កម្ពុជាកោះហៅទូតវៀតណាមមកបំភ្លឺ បន្ទាប់ពីភាគីវៀតណាមមិនទាន់រុះរើតង់តាមការទាមទាររបស់កម្ពុជា

កម្ពុជា សង្គម
03/06/2020 – 08:51
ដោយ៖ វ៉ា សំណព្វ
RFI

ទង់ជាតិកម្ពុជា និងទង់ជាតិវៀតណាម (រូបភាពតំណាង)
ទង់ជាតិកម្ពុជា និងទង់ជាតិវៀតណាម (រូបភាពតំណាង) © Internet

លើសំណុំរឿងព្រំដែនកម្ពុជា-វៀតណាម ក្រសួងការបរទេសកម្ពុជា បានកោះហៅឯកអគ្គរដ្ឋទូតវៀតណាមប្រចាំនៅទីក្រុងភ្នំពេញឲ្យមកបំភ្លឺ កាលពីថ្ងៃទី ០១ មិថុនា បន្ទាប់ពីភាគីវៀតណាម នៅមិនទាន់រុះរើតង់ទាំងអស់ដែលខ្លួនបានសង់ នៅតាមបន្ទាត់ព្រំដែនរវាងខេត្តកណ្តាលនៃប្រទេសកម្ពុជា និងខេត្តអានយ៉ាង នៃប្រទេសវៀតណាម។  គិតត្រឹមថ្ងៃទី ២៩ ឧសភា ភាគីវៀតណាមបានរុះរើតង់ទាំងស្រុងបានចំនួន០៧កន្លែង និងរុះរើក្នុងរូបភាពរំកិលចូលទៅក្នុងទឹកដីវៀតណាមបានចំនួន៤កន្លែងប៉ុណ្ណោះ ខណៈដែលភាគីកម្ពុជាបានទទូចឲ្យភាគីវៀតណាមរុះរើតង់ទាំងអស់ចេញឲ្យបានឆាប់។

ការកោះហៅឯកអគ្គរដ្ឋទូតវៀតណាមលោក Vu Quang Minh ឲ្យមកបំភ្លឺនេះ គឺបានធ្វើឡើងកាលពីថ្ងៃទី ០១ មិថុនា នៅឯក្រសួងការបរទេសកម្ពុជា ដោយលោកស្រី អ៊ាត សោភា រដ្ឋលេខាធិការក្រសួងការបរទេសកម្ពុជា។ នៅក្នុងការកោះអញ្ជើញនោះ ភាគីកម្ពុជាបានស្នើជាថ្មីឲ្យភាគីវៀតណាមរុះរើតង់ចេញទាំងអស់ឲ្យបានឆាប់ ហើយបន្តរក្សាស្ថានភាពដើមមិនកែប្រែនៅក្នុងតំបន់នោះ។ រក្សាស្ថានភាពដើមមិនកែប្រែ គឺរហូតទាល់តែគណៈកម្មការព្រំដែននៃប្រទេសទាំងពីរ ដោះស្រាយកំណត់ខ្សែព្រំដែនជាក់លាក់ជាស្ថាពរនៅក្នុងតំបន់នោះ ដើម្បីប្រែក្លាយតំបន់ព្រំដែនប្រកបដោយសន្តិភាព មិត្តភាព សហប្រតិបត្តិការ និងការអភិវឌ្ឍ ជាប្រយោជន៍រួមសម្រាប់ប្រជាជននៃប្រទេសទាំងពីរ។ នេះបើយោងតាមខ្លឹមសារនៃសេចក្តីប្រកាសព័ត៌មានរបស់ក្រសួងការបរទេសកម្ពុជា កាលពីថ្ងៃទី ០២ មិថុនា។

គួរកត់សំគាល់ថា ការកោះហៅឯកអគ្គរដ្ឋទូតវៀតណាមលោក Vu Quang Minh ឲ្យមកបំភ្លឺនេះ បានធ្វើឡើងបន្ទាប់ពីភាគីកម្ពុជាបានសង្កេតឃើញថា ភាគីវៀតណាមមិនទាន់បានរុះរើតង់កៅស៊ូទាំង៣១ចំណុចដែលបានបោះនោះនៅឡើយទេ។ គិតត្រឹមថ្ងៃទី ២៩ ឧសភា ភាគីវៀតណាមបានរុះរើតង់ទាំងស្រុងចំនួន០៧កន្លែង និងរុះរើក្នុងរូបភាពរំកិលចូលទៅក្នុងទឹកដីវៀតណាមចំនួន៤ចំណុច។ នេះបើតាមការឲ្យដឹងពីលោក គង់ សោភ័ណ្ឌ គណៈអភិបាលខេត្តកណ្តាល នៅថ្ងៃទី ០៣ មិថុនានេះ។ យ៉ាងណាក្តី ជាជំហររបស់ភាគីកម្ពុជា គឺទាមទារឲ្យភាគីវៀតណាមរុះរើតង់ទាំងអស់ ហើយរក្សាស្ថានភាពដើមឲ្យនៅដដែល។

តាមរយៈសេចក្តីប្រកាសព័ត៌មានរបស់ក្រសួងការបរទេសកម្ពុជាកាលពីថ្ងៃទី ០២ មិថុនា ក្រសួងការបរទេសកម្ពុជាបានរំលឹកថា កាលពីថ្ងៃទី ១៣ ឧសភា កន្លងទៅ ក្រសួងការបរទេសកម្ពុជាបានធ្វើកំណត់ទូតតវ៉ាម្តងរួចមកហើយ ជុំវិញការបោះតង់របស់វៀតណាមចំនួន៣១កន្លែង នៅលើតំបន់ព្រំដែនដែលមិនទាន់ឯកភាពគ្នាក្នុងខេត្តកណ្តាលនៃប្រទេសកម្ពុជា ឈមនឹងខេត្តអានយ៉ាងនៃប្រទេសវៀតណាមនេះ។ ជាការឆ្លើយតប ក្រសួងការបរទេសវៀតណាមបានអះអាងថា ការបោះតង់នៅតាមព្រំដែនដោយខេត្តអានយ៉ាងនេះ គឺជាវិធានការបណ្តោះអាសន្ន ដើម្បីទប់ស្កាត់ឲ្យទាន់ពេលវេលា នូវការធ្វើដំណើរឆ្លងកាត់ព្រំដែន ក្នុងអំឡុងពេលនៃការរីករាលដាលនៃជម្ងឺកូវីដ១៩ ហើយថា ការបោះតង់ទាំងនោះ នឹងមិនប៉ះពាល់ដល់ការខណ្ឌសីមា និងការបោះបង្គោលព្រំដែនរវាងប្រទេសទាំងពីរនេះទេ។ តាមរយៈការឆ្លើយតបនោះ អាជ្ញាធរវៀតណាមបានសន្យាថា នឹងរុះរើតង់ដែលបានបោះជាបណ្តោះអាសន្នទាំងអស់ចេញពីតំបន់ព្រំដែនខាងលើនេះ៕

What Next?

Recent Articles

2 Responses to "កម្ពុជាកោះហៅទូតវៀតណាមមកបំភ្លឺ បន្ទាប់ពីភាគីវៀតណាមមិនទាន់រុះរើតង់តាមការទាមទាររបស់កម្ពុជា"

  1. Anonymous says:

    Cambodian should not trust HUN SEN leadership . the reason why?? HUN SEN was Vietcong’s poppet we can tell they never telling us the true. we can see what have they been doing to our nation. I tell you what they just asking those embassy to make Cambodian think they do not like what Vietcong doing to Cambodia in fact they let Vietcong do whatever they want . we can hear what HUN SEN’s authority said last week . we are Cambodian over sea knew that our nation back home is in deep problem right now. the country have been leaded by one eye evil killer and this evil killer already made commitment to joint HOCHIMIN policy of UNITED ENDOCHEN. I knew this un educated blind evil though if he can fulfill his boss plan he will stay in powers to the rest of his life and continuous to his family tree . I also know that Cambodian inside the country have to rising up to kick this evil out to save their own nation. if they don’t soon Vietcong will take over because they have been spreading their people every where in Cambodia. I just want to ask some older Cambodia a question?? OK in LON NOL regime to POL POT regime did you saw any Vietnamese in Cambodia ?? if you say yes I saw one of them I’m say you are not Cambodian . I tell you the true every Cambodian telling me there was not even a piece of Vietnamese in Cambodia . after all I just want to say HUN SEN must go. GOD bless Cambodia

  2. Anonymous says:

    Veitname is former veitcong are the crocodile ‘ because king si haknouk used to give them refuge during the war with south ‘ Remember ‘ USA drop bomb on their head but king si haknouk help them and win the war ‘ now they are real crocodile like ah stupid king said’ veit must go to hell’