កម្ពុជា-អង់គ្លេស
20/06/2020 – 12:09
ដោយ៖ អ៊ឹម រចនា
RFI
នៅក្នុងសម័យប្រជុំលើកទី៤៣នៃក្រុមប្រឹក្សាសិទ្ធិមនុស្សអង្គការសហប្រជាជាតិ នាថ្ងៃសុក្រទី១៩មិថុនា តំណាងប្រតិភូនៃប្រទេសអង់គ្លេសបានជំរុញឲ្យកម្ពុជាចាត់វិធានការបន្ថែមទៀត ដើម្បីស្ដារលទ្ធិប្រជាធិបតេយ្យនិងសេរីភាពនៃការបញ្ចេញមតិ។ សម្រាប់កម្ពុជា អ្វីដែលប្រតិភូនៃប្រទេសអង់គ្លេសលើកឡើងនៅក្នុងកិច្ចប្រជុំ គឺធ្វើឡើងក្រោមហេតុផលនយោបាយ។ តំណាងកម្ពុជាគូសបញ្ជាក់ថា កម្ពុជាគោរពផ្ដល់តម្លៃខ្ពស់ចំពោះសេរីភាពនៃការបញ្ចេញមតិស្របតាមច្បាប់។ និងថា ការញុះញង់ អំពាវនាវឲ្យមានការបះបោរ និងការផ្សព្វផ្សាយព័ត៌មានក្លែងក្លាយ ពុំមានន័យស្មើនឹងការបញ្ចេញមតិនោះឡើយ។
«យើងជំរុញឲ្យប្រទេសកម្ពុជាចាត់វិធានការបន្ថែមទៀតដើម្បីស្ដារលទ្ធិប្រជាធិបតេយ្យនិងសេរីភាពនៃការបញ្ចេញមតិ។» នេះគឺជា ការលើកឡើងរបស់លោកស្រី Rita French ប្រតិភូតំណាងចក្រភពអង់គ្លេស ថ្លែងនៅក្នុងសម័យប្រជុំលើកទី៤៣នៃក្រុមប្រឹក្សាសិទ្ធិមនុស្សអង្គការសហប្រជាជាតិ ស្ដីពីរបៀបវារៈទី១០ នៅថ្ងៃទី១៩មិថុនា។
ការលើកឡើងរបស់តំណាងប្រទេសអង់គ្លេសដូច្នេះ ត្រូវបានភាគីកម្ពុជាចាត់ទុកថា ជាការបំពានទៅលើក្រុមប្រឹក្សាសិទ្ធិមនុស្ស។ បំពានព្រោះបើតាមលោក អាន សុខខឿន ដែលជាតំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ កិច្ចប្រជុំនៅថ្ងៃទី១៩មិថុនានេះ មានរបៀបវារៈផ្ដោតលើជំនួយបច្ចេកទេសនិងការកសាងសមត្ថភាព ប៉ុន្តែអង់គ្លេសបានជំរិតឲ្យប្ដូរទិសដៅកិច្ចប្រជុំឆ្ពោះទៅហេតុផលនយោបាយ។ សម្រាប់កម្ពុជា ទង្វើរបស់អង់គ្លេសដូច្នេះ គឺជាការបង្ហាញយ៉ាងច្បាស់ក្រលែតអំពីការធ្វើនយោបាយភាវូបនីយកម្មនៅក្នុងកិច្ចការសិទ្ធិមនុស្ស។
ឆ្លើយតបនឹងការលើកឡើងរបស់តំណាងចក្រភពអង់គ្លេស តំណាងកម្ពុជាបានគូសបញ្ជាក់ត្រឡប់ទៅវិញថា កម្ពុជាគោរពផ្ដល់តម្លៃខ្ពស់ចំពោះសេរីភាពនៃការបញ្ចេញមតិស្របតាមច្បាប់ ក្នុងនោះ កម្ពុជាបានអនុញ្ញាតឲ្យប្រព័ន្ធផ្សព្វផ្សាយអនឡាញនិងបោះពុម្ពផ្សាយ ស្ថានីយ៍ទូរទស្សន៍ និងវិទ្យុសរុបជាង១ពាន់អង្គភាពដំណើរការ ដោយមិនមានការត្រួតពិនិត្យជាមុន។ ចំណែកអ្នកប្រើប្រាស់ហ្វេសប៊ុកនៅកម្ពុជាមានចំនួនជាង៨លាននាក់ ដែលបានបញ្ចេញមតិយោបល់ជាសាធារណៈដោយសេរី។
យ៉ាងណាក៏ដោយ លោក អាន សុខខឿន សង្កត់ធ្ងន់ថា ការអនុវត្តសេរីភាពនៃការបញ្ចេញមតិត្រូវភ្ជាប់មកជាមួយនូវករណីកិច្ច ការទទួលខុសត្រូវពិសេស និងដែនកំណត់ ដូចមានចែងក្នុងរដ្ឋធម្មនុញ្ញរបស់កម្ពុជា និងសេចក្ដីប្រកាសជាសកលស្ដីពីសិទ្ធិមនុស្ស ក៏ដូចជាកតិកាសញ្ញាអន្ដរជាតិស្ដីពីសិទ្ធិពលរដ្ឋនិងនយោបាយ។ និងថា ការញុះញង់ អំពាវនាវឲ្យមានការបះបោរ និងការផ្សព្វផ្សាយព័ត៌មានក្លែងក្លាយ ពុំមានន័យស្មើនឹងការបញ្ចេញមតិនោះឡើយ។ នេះបើតាមលោក អាន សុខខឿន តំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ។
ទាក់ទងនឹងបញ្ហាប្រជាធិបតេយ្យវិញ លោក អាន សុខខឿន អះអាងថា កម្ពុជាផ្ដល់សារៈសំខាន់យ៉ាងខ្លាំងចំពោះពហុបក្សនិយម ដោយបង្កើតឲ្យមានឧត្តមក្រុមប្រឹក្សាពិគ្រោះនិងផ្ដល់យោបល់ដែលមានសមាសភាពមកពីគណបក្សមិនជាប់ឆ្នោតចំនួន១៥។ តាមរយៈយន្តការនេះ លោក អាន សុខខឿន ថា បញ្ហាដែលប៉ះពាល់ដល់យុត្តិធម៌សង្គមជាច្រើនត្រូវបានឧត្តមក្រុមប្រឹក្សាពិគ្រោះយោបល់លើកយកទៅស៊ើបអង្កេតដោយឯករាជ្យ៕
Haha so funny’harse’ Please don’t ever dream about Human right or Democracy in cambodia’ O K ‘ .Ms ‘ please look at the parish Accord ‘ and look at the invasion of Hanoi to cambodia 1979 ‘ and they install their dogs since then and they still used tac-tic to lie to international and cheat U N and the world ‘ now at border Hanoi still invade some part of cambodia so their brain and their dogs never care about Human Right or Democracy ‘ . Cambodia and her people are in the cage of Veitcong mafia dictator and his groups and serve to hanoi only’
ហាស ! ហាស
បះបោរ ?
ហែកកាដួយម៉ែអ្ហែងឲ្យបះបោរមែនទេ ?
តែមីកាដួយស្អុយហ្នឹង វាងាប់តៃហោងបាត់ហើយ !
ចំណែកក្រុមសង្គ្រោះការដួយ សង្គ្រោះក្តវិញ មេវា អាមួយជាប់គុក អាមួយរត់ចោលស្រុក ហើយ
អាប៉ុន្មានក្បាលអាចក់ មីជែម ក៏ជាប់គុក ។ ដូចនេះ ទោះអូសក្បាលខ្មោចឪអ្ហែងមកបះបោរទៀត
ក៏ទៅមិនរួចដែរ អាពូជឆ្កែ !