមគ្រួសារមន្ត្រីរូបនេះ។ មន្រ្តីអ្នកនាំពាក្យរបបក្រុងភ្នំពេញអះអាងថា របបក្រុងភ្នំពេញនឹងស្វែងរកការពិត និងដោះបន្ទុកក្នុងកិច្ចការពារប្រកបដោយយុត្តិធម៌ និងសុចរិតភាពលើបុគ្គល ដែលទទួលរងការចោទប្រកាន់នេះ។
ពលរដ្ឋ និងសកម្មជនបរិស្ថានយល់ថា ទណ្ឌកម្មថ្មីរបស់សហរដ្ឋអាមេរិកពេលនេះជាការព្រមានដល់លោក ហ៊ុន សែន និងមន្ត្រីជាន់ខ្ពស់នៃរបបក្រុងភ្នំពេញផ្សេងទៀតថា កុំព្យាយាមបំផ្លាញទ្រព្យសម្បត្តិជាតិ និងត្រូវងាកមកគោរពសិទ្ធិ និងប្រជាធិបតេយ្យឡើងវិញ។
សកម្មជនបរិស្ថាននៃអង្គការមាតាធម្មជាតិ លោក ថុន រដ្ឋា យល់ថា ការដែលក្រសួងរតនាគារអាមេរិកឈានដល់ការសម្រេចដាក់ទណ្ឌកម្មបង្កក ឬរាំងខ្ទប់ទ្រព្យសម្បត្តិឈ្មួញ និងមន្ត្រីជំនិតរបស់លោក ហ៊ុន សែន ពេលនេះគឺស្ថាប័ននេះបានការសិក្សា និងស្រាវជ្រាវត្រឹមត្រូវ។ លោក យល់ថា នឹងអាចមានមន្ត្រី ឬឈ្មួញបាត់ដៃកខ្វក់ផ្សេងទៀតអាចត្រូវរងទណ្ឌកម្មបែបនេះដូចគ្នា ព្រោះសង្កេតឃើញថានៅមានមន្ត្រី ឬឈ្មួញផ្សេងទៀតដែលបានបំផ្លាញធនធានធម្មជាតិ និងប្រព្រឹត្តអំពើពុករលួយ៖ «អ្វីដែលគេ (សហរដ្ឋអាមេរិក) ធ្វើមានភស្តុតាងច្បាស់លាស់បញ្ជាក់ថា លោក ទ្រី ភាព ក៏ដូចជាមន្រ្តីមួយចំនួនរបស់របបលោក ហ៊ុន សែន ពិតជាពាក់ព័ន្ធនឹងអំពើពុករលួយប្រាកដមែន»។
សកម្មជនបរិស្ថានរូបនេះកត់សម្គាល់ឃើញថា ទោះកម្ពុជាមានតុលាការ និងអង្គភាពប្រឆាំងអំពើពុករលួយក្តី ប៉ុន្តែស្ថាប័នទាំងនោះមិនបានចាត់វិធានការលើមន្ត្រីគ្រាក់ៗ នៃរដ្ឋាភិបាល លោក ហ៊ុន សែន ទេ។ ទោះបែបនេះ លោក ថុន រដ្ឋា យល់ថា នេះជារឿងសំខាន់មួយដែលផ្ញើសារទៅមន្ត្រី និងឈ្មួញផ្សេងទៀតកុំឲ្យគិតថា ខ្លួនឯងអាចធ្វើអ្វីតាមតែចិត្តបាននោះ៖ «យើងមិនមានជំនឿចិត្តទៅលើប្រព័ន្ធតុលាការនៅកម្ពុជា អ៊ីចឹងយើងមានជំនឿលើប្រព័ន្ធច្បាប់ ឬហៅថា អង្គភាពនៅសហរដ្ឋអាមេរិកហើយយើងជឿថា មិនត្រឹមតែលោកឧកញ៉ា ទ្រី ភាព ទេ យើងក៏សង្ឃឹមនឹងបន្តទៀតទៅលើមន្រ្តីផ្សេងទៀត ដែលប្រព្រឹត្តអំពើពុករលួយជាដើម»។
ចំណែកពលរដ្ឋម្នាក់ទៀត លោក ណែម តារា លើកឡើងថា ទណ្ឌកម្មនេះជារឿងល្អហើយ ប៉ុន្តែលោកយល់ថា វិធានការរបស់សហរដ្ឋអាមេរិកពេលនេះហាក់យឺតពេលបន្តិច ព្រោះលោកសង្កេតឃើញថា ព្រៃឈើមួយភាគធំរបស់កម្ពុជាបានបាត់ទៅហើយ។ ពលរដ្ឋរូបនេះយល់ថា ដើម្បីអាចការពារធនធានធម្មជាតិ ឬព្រៃឈើនៅសល់ឲ្យនៅគង់វង្សបាន លុះត្រាណាសហរដ្ឋអាមេរិកមានវិធានការលើរបបក្រុងភ្នំពេញដោយអនុញ្ញាតឲ្យគណបក្សសង្គ្រោះជាតិ និងក្រុមប្រឹក្សាឃុំសង្កាត់គណបក្សនេះអាចរស់ឡើងវិញ ទើបអាចក្លាយជាភ្នែកជាច្រមុះនៅមូលដ្ឋានក្នុងកិច្ចការពារធនធានធម្មជាតិ៖ «អ៊ីចឹងវិធានការត្រូវបើកសិទ្ធិមកវិញឲ្យប្រជាពលរដ្ឋ ឲ្យនិស្សិត ប្រជាជន សកម្មជនទាំងអស់ហ្នឹងជួយការពារបរិស្ថាន ហើយជាពិសេសគឺដាក់មេឃុំមកវិញ មេឃុំចៅសង្កាត់គណបក្សប្រឆាំងដែលគេរំលាយ គាត់ជាភ្នែកជាច្រមុះ»។
ចំណែកពលរដ្ឋម្នាក់លោកស្រី ឃុន សាវរ៉ាន់ យល់ថា វិធានការរបស់សហរដ្ឋអាមេរិកនៅពេលនេះគឺ បានដាក់ចំគោលដៅល្អណាស់ ព្រោះបុគ្គលទាំងពីររូបនេះ សុទ្ធតែមានបាតដៃកខ្វក់ក្នុងការបំផ្លាញធនធានធម្មជាតិរបស់កម្ពុជា និងចូលរួមរំលោភសិទ្ធិមនុស្សយ៉ាងធ្ងន់ធ្ងរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ក្រសួងការបរទេសកម្ពុជាថា ទណ្ឌកម្មលើឧកញ៉ា ទ្រី ភាព និងលោក គន់ គីម ធ្វើឡើងដោយគ្មានមូលដ្ឋាន
- ព្រឹទ្ធសភារបបក្រុងភ្នំពេញអនុម័តកញ្ចប់ថវិកាជាតិឆ្នាំ២០២០ ដោយឥតកែប្រែ
- សាលាឧទ្ធរណ៍ នឹងប្រកាសសាលដីកាសុំនៅក្រៅឃុំបណ្ដោះអាសន្ន របស់លោក ម៉ៃ ហុងស្រៀង នៅថ្ងៃទី១២ ធ្នូ
- តុលាការគ្រោងជម្រះក្តីលោក កឹម សុខា នៅពាក់កណ្ដាលខែមករា ឆ្នាំ២០២០
- ម៉ាឡេស៊ីធ្វើច្បាប់កំណត់អាណត្តិនាយករដ្ឋមន្ត្រី ដើម្បីបង្ការកុំឱ្យមេដឹកនាំផ្ដាច់ការនិងពុករលួយ
- វៀតណាមតាមដានយ៉ាងដិតដល់រឿងរបបភ្នំពេញឱ្យដី ៤០ហិកតារដល់ពលរដ្ឋរបស់ខ្លួន
- សកម្មជនបក្សប្រឆាំងនៅថៃប្ដេជ្ញារួមកម្លាំងគ្នាបន្តសកម្មភាពនយោបាយដើម្បីស្ដារប្រជាធិបតេយ្យនៅកម្ពុជា
- ស្ថានទូតអាមេរិកខកចិត្តនឹងមន្ត្រីនាំពាក្យអគ្គបញ្ជាការកងទ័ពកម្ពុជាដែលនិយាយមិនពិតជុំវិញជំហរអាមេរិករឿងមូលដ្ឋានទ័ពចិននៅរាម
- សកម្មជនបក្សប្រឆាំងលោក តោ និមល ថា លោកត្រូវបានសមត្ថកិច្ចបង្ខំឱ្យសារភាព
- ក្រសួងការបរទេសមោឃភាពលិខិតឆ្លងដែនសកម្មជនបក្សប្រឆាំង ២៧នាក់
I think every one knew what my comment last two week . I said >>EU. and US will choke HUN SEN to dead if he not showing a new direction , or change to what they asking for. please keep watching every one do or die is the only answer . please do not under estimate what they are going to do in the near future. GOD bless Cambodia
ហាស ! ហាស
អាពូជសំផឹង(Anonymous) ចេះតែមានហ្មង !
ស្អី ! អាមេរិក ច្របាច់ក ហ៊ុនសែនឲ្យស្លាប់ ?
ហ៊ុនសែន ទៅលេងហ្គោល ជាមួយត្រាំ ស្អែក ខានស្អែកហើយហ្នឹង !
គឹតទៅពួកពូជសំផឹង បក្សសង្គ្រោះ តែកាដួយ ហើយហ្នឹងក្ត សុទ្ធ តែពួកអាឡប់ មីឡប់សតិមែន ។
HAS……… why don’t you say not reflect the true situation?? these two men did not do any thing at all the US love him so much that right they put them in black list. how about you SO SOCHEATH did you getting clos to the air plan wells yet we want you to come to US and see how poor they are. I do not care about PAK SANGGROUS KADOUY that was your word all I care is all of AH CHESS you and your boss not hurt my nation that I have been born from. do you understand what I mean Cambodian is not your belonging or your boss privet property OK. if you are that dump just shut up and swear to GOD that you speak every thing is the true.