ដោយ អាស៊ីសេរី
2020-02-11
អាស៊ីសេរី
លោកនាយករដ្ឋមន្ត្រី ហ៊ុន សែន ក្នុងពិធីប្រារព្ធទិវា ៧ មករា ថ្ងៃទី៧ ខែមករា ឆ្នាំ២០២០។
រូប៖ ហ្វេសប៊ុកលោក ហ៊ុន សែន
ពលករខ្មែរមួយចំនួនធ្វើការនៅប្រទេសថៃប្រតិកម្មនឹងការលើកឡើងរបស់លោកនាយករដ្ឋមន្ត្រី ហ៊ុន សែន ដែលមិនធ្វើតាមអនុសាសន៍របស់សហភាពអឺរ៉ុបឱ្យស្ដារប្រជាធិបតេយ្យឡើងវិញ ដើម្បីរក្សាការអនុគ្រោះពន្ធ EBA ថា ជាការធ្វើឡើងដើម្បីតែរក្សាអំណាចរបស់ខ្លួនទៅមុខទៀត ដោយមិនគិតពីប្រជាពលរដ្ឋក្រីក្រឡើយ។
ពលករខ្មែរធ្វើការនៅប្រទេសថៃអំពាវនាវឱ្យពលរដ្ឋនៅក្នុងស្រុកងើបតវ៉ាបណ្ដេញលោក ហ៊ុន សែន ចេញពីតំណែង ដើម្បីរក្សាពន្ធ EBA ពីសហភាពអឺរ៉ុប។
ពលករធ្វើនៅខេត្តសមុទ្រប្រាកាណ (Samut Prakan) លោក ថន ស្ដើង ថ្លែងនៅថ្ងៃទី១១ កុម្ភៈថា ប្រព័ន្ធអនុគ្រោះពន្ធ EBA ជារឿងសំខាន់ដល់ការរកប្រាក់ចំណូលរបស់ពលរដ្ឋ ដោយមិនអាចអត់បានឡើយ ពីព្រោះជួយឱ្យពលរដ្ឋក្រីក្ររាប់សែននាក់មានការងារធ្វើដោយមិនបាច់ធ្វើចំណាកស្រុកទៅក្រៅប្រទេសឡើយ។ពលកររូបនេះ បន្ថែមទៀតថា ពួកគាត់ធ្វើការនៅប្រទេសថៃ ត្រូវថៅកែមើលងាយមើលថោក និងចំណាយប្រាក់កាសធ្វើលិខិតស្នាមអស់ច្រើន ដើម្បីបានធ្វើការស្របច្បាប់ ដូច្នេះលោកមិនគាំទ្រនឹងសម្ដីរបស់លោក ហ៊ុន សែន ដែលទុកឱ្យសហភាពអឺរ៉ុបព្យួរ EBA នោះឡើយ៖ «អីចឹងអ្វីដែលលោក ហ៊ុន សែន ហ្នឹងគឺ ដើម្បីតែក្រុមគ្រួសារបក្សពួកគាត់ទេ អ្វីដែលជាតិបាត់បង់ ប្រជាពលរដ្ឋអត់ការងារធ្វើ គឺគាត់អត់បានការព្រួយបារម្ភផង ព្រោះលោក ហ៊ុន សែន និងកូនចៅរបស់គាត់បានកេងប្រវ័ញ្ចទ្រព្យសម្បត្តិជាតិ មានលុយចាយមិនអស់ ដែលប្រជាពលរដ្ឋស្លូតត្រង់ទៅធ្វើខ្ញុំគេនៅប្រទេសថៃយ៉ាងលំបាកវេទនា»។
ស្រដៀងគ្នានេះដែរពលករខ្មែរនៅខេត្តរ៉ាក់យ៉ង (Rayong) លោក សាន សំបូរ វិញ ថ្លែងថា មេដឹកនាំរដ្ឋាភិបាលក្រុងភ្នំពេញ ធ្វើការដើម្បីតែរក្សាអំណាចរបស់ខ្លួន ទើបមិនធ្វើតាមសហភាពអឺរ៉ុបបែបនេះ។ លោកចាត់ទុកសម្ដីរបស់លោក ហ៊ុន សែន នេះថា ជាទង្វើក្បត់ជាតិ ពីព្រោះធ្វើឱ្យខូចប្រយោជន៍របស់ពលរដ្ឋពិតប្រាកដ៖ «គាត់ខ្វល់ពីអំណាចគាត់ខ្វល់ពីបក្សរបស់គាត់មិនខ្វល់ពីប្រជាពលរដ្ឋ ខ្ញុំឃើញទង្វើរបស់គាត់អ៊ីចឹងខ្ញុំមិនពេញចិត្តទេ។ បើគាត់ជាមេដឹកនាំល្អគាត់ដោះស្រាយជូនប្រជាពលរដ្ឋ ហើយរឿង EBA ហ្នឹង បើគាត់មិនដោះស្រាយទេ ដឹងតែចប់ហើយខ្មែរយើងហ្នឹងធ្វើចំណាកស្រុកកាន់តែច្រើនឡើង ហើយកាន់តែក្រខ្លាំង។ ខ្ញុំសោកស្ដាយយ៉ាងខ្លាំងព្រោះខ្ញុំជាកូនខ្មែរ ឃើញមេដឹកនាំ ហ៊ុន សែន ជាមេដឹកនាំមិនល្អ មិនចេះដោះស្រាយទុក្ខលំបាករបស់ប្រជាពលរដ្ឋអ៊ីចឹង។ ខ្ញុំចង់បានមេដឹកនាំណាល្អចេះដោះស្រាយទុក្ខលំបាកជូនពលរដ្ឋ និងចេះការពារ EBA»។
ប្រតិកម្មរបស់ពលករខ្មែរនេះ បន្ទាប់ពីលោក ហ៊ុន សែន បានប្រកាសជាថ្មីទៀតថា លោកមិនខ្វល់ពីការបាត់បង់ EBA ពីកម្ពុជាឡើយ។លោក ហ៊ុន សែន មានប្រសាសន៍នៅក្នុងពិធីបើកការដ្ឋានស្ថាបនាផ្លូវជាតិលេខ២ឡើងវិញនៅព្រឹកថ្ងៃទី១១ កុម្ភៈថា ទោះបីស្ថិតក្នុងស្ថានការណ៍បែបណាក៏ដោយក៏មិនអាចយកសន្តិភាព អធិបតេយ្យរបស់ជាតិទៅប្ដូរយកការអនុគ្រោះពន្ធ EBA របស់សហភាពអឺរ៉ុបបានដែរ៖ «ប្រសិនបើគេមិនយល់ពីយើងហើយចាប់បង្ខំយើងក៏យើងមិនព្រមតាមដែរ។ យើងធ្លាប់ភ្លក់រស់ជាតិរួចមកហើយនៃសង្គ្រាមសោកនាដកម្មរាប់មិនអស់ ដែលពួកគេបានកសាងឡើងសម្រាប់យើង។ អ៊ីចឹងសូមអំពាវនាវដល់ប្រជាពលរដ្ឋទូទាំងប្រទេសសូមងើបឈរឡើងទាំងគ្នា ដើម្បីការពារឯករាជ្យ អធិបតេយ្យភាព និងសន្តិភាពរបស់កម្ពុជា»។
ផ្ទុយពីការលើកឡើងរបស់លោក ហ៊ុន សែន នេះ មេសហជីពនៅកម្ពុជាយល់ថា ការយល់ព្រមធ្វើតាមអនុសាសន៍របស់សហភាពអឺរ៉ុបមិនធ្វើឱ្យកម្ពុជា បាត់បង់សន្តិភាពនិងអធិបតេយ្យរបស់ជាតិនោះឡើយ។
ប្រធានសហជីពកម្ពុជា លោក អាត់ ធន មានប្រសាសន៍ថា រដ្ឋាភិបាលមិនធ្វើតាមសំណើរបស់អឺរ៉ុបនឹងធ្វើឱ្យកម្ពុជាខាតបង់អត្ថប្រយោជន៍ជាច្រើន ជាពិសេសធ្វើឱ្យកម្មកររោងចក្រជាច្រើនប្រឈមនឹងអត់ការងារ ដោយសារត្រូវរោងចក្របិទទ្វារមិនដំណើរការ បាត់បង់ការអនុគ្រោះពន្ធ EBA៖ «យើងអត់ចង់ឃើញការមិនត្រូវគ្នារវាងរដ្ឋាភិបាលហ្នឹងសហភាពអឺរ៉ុបរហូតដល់មានការកាត់ប្រព័ន្ធការអនុគ្រោះទេ។អ៊ីចឹងបើទោះបីជាកាត់ក្នុងទំហំតិច ឬច្រើនយ៉ាងណាក៏ដោយ កាលណាកាត់ទៅយើងបារម្ភខ្លាចប៉ះពាល់ទៅដល់ការងាររបស់កម្មករ និងនិយោជិក ហើយយើងក៏មិនដឹងរដ្ឋាភិបាល គាត់និយាយបែបហ្នឹង គាត់មានអ្វីដើម្បីជំនួស នៅពេលដែលកម្មករបាត់បង់ការងារយើងអត់ទាន់ដឹងទេ»។
របាយការណ៍បឋមរបស់គណៈកម្មការអឺរ៉ុប កាលពីថ្ងៃទី១២ ខែវិច្ឆិកាកន្លងទៅ ស្ដីពីការព្យួរការអនុគ្រោះពន្ធ EBA ដែលមានកម្រាស់ ៧០ទំព័រ ដែលអាស៊ីសេរីទទួលបានបង្ហាញថា បញ្ហារំលោភសិទ្ធិមនុស្ស និងបំផ្លាញប្រជាអធិបតេយ្យ ដែលគណៈកម្មការនេះ បានស្នើឲ្យស្ដារឡើងវិញនោះ រឹតតែអាក្រក់ជាងមុន។ ទោះជាយ៉ាងនេះក្តី គណៈកម្មការអឺរ៉ុបទទួលស្គាល់ថា មានការប្រសើរឡើងខ្លះដែរ ក្នុងផ្នែកសិទ្ធិដីធ្លី និងសិទ្ធិការងារ។ ប៉ុន្តែ គណៈកម្មការថា ភាពប្រសើរឡើងខ្លះនេះ គឺនៅតិចតួចណាស់ ដែលមិនគ្រប់គ្រាន់ ក្នុងការបំពេញតាមលក្ខខណ្ឌ ដែលអាចបន្តទទួលបានការអនុគ្រោះពន្ធ EBA តទៅទៀតនោះទេ។
គណៈកម្មការអឺរ៉ុបគ្រោងប្រកាសលទ្ធផលនៃសេចក្ដីសម្រេចរបស់ខ្លួនស្ដីពីការព្យួរ ឬមិនព្យួរ ឬព្យួរខ្លះនូវប្រព័ន្ធអនុគ្រោះពន្ធ EBA ជាផ្លូវការដល់កម្ពុជានៅថ្ងៃទី១២ ខែកុម្ភៈនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- អ្នកទោសនយោបាយថ្វាយលិខិតសុំព្រះមហាក្សត្រធ្វើអន្តរាគមន៍ទៅលោក ហ៊ុន សែន ឱ្យដោះស្រាយរឿង EBA
- ឯកសារសមាជិកសភាអឺរ៉ុបបង្ហាញថា គណៈកម្មការអឺរ៉ុប នឹងព្យួរប្រព័ន្ធអនុគ្រោះពន្ធ EBA ពីកម្ពុជា ដោយផ្នែក មិនមែនទាំងស្រុងនោះទេ
- សមាគមសម្ព័ន្ធនិស្សិតបញ្ញវន្តខ្មែរចេញសេចក្ដីថ្លែងការណ៍ បារម្ភពីការកាត់ផ្ដាច់ប្រព័ន្ធអនុគ្រោះពន្ធប៉ះពាល់សេដ្ឋកិច្ចពលរដ្ឋ
- អ្នកជំនាញថា អឺរ៉ុបអាចនឹងមិនព្យួរ EBA ទាំងស្រុងពីកម្ពុជា ដើម្បីរក្សាទំនាក់ទំនងការទូត និងមនុស្សធម៌
- អង្ករនាំចេញទៅផ្សារអឺរ៉ុបនៅតែបន្តធ្លាក់ចុះ ក្រោយសហភាពអឺរ៉ុបយកពន្ធលើអង្ករខ្មែរ
- រដ្ឋាភិបាលកម្ពុជាបានសម្រេចប្ដូរឈ្មោះក្រសួងឧស្សាហកម្ម ដើម្បីឆ្លើយតបទៅនឹងតម្រូវការអភិវឌ្ឍសេដ្ឋកិច្ច និងសង្គម
- ក្រុមមគ្គុទ្ទេសក៍អង្គរថា ភ្ញៀវទេសចរចិនធ្លាក់ចុះខ្លាំង ក្រោយពីផ្ទុះមេរោគ កូរ៉ូណា
- អ្នកនាំភ្ញៀវទេសចរនៅសៀមរាបរិះគន់របាយការណ៍ក្រសួងទេសចរណ៍ ថា មិនឆ្លុះបញ្ចាំងការពិត
- កម្ពុជា និងចិនបញ្ចប់កិច្ចចរចាលើកទី១ ស្ដីពីការបង្កើតកិច្ចព្រមព្រៀងពាណិជ្ជកម្មសេរី
- បក្សកាន់អំណាចគ្រោងកែប្រែលក្ខន្តិកៈគណបក្ស ដើម្បីឆ្លើយតបនឹងសភាពការណ៍សព្វថ្ងៃ
បើអោយគាត់គិតពីEBAដូចអោយCPPដើរចូលភ្លើង រឿងEBAចំពោះគាត់មិនមែនរឿងលុយឬសេដ្ឋកិច្ចទេគឺរឿងគាត់មិនអាចបើកអោយCNRP រស់ឡើងវិញ បើធ្វើ សហភាពអឺរ៉ុបនោះដូចយកCPPមកលេងជាមួយអន្ទាក់ មិនល្អទេ អស់ប៉ុន្មានក៏មិន យកEBAដែរ។
ក្រុមភេរវកម្ម ដែលច្បាប់មិនត្រូវអត់អោន
*******
ការលើកឡើងការគំរាមកំហែងពីការព្យួរការអនុគ្រោះពន្ធ EBA និងការអនុគ្រោះពន្ធនាំទំនិញទៅកាន់
សហរដ្ឋអាមេរិក GSP ត្រូវបានអាក្បត់ជាតិសមរង្ស៊ី និងពួក ដែលតាំងខ្លួនឯងថាជាអ្នកវិភាគសេដ្ឋកិច្ចក្នុងប្រទេស និយាយដោយពាក្យដដែលៗ ថាអាចនឹងប៉ះពាល់ដល់កំណើនសេដ្ឋកិច្ចកម្ពុជា ។
ពួកគេថាសហរដ្ឋអាមេរិក និងសហភាពអឺរ៉ុបបានកំណត់លក្ខខណ្ឌឲ្យកម្ពុជាកែសម្រួលនិងស្រោចស្រង់
លទ្ធិប្រជាធិបតេយ្យនិងសិទ្ធិមនុស្សនិងសិទ្ធិនយោបាយ រួមទាំងស្វែងរកដំណោះស្រាយជាមួយគណបក្សប្រឆាំងដើម្បីអាចរក្សាការអនុគ្រោះពន្ធ EBA និង GSP ( sic ) មិនដូច្នេះទេ វិស័យពីរនេះក្នុងចំណោមឆ្អឹងខ្នងសេដ្ឋកិច្ចជាតិខ្មែរនឹងទទួលរងការគំរាមកំហែង ហើយដែលកន្លងទៅប៉ុន្មានថ្ងៃនេះសមរង្ស៊ី ថាបើមានការព្យូ EBA វានឹងបំផុសឲ្យកម្មករងើបតវ៉ាប្រឆាំងនឹងសម្តេច ហ៊ុន សែន។
ដោយឡែកពួកអ្នកដែលតាំងខ្លួនឯងថាជាអ្នកវិភាគសេដ្ឋកិច្ចក្នុងប្រទេស នៅបាននិយាយដូចដឹងច្បាស់ទៀតថាវិស័យទេសចរណ៍បានធ្លាក់ចុះប្រមាណជា១២ភាគរយ ដំណាលគ្នានិងកម្ពុជាកំពុងស្ថិតក្រោមការគំរាមកំហែងនៃការព្យួរឋានៈអនុគ្រោះពន្ធនាំទំនិញទៅកាន់ទ្វីបអឺរ៉ុប គឺ«អ្វីៗទាំងអស់លើកលែងតែអាវុធ»
ឬ EBA និងការអនុគ្រោះពន្ធនាំទំនិញទៅកាន់សហរដ្ឋអាមេរិក GSP ។ ពួកនេះតែងនិយាយថាការបាត់បង់ EBA អាចនឹងធ្វើឲ្យកម្ពុជាបាត់បង់ជន្ទល់សេដ្ឋកិច្ចប្រមាណជា៦០០ លានដុល្លារអាមេរិកក្នុងមួយឆ្នាំ ដែលជាការទន្ទេញចេញនូវពាក្យដដែលៗ បើទោះបីពួកនេះដឹងថា រដ្ឋាភិបាលកម្ពុជា នឹងមិនយកអធិបតេយ្យភាពរបស់ខ្លួនដើម្បីចុះញ៉មនឹងការដាក់សម្ពាធនោះទេ។ ដូចនេះ លក្ខខណ្ឌតាមរយះការដាក់សម្ពាធលើកម្ពុជាខាងផ្នែកនយោបាយ ដោយបំពានលើអធិបតេយ្យជាតិកម្ពុជាពីសហគមន៍សហភាពអឺរ៉ុប មិនទទួលបាន
ផ្លែផ្កាទេ។
កម្ពុជាជារដ្ឋអធិបតេយ្យ ដែលមិនអនុញ្ញាត ឲ្យប្រទេសណាមួយមករំលោភបំពានបាន។
កម្ពុជាពិតជាត្រូវការរស់ ដោយស្មើសិទ្ធិ ស្មើមុខមាត់ ក្នុងកិច្ចសហប្រតិបត្តិការជិតស្និទ្ធជាមួយ
ប្រទេសទាំងអស់ក្នុងលោកលើគ្រប់វិស័យ ដោយផ្តល់ផលប្រយោជន៍ដោយស្មើភាពចំពោះគ្នា
ទៅវិញទៅមក ។
ជានិច្ចកាលជនក្បត់ជាតិសមរង្ស៊ី ពួកក្រុមដែលតាំងខ្លួនឯងថាជាអ្នកវិភាគសេដ្ឋកិច្ចក្នុងប្រទេស កម្ពុជា ក្រុមសង្គមស៊ីវិល ដែលស្ថិតនៅក្នុងអង្គការសិទ្ធិមនុស្ស អង្គការសិទ្ធិលំនៅដ្ឋាន សមាគមនិងក្រុមសហជីពដែលមាននិន្នការប្រឆាំងរដ្ឋាភិបាល ពួកគេតែងលើកឡើងពីសិទ្ធិសេរីភាព ពីសិទ្ធិមនុស្ស ពីប្រជាធិបតេយ្យមកធ្វើជាត្រីវិស័យក្នុងការនាំមុខ ដើម្បីប្រឆាំងអំណាចរដ្ឋ ដែលជាដែនសមត្ថកិច្ចការពារផលប្រយោជន៍ កាពារសិទ្ធិសេរីភាព ការពារសិទ្ធិមនុស្ស និងការពារប្រជាធិបតេយ្យរបស់ប្រជាពលរដ្ឋ បើទោះបីពួកគេដឹងយ៉ាងច្បាស់ថា លំហរនៃសិទ្ធិសេរីភាព សិទ្ធិមនុស្ស និងប្រជាធិបតេយ្យ នៅកម្ពុជា គឺមានយ៉ាងពេញបរិបូរណ៍ នឹងកំពុងដំណើរការជានិរន្តក្តី ។
ប្រជាពលរដ្ឋដែលស្រឡាញ់សុខសន្តិភាព បានមើលឃើញយ៉ាងច្បាស់ពីទង្វើក្បត់ជាតិរបស់សមរង្ស៊ី ក្នុងការដើរសុំអន្តរាគមន៍ឲ្យសហភាពអឺរ៉ុប និងសហរដ្ឋអាមេរិកដកការអនុគ្រោះពន្ធ EBA និង GSPពីកម្ពុជា នឹង សកម្មភាពបែបប្រតិកិរិយារបស់ក្រុមសង្គមស៊ីវិល និង ក្រុមសហជីព ដែលមាននិន្នាការប្រឆាំងរដ្ឋាភិបាល ទាំងនេះរួចមក ពួកគាត់បានចាត់ទុកក្រុមនេះ ថាគឺជាក្រុមភេរវកម្ម ដែលច្បាប់មិនត្រូវអត់អោន ។
ជាមួយសកម្មភាពក្រុមសង្គមស៊ីវិល និង ក្រុមសហជីព ដែលពួកប្រតិកិរិយាទាំងអស់នេះបានធ្វើកន្លងមក វាមិនខុសអីពីការធ្វើសកម្មភាពចូលរួមយ៉ាងសកម្មក្នុងចលនានយោបាយដើម្បីកសាងកម្លាំង ដើម្បីត្រៀមកម្លាំង ដើម្បីបង្កើតអង្គការចាត់តាំងខាងនយោបាយខុសច្បាប់មួយ ប៉ុនប៉ងដើម្បីប្រមូលកម្លាំងប្រឆាំង
រដ្ឋាភិបាល ផ្ដួលរំលំរដ្ឋាភិបាល ដែលជាអំពើខុសច្បាប់ ខុសគោលការណ៍នៃលទ្ធិប្រជាធិបតេយ្យ ដែលពួកគេបានទន្ទេញជាប់មាត់ ។
វាពិតជាមានចលនាវិទ្ធង្សនាជាច្រើនដែលបង្ករឡើងដោយក្រុមសង្គមស៊ីវិល និង ក្រុមសហជីព ដែលមាននិន្នាការប្រឆាំងរដ្ឋាភិបាល ដែលសូម្បីពួកគេដឹងច្បាស់ថា ការភ័យព្រួយខ្លាចសហភាពអឺរ៉ុបផ្ដាច់ពន្ធអនុគ្រោះEBAនិង GSP ថាប៉ះពាល់ដល់សេដ្ឋកិច្ចជាតិ វាមិនមែនជាកាតព្វកិច្ចដែលពួកគេត្រូវដោះស្រាយនោះឡើយ ដោយហេតុថាកម្ពុជា មិនអាចយកអធិបតេយ្យភាពជាតិ ទៅដោះដូរជាមួយជំនួយក្តី ៕
sfs
I’m blaming to GOD why ?? made me born in KAMPOUCHEA . there was a lot of criticism to this unfortunate nation in the whole ASIAN nation. KING after KING leader after leader my question is >>who was the one who really love this poor nation?? WELL according KAMPOUCHEA history this nation was an empire stated this thinking nation used to be larger then CHINA . my question is what was wrong white this nation?? I have no though that from the past up to this day was not deference from what to day situation is. the policy of who win is the king and who lost is the enemy that all about. every one acting they are AH CHESS no one LNGOUNG quest what?? when AH CHESS come in powers every thing gone wrong the reason why?? because AH CHESS like my SAMDACH AKEAK MOHA BATAI TECH>> HUN NAL call HUN SEN next name meet to kill >CHHOUP SAMLAP though no one in the whole world is smarter the this evil animal. please look at this>> POL POT, HUN NAL or HUN SEN, is the same amount of letters are the same way it is 100% evil indeed . stared from the past from the big country more population getting smaller and less population . we can note from POL POT it was getting smaller and degrease just about 50% of this population. after POL POT here it come SAMAK METH BONG >HUN NAL call HUNSEN. CHEA SIM ,HENG SAMRIN . took more Cambodian life not even that the country itself getting too big that right VIETCONG took some . I do not kwon what else to say but good luck HUN NAL you win all Cambodian is lost . GOD bless my poor Cambodian and this un stable nation call KAMPOUCHEA.
Veitcong mafia dictator and his groups never worry about khmer people ‘ they only worry that EBA cut-off will hurt their corruption money ‘ they don’t care about khmer life ‘ look at virus’ this government never care’ all countries in Asea refuse big boat but cambodia let them in hahah’