ទំនាក់ទំនងអន្តរជាតិ | នយោបាយ | ព័ត៌មានជាតិ
លោក ញឹម សុខន |២១ ឧសភា ២០២០ | ម៉ោង ៦:១៥ ល្ងាច
VOD
លោក កឹម សុខា (ឆ្វេង) នៅរាជធានីភ្នំពេញ នៅថ្ងៃទី១១ ខែវិច្ឆិកា ឆ្នាំ២០១៩ និងលោក ហ៊ុន សែន(ស្ដាំ) ក្នុងថ្ងៃជួបពិភាក្សាការងារជាមួយលោកស្រី អង់សាន ស៊ូជី (Aung San Suu Kyi) ទីប្រឹក្សារដ្ឋ នៃសាធារណរដ្ឋសហភាពមីយ៉ាន់ម៉ា ក្នុងទស្សនកិច្ចផ្លូវការនៅក្នុងប្រទេសកម្ពុជា នៅព្រឹកថ្ងៃទី៣០ ខែមេសា ឆ្នាំ២០១៩។ (ឆពណ្ណ បញ្ញា និង ហួត វុទ្ធី)
ក្រុមមន្ត្រីការទូតនៃបណ្ដាប្រទេសលោកសេរី រួមទាំងសហរដ្ឋអាមេរិកផង បានបន្តជួបអតីតមេដឹកនាំបក្សប្រឆាំង លោក កឹម សុខា លើកទឹកចិត្តឱ្យបន្តរកលទ្ធភាពសន្ទនានយោបាយជាមួយមេដឹកនាំបក្សកាន់អំណាច ដើម្បីផ្សះផ្សាជាតិ ក្រោយពីមេដឹកនាំទាំងពីរបានជួបគ្នាដ៏កម្រមួយនៅពេលថ្មីៗនេះ ។
សារព័ត៌មានគាំទ្ររដ្ឋាភិបាល Fresh News បានផ្សាយថា លោក កឹម សុខា និងលោក ហ៊ុន សែន កាលពីថ្ងៃទី៥ ខែឧសភា បានជជែកគ្នាប្រហែល ៥០នាទី អំឡុងពេលលោក កឹម សុខា ចូលគោរពវិញ្ញាណក្ខន្ធសពម្តាយក្មេកលោកនាយករដ្ឋមន្ត្រី ដែលតម្កល់នៅភូមិគ្រឹះលោក ស្ថិតនៅជិតវិមានឯករាជ្យ ក្នុងរាជធានីភ្នំពេញ។
ជំនួបនោះ គ្មានប្រភពព័ត៌មានណាទម្លាយឱ្យដឹងពីប្រធានបទនៃកិច្ចពិភាក្សានោះទេ ក្រៅពីមន្ត្រីស្និទ្ធនឹងលោក កឹម សុខា គឺលោក មុត ចន្ថា បង្ហោះសារលើហ្វេសប៊ុក ១ថ្ងៃបន្ទាប់ក្រោយជំនួប។តាមការអះអាងរបស់លោក មុត ចន្ថា កិច្ចពិភាក្សានោះ មេដឹកនាំកំពូលទាំងពីរ ក្រៅពីសួរសុខទុក្ខគ្នា ក៏បានជជែកពី «ផលប្រយោជន៍ជាតិ និងប្រជាពលរដ្ឋខ្មែរ»។
ក្រោយជំនួបនេះ៧ថ្ងៃ លោក កឹម សុខា បានប្រកាសជួបមន្ត្រីការទូតនានាឡើងវិញនៅគេហដ្ឋានរបស់លោក ស្ថិតក្នុងខណ្ឌទួលគោក ខណៈដំណើរការសវនាការសំណុំរឿង «ក្បត់ជាតិ» ប្រឆាំងលើរូបលោក បានជាប់គាំងព្រោះតែវិបត្តិកូវីដ១៩។
បើតាមហ្វេសប៊ុកលោក មុត ចន្ថា ជាង ១សប្តាហ៍មកនេះ តំណាងប្រទេសលោកសេរីធំៗយ៉ាងតិច៦ បានចូលសួរសុខទុក្ខលោក កឹម សុខា។ ប្រទេសទាំងនោះមានមហាអំណាចសហរដ្ឋអាមេរិក សហភាពអឺរ៉ុប ស៊ុយអ៊ែត អូស្ត្រាលី បារំាង និងអាល្លឺម៉ង។
តាមរយៈហ្វេសប៊ុកលោក មុត ចន្ថា ដដែល ជំនួបថ្ងៃទី១៩ ខែឧសភា ឯកអគ្គរដ្ឋទូតសហរដ្ឋអាមេរិក លោក Patrick Murphy ស្វាគមន៍ការដែលមេដឹកនាំបក្សកាន់អំណាច លោក ហ៊ុន សែន និងអតីតមេដឹកនាំបក្សប្រឆាំង លោក កឹម សុខា កំពុងជាប់បណ្តឹងនៅឡើយនោះ រកពេលជួបពិភាក្សាទល់មុខគ្នា។
លោក Patrick Murphy ចាត់ទុកជំនួបនោះថា «ជាជំហានគួរឱ្យលើកទឹកចិត្តមួយឆ្ពោះទៅរកការផ្សះផ្សាជាតិ»។
ប្រទេសស៊ុយអែតវិញ តាមរយៈឯកអគ្គរាជទូត លោក Bjorn Haggmark បានចាត់ទុកជំនួបមេដឹកនាំទាំងពីរកន្លងទៅថ្មីៗនេះថា «ជាជំហានវិជ្ជមានមួយដែលគួរបន្តមកទៀតដោយវិធានការនានា ដើម្បីពង្រឹងការសន្ទនា និងការផ្សះផ្សា ព្រមទាំងលំហប្រជាធិបតេយ្យ»។
អូស្ត្រាលីវិញក៏បង្ហាញសារប្រហាក់ប្រហែលគ្នាដែរ តាមរយៈឯកអគ្គរាជទូត លោក Pablo Kang បាន «បន្តលើកទឹកចិត្តឱ្យបន្តជួបសន្ទនាដែលមានលក្ខណៈស្ថាបនា និងការគោរព លើបញ្ហាទាំងអស់ដែលជះឥទ្ធិពលដល់ប្រទេសជាតិ»។ អូស្ត្រាលី ក៏ចង់ឃើញការជំនុំជម្រះក្តីលោក កឹម សុខា «ប្រកបដោយយុត្តិធម៌ តម្លាភាព និងមានលក្ខណៈរហ័សរហួន»។
លោក មុត ចន្ថា មិនបានឆ្លើយតបនឹងសំណួររបស់វីអូឌីតាមបណ្ដាញតេឡេក្រាមនោះឡើយនៅថ្ងៃនេះ។
VOD មិនអាចសុំអត្ថាធីប្បាយពីអ្នកនាំពាក្យរាជរដ្ឋាភិបាល លោក ផៃ ស៊ីផាន បានទេ គិតត្រឹមម៉ោងផ្សាយនេះ ដោយទូរសព្ទរបស់លោកគ្មានអ្នកទទួល។
ប៉ុន្តែ អ្នកនាំពាក្យគណបក្សប្រជាជនកម្ពុជា លោក សុខ ឥសាន ហៅសាររបស់ក្រុមប្រទេសលោកសេរីទាំងនោះ គ្រាន់តែជាមនោសញ្ចេតនាលើកទឹកចិត្តលោក កឹម សុខា ប៉ុណ្ណោះ គ្មានឥទ្ធិពលជំរុញកិច្ចសន្ទនានយោបាយទេ។
លោក សុខ ឥសាន មានប្រសាសន៍ថា៖ «ខ្ញុំមើលមិនឃើញការចរចានយោបាយណាមួយ ដើម្បីដោះស្រាយដល់ជនជាប់ចោទទេ ពីព្រោះរឿងនយោបាយវាផ្សេង បញ្ហាផ្លូវច្បាប់វាផ្សេង»។
អ្នកនាំពាក្យសមាគមអាដហុកការពារសិទ្ធិមនុស្ស លោក ស៊ឹង សែនករុណា ហៅសារជំរុញរបស់ក្រុមប្រទេសលោកសេរីនេះ ជាការក្រើនរំឭកអ្នកនយោបាយខ្មែរឱ្យប្រកួតអំណាចគ្នាតាមយន្តការប្រជាធិបតេយ្យ ស្របតាមរដ្ឋធម្មនុញ្ញ និងកិច្ចព្រមព្រៀងសន្តិភាពទីក្រុងប៉ារីស។
មន្ត្រីឃ្លាំមើលសិទ្ធិមនុស្សរូបនេះ បង្ហាញការព្រួយបារម្ភថា បើរបត់នយោបាយមិនវិលទៅស្តារប្រជាធិបតេយ្យវិញដូចការលើកឡើងរបស់ក្រុមប្រទេសលោកសេរីទាំងនោះទេ កម្ពុជានឹងប្រឈមហានិភ័យដូចពីអតីតកាល។
លោក ស៊ឹង សែនករុណា ប្រាប់ថា៖ «កម្ពុជាអាចនឹងមានភាពឯកោ ពលរដ្ឋអាចនឹងរងគ្រោះ។ អ្នកនយោបាយអាចនឹងប្រឈមមុខដាក់គ្នា មានហឹង្សាដូចពីជំនាន់មុន យើងឃើញហើយ មានផ្ទុះសង្គ្រាមស៊ីវិលអូសបន្លាយរាប់ទសវត្សរ៍ ធ្វើឱ្យកម្ពុជាខ្ទេចខ្ទាំ បង្ហូរឈាមគ្នាមិនចេះចប់»។
សាស្ត្រាចារ្យនយោបាយ លោក ឯម សុវណ្ណរ៉ា បង្ហាញការយល់ឃើញថា សារនេះជាសម្ពាធមួយទៀត ក្រៅពីដក EBA ទំហំ ២០ភាគរយ ហើយស្នើដាក់កម្ពុជាក្នុងក្រុមប្រទេសត្រូវតាមដានករណីលាងលុយកខ្វក់ ដើម្បីឱ្យរដ្ឋាភិបាលពិចារណាវិលទៅស្តារប្រជាធិបតេយ្យឡើងវិញ តាមរយៈការចរចាជាមួយបក្សប្រឆាំង។
អ្នកវិភាគនយោបាយរូបនេះ បង្ហាញការព្រួយបារម្ភថា បើរបត់នយោបាយកម្ពុជា មិនឆ្លើយតបទៅនឹងចរន្តលោកសេរីនោះទេ វិធានការច្រើនទៀតនឹងធ្លាក់មកលើកម្ពុជា។
លោក ឯម សុវណ្ណរ៉ា មានប្រសាសន៍ថា៖ «នៅក្នុងបណ្តាប្រទេសលោកខាងលិចហ្នឹង គេមានវិធីសាស្ត្រច្រើនដែលគេទាក់ទងនឹងបណ្តារដ្ឋនីមួយៗ ហើយគេយកយន្តការហ្នឹងដាក់សម្ពាធរដ្ឋហ្នឹង ឱ្យដើរក្នុងគន្លងមួយឆ្លើយតបទៅនឹងគោលការណ៍ច្បាប់ដែលរដ្ឋហ្នឹងបានចុះកិច្ចព្រមព្រៀង។ ហើយបើអត់ឆ្លើយតបទេ កម្ពុជាអាចប្រឈមនឹងយន្តការរបស់គេហ្នឹង គេដាក់ហើយ»។
លោក កឹម សុខា អតីតប្រធានគណបក្សសង្គ្រោះជាតិ ត្រូវបានសមត្ថកិច្ចឆ្មក់ចូលចាប់ខ្លួននៅថ្ងៃទី៣ ខែកញ្ញា ឆ្នាំ២០១៧ ក្រោយពីគណបក្សប្រឆាំងមួយនេះ ដណ្តើមបានអាសនៈឃុំ-សង្កាត់ជិតទាន់គណបក្សប្រជាជនដែលកំពុងគ្រប់គ្រងអំណាច។
របត់នយោបាយនេះ ជំរុញឱ្យប្លុកលោកសេរីដែលនាំមុខគេដោយសហរដ្ឋអាមេរិក និងសហភាពអឺរ៉ុប ទាមទារឱ្យបក្សកាន់អំណាចវិលទៅរកគន្លងប្រជាធិបតេយ្យវិញ តាមរយៈការឱ្យដោះលែង លោក កឹម សុខា ឱ្យគណបក្សប្រឆាំងបានចូលរួមការបោះឆ្នោតដោយសេរី ត្រឹមត្រូវ និងយុត្តិធម៌ តាមគន្លងប្រជាធិបតេយ្យឡើងវិញ៕
រក្សាសិទ្វិគ្រប់យ៉ាងដោយ ស៊ីស៊ីអាយអឹម
សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។
I think Cambodian really wanted to know when will their country having a true Democratic leader. all Cambodian knew HUN SEN was not a Democratic person he got powers by military cue, cheated election, not even that murder his opposition who have equal powers out of the raise . after all HUN SEN holding powers till this day was not a legitimated Government . all Democracy nations knew all about it so they just trying to solving the problem peacefully . I knew every Cambodian can tell between KIM SOKHA and HUN SEN witch one was a good leader. I just want to mentioning to Cambodian for the rest of my life I never seen any leader this bad like this former Khmer rue leader. it hurting me so much every time he speaking. I will never forget one of his speak , said too bad that he did not kill all those protesters on VENG SRENG street other wide this is the day to morning all those people. HAS….. I still wonder how many more people will this evil want to kill ?? start from K5, military cue, killing Cambodian nationalist , a lot more killing in secret that we did not know my estimated it was not lest then half million life please believing me his curse is till whit my mind every day in miracle I felling it. KIM SOKHA was not in powers never cut one tree never give any piece of land to no one never had million $$ WELL I let Cambodian be the judge between KIM SOKHA and HUN NAL call HUN SEN next name CHOUSAMLAP … who was KBOTH CHEATH
គ្រាន់តែបែងចែក រវាងការចូលរួមមរណះ
ទុក្ខ ហេីយនិងរបៀបនៃកិច្ចសន្ទនា
នយោបាយមិនត្រូវផង មិនដឹងអស់
លោកទាំងហ្នុង ដឹកនាំប្រទេសអស់
លោកយ៉ាងម៉េចទេ ?
កឹមសុខា មិនអាចមានពេលរបូត
ពីសំណាញ់ច្បាប់ទេ អស់លោកត្រូវយល់។
HUN SEN will be lucky if KIM SOKHA and Cambodian forgive him for the sage of this un true future’s nation. remembers you pointing some one and said he is KBOTH CHEATH just only one finger but you got to know the other four are pointing at you .
So socheat said mr So kha can’t get out from law’ law?? mafia law??? veitcong law?? Ang ka lour hanoi law?? What a f***ing lawof cambodia”
do you understanding ?? you pointing some one and said he is KBOTH CHEATH just only one finger but you got to know the other four are pointing at you…….. HE…. think about it AH….CHKOUTH