សហ​គមន៍​​ខ្មែរ​​កម្ពុជា​ក្រោម​ ស្នើ​​តុលា​ការ​​ទម្លាក់​​ចោល​​បទ​​ចោទ​​លើលោក ថាច់ សេដ្ឋា

តុលាការ និងច្បាប់ | ព័ត៌មានជាតិ | សិទ្ធិមនុស្ស
លោកស្រី ពេជ្រ សុធារី |  ២៤ វិច្ឆិកា ២០២០ |ម៉ោង ១៦:៣៥
VOD

(រូបកាន់មេក្រូ) លោក ថាច់ សេដ្ឋា នាយក​ប្រតិបត្តិ​សហគមន៍​ខ្មែរ​កម្ពុជាក្រោម ក្នុងយុទ្ធនាការមួយកាលពីពេលកន្លងទៅ។ (ទំព័រសហគមន៍ខ្មែរកម្ពុជាក្រោម Khmer Kampuchea Krom Community)

(រូបកាន់មេក្រូ) លោក ថាច់ សេដ្ឋា នាយក​ប្រតិបត្តិ​សហគមន៍​ខ្មែរ​កម្ពុជាក្រោម ក្នុងយុទ្ធនាការមួយកាលពីពេលកន្លងទៅ។ (ទំព័រសហគមន៍ខ្មែរកម្ពុជាក្រោម Khmer Kampuchea Krom Community)


​សហគមន៍​ខ្មែរ​កម្ពុជាក្រោម អំពាវនាវ​ដល់​សាលាដំបូង​រាជធានី​ភ្នំពេញ ទម្លាក់​ចោលការ​ចោទប្រកាន់​ទៅលើលោក ថាច់ សេដ្ឋា អតីត​សមាជិកព្រឹទ្ធសភា​អតីត​បក្ស​ប្រឆាំង។

ការ​អំពាវនាវ​របស់​សហគមន៍​ខ្មែរ​កម្ពុជាក្រោម បាន​ធ្វើឡើង​ស្រប​ពេល​ដែល​សាលាដំបូង​រាជធានី​ភ្នំពេញ គ្រោង​បើក​សវនា​ការ​លើ​សំណុំរឿង​របស់លោក ថាច់ សេដ្ឋា និង​អតីត​សកម្មជន​គណបក្ស​សង្គ្រោះ​ជាតិ​ជាង១០០នាក់ នៅ​ថ្ងៃ​ព្រ​ហស្ប​តិ៍ខាងមុខនេះ។


សេចក្តី​ថ្លែងការណ៍​របស់​សហគមន៍​ខ្មែរ​កម្ពុជាក្រោម នៅ​ថ្ងៃទី២៤ ខែវិច្ឆិកានេះ បាន​លើកឡើង​ថា សាលាដំបូង​រាជធានី​ភ្នំពេញ បាន​ចេញដីកាកោះឱ្យ​លោក ថាច់ សេដ្ឋា នាយក​ប្រតិបត្តិ​សហគមន៍​ខ្មែរ​កម្ពុជាក្រោម និង​ជា​អតីត​សមាជិកព្រឹទ្ធសភា ចូល​សវនាការ​ពាក់ព័ន្ធ​នឹង​បទចោទប្រកាន់ «រួមគំនិតក្បត់ និង​បទ​ញុះញង់​ឱ្យ​មាន​ភាព​វឹកវរ​ធ្ងន់ធ្ងរ​ដល់​សន្តិសុខ​សង្គម»

សេចក្តី​ថ្លែងការណ៍ បញ្ជាក់​ថា លោ​ក ថាច់ សេដ្ឋា ជា​មនុស្ស​ស្អាតស្អំ ស្មោះត្រង់​នឹងជា​តិ និង​គ្មាន​ចេតនា​ណាមួយ​ក្នុង​ការ​រួមគំនិតក្បត់​ជាតិ មាតុភូមិ និង​ញុះញង់​ឱ្យ​មាន​ភាព​វឹកវរ អសន្តិសុខ និង​បំបែកបំបាក់​ពូជសាសន៍​ក្នុង​សង្គម​ខ្មែរ ដែល​ធ្វើ​ឱ្យ​ប៉ះពាល់​ដល់​កិត្តិយស​ជាតិ​ឡើយ។

ករណីនេះ សហគមន៍​ខ្មែរ​កម្ពុជាក្រោម បាន​អំពាវនាវ​យ៉ាង​ទទូច​ដល់​សាលាដំបូង​រាជធានី​ភ្នំពេញ ទម្លាក់​ចោល​នូវ​ការចោទប្រកាន់​ទៅលើ​លោក ថាច់ សេដ្ឋា ដោយ​ឥត​លក្ខខណ្ឌ ខណៈ​ដែល​សហគមន៍​មួយ​នេះ​អះអាង​ដែរ​ថា លោ​ក ថាច់ សេដ្ឋា កំពុង​មាន​ជំងឺ​គាប​សរសៃ​បេះដូង​ធ្ងន់ធ្ងរ​​ផង​ដែរ។

វី​អូ​ឌី ពុំទាន់​អាច​សុំ​ការ​បញ្ជាក់​ពី​អ្នកនាំពាក្យ​សាលាដំបូង​រាជធានី​ភ្នំពេញ លោក គុជ គឹម​ឡុង ជុំវិញ​បញ្ហា​នេះបាន​នៅឡើយ​ទេ​៕


រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

What Next?

Recent Articles

One Response to "សហ​គមន៍​​ខ្មែរ​​កម្ពុជា​ក្រោម​ ស្នើ​​តុលា​ការ​​ទម្លាក់​​ចោល​​បទ​​ចោទ​​លើលោក ថាច់ សេដ្ឋា"

  1. so socheath says:

    វាសនាសមរង្ស៊ី នឹងបញ្ចប់ក្នុងពេលត្រូវបញ្ជូនចូលគុក !
    ***
    ប៉ុន្មានថ្ងៃមុននេះ ព្រះករុណា ព្រះបាទសម្តេចព្រះបរមនាថ
    នរោត្តមសីហមុនី ព្រះចៅក្រុងកម្ពុជាធិបតី ព្រះអង្គទ្រង់បាន
    ឡាយព្រះហស្តលេខា ដាក់ឲ្យប្រេីប្រាស់រួចហេីយ ច្បាប់ធ្វេី
    បត្យាប័នអ្នកទោស រវាងព្រះរាជាណាចក្រកម្ពុជា និង
    សាធារណ:រដ្ឋបារាំង ហេីយដែលច្បាប់នេះ បានឈានចូល
    ក្នុងដំណេីរអនុវត្តន៍ជាធរមានរួចហេីយ។
    សម្រាប់សមរង្ស៊ី ច្បាប់ធ្វេីបត្យាប័ននេះ ហាក់ដូចជាអន្លូង
    ដែលសំពងចំកណ្តាលក្បាលសមរង្សុី ដែលកំពុងជាប់ក្តីក្តាំ នៅក្នុង
    តុលាការកម្ពុជាផង និងក្តីក្តាំបរិហារកេរ្តិ៍ដែលប្តឹងដោយរាជរដ្ឋាភិបាល
    កម្ពុជានៅតុលាការបារាំងផង ។
    សម្រាប់សមរង្សុីការគេចវេសប្រកាសឈប់ទទួលយកសញ្ជាតិ
    ខ្មែរ វាជាចំណុចទី១ ដែលសមរង្សុីគឹតថា អាចជៀសវាងបាន
    ពីការចាប់បញ្ជូនខ្លួនសមរង្សុីមកកាត់ទោសនៅកម្ពុជាតាមរយះច្បាប់
    បត្យាប័នពីសំណាក់ភាគីបារាំងបាន។
    តែថាចំណុចនេះ នឹងធ្វេីឲ្យសមរង្សីបាត់បង់អ្វីទាំងអស់ដែលសមរង្សុីមាន
    នៅកម្ពុជាផងដែរ ។ (សមរង្សុីនិងភរិយាជាជនជាប់ពិរុទ្ធតាមផ្លូវតុលាការ)
    សម្រាប់ជាតិសាសន៍បារាំងដែលសមរង្ស៊ីត្រូវតែប្រកាន់យក
    ទៀតសោត សមរង្ស៊ីក៏មិនអាចមានពេលវេលាគ្រប់គ្រាន់
    ដែលអាចឲ្យសមរង្ស៊ីបានរស់នៅដោយក្តីសុខនោះក៏ទេដែរ ។
    សមរង្ស៊ីកំពុងជាប់ក្តីនៅបារាំង ដែលត្រូវបានប្តឹងដោយរាជ
    រដ្ឋាភិបាលកម្ពុជា ។ តេីមិនមានទេឬ ដែលសមរង្សុីមិនត្រូវការ
    មេធាវីបារាំងឲ្យឈរធ្វេីជាអ្នកការពារក្តីឲ្យខ្លួន ?
    ចំណុចនេះទាំងពេលវេលា ទាំងថវិកាទាមទារឲ្យសមរង្សុី
    ត្រូវលះបង់ដោយខានមិនបាន ។
    សម្រាប់សមរង្ស៊ី ទោះត្រឹមទទួលយកតែសញ្ជាតិបារាំង
    ក៏សមរង្ស៊ីមិនអាចគិតថា បានរួចខ្លួនពីការជាប់នូវពិរុទ្ធភាព
    តាមផ្លូវច្បាប់របស់តុលាការកម្ពុជា ។
    ព្រោះថាស្ថានទម្ងន់ទោសបង្ករភាពអន្តរាយដល់ជាតិ ក្នុង
    ពេលដែលសមរង្សុីចាប់យកសញ្ជាតិខ្មែរ ហេីយឈរជេីង
    ធ្វេីជាអ្នកនយោបាយ ជាសមាជិកសភានៅកម្ពុជា ដែលចំណុចនេះ
    វាបានបង្ហាញនូវភាពគ្រប់គ្រាន់តាមផ្លូវច្បាប់ ដែលរដ្ឋាភិបាល
    បារំាងអាចអនុវត្តន៍ច្បាប់បត្យាប័ន បញ្ជូនសមរង្ស៊ីឲ្យមក
    កាត់ទោសនៅស្រុកខ្មែរបានហេីយ ។
    ដូចនេះតេីវាសនាសមរង្ស៊ី មិនត្រូវចប់ដោយបរិបូរណ៍
    ក្នុងពេលដែលសមរង្ស៊ី ត្រូវមកសម្រាកលំហែកាយ
    ក្នុងគុកស្រុកខ្មែរ ជាមួយអាហារប៉ូវ សម្លរម្ជូរក្បាលត្រី
    កញ្ចុះជាមួយស្លឹកអំពិលចាស់ទេឬ ?