រដ្ឋាភិបាល កាត់​ដី​គម្រប​ព្រៃឈើ​២០០២​នៅខេត្ត​​ព្រះសីហនុ ជូន​មន្ត្រី​និង​ឧកញ៉ា​មួយចំនួន​

នយោបាយ | បរិស្ថាន
លោក ម៉ិច ដារ៉ា | ២៥ វិច្ឆិកា ២០២០ |ម៉ោង ១៦:០២
VOD

លោក ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា ថ្លែង​ក្នុង​ពិធី​បើក​ការដ្ឋាន​សាងសង់​ស្ពានបេតុង​ខ្សែកាប​ឆ្លងកាត់​ទន្លេបាសាក់ តភ្ជាប់​រាជធានី​ភ្នំពេញ ពីទី​ក្រុង​កោះ​ពេជ្រ ទៅកាន់​ទីក្រុង​រណប​កោះ​នរា និង​ពី​កោះ​នរា ឆ្ពោះទៅ​ផ្លូវជាតិ​លេខ១ ក្នុង​ភូមិសាស្ត្រ​សង្កាត់​និរោធ ខណ្ឌ​ច្បារអំពៅ រាជធានី​ភ្នំពេញ ថ្ងៃទី២៦ ខែតុលា ឆ្នាំ២០២០។ (​ហ្វេសប៊ុក​លោក ហ៊ុន សែន​)

លោក ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា ថ្លែង​ក្នុង​ពិធី​បើក​ការដ្ឋាន​សាងសង់​ស្ពានបេតុង​ខ្សែកាប​ឆ្លងកាត់​ទន្លេបាសាក់ តភ្ជាប់​រាជធានី​ភ្នំពេញ ពីទី​ក្រុង​កោះ​ពេជ្រ ទៅកាន់​ទីក្រុង​រណប​កោះ​នរា និង​ពី​កោះ​នរា ឆ្ពោះទៅ​ផ្លូវជាតិ​លេខ១ ក្នុង​ភូមិសាស្ត្រ​សង្កាត់​និរោធ ខណ្ឌ​ច្បារអំពៅ រាជធានី​ភ្នំពេញ ថ្ងៃទី២៦ ខែតុលា ឆ្នាំ២០២០។ (​ហ្វេសប៊ុក​លោក ហ៊ុន សែន​)


លោកនាយករដ្ឋមន្ត្រី ហ៊ុន សែន​ សម្រេចកាត់​ផ្ទៃដីជាង ១៤០​​ហិកតា ស្ថិតក្នុងដែនគម្របព្រៃឈើ ២០០២ នៅខេត្តព្រះសីហនុ ឱ្យ​កូនមន្ត្រីជាន់ខ្ពស់ ឧកញ៉ា និង​ឈ្មួញដី​​មួយចំនួន ធ្វើជាកម្ម​សិទ្ធិ​ ខណៈ​មន្ត្រីបញ្ជាក់ថា អ្នក​ទាំងនោះ ពិតជាបានកាន់កាប់ដីជាក់ស្តែងនៅតំបន់​នោះយូរ​ឆ្នាំហើយ​។

យោងតាម​អនុក្រឹត្យ ចុះថ្ងៃទី១៧ ខែ​កក្កដា ឆ្នាំ២០២០ លោកនាយករដ្ឋមន្ត្រី ហ៊ុន សែន បានសម្រេច​​កាត់ដីទំហំជាង ៧៦ហិកតា ស្ថិតក្នុងដែនគម្របព្រៃឈើ​២០០២ នៅភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ ប្រគល់​ឱ្យទៅប្រធាននាយកដ្ឋានបង្ការ និងបង្ក្រាបបទល្មើសអគ្គនាយកដ្ឋានគយ និងរដ្ឋាករកម្ពុជា លោក កើត សុទ្ធារ៉ា ដែលកាន់កាប់ដីនោះ ជាក់ស្តែង។

អនុក្រឹត្យមួយទៀត ចុះថ្ងៃទី១៧ ខែ​កក្កដា ឆ្នាំ២០២០ដដែល ក៏បានសម្រេច​កាត់ដីទំហំជិត ១០ហិកតា ស្ថិតក្នុងដែនគម្របព្រៃឈើ២០០២ នៅភូមិចំណោតរាម ឃុំបិតត្រាំង ស្រុកព្រៃនប់ ខេត្ត​ព្រះសីហនុ ប្រគល់​ឱ្យទៅ​ ឧកញ៉ា ឡាវ កាង អតីតប្រធានសភាពាណិជ្ជកម្មខេត្តព្រះសីហនុ, ឧកញ្ញា តាន់ តាត់ ប្រធាន​ក្រុមហ៊ុន​ដឹក​ជញ្ជូន​ធំ​មួយ​នៅ​ខេត្ត​ព្រះសីហនុ និង​ឧកញ៉ា តេង ហឿង ជាអ្នកគ្រប់គ្រង​ទូទៅរបស់​ក្រុមហ៊ុនដឹកជញ្ជូន​ តេ​ង​ ឡាយ គ្រុប និង​ជា​អនុប្រធាន​គម្រោងរបស់​បុរី​ អ័រគីដេវីឡា។

យោង​តាម​អនុក្រឹត្យ​​ដាច់ដោយឡែក​មួយផ្សេងទៀត ចុះថ្ងៃទី២៨ ខែកក្ក​ដា ឆ្នាំ២០២០ ក៏បានសម្រេច​​​កាត់ដីទំហំជាង ៤ហិកតា ស្ថិតក្នុងដែនគម្របព្រៃឈើ​២០០២ នៅភូមិគគីរ​ ឃុំបិតត្រាំង ស្រុកព្រៃនប់ ខេត្តព្រះសីហនុ ប្រគល់​ឱ្យទៅឧកញ៉ា តុង ហុក​សេង និងលោក ណៃ យ៉ឺន ដែលកាន់កាប់ជាក់ស្តែង។

​អនុក្រឹត្យមួយទៀត ចុះថ្ងៃទី២៨ ខែកក្កដា ឆ្នាំ២០២០ ដដែល លោកនាយករដ្ឋមន្ត្រី ហ៊ុន សែន បានសម្រេច​កាត់ដីទំហំជាង ៥២ហិកតា ស្ថិតក្នុងដែនគម្របព្រៃឈើ​២០០២ នៅភូមិ៣​ សង្កាត់​​លេខ១ ក្រុងព្រះសីហនុ ខេត្តព្រះសីហនុ ប្រគល់​ឱ្យទៅ លោក សោ លី និងឈ្មោះ លាង ទ្រី ដែលកាន់កាប់ដី​ជាក់ស្តែង។

ទាក់ទងនឹងការកាត់ដី​ប្រគល់​ឱ្យទៅ លោក សោ លី និងឈ្មោះ លាង ទ្រី ដែលកាន់កាប់ជាក់ស្តែងនេះ លោក ប្រាក់ ពុទ្ធា​ មេប៉ុស្តិ៍សង្កាត់លេខ១ ក្រុងព្រះសីហនុ បានថ្លែងនៅថ្ងៃទី២៤ខែវិច្ឆិកានេះ​ថា លោក សោ លី គឺជាអ្នកជំនួញ​ដីធ្លីម្នាក​់ ហើយលោក​ពិតជាមានដីស្ថិតនៅគម្រប​​​ព្រៃឈើរបស់ក្រសួងបរិស្ថាន នៅតំបន់ក្បាលឆាយមែន។

តែយ៉ាងណា លោកមិនជឿថា រាជរដ្ឋាភិបាល កាត់ដីឱ្យ​លោក សោ លី នោះទេ ដោយសារ​តែតំបន់ក្បាល​ឆាយនេះ តំបន់​រក្សាទឹកស្អាតសម្រាប់ប្រជាពលរដ្ឋ​ប្រើប្រាស់។

លោកបានបញ្ជាក់ថា៖ «គេមិនឱ្យ​ទេ ពីព្រោះវាចូលទៅក្នុងគម្របព្រៃឈើ​របស់[ក្រសួង]បរិស្ថាន ហើយ​ដីចង់​អស់ក្បាលឆាយហើយហ្នឹង ៥២ហិកតាមិនមែនតិចទេ បើគេឃ្វៀលដីក្បាលឆាយ​អស់ តើប្រជាជនមានទឹកឯណាផឹក? ​ខ្ញុំមិនទាន់ជឿថាគេកាត់ឱ្យ​នោះទេ គេដាក់ពាក្យស្នើសុំគ្រប់គ្នា ហើយវាគ្មានកន្លែងឯណាកាត់​ឃ្វៀលដីរដ្ឋឱ្យ​នោះទេ ៥២ហិកតា ដីក្បាលឆាយអស់ហើយ»។

ប្រធានការិយាល័យរៀបចំដែនដី នគរូបនីយកម្ម សំណង់ និង​សុរិយោដី​ស្រុកព្រៃនប់ លោក ឃួន គឹមស៊ីន បានថ្លែងថា រដ្ឋាភិបាល​ ពិតជាបានសម្រេច​កាត់ស្ថិតក្នុងដែនគម្របព្រៃឈើ ២០០២ នៅខេត្តព្រះសីហនុ ឱ្យ​មន្ត្រីជាន់ខ្ពស់ និង​ឧកញ៉ាមួយចំនួនមែន។

លោកបានបញ្ជាក់ថា៖ «ខ្ញុំធ្វើតាមអនុក្រឹត្យ ហើយអនុក្រឹត្យ​ធ្វើម៉េច​ខ្ញុំ​ធ្វើចឹង យើង​អត់​មានរំលោភ​​អី​លើហ្នឹងកើត។ លោក (កើត សុទ្ធារ៉ា) បានដាក់ពាក្យសុំចុះបញ្ជី។ អនុក្រឹត្យចេញ ច្រើនណាស់ ពាក់ព័ន្ធនឹងថ្នាក់ដឹកនាំ ខ្ញុំអត់សូវដឹងដែរ ពេលគេហៅទៅវាស់ ខ្ញុំទៅវាស់ដោយ សារយើងជំនាញតែប៉ុណ្ណឹង»។

អ្នកនាំពាក្យសាលាខេត្តព្រះសីហនុ លោក ឃាង ភារម្យ បានបដិសេធអត្ថាធិប្បាយពាក់ព័ន្ធនឹងការកាត់ដីនៃតំបន់ដែនគម្របព្រៃឈើ​២០០២នេះ កាលពីថ្ងៃម្សិលមិញ។

ថ្មីនេះដែរ លោកនាយករដ្ឋមន្ត្រី ហ៊ុន សែន បានសម្រេច​កាត់ដីទំហំជាង ស្ថិតក្នុងដែនគម្របព្រៃ​ឈើ ២០០២ នៅភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ ប្រគល់​ឱ្យទៅកូនស្រីពីរនាក់របស់​លោក និង​មន្ត្រីមួយចំនួន​ផងដែរ។

តែយ៉ាងណា ប្រធាន​​អង្គភាព​អ្នកនាំពាក្យ​រាជ​​រដ្ឋាភិបាល លោក ផៃ ស៊ីផាន បញ្ជាក់ថា ការកាត់ឆ្វៀល​​ដីនេះ ដោយសារ​​ពួកគាត់បានកាន់​កាប់ និង​អាស្រ័យផលជាក់ស្តែង នៅទីតាំងដីនោះ ជា​​​យូរ​ឆ្នាំ​ហើយ៕


រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

What Next?

Recent Articles

2 Responses to "រដ្ឋាភិបាល កាត់​ដី​គម្រប​ព្រៃឈើ​២០០២​នៅខេត្ត​​ព្រះសីហនុ ជូន​មន្ត្រី​និង​ឧកញ៉ា​មួយចំនួន​"

  1. Anonymous says:

    take it while you are in powers but we’ll take it back when you gone plus the owner

  2. so socheath says:

    ស្ថានបេសកកម្មអចិន្ត្រៃយ៍កម្ពុជា នៅទីក្រុងហ្សឺណែវ បានចេញសេចក្តីថ្លែងការណ៍មួយ ដោយទាមទារឱ្យ លោកស្រីរ៉ូណា ស្មីត Rhona Smith អ្នករាយការណ៍ពិសេស របស់អង្គការសហប្រជាជាតិ ស្ដីពីស្ថានភាពសិទ្ធិមនុស្សនៅកម្ពុជា គោរពការងារ និងឯករាជ្យភាពរបស់ប្រព័ន្ធតុលាការកម្ពុជា។
    តាមសេចក្តីថ្លែងការណ៍ដែល ទទួលបាន នៅថ្ងៃទី២៦ ខែវិច្ឆិកា ឆ្នាំ២០២០ ស្ថានបេសកកម្ម
    អចិន្ត្រៃយ៍កម្ពុជា បានបដិសេធទាំងស្រុងចំពោះការចេញផ្សាយព័ត៌មាន ចុះថ្ងៃទី២៥ ខែវិច្ឆិកា ឆ្នាំ ២០២០ របស់លោកស្រីរ៉ូណា ស្មីត Rhona Smith ដែលបានលើកឡើងថា ការបើកសវនការលើអតីតក្រុមប្រឆាំងរយៈពេលប៉ុន្មានថ្ងៃនេះ គឺទំនងជាធ្វើឡើងក្នុងហេតុផលនយោបាយ។
    «ទស្សនៈផ្ទាល់ខ្លួនរបស់បុគ្គលដែលអះអាងថាជាអ្នកជំនាញ ប៉ុន្តែមិនមែនជាមន្ត្រីរបស់អង្គការសហប្រជាជាតិ គឺជាការលើកឡើងដែលសម្រាំងយកតែផ្នែកខ្លះ និងបកស្រាយដោយមួលបង្កាច់ មិនផ្អែកលើការពិត។ មានឧទាហរណ៍ អំពីករណីមន្ត្រីគណបក្សកាន់អំណាចជាច្រើន ដែលបានប្រព្រឹត្តខុស ហើយត្រូវបានយកមកឱ្យទទួលខុសត្រូវចំពោះមុខច្បាប់។ ការណ៍នេះសបញ្ជាក់ឱ្យឃើញច្បាស់ថា ការចូលរួមជាមួយគណបក្សនយោបាយ ឬអង្គការមិនមែនរដ្ឋាភិបាលណាមួយ ពុំមែនជាការផ្តល់សិទ្ធិឱ្យ បុគ្គលណាម្នាក់បំពានច្បាប់ ដោយនិទណ្ឌភាពឡើយ។ វាគឺជាយុត្តាធិការរបស់តុលាការនៅក្នុងការ កំណត់បទចោទ និងបន្តនីតិវិធី ដោយផ្អែកលើមូលដ្ឋាននៃអង្គហេតុនិងអង្គច្បាប់។ ការធ្វើសេចក្ដីសន្និដ្ឋានថា ការបើកសវនាការជំនុំជម្រះលើបុគ្គលណាមួយធ្វើឡើងក្នុងហេតុផល នយោបាយនិងទម្រង់យុទ្ធសាស្ត្របំភិតបំភ័យចំពោះទស្សនៈផ្ទុយគ្នា គឺជាការនិយាយបំផ្លើសនិងជាការ ប្រមាថទាំងស្រុងលើស្ថាប័នតុលាការឯករាជ្យនៃរដ្ឋអធិបតេយ្យ»។
    ស្ថានបេសកកម្មអចិន្ត្រៃយ៍កម្ពុជា បានពន្យល់ថា បទល្មើស «ឧបឃាត» និង «ការញុះញង់ឱ្យប្រព្រឹត្តបទឧក្រិដ្ឋជាអាទិ៍» មានចែងយ៉ាងច្បាស់នៅក្នុងមាត្រា៤៥១ និង មាត្រា៤៩៥ នៃ ក្រមព្រហ្មទណ្ឌកម្ពុជា ដែលត្រូវបានតាក់តែងឡើងដោយមានជំនួយពីអ្នកជំនាញផ្នែកច្បាប់មកពី ប្រទេសលោកខាងលិចផងដែរ។ ចុងចោទមានឱកាសពេញលេញចូលរួមសវនាការ ព្រមទាំងមានសិទ្ធិរកមេធាវីការពារ ដើម្បីបង្ហាញ ទឡ្ហីករណ៍ និងដាក់ភស្តុតាងដោះបន្ទុក នៅក្នុងប្រព័ន្ធតុលាការ ដែលជាផ្នែកមួយនៃសិទ្ធិទទួលបាននូវ ការជំនុំជម្រះត្រឹមត្រូវ ធានាដោយរដ្ឋធម្មនុញ្ញរបស់កម្ពុជា។ ជនជាប់ចោទក៏បានត្រូវគេផ្តល់មេធាវី ការពារសិទ្ធិដោយមិនយកកម្រៃ ប៉ុន្តែពួកគាត់បានសម្រេចយកមេធាវីការពារ តាមជម្រើសផ្ទាល់ខ្លួនវិញ។
    កម្ពុជាបញ្ជាក់ទៀតថា ដំណើរការនីតិវិធីរបស់តុលាការចំពោះជនជាប់ចោទ ត្រូវបានធ្វើឡើងយ៉ាងម៉ត់ចត់ ដោយផ្អែកទៅលើ បទល្មើសដែលបានចោទប្រកាន់ស្របតាមច្បាប់ ហើយក៏មិនបានពាក់ព័ន្ធនឹងការអនុវត្តសិទ្ធិសេរីភាព ក្នុងការបញ្ចេញមតិនិងជួបជុំដោយសន្តិវិធីនោះឡើយ។ បើគេចាត់ទុកការអនុវត្តច្បាប់គឺជាការរឹតត្បិត សេរីភាព នោះគឺជាការបន្ទាបតម្លៃនៃគោលការណ៍នីតិរដ្ឋ និងការអនុវត្តស្មើភាពគ្នាចំពោះពលរដ្ឋទាំងអស់ ដែលត្រូវបានធានាក្នុងរដ្ឋធម្មនុញ្ញនៃព្រះរាជាណាចក្រកម្ពុជា។
    ស្ថានបេសកកម្មអចិន្ត្រៃយ៍កម្ពុជា បានទទូចថា អ្នករាយការណ៍ពិសេសត្រូវគោរពការងារ និងឯករាជ្យភាពនៃ ប្រព័ន្ធតុលាការជាតិ ដែលក្នុងចំណោមនោះ មិនត្រូវធ្វើការវិនិច្ឆ័យជាមុន ឬធ្វើអ្វីដែលជះឥទ្ធិពលលើ លទ្ធផលនៃសំណុំរឿងពាក់ព័ន្ធនឹងបុគ្គលដែលកំពុងរង់ចាំសវនានោះឡើយ។ ការយកចិត្តទុកដាក់ ប្រកបដោយការប្រុងប្រយ័ត្ន និងគោរពនីតិវិធីតុលាការខាងលើ ព្រមជាមួយនឹងការប្រកាន់ខ្ជាប់យ៉ាង ម៉ឺងម៉ាត់នូវក្រមសីលធម៌ និងសៀវភៅណែនាំប្រតិបត្តិការសម្រាប់អ្នកទទួលអាណត្តិនីតិវិធីពិសេស ដែលបានគូសបញ្ជាក់អំពីសារឮសំខាន់នៃការគោរពច្បាប់ជាតិ និងធម្មនុញ្ញអង្គការសហប្រជាជាតិ នឹងជួយឱ្យរដ្ឋទូទៅទាំងអស់ និងកម្ពុជា ជាពិសេស បន្តរក្សានូវទំនុកចិត្ត និងកិច្ចសហប្រតិបត្តិការពិតប្រាកដ ជាមួយ អ្នករាយការណ៍ពិសេស៕