ដោយ ទីន ហ្សាការីយ៉ា
2020-10-21
RFA
ស្ដាប់ ឬទាញយកសំឡេង
លោកនាយរដ្ឋមន្ត្រី ហ៊ុន សែន ពេលចុះទៅមើលស្ថានភាពទឹកជំនន់នៅខេត្តបន្ទាយមានជ័យ នៅថ្ងៃទី២១ ខែតុលា ឆ្នាំ២០២០។
រូប៖ រដ្ឋបាលខេត្តបន្ទាយមានជ័យ
លោកនាយករដ្ឋមន្ត្រី ហ៊ុន សែន ព្រមានចាត់វិធានលើក្រុមអង្គការសង្គមស៊ីវិល និងប្រជាពលរដ្ឋទាំងឡាយណា ដែលគ្រោងហែញត្តិក្នុងពេលប្រារព្ធទិវារំលឹកខួប ២៩ឆ្នាំនៃកិច្ចព្រមព្រៀងសន្តិភាពទីក្រុងប៉ារីសនៅថ្ងៃទី២៣តុលាខាងមុខ។ មន្ត្រីគណបក្សប្រឆាំងចាត់ទុកការលើកឡើងរបស់លោកហ៊ុន សែន នេះថា ជាការចង់លុបបំបាត់កិច្ចព្រមព្រៀងសន្តិភាពក្រុងប៉ារីសដើម្បីងាយស្រួលលោកគ្រប់គ្រងប្រទេសបានយូរអង្វែងទៅមុខ។
លោកនាយករដ្ឋមន្ត្រី ហ៊ុន សែន បានប្រកាសនៅចំពោះប្រជាពលរដ្ឋរងគ្រោះដោយទឹកជំនន់រាប់ពាន់នាក់នៅស្រុកមង្គលបុរី ខេត្តបន្ទាយមានជ័យ នៅព្រឹកថ្ងៃទី២១ តុលាថា ក្រុមអង្គការសង្គមស៊ីវិល និងប្រជាពលរដ្ឋទាំងឡាយដែលគ្រោងប្រារព្ធទិវារំលឹកខួបថ្ងៃកិច្ចព្រមព្រៀងទីក្រុងប៉ារីស២៣ តុលា នៅរាជធានីភ្នំពេញ គឺជាក្រុមបំផ្លាញសេចក្ដីសុខរបស់ពលរដ្ឋ។ លោក ហ៊ុន សែន បានចោទប្រកាន់ថា ថ្នាក់ដឹកនាំគណបក្សសង្គ្រោះជាតិកំពុងភៀសខ្លួននយោបាយនៅក្រៅប្រទេស ជាអ្នកនៅពីក្រោយខ្នងរឿងនេះ ហើយលោកព្រមានចាត់វិធានការលើក្រុមអ្នកចូលរួម ប្រសិនបើពួកគេដើរហែញត្តិទៅស្ថានទូតចិនប្រចាំនៅរាជធានីភ្នំពេញក្នុងពេលប្រារព្ធពិធីនេះ៖ «អាហ្នឹងណែនាំពីក្រៅប្រទេសមកពីក្រៅប្រទេសមក អីចឹងខ្ញុំគ្រាន់តែផ្ដាំផ្ញើ កំពុងតែទឹកជំនន់ផងណា កុំមករញ៉េរញ៉ៃ កំពុងទឹកជំនន់ផង កូវីដផង កុំមករញ៉េរញ៉ៃ។ ហើយកុំទៅលើកម្រាមដៃ៣អីចូលរួមជាមួយថៃ ឃើញថៃគេដាក់មកវិញថា កុំជ្រៀតជ្រែកកិច្ចការផ្ទៃក្នុងរបស់ថៃ។អីចង់សាមគ្គីភាពជាមួយហ្នឹងការតស៊ូរបស់ប្រជាជនថៃ រឿងថៃរឿងរបស់ថៃ ខ្មែររឿងរបស់ខ្មែរ»។
ទោះជាមានការព្រមានពីលោក ហ៊ុន សែន និងការមិនអនុញ្ញាតពីសាលារាជធានីភ្នំពេញក៏ដោយ ក៏ក្រុមអង្គការ សមាគម និងសហជីពចំនួន ២៣ស្ថាប័ននៅតែរក្សាជំហរជួបជុំគ្នានៅទីលានប្រជាធិបតេយ្យថ្មីក្នុងខណ្ឌឫស្សីកែវ ដើម្បីរំលឹកខួប ២៩ឆ្នាំនៃកិច្ចព្រមព្រៀងសន្តិភាពទីក្រុងប៉ារីស នៅថ្ងៃទី២៣ ខែតុលា ខាងមុខ ដោយគ្រោងមានអ្នកចូលរួមប្រមាណ ១ពាន់នាក់ដដែល។
មន្ត្រីជាន់ខ្ពស់ទទួលបន្ទុកផ្នែកអង្កេតអង្គការខុមហ្វ្រែល និងជាអ្នកនាំពាក្យគណៈកម្មការរៀបចំប្រារព្ធខួបកិច្ចព្រមព្រៀងសន្តិភាពទីក្រុងប៉ារីស លោក កង សាវាង្ស មានប្រសាសន៍ថា ការរៀបចំកម្មវិធីមិនស្ថិតនៅក្រោមការចង្អុលបង្ហាញពីគណបក្សនយោបាយណាមួយនោះឡើយ។លោកបន្ថែមថា ក្រុមអង្គការសង្គមស៊ីវិល នៅតែរក្សាជំហរប្រារព្ធខួបកិច្ចព្រមព្រៀងសន្តិភាពទីក្រុងប៉ារីសតាមរៀបវារៈនិងសេចក្ដីជូនដំណឹងរបស់ខ្លួននៅទីលានប្រជាធិបតេយ្យនៅថ្ងៃទី២៣ ខែតុលាដដែល៖ «ពីព្រោះថាការងារយើងហ្នឹងយើងបានរៀបចំហើយ ហើយជារៀងរាល់ឆ្នាំយើងតែងតែប្រារព្ធពិធីថ្ងៃ ២៣ តុលា ហ្នឹង ហើយទិវានេះគឺជាទិវាមួយដែលយើងត្រូវតែធ្វើដោយសារតែ បំណងដែលយើងធ្វើគឺទីមួយដើម្បីឱ្យគាត់នឹកឃើញហើយដាក់ថ្ងៃហ្នឹងទៅជាថ្ងៃមួយទៅ ជាថ្ងៃឈប់សម្រាកដូចរាល់ដងអីចឹង។ព្រោះយើងដឹងហើយក្នុងឆ្នាំហ្នឹងរដ្ឋាភិបាលបានសម្រេចដកនៅក្នុងកម្មវិធីហ្នឹង។ទី២យើងហ្នឹងជជែកនៅក្នុងពិធីនេះ ដើម្បីឱ្យប្រជាពលរដ្ឋលោកបានយល់បានជ្រាប អំពីថ្ងៃទី២៣ហ្នឹង»។
តាមគម្រោង អ្នកវិភាគនិងអ្នកសិក្សាស្រាវជ្រាវឯករាជ្យ ព្រមទាំងមន្ត្រីសង្គមស៊ីវិល នឹងថ្លែងសាររម្លឹកឡើងវិញអំពីប្រវត្តិ និងខ្លឹមសារកិច្ចព្រមព្រៀងនេះ ព្រមទាំងការអនុវត្តរបស់រដ្ឋាភិបាលនាពេលកន្លងមក ការបង្ហាញចំណាប់អារម្មណ៍របស់តំណាងកម្មករ កសិករ និងយុវជនម្នាក់ម្តងៗ។ បន្ទាប់មក ក្រុមសង្គមស៊ីវិលនឹងធ្វើសន្និសីទកាសែត រួចដង្ហែញត្តិដាក់ជូនរដ្ឋាភិបាល។
ប្រពន្ធសមាជិកក្រុមប្រឹក្សាខេត្តជាប់ឆ្នោតគណបក្សសង្គ្រោះជាតិ លោក ស៊ុន ធន់ គឺលោកស្រី សេង ចាន់ថន ថ្លែងថា បើទោះបីជាមានការគំរាមកំហែងពីលោកហ៊ុន សែនបែបនេះក្ដី ក៏ពួកលោកស្រីដែលជាក្រុមស្ត្រីប្រពន្ធរបស់សកម្មជនគណបក្សប្រឆាំងដែលកំពុងជាប់ឃុំនៅពន្ធនាគារព្រៃស នៅតែប្រកាន់ជំហរចូលរួមរំលឹកខួបថ្ងៃទី២៣តុលា ដោយមិនមានការរាថយឡើយ៖ «គាត់ចង់រក្សាអំណាចរបស់គាត់ ហើយគាត់មិនគិតពីសិទ្ធិសេរីភាព ពីការចុះសន្ធិសញ្ញា២៣តុលា ដើម្បីសិទ្ធិសេរីភាពរបស់ប្រជាពលរដ្ឋផងហ្នឹង គាត់ចង់បំបាត់ចោលហើយក៏យ៉ាងម៉េច។ព្រោះអីប្រទេសខ្មែរមានសន្ធិសញ្ញាក្រុងប៉ារីស២៣តុលា អីចឹងយើងត្រូវតែឱ្យគាត់គោរពថ្ងៃ២៣តុលាហ្នឹង ដើម្បីឱ្យមានប្រជាធិបតេយ្យត្រឡប់មកវិញ កុំឱ្យគាត់បោះបង់ចោល សំខាន់ណាស់ថ្ងៃ២៣តុលាហ្នឹង»។
ចំណែកអនុប្រធានគណបក្សសង្គ្រោះជាតិដែលកំពុងភៀសខ្លួននយោបាយនៅក្រៅប្រទេស លោក អេង ឆៃអ៊ាង ថ្លែងថា លោក ហ៊ុន សែន មិនចូលចិត្តកិច្ចព្រមព្រៀងក្រុងប៉ារីសទេ ព្រោះកិច្ចព្រមព្រៀងនេះបានធ្វើឱ្យគាត់បាត់បង់អំណាចមួយរយៈក្នុងការបោះឆ្នោតឆ្នាំ១៩៩៣។ លោកបន្តថា លោក ហ៊ុន សែន មិនចង់ឱ្យមានការប្រមូលផ្ដុំ ដោយសារលោកភ័យខ្លាចប្រជាពលរដ្ឋងើបបះបោរប្រឆាំងនឹងរដ្ឋាភិបាលក្រុងភ្នំពេញដូចពលរដ្ឋថៃនាំគ្នាតវ៉ាប្រឆាំងនឹងរដ្ឋាភិបាលទីក្រុងបាងកកសព្វថ្ងៃ៖ «ជាធម្មជាតិរបស់ជនផ្ដាច់ការគឺភ័យខ្លាចហ្នឹងអ្នកណាដែលគេបញ្ចេញមតិផ្ទុយពីខ្លួនហើយអ្នកហ្នឹងចោទប្រកាន់គេហ្នឹងជាខ្មាំងជាអមនុស្ស។ ប៉ុន្តែវាមិនអាចនិយាយរួមដៃមនុស្សមិនអាចច្របាច់ម្សៅឱ្យជាប់បានទេ ព្រោះម្សៅកាលណាច្របាច់ខ្លាំងត្រូវចេញតាមច្រវ៉េះ ដៃហើយ។ អីចឹងទោះបីហ៊ុន សែន គំរាមកំហែងប៉ុណ្ណាក៏ដោយ ដល់ពេលវេលាមួយគេមិនខ្លាចដែរ យើងមើលឃើញទិដ្ឋភាពជាក់ស្ដែងទៅយើងដឹងហើយយុវជនថៃមានតែខ្លាចការចាប់ចងអី អ្នកឯងចាប់កាន់តែខ្លាំងការចេញកាន់តែខ្លាំងទៀតហ្នឹង។នៅប្រទេសកម្ពុជាក៏ដូចគ្នាដែរ ដល់ពេលវេលាមួយវាហ្នឹងឈានទៅដូចគ្នាហ្នឹងដែរ»។
កិច្ចព្រមព្រៀងក្រុងប៉ារីស ២៣តុលា ១៩៩១ គឺកិច្ចព្រមព្រៀងបញ្ចប់ជម្លោះរវាងខ្មែរនឹងខ្មែរគ្នាឯងហើយធានាយ៉ាងពេញលេញនូវអធិបតេយ្យ បូរណភាព ឯករាជ្យភាព អព្យាក្រឹតភាព និងឯកភាពជាតិរបស់កម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ឧត្ដមទីប្រឹក្សាផ្ទាល់នៃព្រះមហាក្សត្រ ថ្លែងថា ព្រះរាជាបច្ចុប្បន្ន ដូចជាប់ឃុំក្នុងវាំង ព្រោះស្ថាប័នរដ្ឋាភិបាល
- ប្រមុខការទូតខ្មែរចូលរួមប្រជុំជាមួយរដ្ឋមន្ត្រីការបរទេសអាស៊ាន-អង្គការសហប្រជាជាតិនៅថ្ងៃនេះ
- តុលាការក្រុងភ្នំពេញ ឃុំខ្លួនសកម្មជនបក្សប្រឆាំងខេត្តបាត់ដំបង ២នាក់ ពីបទប្រមាថព្រះមហាក្សត្រ ខណៈសកម្មជននៅភ្នំពេញម្នាក់ រងការលបវាយត្រូវវះកាត់លលាដ៍ក្បាល
- អ្នកឃ្លាំមើលជំរុញបក្សកាន់អំណាច និងបក្សប្រឆាំងឱ្យបញ្ចប់ជម្លោះនយោបាយ ដើម្បីរួមគ្នាដោះស្រាយបញ្ហាជាតិ
- តុលាការកោះហៅក្រុមមេដឹកនាំបក្សប្រឆាំង កំពុងនិទ្ទេសខ្លួន ៩រូប ឱ្យចូលបំភ្លឺអំពីបទចោទឧបឃាត
- សកម្មជនសង្គ្រោះជាតិដែលតាមឃ្លាំមើលបាតុកម្មប្រទេសថៃថានឹងមានបាតុកម្មបែបនេះនៅប្រទេសកម្ពុជាឆាប់ៗ នេះ
- អាជ្ញាធរក្រុងភ្នំពេញមិនទាន់ដោះលែងអតីតសមាជិកគណបក្សសង្គ្រោះជាតិ ខេត្តបាត់ដំបង ២រូបនៅឡើយទេ
- ជនមិនស្គាល់ ២នាក់ ឆ្មក់វាយសកម្មជនបក្សប្រឆាំងម្នាក់របួសក្បាលធ្ងន់ធ្ងរ ខណៈកូនប្រុសរបស់សកម្មជនកំពុងជាប់ពន្ធនាគារម្នាក់គ្រោះថ្នាក់ចរាចរណ៍ស្លាប់
- គ.ជ.ប ថា ចំនួនអ្នកចុះឈ្មោះបោះឆ្នោតថ្មីមានចំនួនជាង ២៤ម៉ឺននាក់រយៈពេល ១៧ថ្ងៃ
- ប៉ូលិស ចាប់សកម្មជនបក្សប្រឆាំងខេត្តបាត់ដំបង ២នាក់ បញ្ជូនទៅតុលាការក្រុងភ្នំពេញ
ម្តងនេះ ឃើញតែអា កង សាវាង្ស បាត់មុខអា សឹងសែន ករុណា !
អញចាំមើលអ្ហែង ដែលអួតក្អេងក្អាង អារឿងធ្វើសកម្មភាព
បំផ្លាញសេចក្ដីសុខរបស់ពលរដ្ឋ ហ្នឹង បន្តិចមើល
ថាតើក្បាលអ្ហែង វារឹង ប៉ុណ្ណា !
we Cambodian should know what is this man did to our country. every thing is destroy after he get in powers up to this day not even that right now he and his whole families became billionaire and also his gangster group is also millionaire how about our poor Cambodian every one is in tear no place to live food to eat . this evil HUN SEN did not care about an agreement in PARIS that Cambodia should be a peaceful nation right now instate every nation around the world are so upset about this evil regime . HUN SEN must go no matter what?? this evil killer can not stay that long . please do not keep his remain in this sad land we do not want any peace of this evil killer in Cambodia. OH one thing please take that few watch put in action to buy rice for the flood victim
This beast regime will go to hell soon because all people never like all this ha noi dogs’
this man is 100% evil I can not believe he talking about his enemy witch is also Khmer while our people meet all kind of problem of flooding in their village . I do not understanding why this evil is so un humanly in every way as human being . I quest he must have bee born to be an evil till the end of his life . OH …GOD take this evil away as soon as you can so that Cambodian people can living in peace . this evil has no peace in mind in every minute he always thinking of killing that all . please read my comment to cold down your angers