លោក​ រ៉ុង​ ឈុន​ ស្នើ​​តុលាការ​​កំពូល​​កុំ​​សម្រេច​​​ក្តី​​ក្រោម​​ឥទ្ធិពល​​នយោបាយ

តុលាការ និងច្បាប់ | ព័ត៌មានជាតិ | សិទ្ធិមនុស្ស
លោក ញឹម សុខន | ១១ វិច្ឆិកា ២០២០ |ម៉ោង ១៧:៣៦
VOD

លោក រ៉ុង ឈុន ក្រោយ​ចេញពី​សវនាការ​នៅ​តុលាការ​កំពូល ពាក់ព័ន្ធ​នឹង​បទ​ចោទ «ញុះញង់​ឱ្យ​មាន​ភាព​វឹកវរ​ធ្ងន់ធ្ងរ​ដល់​សន្តិសុខ​សង្គម» ថ្ងៃទី១១ ខែវិច្ឆិកា ឆ្នាំ២០២០។ (​ហ្វេសប៊ុក៖ RONG CHHUN​)

លោក រ៉ុង ឈុន ក្រោយ​ចេញពី​សវនាការ​នៅ​តុលាការ​កំពូល ពាក់ព័ន្ធ​នឹង​បទ​ចោទ «ញុះញង់​ឱ្យ​មាន​ភាព​វឹកវរ​ធ្ងន់ធ្ងរ​ដល់​សន្តិសុខ​សង្គម» ថ្ងៃទី១១ ខែវិច្ឆិកា ឆ្នាំ២០២០។ (​ហ្វេសប៊ុក៖ RONG CHHUN​)


​អ្នកជាប់ឃុំ​ដោយសារ​អត្ថា​ធិប្បាយ​បញ្ហា​ព្រំដែន លោក រ៉ុង ឈុន ស្នើ​តុលា​លា​ការ​កំពូល​កាត់សេចក្តី​ឈរ​លើ​វិជ្ជាជីវៈ កុំ​ស្ថិត​ក្រោម​ឥទ្ធិពល​នយោបាយ ខណៈ​លោក​ចូល​តតាំង​ក្តី​ប្រឆាំង​នឹង​បទ​ចោទលោក​ថា ​បាន ​«ញុះញង់​ឱ្យ​មាន​ភាព​វឹកវរ​ធ្ងន់ធ្ងរ​ដល់​សន្តិសុខ​សង្គម»

នៅ​ថ្ងៃពុធ​នេះ តុលាការ​កំពូល​បើកសវនាការ​លើ​បណ្តឹង​សារទុក្ខ​ចំនួន​ពីរ​របស់​លោក រ៉ុង ឈុន។ បណ្តឹង​ទី១ គឺ​ជំទាស់​ទៅ​នឹង​ដីកា​បង្គាប់​ឱ្យ​ឃុំខ្លួន​លោក​ពីសំណាក់​សាលាដំបូង​រាជធានី​ភ្នំពេញ និង​បណ្តឹង​មួយទៀត លោក រ៉ុង ឈុន ទាមទារ​សុំ​នៅ​ក្រៅ​ឃុំ។

មាន​ពុកចង្កា​វែង ស្ថិត​ក្នុង​ឯកសណ្ឋាន​ពណ៌ស្លាទុំ ដែលគេ​សម្គាល់ថា​ជា​អ្នកជាប់ឃុំ លោក រ៉ុង ឈុន ឈរ​មុខ​ក្រចកសេះ និង​ប្រាប់​ចៅក្រម​ជំនុំជម្រះ​ថា ការ​ចាប់ខ្លួន​លោក​ទាំងយប់​នៅ​រាជធានី​ភ្នំពេញ​ កាលពី​ថ្ងៃទី៣១ ខែកក្កដា ដោយ​មន្ត្រី​នគរ​បាល​យុត្តិធម៌​នោះ ត្រូវ​បាន​ធ្វើឡើង​ខុស​នីតិ​វិធី​ច្បាប់។

លោក រ៉ុង ឈុន និយាយ​ថា ការចោទប្រកាន់​ពី​បទល្មើស​ជាក់ស្តែង និង​ញុះញង់​ឱ្យ​វឹកវរ​សង្គម​ធ្ងន់ធ្ងរ ក៏​មិន​ត្រឹមត្រូវ​ដែរ ដោយ​ថា រយៈពេល១០ថ្ងៃ ចាប់ពី​ថ្ងៃ​ដែល​លោក​បង្ហោះ​សារ​ពី​រឿង​ព្រំដែន និង​ដល់​ថ្ងៃ​ចាប់ខ្លួន​នោះ មិន​មាន​ភាព​វឹកវរ​ណាមួយ​កើតឡើង​ដូច​ការចោទប្រកាន់​ទេ។

លោក រ៉ុង ឈុន ស្នើ​ក្រុមប្រឹក្សា​ជំនុំជម្រះ​ «កាត់ក្តី​ឈរ​លើ​វិជ្ជាជីវៈ កុំ​រង​ឥទ្ធិពល​នយោបាយ» ដោយ​ថា ការ​បន្ត​ឃុំខ្លួន​លោក មានតែ​ការរិះគន់និង​ថ្កោលទោស​ពី​មជ្ឈដ្ឋាន​ជាតិនិង​អន្តរជាតិ​ប៉ុណ្ណោះ។

ប្រធាន​ក្រុមប្រឹក្សា​ជំនុំជម្រះ​តុលាការ​កំពូល លោកស្រី គិម សត្ថា​វី បាន​កាត់​ភ្លាម ​ដោយ​ថា លោក រ៉ុង ឈុន និយាយ​ខុស​ប្រធានបទ។

ប្រធាន​អង្គ​ជំនុំជម្រះ​រូប​នេះ និយាយ​ថា សវនា​ការ​នៅ​ថ្ងៃនេះ មិន​ពិចារណា​ទៅលើ​អង្គហេតុ​ទេ ដោយ​តម្រូវ​ឱ្យ​លោក រ៉ុង ឈុន និយាយ​តែ​ពី​មូលហេតុ​ដែល​លោក​ប្តឹង​សារទុក្ខ​សុំ​នៅ​ក្រៅ​ឃុំ។

លោក រ៉ុង ឈុន ផ្អាក​បន្តិច ហើយ​រួច​និយាយ​បន្ត​ថា ក្នុងនាម​ជា​ជនជាប់ចោទ លោក​ចង់​ប្រាប់​អង្គ​ជំនុំជម្រះ​ឱ្យ​បានដឹង​ថា ការចោទប្រកាន់​របស់​តុលាការ​ថ្នាក់ក្រោម​ទៅលើ​រូបលោក មិន​ឆ្លុះបញ្ចាំង​ការពិត​ដែល​វា​បាន​កើតឡើង​ទេ ហើយ​ថា ក្នុងនាម​ជនជាប់ចោទ​មួយ​រូប លោក​ក៏​មិន​ចង់​ឆ្លើយ​សំណួរ​ណា​តាមតែ​តុលាការ​កំពូល​ចង់បាន ដោយ​មិនទាំង​បាន​ដោះបន្ទុក​ទៅ​នឹង​បទ​ចោទ​លោក​នោះ​ដែរ។

ក្រុម​មនុស្ស​ប្រមាណ២០នាក់​ដែល​ភាគច្រើន​ជា​គ្រូបង្រៀន បាន​ប្រមូល​ផ្តុំគ្នា​ស្រែក​ទាមទារ​ឱ្យ​ដោះលែង​និង​ទម្លាក់​បទចោទប្រកាន់​លើ​លោក រ៉ុង ឈុន នៅមុខ​តុលាការ​កំពូល ក្នុង​ថ្ងៃ​សវនាការ​លើ​ករណី​លោក រ៉ុង ឈុន ថ្ងៃទី១១ ខែវិច្ឆិកា ឆ្នាំ២០២០។ (ជន ចាន់​រ៉ែ​ន)

ប្រធាន​ក្រុមប្រឹក្សា​ក្នុង​អង្គ​ជំនុំជម្រះ បាន​គូសបញ្ជាក់​ថា តុលាការ​កំពូល​នឹង​មិន​ពិចារណា​ទៅលើ​អង្គហេតុ​នៃ​សំណុំរឿង​ចោទប្រកាន់​នេះ​ទេ តុលាការ​ចង់​ដឹង​ថា សម្អាងលើ​មូលហេតុ​អ្វី​បាន​ជាលោក រ៉ុង ឈុន សុំ​នៅ​ក្រៅ​ឃុំ ហើយ​ថា ចៅក្រម​មាន​វិជ្ជាជីវៈ​របស់​ខ្លួនមាន​កិច្ចការ​តូចតាច​ច្រើន​ទៀត។

សំណុំរឿង​លោក រ៉ុង ឈុន ត្រូវ​បានការ​ពារ​ដោយ​មេធាវី៣រូប រួមមាន ​លោក​មេធាវី ជូង ជូ​ងី លោក​មេធាវី ឡោ ជុន​ធី និង​លោក​មេធាវី សំ សុ​គង់ ប៉ុន្តែលោក​សំ សុ​គង់ អវត្តមាន​នៅក្នុង​សវនាការ​ថ្ងៃនេះ។

លោក ជូង ជូ​ងី និយាយ​ថា ការចោទប្រកាន់​កូន​ក្តី​លោក​យោង​លើ​ឯកសារ​បង្ហោះ​លើ​ហ្វេសប៊ុក ខណៈ​រដ្ឋាភិបាល​មិនទាន់​មានច្បាប់​ស្តី​ការ​គ្រប់​គ្រង​អ៊ិ​នធឺណិ​តនៅឡើយ ម្យ៉ាងទៀត​ លោក​ថា កូន​ក្តី​លោក​មានផ្ទះ​សម្បែងនិង​មុខរបរ​ជាក់លាក់ ដែល​អាច​ឱ្យ​តុលាការ​ជឿ​បាន​ថា គាត់​នឹង​មិន​គេចវេះពី​នីតិវិធី​របស់​តុលាការ​លើ​សំណុំរឿង​នេះ​ឡើយ។ លោក​ស្នើសុំ​តុលាការ​កំពូល​ពិចារណា​ឱ្យ​កូន​ក្តី​លោក​បាន​នៅ​ក្រៅ​ឃុំ។

លោក​មេធាវី ឡោ ជុន​ធី មានប្រសាសន៍​ថា វិបត្តិ​កូ​វីដ១៩ ការ​ធ្វើដំណើរ​ឆ្លងដែន​ទៅ​ប្រទេសជិតខាង នៅ​បន្ត​បិទ​នៅឡើយ វា​ជាហេតុ​ផល​មួយទៀត​បញ្ជាក់​ថា កូន​ក្តី​នឹង​មិន​អាច​គេចខ្លួន​ទៅក្រៅ​ប្រទេស បង្ក​ផល​លំបាក​ដល់​នីតិវិធី​សំណុំរឿង​នេះ​ឡើយ។ លោក​ស្នើ​ចៅក្រម​ពិចារណា​ទាត់ចោល​សេចក្តី​សម្រេច​របស់​ចៅក្រម​ស៊ើប​សួរ​សាលាដំបូង ដើម្បី​ឱ្យ​កូន​ក្តី​បាន​នៅ​ក្រៅ​ឃុំ​តាម​ការ​ស្នើសុំ។

បណ្តឹង​សុំ​នៅ​ក្រៅ​ឃុំ​របស់​លោក រ៉ុង ឈុន ត្រូវ​បាន​សាលាដំបូង​ច្រាន​ចោល​កាលពី​ថ្ងៃទី៥ ខែសីហា​កន្លងមក​នេះ ហើយ​បន្ទាប់មក ​សាលាឧទ្ធរណ៍​ច្រានចោល​ដូចគ្នា។

ទោះជាយ៉ាងណា តំណាង​មហាអយ្យការ​អម​តុលាការ​កំពូល លោក ច័ន្ទ​ដារ៉ា រង្ស៊ី ថ្លែង​ចំពោះមុខ​ចៅក្រម​ថា ការ​ឱ្យ​លោក រ៉ុង ឈុន នៅ​ក្រៅ​ឃុំ​ អាច​បង្ក​ជាហា​និ​ភ័យ​ដល់​ដំណើរការ​នីតិ​វិធីបទល្មើស​ថ្មី និង​ចលាចល​សង្គម​អាច​នឹង​កើតឡើង​តាមរយៈ​អ្នក​ដែល​ជឿជាក់​លើ​លោក រ៉ុង ឈុន។

តំណាង​មហាអយ្យការ​រូប​នេះ និយាយ​ដែរ​ថា សេចក្តី​សម្រេច​របស់​សាលាដំបូងនិង​សាលាឧទ្ធរណ៍​កន្លងទៅ ​ត្រឹមត្រូវ​តាម​ទម្រង់​ច្បាប់ និង​ស្នើ​ក្រុមប្រឹក្សា​ជំនុំជម្រះទទួលយក​តាម​ការ​សន្និដ្ឋាន​របស់​ខ្លួន។

យ៉ាងណា នៅ​នាទី​ចុងក្រោយ លោក រ៉ុង ឈុន បាន​លើកដៃ​សុំ​ឡើង​តវ៉ា​ម្តង​ទៀត ប៉ុន្តែត្រូវ​បាន​ប្រធាន​ក្រុមប្រឹក្សា​ហាមឃាត់​ជាថ្មី​ទៀត ដោយ​ថា សវនាការ​នេះមិន​សំខាន់​វត្តមាន​ជនជាប់ចោទ​ទេក្រៅពី​មេធាវី។

លោក រ៉ុង ឈុន មិន​អាច​សុំ​បញ្ជាក់​បន្ថែម​បាន ក្រោយ​ចេញពី​បន្ទប់​សវនាការ ដោយ​នគរបាល​បាន​អម​លោក​ជាប់ និង​ហាម​អ្នកសារព័ត៌មាន​សាកសួរឬថតរូប។ ប៉ុន្តែដើរ​ជិតដល់​រថយន្ត​ដែល​ត្រៀម​ដឹក​លោក​ត្រឡប់ទៅ​ពន្ធនាគារ​វិញ​នោះ លោក រ៉ុង ឈុន និយាយ​ថា សុខភាព​គាត់​នៅ​បន្ត​តតាំង​បាន។

លោក ជូង ជូ​ងី បង្ហាញ​ការ​ខកចិត្ត បន្ទាប់ពី​ប្រធាន​ក្រុមប្រឹក្សា​ជំនុំជម្រះរារាំង​កូន​ក្តី​ម្តង​ហើយ​ម្តង​ទៀត មិន​ឱ្យ​ថ្លែង​ពី​ភាព​ស្អាតស្អំ​របស់​កូន​ក្តី។

លោក​មេធាវី ជូង ជូ​ងី ផ្ដល់​បទសម្ភាសន៍​ដល់​អ្នកកាសែត ក្រោយ​បញ្ចប់​សវនាការ​នៅ​តុលាការ​កំពូល ពាក់ព័ន្ធ​ករណី​លោក រ៉ុង ឈុន នៅ​ថ្ងៃទី១១ ខែវិច្ឆិកា ឆ្នាំ២០២០។ (ជន ចាន់​រ៉ែ​ន)

លោក ជូង ជូ​ងី ប្រាប់​ថា៖ «មែនទែន​ សិទ្ធិ​របស់​គាត់ត្រូវ​សម្ដែង​ឱ្យ​អស់ ប៉ុន្តែការអនុវត្ត​របស់​តុលាការ​មានការ​រឹតត្បិត»។

សំណើសុំ​នៅ​ក្រៅ​ឃុំ​ជំទាស់​ទៅ​នឹង​សេចក្ដីសម្រេច​របស់​សាលាដំបូង​រាជធានី​ភ្នំពេញ​នេះ នឹង​ត្រូវ​ប្រកាស​នៅ​ថ្ងៃទី២៥ ខែវិច្ឆិកា​ខាងមុខនេះ។

អ្នកនាំពាក្យ​ក្រសួង​យុត្តិធម៌ លោក ជិន ម៉ា​លីន មានប្រសាសន៍​ថា ការ​លើកឡើង​របស់​លោក រ៉ុង ឈុន មិនមែន​ជា​មូលដ្ឋាន​ច្បាប់ដើម្បី​ការពារ​ខ្លួន​ទេ វា​ជា​ការចោទប្រកាន់​ដើម្បី​បិទបាំង​កំហុស មិន​មានហេតុ​ផល​ផ្លូវច្បាប់​រឹងមាំ​ដើម្បី​ការពារ​ខ្លួន​ទេ។

លោក ជិន ម៉ា​លីន ប្រាប់​ថា៖ «ផ្ទុយទៅវិញ បើ​គាត់​ចង់​ការពារ​ខ្លួន គួរតែ​ស្វែងរក​ភស្តុតាង សក្ខីកម្ម​ផ្លូវច្បាប់​ឱ្យ​បាន​រឹងមាំ ដើម្បី​ដោះបន្ទុក ដើម្បី​ចៀសវាង​ការចោទប្រកាន់​គេ​ដោយ​គ្មាន​មូលដ្ឋាន»។

នៅ​ក្រៅ​តុលាការ​វិញ មាន​មនុស្ស​ប្រមាណ​ជា២០នាក់ដែល​ភាគច្រើន​ជា​គ្រូបង្រៀន បាន​ប្រមូល​ផ្តុំគ្នា​ស្រែក​ទាមទារ​ឱ្យ​ដោះលែងនិង​ទម្លាក់​បទ​ចោ​ទប្រ​កាន់​លើ​លោក រ៉ុង ឈុន។

លោកគ្រូ ឡុង រឹម អាយុ៤៩ឆ្នាំ និយាយ​ថា លោក​ចង់​ឃើញ​ប្រព័ន្ធ​យុត្តិធម៌​នៅ​កម្ពុជា​ជា​របស់​ជាតិ មិន​ស្ថិតនៅ​ក្រោម​ឥទ្ធិពល​ជន​ណាមួយ ដើម្បី​ធានា​យុត្តិធម៌​សង្គម។

លោក ឡុង រឹម ប្រាប់​ថា៖ «យើង​អំពាវនាវ​ឱ្យ​តុលាការ​យក​វិជ្ជាជីវៈ​របស់​ខ្លួន​កាត់ក្តី​ឱ្យ​បាន​ត្រឹមត្រូវ បម្រើ​ឱ្យ​ប្រជាពលរដ្ឋ​ទូទៅ កុំ​ធ្វើឡើង​ក្រោមអំណាច​របស់​បុគ្គល​ណា​ម្នាក់​ដែល​ធ្វើ​ឱ្យ​ប៉ះពាល់​ដល់​សិទ្ធិ​សេរីភាព​របស់​ប្រជាជន​យើង»។

នាយករង​អង្គការ​ឃ្លាំមើល​សិទ្ធិមនុស្ស​លី​កាដូ លោក អំ សំអាត មានប្រសាសន៍​ថា បើ​គេ​និយាយ​ពី​គោលការណ៍​ឯករាជ្យ​ភាព​របស់​តុលាការ និង​ភាពស្មើគ្នា​ចំពោះមុខ​ច្បាប់ និង​ការ​ការពារ​ខ្លួន​ចំពោះមុខ​ច្បាប់ សាម៉ីខ្លួន​មាន​សិទ្ធិ​ក្នុង​ការ​បង្ហាញ​ហេតុផល​តាមផ្លូវ​ច្បាប់​បង្ហាញ​ភស្តុតាង។

អ្នកការពារ​សិទ្ធិមនុស្ស​រូប​នេះ និយាយ​ថា ក្នុងករណី​សុំ​នៅ​ក្រៅ​ឃុំ បើ​ការ​ទាមទារ​នោះ​ស្របតាម​លក្ខខណ្ឌ​នៃ​ច្បាប់ ហើយ​គាត់​អាច​ចូលរួម​គ្រប់​នីតិវិធី​របស់​តុលាការ វា​គួរតែ​ត្រូវ​បាន​នៅ​ក្រៅ​ឃុំ។ប៉ុន្តែលោក​ថា ជា​កា​រស​ង្កេត នៅ​កម្ពុជា ជនជាប់ចោទឬអ្នកទោស​នយោបាយ​ត្រូវ​បាន​ដោះលែងឬបាន​នៅ​ក្រៅ​ឃុំ វា​ដើរ​ទន្ទឹមគ្នា​ទៅ​នឹង​ស្ថាន​ការណ៍​នយោបាយ។

លោក អំ សំអាត ប្រាប់​ថា៖ «ជន​ដែល​ត្រូវ​ចោទឬក៏​ជាប់ចោទ​ដែល​ពាក់ព័ន្ធ​ស្ថានភាព​នយោបាយ​ទាល់​តែ​ស្ថានភាព​នយោបាយ​វា​ធូ​រស្រាល អ្នក​ដែល​ជាប់ឃុំ​ពាក់ព័ន្ធ​រឿង​នយោបាយ​ច្រើន​ដោះលែងឬឱ្យ​នៅ​ក្រៅ​ឃុំ​បណ្តោះអាសន្ន​ និង​ការលើកលែង​ទោស​អី​ជាដើម»៕


រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

What Next?

Recent Articles

3 Responses to "លោក​ រ៉ុង​ ឈុន​ ស្នើ​​តុលាការ​​កំពូល​​កុំ​​សម្រេច​​​ក្តី​​ក្រោម​​ឥទ្ធិពល​​នយោបាយ"

  1. so socheath says:

    ជង្រុកនៃក្រុមភេរវកម្ម !
    ***
    ក្រោយការបោះឆ្នោតជាសកលឆ្នាំ២០១៨ មិនបានប៉ុន្មានផង គណ:បក្សសង្គ្រោះជាតិ ត្រូវបានរំលាយចោលតាមច្បាប់ក្រោមបទចោទប្រកាន់ពីការឃុបឃិតជាមួយបរទេស ក្នុង
    ចេតនាផ្តួលរំលំរាជរដ្ឋាភិបាលស្របច្បាប់ ដែលប្រសូតចេញពីការបោះឆ្នោត តាមបែបលទ្ធិប្រជាធិបតេយ្យ តាមមធ្យោបាយបដិវត្តន៍ពណ៍ យកតាមគំរូប្រទេសយូហ្គោស្លាវី និងស៊ែប៊ី ។
    កឹម សុខា ដែលក្រោយមកបានក្លាយខ្លួនជាប្រធានគណ:បក្សសង្គ្រោះជាតិ បន្ទាប់ពីសមរង្សីលាលែងចេញពីតំណែង និង ប្រកាសឈប់ធ្វេីនយោបាយជាផ្លូវការ ត្រូវបានចាប់ខ្លួន ក្រោយ
    ការចាកចេញពីជម្រកលាក់ខ្លួនក្នុងទីស្នាក់ការគណ:បក្សសង្គ្រោះជាតិនៅចាក់អង្រែ ដើម្បីគេចវេសពីខាងផ្លូវច្បាប់ទាក់ទងការបោកបញ្ឆោត កេងប្រវ័ញ្ចផ្លូវភេទ ហើយដែលត្រូវបានប្តឹងផ្តល់ដោយនារីរងគ្រោះ ហើយដែលការចាកចេញពីទីលាក់ខ្លួនទៀតសោត ត្រូវបានជួយសម្រួលខាងផ្នែកផ្លូវច្បាប់ពីសំណាក់សម្តេចតេជោហ៊ុនសែន នាយករដ្ឋមន្ត្រីនៃរាជរដ្ឋាភិបាលកម្ពុជា ដើម្បីឲ្យកឹមសុខា ដឹកនាំគណ:បក្សសង្គ្រោះជាតិ ចូលរួមក្នុងការបោះឆ្នោត
    ជ្រើសរើសក្រុមប្រឹក្សាឃុំសង្កាត់ និងចូលរួមក្នុងការបោះឆ្នោតថ្នាក់ជាតិឆ្នាំ២០១៨។
    យើងសុំធ្វើការមិនរំលឹកវែងឆ្ងាយ ទាក់ទងនិងការភូតកុហកបោកប្រាសសម្រាប់ការបោះឆ្នោតឃុំសង្កាត់ ជាមួយការសន្យាខ្យល់ ផ្តល់មូលនិធិ ៥០ ម៉ឺនដុល្លារពេលណាឃុំសង្កាត់នោះបោះឆ្នោតឲ្យគណ:បក្សសង្គ្រោះជាតិបានដឹកនាំ ក៏ដូចជារឿងរ៉ាវដែលកឹម សុខានិយាយសារភាពដោយផ្ទាល់ អំពីរឿងដែលកឹម សុខាបានប្រើពេលវេលាក្នុងការឃុបឃឹត
    ជាមួយបរទេស ដែលមានគ្រូ កាណាដា និងគ្រូអាមេរិកដែលអ្នកបង្រៀនដោយផ្ទាល់ដល់កឹម សុខា ពីមធ្យោបាយនៃការធ្វើបដិវត្តន៍ពណ៍សម្រាប់ការផ្តួលរំលំរាជរដ្ឋាភិបាល
    កម្ពុជានោះឡើយ ដែលនេះហើយដែលជាមូលហេតុ ដែលត្រូវរំលាយចោលគណ:បក្ស
    សង្គ្រោះជាតិ ដែលបច្ចុប្បន្នត្រូវបានជាប់ឈ្មោះថាជាបក្សក្បត់ជាតិ។
    គណ:សង្គ្រោះជាតិថ្មីត្បឹតត្រូវរំលាយតាមច្បាប់ តែថាពួកប្រតិកិយានៃបក្សនេះ មិនលះបង់ចោលនូវគំនឹតដាក់ខ្លួនជាអាយ៉ងបរទេស សន្យាកាត់ដីខ្មែរ ៤ ខេត្តឲ្យយួនដេហ្កា
    ជាថ្នូរការផ្តល់ត្រឡប់មកវិញ នូវថវិកា ៣ ម៉ឺនដុល្លារក្នុងមួយខែ ដេីម្បីយកមកបំរេីឲ្យសកម្មភាពបង្ករភាពចលាចលធ្វើវិទ្ធង្សនាគ្រប់បែបយ៉ាងដើម្បីផ្តួលរំលំរដ្ឋាភិបាល តាម
    មហិច្ឆិតាស្រេកឃ្លានអំណាចដែលមិនចេះខ្មាស់អៀននឹងមិនតាមបែបលទ្ធិប្រជាធិបតេយ្យដែលពួកគេបានទន្ទេញជាប់មាត់ ។
    បន្ទាប់ពីការរំលាយចោលបក្សក្បត់ជាតិសង្គ្រោះជាតិសភាសភាពនៃក្រុមអ្នកនយោបាយបក្សនេះ ត្រូវបានជាប់បំរាមក្នុងការធ្វើនយោបាយរយះពេល៥ឆ្នាំ ហើយអតីតក្រុមប្រឹក្សាឃុំ-សង្កាត់នៃបក្សនេះ ដែលបានទទួលសន្លឹកឆ្នោតតាមរយះការភូតភរ បោកប្រាស សន្យាខ្យល់
    ផ្តល់ថវិកា ឃុំដែលបានបោះឆ្នោតឲ្យគណបក្សសង្គ្រោះជាតិឈ្នះ មួយឆ្នាំ ៥០ ម៉ឺនដុល្លារត្រូវបានដកចេញពីតំណែងផងដែរ ។
    ក្រោយជាប់បំរាមនយោបាយ និងត្រូវដកចេញពីមុខតំណែងពួកអតីតបក្សក្បត់
    ជាតិទាំងនេះ បានសម្រេចរត់ភៀសខ្លួន ទៅជ្រកកោណនៅប្រទេសថៃ ដើម្បីបង្កើតនូវចលនាឧទ្ទាមកម្មប្រឆាំងរាជរដ្ឋាភិបាលស្របច្បាប់នៃកម្ពុជាតាមរយះលទ្ធផលនៃការបោះឆ្នោត ក្នុងទិសដៅ
    បង្ករចលាចលក្នុងសង្គម ធានាដាក់គំនាបលើរាជរដ្ឋាភិបាលកម្ពុជា សំដៅប្រោសឲ្យរស់ឡើងខ្មោចអតីតបក្សសង្គ្រោះជាតិ ដែលជាប់កេរ្តិ៍ឈ្មោះយ៉ាងស្អុយអាសោចន៍តាមរយះការប្រព្រឹត្តអំពេីក្បត់ជាតិ ដូចបានជម្រាបជូនពីខាងដើមស្រាប់ ។
    ពិតណាស់ក្រុមឧទ្ទាមអតីតបក្សក្បត់ជាតិ បានរៀបចំយុទ្ធវិធីដើម្បីបង្កើតមូលដ្ឋានក្រុមភេរវករ ដើម្បីធ្វើសកម្មភាពបង្ករចលាចលក្នុងសង្គម បំផ្លាញសុខ សន្តិភាពជាតិប្រកបដោយខ្សែ
    សង្វាក់ និងមានភាពប្រទាក់ក្រឡាគ្នាដោយហ្មត់ចត់ តែមិនប្រយ័ត្នប្រយែង ។
    ផ្តើមឡើងពីយុទ្ធនាការជួបជុំ សុីនំបញ្ចុកឃោសនានយោបាយដេីម្បីពង្រឹងកម្លាំងបក្សក្បត់ជាតិសង្គ្រោះជាតិដែលបានបែកខ្ញែក សកម្មភាពលួចដីរដ្ឋ ប្លន់ដីរាស្ត្រ យុទ្ធការប្រឆាំង
    ការវិនិយោគទុនរបស់ចិននៅកម្ពុជាដែលរៀបចំឡើង ដោយពួកជ្រកក្រោមស្លាកអង្គការ
    សិទ្ធិមនុស្សក៏បានងើបឡើងព្រមគ្នាដែរ។
    ចំណែកពួកសហជីព និងអង្គការសមាគមដែលមាននិន្នាការប្រឆាំងរាជរដ្ឋាភិបាលវិញ ក៏មិនអន់ដែរ ។ ពួកគេបានធ្វើចលនាកម្មករ ឲ្យងើបឡើងទាមទារនេះ ទាមទារនោះ មិនចំកាល នឹងខុសទម្រង់បែបបទផ្លូវច្បាប់ ដែលមានចែងយ៉ាងច្បាស់លាស់ តាមរយះការឯកភាពគ្នានៅក្រសួងការងារ។
    ជាបន្តបន្ទាប់ ជាមួយសកម្មភាព ដែលសមរង្សី និងបក្សពួកក្បត់ជាតិនៅក្រៅប្រទេសធ្វើសកម្មភាពញុះញង់ ញុចអាលស្តីពី សិទ្ធិមនុស្ស សេរីភាព ប្រជាធិបតេយ្យ សំដៅឲ្យ
    សហភាពអ៊ឺរ៉ុប ដកពន្ធអនុគ្រោះEBA ពីកម្ពុជា រ៉ុង ឈុនដែលជាអ្នករួមចំណែកយ៉ាងសកម្មជាមួយសមរង្ស៊ី ទាក់ទងបញ្ហាខាងលើ បានធ្វើយុទ្ធនាការមួយទៀត ទាក់ទងបញ្ហា
    ខ្សែបន្ទាប់ព្រំដែនកម្ពុជា-វៀតណាម ដោយចោទថា កម្ពុជាបានបង្ខិតដី ឲ្យវៀតណាមរុលចូលយកដីកម្ពុជា សំដៅដិតកំហឹងមហាជន ឲ្យងើបឡើងប្រឆាំងរាជរដ្ឋាភិបាល ស្របជាមួយការបញ្ឆេះកំហឹងរបស់ពួកគេ ទសក់ទងបញ្ហាEBAដែលពួកគេបានបង្ករឡរីងស្រាប់ ។
    និយាយពីបញ្ហាEBA សកម្មភាពដើម្បីលុបបំបាត់ចោលនូវប្រព័ន្ធអនុគ្រោះពន្ធ ដែលស្តែងឡើងតាមមធ្យោបាយភូតកុហកបោកប្រាសពីរឿងសេរីភាព សិទ្ធិមនុស្ស និងប្រជាធិបតេយ្យនៅកម្ពុជា ពីសំណាក់សម រង្ស៊ី និងគូកនជំនឹតគឺរ៉ុង ឈុនវាកាន់តែបង្ហាញច្បាស់ថាក្រុមអង្គការសង្គមស៊ីវិលទទួលបន្ទុកខាងផ្នែកសិទ្ធិមនុស្ស ក្រុមសហជីព សមាគម បណ្តារអ្នកវិភាគសង្គមដែលលើកបណ្តុបឈ្មោះ ដោយប្រព័ន្ធផ្សព្វផ្សាយដែលមិនប្រកបដោយវិជ្ជាជីវ:វិទ្យុអាស៊ីសេរី រួមទាំងក្រុមអ្នកសារព័ត៍មានឡូកាល់មួយចំនួនដែលមាននិន្នាការប្រឆាំងរដ្ឋាភិបាល ហើយដែលត្រូវគាំពារសកម្មភាពដោយសមាគមអ្នកសារព័ត៍មាន ហាក់ទុកខ្លួនឆ្ងាយពីការគ្រប់គ្រងដោយច្បាប់មួយក្រុមនោះ បានចាត់ការបន្ទរសកម្មភាពដើម្បីបណ្តុះបង្អាប់ ប្រមាថលើការដឹកនាំរបស់រាជរដ្ឋាភិបាលសំដៅធ្វើយ៉ាងណា បំរើឲ្យនយោបាយភូតកុហក បោកប្រាសរបស់មេឧទ្ទាមក្បត់ជាតិសមរង្សី ស្តីពីសេរីភាព សិទ្ធិមនុស្សនិងប្រជាធិបតេយ្យ នៅលើឆាកអន្តរជាតិ កាន់តែមានប្រសិទ្ធិភាព សំដៅការកាត់ផ្តាច់បានទាំងស្រុង ប្រព័ន្ធអនុគ្រោះពន្ធពីសហភាពអឺរ៉ុប ដែលហៅកាត់ថាEBAជាស្ថាពរ ដោយពួកគេគិតថា នោះមានងាយស្រួលក្នុងការបង្ករនូវភាពវឹកវរចលាចលក្នុងចំណោមកម្មករ កម្មការិនី ពីបញ្ហាអត់កាងារធ្វើ ពីអាណាព្យាបាល ក្នុងការជាប់ជំពាក់នូវបំណុលធនាគារ នឹងគ្រឹះស្ថានមីក្រូហិរញ្ញវត្ថុខ្លះ ដែលខ្ចីមក
    ដើម្បីធ្វើកិច្ចអភិវឌ្ឍន៍គ្រួសារ ទោះបីពួកគេដឹងថា រឿងរ៉ាវទាក់ទងនិងEBAនេះ មិនមែនជាកាតព្វកិច្ចពួកគេដែលត្រូវដោះស្រាយក្តី។ដោយឡែកចំពោះEBAវិញទៀតសោត វានឹងត្រូវបាត់បង់ជាស្វ័យប្រវត្តិ ក្នុងពេលដែលសេដ្ឋកិច្ចកម្ពុជាមកដល់ឆ្នាំ២០៣០នេះមានការរ៏ក
    ចម្រើន ដោយក្នុងម្នាក់ៗមានចំណូលថវិកាជាង១ ៧០០ ដុល្លារក្នុងមួយឆ្នាំ ។
    ដើម្បីសម្រេចបំណងរបស់ពួកគេ ក្នុងការផ្តួលរលំរំលំរដ្ឋាភិបាល តាមរយះរឿងរ៉ាវEBA ជានិច្ចកាល ពួកគេបានប្រើព័ត៍មានទំលាក់កំហុសលើរដ្ឋាភិបាល ថាមិនបានយកចិត្តទុកដាក់ការពារប្រព័ន្ធអនុគ្រោះពន្ធនេះ តាមអ្វីដែលសហភាពអឺរ៉ុបចង់បាន ទាក់ទងសេរីភាព សិទ្ធិមនុស្ស និងលិទ្ធិប្រជាធិបតេយ្យ ដោយពួកគេបានជម្រុញឲ្យរដ្ឋាភិបាល ធ្វើការ
    ចរចាសម្រុះស្រួលជាមួយមេដឹកនាំខ្មោចនៃអតីតបក្សប្រឆាំងសង្គ្រោះជាតិ ដើម្បីស្តារបក្សក្បត់ជាតិនេះឲ្យឡើងវិញ ដោយពួកគេថា នោះទើបជាការអាចរក្សាបាននូវប្រព័ន្ធអនុគ្រោះពន្ធ
    EBAនេះបាន ។ជាមួយការដែល រាជរដ្ឋាភិបាលកម្ពុជាបានប្រកាន់នូវជំហរ
    ដ៏ម៉ឺងម៉ាត់ ក្នុងការមិនយកអធិបតេយ្យភាពជាតិ ទៅដោះដូរជាមួយជំនួយពិសពុលដែលប្រកបដោយឧបាយកលពួកនេះបានប្រែក្រឡាស់យុទ្ធវិធីផ្តួលរំលំ ដោយយកឧបាយកលចាស់ មកប្រើប្រាស់ជាថ្មីវិញម្តង ។
    ការលើកឡើងពីការគំរាមកំហែងពីការព្យួរការអនុគ្រោះពន្ធ EBA និងការអនុគ្រោះពន្ធនាំទំនិញទៅកាន់សហរដ្ឋអាមេរិក GSP ត្រូវបានសមរង្ស៊ី និងពួកសង្គមស៊ីវិល ដែលតាំងខ្លួនឯងថាជាអ្នកការពារលទ្ធិប្រជាធិបតេយ្យការពារសិទ្ធិមនុស្សការពារសិទ្ធិនយោបាយ និងជា
    ពួកអ្នកវិភាគដែលបំរើឲ្យនយោបាយក្បត់ជាតិរបស់សមរង្ស៊ី បាន និយាយដោយពាក្យ
    ដដែលៗ ថាអាចនឹងប៉ះពាល់ដល់កំណើនសេដ្ឋកិច្ចកម្ពុជា ធ្វើឲ្យកម្ពុជាបាត់បង់ជន្ទល់សេដ្ឋកិច្ចបើទោះបីពួកនេះដឹងថា រដ្ឋាភិបាលកម្ពុជា នឹងមិនយកអធិបតេយ្យភាពរបស់ខ្លួនដើម្បីចុះញ៉មនឹងការដាក់សម្ពាធសម្រាប់ការព្យួរឬផ្តាច់ EBA នោះទេ។ ដូចនេះ លក្ខខណ្ឌតាមរយះការដាក់សម្ពាធលើកម្ពុជាខាងផ្នែកនយោបាយ ដោយបំពានលើអធិបតេយ្យជាតិកម្ពុជាពីសហគមន៍សហភាពអឺរ៉ុប មិនទទួលបានផ្លែផ្កាទេ។
    កម្ពុជាជារដ្ឋអធិបតេយ្យ ដែលមិនអនុញ្ញាត ឲ្យប្រទេសណាមួយមករំលោភបំពានបាន។
    កម្ពុជាពិតជាត្រូវការរស់ ដោយស្មើសិទ្ធិ ស្មើមុខមាត់ ក្នុងកិច្ចសហប្រតិបត្តិការជិតស្និទ្ធជាមួយប្រទេសទាំងអស់ក្នុងលោកលើគ្រប់វិស័យ ដោយផ្តល់ផលប្រយោជន៍ដោយស្មើភាពចំពោះគ្នាទៅវិញទៅមក ។
    ជានិច្ចកាលជនក្បត់ជាតិសមរង្ស៊ី និងពួកក្រុមដែលតាំងខ្លួនឯងថាជាអ្នកវិភាគសេដ្ឋកិច្ចក្នុងប្រទេស កម្ពុជា ក្រុមសង្គមស៊ីវិល ដែលស្ថិតនៅក្នុងអង្គការសិទ្ធិមនុស្ស មានអាដហុក លីកាដូអង្គការការពារសិទ្ធិលំនៅដ្ឋាន សមាគមនិងក្រុមសហជីព និងក្រុមអ្នកសារព័ត៍មានដែលមិនប្រកបដោយវិជ្ជាជីវះ ដែលមាននិន្នការប្រឆាំងរដ្ឋាភិបាល ពួកគេតែងលើកឡើងពីសិទ្ធិសេរីភាព ពីសិទ្ធិមនុស្ស ពីប្រជាធិបតេយ្យមកធ្វើជាត្រីវិស័យក្នុងការនាំមុខ ដើម្បីប្រឆាំងអំណាចរដ្ឋ ដែលជាដែនសមត្ថកិច្ចការពារផលប្រយោជន៍ កាពារសិទ្ធិសេរីភាព ការពារសិទ្ធិមនុស្ស និងការពារប្រជាធិបតេយ្យរបស់ប្រជាពលរដ្ឋ បើទោះបីពួកគេដឹងយ៉ាងច្បាស់ថា លំហរនៃសិទ្ធិសេរីភាព សិទ្ធិមនុស្ស និងប្រជាធិបតេយ្យ នៅកម្ពុជា គឺមានយ៉ាងពេញបរិបូរណ៍ នឹងកំពុងដំណើរការជានិរន្តក្តី ។
    វាជាការពិត សកម្មភាពក្រុមសង្គមស៊ីវិល និង ក្រុមសហជីព ដែលពួកប្រតិកិរិយាទាំងអស់នេះបានធ្វើកន្លងមកនេះ វាមិនខុសអី ពីការដែលពួកគេ ធ្វើសកម្មភាពក្នុងការចូលរួមយ៉ាងសកម្មក្នុងចលនានយោបាយដើម្បីកសាងកម្លាំង ដើម្បីត្រៀមកម្លាំង ដើម្បីបង្កើតអង្គការចាត់តាំងខាងនយោបាយខុសច្បាប់ ប៉ុនប៉ងដើម្បីប្រមូលកម្លាំងប្រឆាំងរដ្ឋាភិបាល ផ្ដួលរំលំរដ្ឋាភិបាល ដែលជាអំពើខុសច្បាប់ ខុសគោលការណ៍នៃលទ្ធិប្រជាធិបតេយ្យ ដែលពួកគេបានទន្ទេញជាប់មាត់នោះឡើយ តាមការចង្អុលបង្ហាញ ពីមេដឹកនាំអតតីតបក្សសង្គ្រោះជាតិនោះឡើយ៕

  2. Anonymous says:

    the nationalist that standing firm not to give up to any of those group of our nation’s treaters . no matter this dollar KA say he still strong for his nation soon we will see the truth justice will serve him as a nationalist GOD blessing you RONG CHHUN

  3. so socheath says:

    ក្រុមឧទ្ទាមក្រៅច្បាប់ធ្លាក់ខ្លួន អស់ក្រឡា អន់ជាងស្វាលេងប៉ាហ៊ី !
    ………
    កាលពីព្រឹកថ្ងៃទី ១០ វិច្ឆិកា ម៉ោងនៅអាមេរិក ខ្ញុំបានឃើញរូបភាព បង្ហោះដោយក្រុមឧទ្ទាមក្រៅ ច្បាប់ដឹកនាំដោយ មួរ សុខហួរ ដែលបាននាំគ្នាទៅចុចកណ្តឹង ស្ថានទូតខ្មែរប្រចាំសហរដ្ឋ អាមេរិកដើម្បីដាក់សំណើរសុំឲ្យក្រសួងមហាផ្ទៃកម្ពុជាផ្តល់សុពលភាពលើលិខិតឆ្លងដែន របស់ខ្លួនឡើងវិញ។

    សកម្មភាពនេះពិតជាបានធ្វើឲ្យមហាជនទូទៅផ្ទុះសំណើចចំពោះនយោបាយវិលក្បុង មុជមិនជ្រៅ ទៅមិនឆ្ងាយរបស់ក្រុមឧទ្ទាមក្រៅច្បាប់នេះដែលនៅទីបំផុត អស់ក្បាច់លោត អស់ក្រឡាដើរក៏ងាកមកប្រើនយោបាយ «ស្វាលេងប៉ាហ៊ី» នៅមុខស្ថានទូតខ្មែរដើម្បីសុំរដ្ឋាភិបាលកម្ពុជា ដឹកនាំដោយលោក ហ៊ុន សែន ដែលខ្លួនចោទកប់ៗមាត់ថា ផ្តាច់ការហើយប៉ុនប៉ងផ្តួលរំលំនោះ ឲ្យផ្តល់សុពលភាពលិខិតឆ្លងដែន របស់ពួកខ្លួនទៅវិញ។

    មានអ្នកលេងបណ្តាញសង្គមជាច្រើនក៏ដូចជាមហាជនខ្មែរជាទូទៅដែរបាននាំគ្នាផ្ទុះ សំណើចដោយហួសចិត្តនៅ ពេលឃើញក្រុមនេះធ្វើ សកម្មភាពរបៀបបាយបិណ្ឌជាបាយបាត្រ គ្មានគោលដៅនិងមិនដឹងទិសតំបន់ទាល់តែសោះបែបនេះ។

    អ្វីដែលធ្វើឲ្យមហាជនហួសចិត្តនៅត្រង់ថា ៖

    ទី១-ជាទិដ្ឋភាពច្បាប់ ការលុបលិខិតឆ្លងដែនរបស់ឧក្រិដ្ឋជន ដែលមានដីកាចាប់ខ្លួន គឺជា មធ្យោបាយស្របច្បាប់ដើម្បី កុំឲ្យឧក្រិដ្ឋជន អាចធ្វើដំណើរឆ្លងពីប្រទេសមួយទៅប្រទេសមួយទៀតបាន ហើយនេះក៏ជា ស្តង់ដារនៃការអនុវត្តជាទូទៅ សម្រាប់បណ្តាប្រទេសនានាក្នុងពិភពលោកដែរ។

    ទី២-ការស្នើសុំសុពលភាព លិខិតឆ្លងដែនរបស់ក្រុមឧក្រិដ្ឋជននៅក្រៅប្រទេសដោយអះអាងថា ដើម្បីខ្លួនអាចវិលត្រឡប់មកឡើងតុលាការនៅកម្ពុជា គឺជារឿងកំប្លុកកំប្លែងគួរឲ្យអស់សំណើច ដោយហេតុថា អ្នកទាំងនោះបានទៅរស់នៅក្រៅប្រទេសតាមរយៈការស្នើសុំសិទ្ធិជ្រកកោននយោបាយ។ ដូចនេះ បើក្រុម មួរ សុខហួរ ពិតជាចង់ត្រឡប់មកកម្ពុជាវិញមែន វាគឺជារឿងដ៏សាមញ្ញបំផុត ដោយពួកគេគ្រាន់តែសុំទៅរដ្ឋបរទេសនោះឲ្យលុបចោលសិទ្ធិស្នាក់នៅ ឬ សិទ្ធិជ្រកកោន នយោបាយដើម្បីក្លាយជាជនអន្តោប្រវេសន៍ខុសច្បាប់ នោះសហរដ្ឋអាមេរិក ឬរដ្ឋបរទេស នោះនឹងច្បាស់ជាចាប់បញ្ជូនមកកម្ពុជាវិញទាំងអស់ជាក់ជា មិនខានឡើយ។ ករណីបែបនេះធ្លាប់ត្រូវបានសហរដ្ឋអាមេរិកធ្វើមកលើពលរដ្ឋខ្មែរមួយចំនួនដែលរស់នៅខុសច្បាប់នៅអាមេរិករួចទៅហើយដោយគេបានតម្រូវឲ្យធ្វើមាតុភូមិ និវត្តន៍ជាបន្តបន្ទាប់មកកម្ពុជាវិញ។ ជាពិសេសបំផុតនោះគឺក្រុម មួរ សុខហួរ អាចទទួលផល ចំណេញនៅលើគោកដោយ មិនបាច់ខ្វល់ខ្វាយទាល់តែសោះអំពីថ្លៃយន្តហោះ ពីព្រោះរដ្ឋនៃ ប្រទេសដែលពួកគេស្នាក់នៅ នោះ ជាអ្នកចេញអោយទាំងស្រុង។

    ទី៣-ចំពោះរឿងចង់ចូលរួម
    សវនការ ក៏ជារឿងដែលកាន់តែ ងាយស្រួលថែមទៀត ដោយ សារតែពេលនេះ តុលាការរាជធានីភ្នំពេញកំពុងតាមរកមុខអ្នកទាំងនោះដោយមានទាំងដីកា បង្គាប់ឲ្យចាប់ខ្លួនរួចស្រេចទៅហើយ។ ដូចនេះ បើពួកគេ ប្រកាសខ្លួនថា ជាជនអន្តោប្រវេសន៍ខុសច្បាប់ហើយជាឧក្រិដ្ឋជនថែមទៀតនោះ ប្រទេសដែលពួកគេកំពុងស្នាក់នៅច្បាស់ជាសហការណ៍ ចាប់ខ្លួនបញ្ជូនមកកម្ពុជាដើម្បីឡើងសវនាការភ្លាម ហើយភាគីកម្ពុជាច្បាស់ជានឹងត្រៀមឡាន របស់ពន្ធនាគារចាំដឹកអ្នកទាំង នោះមកសវនាការដោយមិន បាច់បង់ថ្លៃអ្វីឡើយ។ មិនតែ ប៉ុណ្ណោះ អាជ្ញាធរកម្ពុជាថែមទាំង ចាត់កម្លាំងមន្រ្តីអនុវត្តច្បាប់ចាំការពារសុវត្ថិភាពអមដំណើរ មួរ សុខហួរនិងគូកន ចូលសវនាការថែមទៀតផង។

    ទី៤៖ បើនិយាយបែបម្យ៉ាងទៀត ក្រុមអ្នកនយោបាយពនេចរមួយក្រុមនេះបានប្រកាសផ្តួលរំលំ រដ្ឋាភិបាលដឹកនាំដោយគណបក្សប្រជាជនកម្ពុជានិងបាន ប្រើប្រាស់មធ្យោបាយនិងល្បិចកិច្ចកលគ្រប់បែបយ៉ាងដើម្បីធ្វើឲ្យរដ្ឋាភិបាលលោក ហ៊ុន សែន បច្ចុប្បន្នដួលរលំ។ ពួកគេបានប្រើចលនាតាមទំរង់នៃបដិវត្តន៍ពណ៌ដើម្បីដណ្តើមអំណាចដោយបានប្រកាសអំពាវនាវឲ្យកងកម្លាំងប្រដាប់អាវុធបង្វែរចុងកាណុងដាក់ រដ្ឋាភិបាល និងបានដើរញុះញង់ឲ្យបរទេសអោយដាក់ទណ្ឌកម្មមកលើកម្ពុជាដើម្បីឲ្យរដ្ឋាភិបាលដឹកនាំដោយលោក ហ៊ុន សែន រលំរលាយ។

    ប៉ុន្តែទីបំផុត ស្រាប់តែក្រុមដដែលនេះដង្ហែរគ្នាទៅចុច កណ្តឹងស្ថានទូតដែលជាតំណាងរបស់រដ្ឋាភិបាលដើម្បីស្នើសុំឲ្យទទួលស្គាល់លិខិតឆ្លងដែនរបស់ខ្លួនឡើងវិញ។
    ចំពោះទង្វើនេះ យើងអាចទាញ ការសន្និដ្ឋានបានថា ពួកគេពិតជាអស់តម្រិះនិងទាល់ច្រកក្នុងការផ្តួលរដ្ឋាភិបាលលោក ហ៊ុន សែន ហើយ។ ដូច្នេះ ដើម្បីកុំឲ្យស្ងាត់ពេក ពួកគេយករឿងសុំពន្យារសុពលភាពលិខិតឆ្លងដែននេះធ្វើជាឆាកល្ខោនមួយឈុតដើម្បីបានថតរូបមកបង្ហោះក្នុងគោលដៅបោកប្រាស់អ្នកគាំទ្ររបស់ខ្លួនផងនិងបង្កើតជាហេតុផលប្រមូលលុយចាយផងក្នុងស្ថានភាពដែលមេរោគកូវីដ១៩ កំពុងបិទជីពចរហិរញ្ញវត្ថុរបស់អ្នក ដែលធ្លាប់ផ្តល់លុយឲ្យពួកខ្លួនកន្លងមក។

    ទី៥៖ ប្រជាជនកម្ពុជានៅចងចាំយ៉ាងច្បាស់ណាស់ថា កាលពីថ្ងៃទី ៩ វិច្ឆិកា ឆ្នាំ ២០១៩ ក្រុមដដែលនេះបានប្រកាសវិលចូលស្រុកវិញដើម្បីចាប់លោក ហ៊ុន សែន និងផ្តួលរំលំរដ្ឋាភិបាល ភ្នំពេញ និងផ្លាស់ប្តូររបប។ ប៉ុន្តែ ផែនការនោះក៏ត្រូវទទួលរងការ បរាជ័យយ៉ាងអាម៉ាស់បំផុត។

    ថ្មីៗនេះ ក្រុមដដែលនេះក៏បាន ប្រកាសដំណើរវិលចូលស្រុកជាលើកទី២ក្នុងគោលបំណង ដូចគ្នាគឺចង់មកផ្តួលរដ្ឋាភិបាលដឹកនាំដោយលោក នាយក រដ្ឋមន្ត្រី ហ៊ុន សែន និងប្តូររបបដឹកនាំនៅកម្ពុជា។ ដូច្នេះសំណួរ សួរថា : បើក្រុមនេះ មានគំរោងមកផ្តួលរដ្ឋាភិបាលដដែល ចុះចាំបាច់អីទៅសុំឲ្យរដ្ឋាភិបាល មួយនេះផ្តល់

    សូជាតិ សូ, [13.11.20 05:55]
    សុពលភាព លិខិតឆ្លងដែនឲ្យខ្លួនធ្វើអ្វី? ម្តេចមិនរង់ចាំដល់ពេលខ្លួនឡើង កាន់អំណាច ចាំធ្វើលិខិតឆ្លងដែនខ្លួនឯងទៅ? តើនេះមិនមែនជានយោបាយវិលក្បុងជាន់កែងខ្លួនឯងទេឬ?

    ទី៦៖ ក្រុមឧទ្ទាមក្រៅច្បាប់មួយដំបរស្វានេះតែងតែប្រកាសក្តែងៗថា សហគមន៍អន្តរជាតិនឹងជួយក្រុមខ្លួនឲ្យបានវិលចូលស្រុកវិញតាមរយៈការដាក់ទណ្ឌកម្មឬគំនាបផ្សេងៗ ទៅលើរដ្ឋាភិបាលក្រុងភ្នំពេញ។ ពួកនេះតែងធ្វើនយោបាយពឹងលើបរទេសទាំងស្រុង ប៉ុន្តែ ទីបំផុតគ្មានបរទេសណាយក
    ចិត្តទុកដាក់ជួយក្រុមឧទ្ទាមក្រៅច្បាប់នេះឡើយ។ តាមមើលទៅ ក្រុមនេះចៀសមិនផុតពីត្រូវផ្ញើវាសនាលើលោក ហ៊ុន សែន ឡើយ ហើយមានតែ លោក ហ៊ុន សែន ម្នាក់គត់ដែលជាអ្នកកំណត់ជោគវាសនារបស់ពួកគេ។

    សរុបមកវិញ សកម្មភាពរបស់ក្រុមឧទ្ទាមក្រៅច្បាប់ចុងក្រោយនេះ បានបង្ហាញយ៉ាងច្បាស់ថា ពួកគេកំពុងវិលក្បុងជាមួយនឹងនយោបាយជាន់កែងខ្លួនឯង។ ពួកគេកំពុងវង្វេងលែងដឹងទិសតំបន់ដោយសារតែនយោបាយគ្មានយុទ្ធសាស្ត្រ និងគ្មានគោលដៅរបស់ខ្លួន។ ពួកគេកំពុង តែអស់ក្បាច់ អស់ក្រឡាដើរ ពីព្រោះតែដើរចុះដើរឡើង កូនចៅរបស់ខ្លួន ទាំងត្រី ទាំងសេះ ទាំងទូក ត្រូវគេព័ទ្ធស៊ីស្ទើរ តែអស់ពីក្តារអុកបាត់ទៅហើយ។

    ដូច្នេះ ការចេញមកសម្តែងល្ខោនសុំសុពលភាពលិខិតឆ្លងដែន របស់ក្រុម មួរ សុខហួរនេះ ពិតជាគ្មានអ្វីក្រៅពីការលេងល្បែងស្វាលេងប៉ាហ៊ីដើម្បីទូងស្គរឲ្យអ្នកស្រុកបែរភ្នែកក្រឡេកមើល មកខ្លួនខ្លះកុំឲ្យគេបំភ្លេចចោលតែប៉ុណ្ណោះ ក្នុងខណៈដែល កូវីដ~១៩ កំពុងធ្វើឲ្យប្រជាជន នៅលើពិភពលោកក៏ដូចជានៅកម្ពុជាដែរផ្តោតការយកចិត្តទុកដាក់លើការថែរក្សាការពារសុខភាពនិងជីវភាពរស់នៅរបស់ខ្លួននិងក្រុមគ្រួសារជាអាទិភាព សំខាន់បំផុត។

    ប៉ុន្តែ ល្បែងស្វាលេងប៉ាហ៊ីរបស់ក្រុម មួរ សុខ ហួរ មិនទទួលបាន នូវសមានចិត្តពីអ្នកស្រុកនោះឡើយពីព្រោះប្រជាជនខ្មែរយល់ ច្បាស់ណាស់ថា នេះជាល្បែង នយោបាយអស់លក្ខ៍ណ ដោយមានតួសម្តែងមុខដដែលៗ រីឯអ្នកដឹកនាំរឿងនិងការរៀបចំឈុតឆាកសម្តែងក៏នៅតែដដែលៗគ្មានអ្វីថ្មីគួរអោយទាក់ទាញការចាប់អារម្មណ៍ ទាល់តែសោះ។ និយាយឲ្យចំការសម្តែងរបស់ពួកគេនេះអន់ជាងស្វាលេងប៉ាហ៊ីទៅទៀត ដែលគ្មានតម្លៃសម្រាប់ពលរដ្ឋខ្មែរ តែនៅមានតម្លៃសម្រាប់ការអនុវត្តច្បាប់៕

Leave a Reply

Submit Comment