អ្នក​ឃ្លាំមើល​ថា​ សកម្មភាព​វៀតណាម​និងថៃ​ចុង​ក្រោយ​តាម​ព្រំដែន​ជាការ​រំលោភ​បូរណភាព​កម្ពុជា

កម្ពុជា
27 ឧសភា 2020
សុខ ខេមរា
វីអូអេខ្មែរ

រូបឯកសារ៖ មន្ត្រី​ព្រំដែន​របស់​កម្ពុជា​(ឆ្វេង) និង​​មន្ត្រី​ព្រំដែន​របស់​វៀតណាម​ឈរ​នៅ​ខាង​មុខ​បង្គោល​ព្រំដែន​ថ្មី​មួយ​​លើ​ទឹក​ដី​កម្ពុជា រវាង​ខេត្ត​ Gia Lai របស់​វៀតណាម និង​ខេត្ត​រតនគីរី​របស់​កម្ពុជា កាល​ពី​ថ្ងៃ​សៅរ៍ ទី​២៦ ខែធ្នូ ឆ្នាំ​២០១៥។
រូបឯកសារ៖ មន្ត្រី​ព្រំដែន​របស់​កម្ពុជា​(ឆ្វេង) និង​​មន្ត្រី​ព្រំដែន​របស់​វៀតណាម​ឈរ​នៅ​ខាង​មុខ​បង្គោល​ព្រំដែន​ថ្មី​មួយ​​លើ​ទឹក​ដី​កម្ពុជា រវាង​ខេត្ត​ Gia Lai របស់​វៀតណាម និង​ខេត្ត​រតនគីរី​របស់​កម្ពុជា កាល​ពី​ថ្ងៃ​សៅរ៍ ទី​២៦ ខែធ្នូ ឆ្នាំ​២០១៥។

វ៉ាស៊ីនតោន — ក្រុម​អ្នក​ឃ្លាំមើល​បញ្ហា​ព្រំដែន​បាន​និយាយ​ថា ​សកម្មភាព​ប្រទេស​ជិតខាង​ដូចជា​វៀតណាម​និងថៃ​ចុង​ក្រោយ​ដែល​ចូល​មក​បោះតង់​ និង​សង់​រោង​នៅ​តំបន់​ហាម​ឃាត់​ឬ​ទឹកដី​កម្ពុជា​គឺជា​សកម្មភាព​រំលោភ​បំពាន​បូរណភាព​ដែនដី​កម្ពុជា ​ដោយ​ឥតកោត​ក្រែង​ច្បាប់ជាតិ​និង​អន្តរជាតិ។

ការ​អះអាង​ដូច្នេះ​គឺយោង​ទៅលើ​ការចូល​មក​បោះតង់​របស់​កងទ័ព​វៀតណាម​នៅក្នុង​តំបន់​ស​ក្នុងស្រុក​លើកដែក​និង​ស្រុក​កោះធំ ​ខេត្ត​កណ្តាល​តាម​ព្រំប្រទល់​ដែន​នៃ​ប្រទេស​ទាំងពីរ ​កាលពី​សប្តាហ៍​ថ្មីៗ​កន្លង​ទៅ​ និង​ការ​សង់​រោង​នៅខេត្ត​ប៉ៃលិន​នៃភាគី​ទាហាន​ថៃ ​កាលពី​សប្តាហ៍​ថ្មីៗ​កន្លង​ទៅដែរ​ដើម្បី​អ្វីមួយ​ដែល​គេ​អធិប្បាយ​ថា​ ជាការ​បង្ការ​ការរាត​ត្បាត​នៃ​ជំងឺ​កូវីដ១៩​ហើយនឹង​ទប់ស្កាត់​ពលករ​ចំណាក​ស្រុក​ក្នុងពេល​មាន​ការ​រាតត្បាត​ជំងឺ​កូវីដ១៩​ ដែល​ព្រំ​ដែន​នៃ​ប្រទេសជិត​ខាង​ទាំងនេះ​ត្រូវបិទ​មិន​ឲ្យ​ឆ្លងកាត់​លើក​លែង​តែ​ទំនិញ​នោះ​។

លោក ​ឌី ការ៉េត ​ប្រធាន​គណ:កម្មាធិការ​ព្រំដែន​កម្ពុជា​ប្រចាំ​ស្រុក​បារាំង​ បាន​ថ្លែង​ថា​ទាំង​ភាគីវៀតណាម​និង​ថៃ​ ដែល​ជា​ប្រទេស​ជិតខាង​កម្ពុជា​តែងតែ​បន្ត​សកម្មភាព​ជាបន្ត​បន្ទាប់​ដើម្បី​រំលោភ​បំពាន​ទឹកដី​កម្ពុជា​ឥត​ឈប់ឈរ ​ដោយសារ​ការ​មិន​គោរព​បូរណភាព​ដែនដី​កម្ពុជា។

«ខ្ញុំយល់​ឃើញថា​ទាំង​វៀតណាម​ក្តី ​ទាំងថៃ​ក្តី​គេគ្មាន​គោរព​អី​ព្រំដែន​របស់​យើងទេ ​គេចង់​ធ្វើ​អីគេធ្វើហ្នឹង​ទៅ​ស្រេច​តែ​គេចង់​បាន​ចង់ធ្វើ ​អាហ្នឹង​វាអីចឹង​តាំងពី​យូរណាស់​មក​ហើយ»។

លោកថា ​ទោះជា​កម្ពុជា​មាន​សន្ធិសញ្ញា​បារាំង​សៀម ​និង​សិទ្ធិសញ្ញា​ផ្លូវការ​នានា​ក្តី​ តែ​ប្រទេស​ជិត ខាងតែង​បង្កើត​ព្រឹត្តិការណ៍​ធ្វើ​សកម្មភាព​ជា​បន្តបន្ទាប់​ដើម្បី​ជាលេស​ ចូលមក​កាន់​កាប់​ទឹកដីកម្ពុជា​តាម​ព្រំប្រទល់​ដែន​។

«ចង់​ដាក់តង់​ ដាក់អី​ការពារ​វីរុសកូរ៉ូណា​ ឬ ​កូវីដ១៩ ​ដាក់​ក្នុង​ដីខ្លួន​ទៅ​ រឿងហ្នឹង​វាមិន​ទាន់ចូល​ក្នុងដី​ខ្លួនផង​ ខ្លួន​មកដាក់​ក្នុងដីគេ​យ៉ាង​ម៉េច? ​ដាក់ក្នុងដី​ខ្លួនទៅ ​មានទាស់​អី»។

លោក ​ឌី ការ៉េត​ អះអាង​ថា ​ក្នុងពេល​ប្រទេស​នីមួយៗ​បិទ​ព្រំដែន​រៀងខ្លួន​ កងទ័ព​គួរតែ​ស្ថិត​នៅក្នុង​ទឹកដី​របស់ខ្លួន។​ លោក​បាន​ទទូចថា​ កម្ពុជា​ត្រូវមាន​ការ​ការពារ​បូរណភាព​ដែនដី​ឲ្យ​បានប្រាកដ​ប្រជា ​មាន​ឆ្មាំ​ការពារ​ជាប្រចាំ​ មានការ​ដោះស្រាយ​ភ្លាមៗ​ ហើយត្រូវ​ពិនិត្យ​រាល់​ពាក្យ​បណ្តឹង​របស់​ពលរដ្ឋ​តាម​ព្រំដែន ​ដែល​និយាយ​អំពីការ​រំលោភ​បំពាន​ឲ្យបាន​ដិតដល់ ​និង​ពន្យល់​ពលរដ្ឋ​ឲ្យដឹង ​និង​ទៅ​ពិនិត្យ​មើល​ថា​ កន្លែង​ណា​ជាខ្សែ​បន្ទាត់​ព្រំដែន​កម្ពុជា​ឬទឹកដី​ខ្លួន​ដោយ​មិន​ត្រូវចោទ​ប្រកាន់​ពលរដ្ឋ​ថា​ទៅ​រំលោភ​ដីប្រទេស​ណា​មួយ​ ​នៅពេល​ដែល​ពលរដ្ឋ​ខ្លួន​លោក​ដឹងច្បាស់​តាំងពី​ដើម​មកថា​ជាដី​របស់កម្ពុជា​ទៅហើយ​នោះ។

ប្រទេស​កម្ពុជា​និង​ប្រទេស​ជិតខាង​ដូច​ជា​វៀតណាម ​ថៃ​និង ​ឡាវ ​នៅមាន​បញ្ហា​វិវាទ​ព្រំដែន​យូរៗម្តង​ដោយសារ​កន្លែង​ខ្លះ​មិនទាន់​បាន​បោះ​បង្គោល​ចប់​សព្វគ្រប់​ ហើយការ​កំណត់​ខ្សែ​បន្ទាត់ព្រំដែន​នៅមាន​ភាព​ស្មុកស្មាញ​ និង​បន្ត​ចរចាគ្នា​នៅឡើយ។​ ការណ៍​នេះបង្ក​ឲ្យមាន​ភាព​តានតឹងផ្នែក​យោធា​ជួរមុខ​ពេល​ខ្លះ​ផងដែរ។

តែការ​ដោះស្រាយ​ពីរលើក​ចុងក្រោយ​នេះ​ដែល​មាន​ការសង់​រោង​ពីភាគី​ថៃនៅ​តាម​ព្រំដែន ខេត្តប៉ៃលិន ​និង​បោះតង់​ពីភាគី​វៀតណាម​នៅតាម​បណ្តោយ​ព្រំដែន​នៅខេត្ត​កណ្តាល​នោះ ​គេមិន​បាន​សង្កេត​ឃើញថា​ មាន​ភាពតាន​តឹង​កើតឡើង​ខ្លាំង​ដូចពេល​មុនទេ ​ក្រោយ​ពេល​មន្ត្រី​ខេត្ត​អានយ៉ាង ​នៃ​ប្រទេស​វៀតណាម​ជាប់​ខេត្តកណ្តាល​នៃ​ប្រទេស​កម្ពុជា​បាន​ជូនដំណឹង​ជាផ្លូវការ​ដល់កម្ពុជា​អំពីការ​បោះតង់​នោះ​ ថា​ជា​រឿង​បណ្តោះ​អាសន្ន​ដើម្បី​ទប់​ស្កាត់​ការ​រាតត្បាត​ជំងឺ​កូវីដ១៩​។ ហើយ​ភាគី​វៀតណាម​បានសន្យា​ថា ​នឹង​រើ​តង់​ចំនួន ​៣១​កន្លែង​ចេញ​ក្រោយពី​មាន​សេចក្តី​រាយការណ៍​ថា​ក្រសួងការ​បរទេស​កម្ពុជា​បាន​បញ្ជូន​កំណត់​ទូត​តវ៉ា​អំពី​រឿង​បោះតង់​នៅលើ​តំបន់​ហាម​ឃាត់​ឬតំបន់ស​នោះ។ ​ដោយ​ឡែក​ភាគី​ថៃ​បាន ​រើរោង​យោធា​ជួរមុខ​ចេញ​ដោយ​សន្តិ​វិធី​ដែល​គេ​មិន​ទាន់​ឃើញ​មាន​ការ​ពន្យល់​ជាផ្លូវការ​ដែរ។

ក្រុមមន្ត្រី​កម្ពុជា​ធ្លាប់​បាន​និយាយថា​ កម្ពុជា​ធ្លាប់​អះអាង​ថា មិន​អាច​ឲ្យទឹកដី​របស់ខ្លួន​ត្រូវ​បាត់​បង់សូម្បី​តែ​១មីលីម៉ែត្រ​ ហើយក៏​មិនចង់​បាន​ចំណេញ​ទឹកដី​ប្រទេស​ជិតខាង​ណាមួយ​ដែរ។

លោក ​ម៉ែន ណាត​ ប្រធាន​ក្រុម​ប្រឹក្សា​ឃ្លាំមើល​កម្ពុជា​ប្រចាំ​ប្រទេស​ន័រវែស​ដែល​មាន​និន្នាការ​ទៅរក​ក្រុម​ជំទាស់​បាន​កត់​សម្គាល់​ថា​ ប្រទេស​ជិតខាង​តែង​តែឆ្លៀត​ឳកាស​រំលោភ​យក​ទឹកដី​កម្ពុជា​នៅតាម​ព្រំដែន​គឺទាំង​ព្រំដែន​គោក​និង​ព្រំ​ដែន​ទឹក​ ​ជាពិសេស​នៅ​ពេល​ភាគី​នយោបាយ​ខ្មែរមាន​ការ​បែក​បាក់​ផ្ទៃក្នុង​និងមាន​ភាព​វឹកវរ​នយោបាយ។ ​លោក​បាន​ទទូចថា​ ដើម្បី​បញ្ចប់​បញ្ហា​ព្រំដែន​ជាមួយ​ប្រទេស​ជិតខាង​ រដ្ឋាភិបាល​កម្ពុជាត្រូវ​លុប​ចោល​សន្ធិសញ្ញា​ ដែល​លោក​ចាត់​ទុកថា​ខុស​ច្បាប់​ឬផ្ទុយ​ពីកិច្ច​ព្រម​ព្រៀង​ទីក្រុង​ប៉ារីសជា​មួយ​ប្រទេស​ជិតខាង​ទាំងអស់​ចោល​តាមរយ:​សភា​ ហើយ​ដាក់​ពាក្យ​ប្តឹង​ទៅ​សហ​ប្រធាន​នៃ​សន្ធិសញ្ញា​ទីក្រុង​ប៉ារីស ​និង ​តុលាការ​យុត្តិធម៌​អន្តរជាតិ​ដើម្បី​បញ្ចប់​បញ្ហា។

«មានតែ​អីចឹងទេ​ដែល​យើង​អាច​ដោះស្រាយ​ដែល​ធានា​បាន​នូវយុត្តិធម៌​ទាំងអស់​គ្នា»។

លោកថា​ ការធ្វើ​ដូច្នេះ​មិន​ត្រឹមតែ​បញ្ចប់​បញ្ហា​រំលោភ​បំពាន​ព្រំដែន​រវាង​កម្ពុជា​និង​ប្រទេស​ជិត​ខាងដោយ​យុត្តិធម៌​ប៉ុណ្ណោះ​ទេ ​តែនឹង​បញ្ចប់​អរិភាព​រវាង​អ្នក​នយោបាយ​និង​ពលរដ្ឋ​កម្ពុជា​ផងដែរ។

លោក​បាន​បន្ថែម​ថា ​បញ្ហា​កូវីដ​គ្រាន់តែ​ជារឿង​មួយ​នៅពេល​នេះ​ដែលនាំ​ឲ្យកើត​បញ្ហា​ តែលោក​បន្តថា​នៅមាន​រឿង​បន្ត​បន្ទាប់​និង​កន្លែង​បន្ត​បន្ទាប់​ទៀត​ដែល​នឹង​មាន​រឿង​កើត​ឡើង​បើសិន​ជាកម្ពុជា​មិនអាច​បញ្ចប់​បញ្ហា​ព្រំដែន​តាមច្បាប់​អន្តរជាតិ​បាន ​ហើយឥទ្ធិពល​នយោបាយ​ចិនគ្រប​ដណ្តប់​លើ​កម្ពុជា​កាន់​តែ​ខ្លាំង​ឡើងនោះ។

«ហើយ​ដល់​ពេល​អាចុង​ក្រោយ​ហ្នឹង​គេមក​ធ្វើ​នៅ​ខាង​ខេត្ត​កណ្តាល​ ហើយ​គេ​អាច​ធ្វើនៅ​កន្លែង​ផ្សេងៗទៀត»។

លោក​ វ៉ា គឹមហុង​ប្រធាន​គណ:កម្មាធិការ​ព្រំដែន​កម្ពុជា​របស់រាជ​រដ្ឋាភិបាល​កម្ពុជា​មិន​អាច​ទាក់​ទង​បាន​ដើម្បី​អត្ថាធិប្បាយ​បាន​ទេ ​ដោយ​ទូរសព្ទ​លោក​រោទិ៍​ តែ​គ្មាន​អ្នក​ទទួល។

យ៉ាង​ណាក្តី​លោក​ម៉ែន ណាត​បានអំពាវនាវ​ឲ្យ​អ្នក​នយោបាយ​កម្ពុជា​ធ្វើការ​ជាមួយ​គ្នា​ដើម្បី​ផល​ប្រយោជន៍​ប្រទេស​ និង​បូរណភាព​ដែនដី។​

បញ្ហា​សន្ធិសញ្ញា​ព្រំដែន​និង​បូរណភាព​ទឹកដី​ដ៏​ម្រូង​ចម្រាស​និង​ស្មុគស្មាញ​នេះ​ ត្រូវ​គេដឹង​ថាមាន​ការ​បក​ស្រាយ​រៀងៗ​ខ្លួន​រវាង​គូប្រជែង​នយោបាយ​ក្នុងប្រទេស​កម្ពុជា ​ហើយ​ក៏ត្រូវ​បាន​អ្នក​នយោបាយ​ខ្លះ​យក​មក​ធ្វើជា​ប្រធាន​បទ​សំខាន់​បំផុត​មួយ​ផងដែរ ​ដើម្បី​បំផុស​គំនិត​ជាតិនិយម​ ហើយនឹង​ទាក់ទាញ​ប្រជាប្រិយភាព​ ជាពិសេស​ក្នុងពេលនៃ​ការ​ឃោសនា​រក​សម្លេង​ឆ្នោត៕ ​

What Next?

Recent Articles

2 Responses to "អ្នក​ឃ្លាំមើល​ថា​ សកម្មភាព​វៀតណាម​និងថៃ​ចុង​ក្រោយ​តាម​ព្រំដែន​ជាការ​រំលោភ​បូរណភាព​កម្ពុជា"

  1. Anonymous says:

    I’m worry the cold war come and Cambodia is the weakest nation in this region if Cambodia walking wrong way it will be the end of it. after all I just have some though but what so ever I can not force them todo my way . if you listening or not I just wait to see what you are going to do. foreign relation and foreign policy it coming along together if you are weak just stay in the middle then you are OK. I do not think Cambodia can betting all in jus like gamble it too risky. I tell you what?? even Vietnamese living over sea they do not wanted to hear Vietnam invade Cambodia so as Thai people. how about Chinese around the world as you knew there are so many of them in every nation expressly in Canada and US they are born here they keep these country as theirs but you knew what?? they did not like China take over the south China sea or take over Taiwan it’s kind of bully . for me I knew it will be not the same again after what people around the world said >>the China COVID19 <> why China did not let international community investigate this deadly pandemic virus did China have some thing to hided ?? that was the big question and if China bully enough to take over the south China sea and wagging war to take Taiwan that can be a lost and lost situation . the question is why China will lost because the whole world will see communist China will never want peace . sorry if China really want to flex their muscle it will be punishing by world community . this is a very big problem Cambodian! no one can predate what going to happen next . GOD bless Cambodian and it’s people

  2. Anonymous says:

    Maybe world war three start from cambodia ‘ because last time ah si hak nouk swearing to south veitname and thailand inthe decade 60 ‘ Now we go again ‘ this time maybe big one ‘ I mean most of Asean go with free world but only cambodia stick with communist china and the war will spread to the world ‘ i guess ‘God will punish the crooks ‘