ដោយ ទីន ហ្សាការីយ៉ា
2020-11-27
RFA
សកម្មភាពព្រះសង្ឃ និងយុវជនតវ៉ាមុខសាលាដំបូងរាជធានីភ្នំពេញ ដើម្បីទាមទារដោះលែង លោក រ៉ុង ឈុន កាលពីថ្ងៃទី២ ខែសីហា ឆ្នាំ២០២០។ Photo courtesy of N1M
អ្នកប្រើប្រាស់បណ្ដាញសង្គមនៅតែបន្ត ធ្វើយុទ្ធនាការបង្ហោះសារតាមបណ្ដាញសង្គមហ្វេសបុក (Facebook) រៀងរាល់ថ្ងៃសុក្រ ដោយរៀបរាប់ពីការអាណិតអាសូរ និងគាំទ្រដល់សកម្មជនសិទ្ធិមនុស្ស លោក រ៉ុង ឈុន ដែលត្រូវអាជ្ញាធររបបក្រុងភ្នំពេញ ចាប់ដាក់ពន្ធនាគារដោយអយុត្តិធម៌។ ពួកគេទាមទារឱ្យតុលាការទម្លាក់បទចោទ និងដោះលែងលោក រ៉ុង ឈុន ឱ្យមានសេរីភាពវិញ ដើម្បីឱ្យលោកបន្តការងារការពារសិទ្ធិពលរដ្ឋបន្តទៀត។
អ្នកគាំទ្រលោក រ៉ុង ឈុន បន្តរំលឹកអំពីស្នាដៃ និងវីរភាពរបស់មេដឹកនាំសហជីព និងសកម្មជនព្រំដែនរូបនេះនៅលើអនឡាញជារៀងរាល់ថ្ងៃសុក្រ។ យុទ្ធនាការនេះ គឺពួកគេបង្ហោះរូបភាពលោក រ៉ុង ឈុន ដែលបានជួយការពារប្រយោជន៍កម្មករ គ្រូបង្រៀន និងពលរដ្ឋរងគ្រោះលើហ្វេសប៊ុក ហើយទាមទារឱ្យតុលាការ ទម្លាក់បទចោទប្រកាន់លើរូបលោក ដោយគ្មានលក្ខខណ្ឌ។
ប្រធានសមាគមគ្រូបង្រៀនកម្ពុជាឯករាជ្យ អ្នកស្រី អ៊ុក ឆាយ៉ាវី ប្រាប់អាស៊ីសេរីនៅថ្ងៃទី២៧ វិច្ឆិកាថា អ្នកចូលរួមធ្វើយុទ្ធនាការភាគច្រើនជាពលរដ្ឋ ក្រុមយុវជន និង អ្នកអាណិតស្រឡាញ់ លោក រ៉ុង ឈុន។ អ្នកស្រីថា យុទ្ធនាការនេះ ដើម្បីពញ្ញាក់ស្មារតីពលរដ្ឋ ឱ្យចងចាំ វីរភាព លោក រ៉ុង ឈុន ដែលចំណាយពេលស្ទើរពេញមួយជីវិត ដើម្បីជាតិ និងប្រយោជន៍ពលរដ្ឋ ក៏ប៉ុន្តែលទ្ធផលដែលលោកទទួលបាននៅពេលនេះ បែរជាជាប់គុក យ៉ាងអយុត្តិធម៌ទៅវិញ។ អ្នកស្រីថា មកទល់ពេលនេះយុទ្ធនាការនេះបង្កើតឡើង ជាង ១រយថ្ងៃមកហើយ ( ១២០) ពោលគឺរាប់ចាប់តាំងពីរដ្ឋាភិបាលចាប់ខ្លួនលោក រ៉ុង ឈុន មក៖ «យុទ្ធនាការថ្ងៃសុក្រនេះ គោលបំណងរបស់យើង គឺចង់ឱ្យលោកគ្រូ អ្នកគ្រូ ពលរដ្ឋ និង កម្មករកម្មការិនី នៅនឹងចាំ ការឈឺចាប់ ចំពោះការចាប់ខ្លួន លោក រ៉ុង ឈុន ទាំងកណ្តាលរាត្រីនៅថ្ងៃសុក្រនេះ ជាយុទ្ធនាការមួយ ឈឺចាប់បំផុតចំពោះអ្នកដែលជួយស្ថាបនា ជួយសង្គមជាតិ ទទួលបានលទ្ធផល ត្រឹមជាប់ពន្ធនាគារ»។
អ្នកចូលរួមយុទ្ធនាការនេះ គឺលោក សាន់ ម៉ាឡា យល់ថា យុទ្ធនាការនេះមានសារៈសំខាន់ណាស់ ដើម្បីក្រើនរំឭកដល់មហាជន និងពលរដ្ឋ ឱ្យស្វែងយល់ និងលើកទឹកចិត្តចំពោះ វីរភាពរបស់លោក រ៉ុង ឈុន ដែលផ្ដល់ជាគំរូក្លាហាន ការពារបូរណភាពទឹកដី ដែលជាការទទួលខុសត្រូវរបស់ពលរដ្ឋទាំងអស់គ្នា។ លោករំពឹងថា តាមរយៈយុទ្ធនាការនេះ កូនខ្មែរនឹងមិនភ្លេច លោក រ៉ុង ឈុន នោះទេ ព្រោះការលះបង់របស់លោក គឺដើម្បីប្រយោជន៍ជាតិមាតុភូមិ៖ «បើទោះបីជាយើងមិនរំពឹងថា តុលាការគេនឹងពិចារណា ទៅតាមសំណើ ឬសំណូមពរដែលយើងធ្វើនៅតាមបណ្ដាញសង្គមក៏ដោយ ប៉ុន្តែខ្ញុំគិតថា ប្រសិនជាមានការចូលរួមច្រើនកុះករមានសម្ពាធ ពីសាធារណជនខ្លាំង ហើយខ្ញុំគិតថា ប្រហែលអាចនឹងមានដំណោះស្រាយ សម្រាប់លោកគ្រូ រ៉ុង ឈុន ក៏ដូចជាសកម្មជនដទៃទៀត»។
អ្នកនាំពាក្យគណបក្សប្រជាជនកម្ពុជា លោក សុខ ឥសាន មិនអធិប្បាយចំពោះ ការធ្វើយុទ្ធនាការរបស់អ្នកប្រើប្រាស់បណ្ដាញសង្គមនោះទេ។ តែយ៉ាងណាលោកនៅតែចោទថា សកម្មភាពលោក រ៉ុង ឈុន ប៉ះពាល់ដល់សន្តិសុខជាតិ និងទំនាក់ទំនងទ្វេភាគីជាមួយប្រទេសជិតខាង៖ «កើតឡើងធ្វើឱ្យជាប់ពិរុទ្ធភាព ដោយសារញុះញង់ប៉ះពាល់សន្តិសុខជាតិ ឬប៉ះពាល់ដល់ទំនាក់ទំនងទ្វេភាគីជាមួយប្រទេសជិតខាង អាហ្នឹងវាអត់ត្រឹមត្រូវតាមតួនាទីរបស់គាត់ទេ ។ អាហ្នឹងវាអត់ត្រឹមត្រូវទៅតាមតួនាទីរបស់គាត់ទេ។ បើគាត់ជាសមាជិកក្រុមប្រឹក្សាឃ្លាំមើល ដែលមានទីតាំង នៅប្រទេស ស៊ុយអែត ហ្វាំងឡង់ គាត់ឃ្លាំមើល គ្រាន់តែឃ្លាំមើលទៅ អត់មានបញ្ហាអីទេ។ ប៉ុន្តែនេះជាក់ស្ដែង»។
អ្នកឃ្លាំមើលបញ្ហាព្រំដែន និងការពារសិទ្ធិការងារ លោក រ៉ុង ឈុន ត្រូវអាជ្ញាធរចាប់ខ្លួនកាលពីយប់ថ្ងៃទី៣១ កក្កដាដោយចោទប្រកាន់ពីបទ «ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម»។ ការចាប់ខ្លួននេះ បន្ទាប់ពីលោកចុះជួបពលរដ្ឋដែលអះអាងថា អាជ្ញាធរវៀតណាមរំលោភយកដីពលរដ្ឋខ្មែរនៅខេត្តត្បូងឃ្មុំ។ ក្រោយពេលចាប់លោក រ៉ុង ឈុន ហើយ អាជ្ញាធរបានបន្តចាប់ខ្លួន សកម្មជនសង្គម ព្រះសង្ឃខ្មែរថាវរៈ សកម្មជននយោបាយ អ្នកការពារបរិស្ថាន និងក្រុមយុវជនជាង ២៣០នាក់ ដាក់ពន្ធនាគារ ដោយចោទប្រកាន់ពីបទញុះញង់ដូចគ្នា។
កាលពីពេលថ្មីៗនេះ តុលាការកំពូលបានបដិសេធសំណើសុំនៅក្រៅឃុំបណ្ដោះអាសន្នរបស់លោក រ៉ុង ឈុន ក្រោមហេតុផលបង្ការកុំឱ្យមានបទល្មើសកើតឡើងជាថ្មី ។ ទោះបីជាបែបនេះក្ដី អ្នកគាំទ្រលោក រ៉ុង ឈុន ខកចិត្តនឹងការសម្រេចនេះ និងចាត់ទុកថា ជារឿងអយុត្តិធម៌ ធ្វើបាបអ្នកឈឺឆ្អាលបញ្ហាប្រទេសជាតិ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- អ្នកក្រៅប្រទេសបន្តទាមទារឲ្យរដ្ឋាភិបាលដោះលែងលោក រ៉ុង ឈុន និងក្រុមអ្នកតវ៉ាដោយសន្តិវិធី
- មន្ត្រីសិទ្ធិមនុស្សយល់ស្របគ្នាថា ការចាប់លោក រ៉ុង ឈុន កំពុងធ្វើឲ្យកម្ពុជាបាក់មុខលើឆាកអន្តរជាតិ
- តុលាការសម្រេចឃុំខ្លួនលោក សួង សុភ័ណ្ឌ និងយុវជនខ្មែរថាវរៈពីរនាក់ ក្នុងពន្ធនាគារ
- អាជ្ញាធរចាប់ខ្លួនយុវជន ៦នាក់ ដែលចូលរួមតវ៉ាឱ្យដោះលែងលោក រ៉ុង ឈុន
- ព្រះសង្ឃ៦អង្គ គេចព្រះកាយដើម្បីសុវត្ថិភាព ក្រោយចូលរួមទាមទារដោះលែង លោក រ៉ុង ឈុន
- សហព័ន្ធសហជីពអន្តរជាតិជំរុញរដ្ឋាភិបាលទម្លាក់ចោល និងដោះលែង លោក រ៉ុង ឈុន ជាបន្ទាន់
- រដ្ឋាភិបាលស៊ុយអែតសម្រេចបិទស្ថានទូតនៅកម្ពុជានៅចុងឆ្នាំ២០២១
- របបក្រុងភ្នំពេញច្រានចោលកង្វល់អ្នកស្រី រ៉ូណា ស្មីត ជុំវិញដំណើរការក្តីលើមន្ត្រីបក្សប្រឆាំង
- មន្ត្រីពន្ធនាគារបញ្ជូនសមាជិកខ្មែរថាវរៈ កញ្ញា សូ មេត្តា មកពិនិត្យរបួសនៅមន្ទីរពេទ្យរុស្ស៊ី
- លោក ហ៊ុន សែន ដាក់គោលដៅប្ដឹងអ្នកសារព័ត៌មានដែលស្រង់សម្ដីលោកបាត់ខ្លឹមសារ
ហាស ! ហាស
មិនបង្អាប់ទេ ទូតស៊ុយអែតហ្នឹងនោះ ។ តែថាបើនៅក៏វាគ្មានចំណេញស្អីដល់ប្រជាជនកម្ពុជាដែរ ?
ប្រជាជនកម្ពុជាត្រូវការមិត្ត ត្រូវការជំនួយអភិវឌ្ឍន៍ជាតិ តែមិនត្រូវការជំនួយ
ប្រកបដោយភាពពិសពុល បំផ្លាញសន្តិភាពជាតិកម្ពុជា ដែលរកបានដោយលំបាកនោះទេ ។
ដូចនេះនៅឬទៅ វាគ្មានអីអស្ចារ្សសម្រាប់កម្ពុជាទេ !
(បង្វែរជំនួយជាង២០លានដុល្លារអាមេរិកពីការជួយរដ្ឋាភិបាលកម្ពុជា មកជួយ
អង្គការសង្គមស៊ីវិល នេះជា សម្តីនាង ចក់ សុភាព នាយិកានៃមជ្ឈមណ្ឌលសិទ្ធិមនុស្សកម្ពុជា ។
(អង្គការសង្គមស៊ីវិលការពារចោរ)
tell your master to release RONG CHHUN … AH CHHKOUTH if HUN SEN not change there will be no election will be recognize by world community . you got to believe me talking about your dump comment in every articles jus make me sick. talking about the world community will withdraw their embassy out of Cambodia because they do not like your evil leader.
នាវាលាផែ !
*******
សម្រាប់ថ្ងៃសៅរ៍ចុងសប្តាហ៍នេះ ខ្ញុំនៅតែទៅធ្វេីការ ព្រោះខ្ញុំជា
អ្នកគ្រប់គ្រងការផ្សាយ ទាំងវិទ្យុរដ្ឋនិងឯកជនច្រេីនស្ថានីយ៍ ។
ការងារថ្ងៃនេះ មិនច្រេីនទេ ។ ការទៅកាន់ស្ថានីយវិទ្យុរបស់ខ្ញុំ
ទាំងព្រឹក ល្ងាច គឺដេីម្បីអង្កេតការផ្សាយ របស់មន្ត្រីចាក់ផ្សាយ
និង ប្រធានស្ទូឌីយោ ដែលជាអ្នករៀបការផ្សាយ តាមកម្មវិធី
ដែលត្រូវផ្សាយបានកំណត់ ។
សម្រាប់ថ្ងៃសៅរ៍ និងថ្ងៃអាទិត្យទៀតសោត ខ្ញុំមិនអង្គុយនិយាយ
ផ្ទាល់តាមវិទ្យុបណ្តាញ(ផ្សាយព័ត៍មានតាមមេក្រូ)ទេ។
តែថាខ្ញុំក៏មិនមានការលះបង់ពេលវេលា ក្នុងការដេីរកំសាន្ត
នោះដែរ ។
ដេីម្បីក្តីសុខសាន្តរបស់ជាតិនិងប្រជាជន ធានាថែរក្សាសន្តិភាពជាតិ
ដែលសម្តេចតេជោសែន ហ៊ានលះបង់ជីវិត ក្នុង
ការចូលជំរុំសត្រូវប្តូរយកសន្តិភាពជូនជាតិ ការសង្កេតតាមដាន
សភាពការណ៍នយោបាយជាតិ នឹងអន្តរជាតិ សម្រាប់កម្ពុជា
ចំពោះខ្ញុំ គឺមានជាប្រចាំ ។
ការឆ្លេីយតបរបស់ខ្ញុំទៅកាន់គេហទំព័រជាតិ និងអន្តរជាតិ
គឺកេីតមានរាល់ថ្ងៃ រហូតពួកគេ ហៅខ្ញុំថាជាបណ្ឌិត
ជាអ្នកវិភាគ ក្នុងពេលដែលខ្ញុំមិនមែនជាអ្វីដូចគេគឹត
ទាំងអស់ ដោយខ្ញុំគ្រាន់តែជានិវត្តន៍ជនម្នាក់ និងជាមន្ត្រីកិច្ចសន្យា
ដែលអញ្ជេីញឲ្យជួយការងារផ្នែកប្រព័ន្ធផ្សព្វផ្សាយ។
ដោយហេតុខ្ញុំជាមន្ត្រីចាស់ក្នុងអង្គភាព មានជំនាញវិជ្ជាជីវះ
ត្រឹមត្រូវគ្រប់ផ្នែកសម្រាប់ប្រព័ន្ធផ្សព្វផ្សាយប៉ុណ្ណោះ ។
ខ្ញុំមិនត្រូវការបុណ្យសក្តិ៍ស្អីពីសម្តេចតេជោ ដូចអ្នកគឹត អ្នកស្មានទេ ព្រោះខ្ញុំចាស់ហេីយ ។
សម្តេចចូលនិវត្តន៍ពីនយោបាយ ប្រហែលខ្ញុំក៍ចូលនិវត្តន៍
ជាលេីកទី២ ក្នុងការងារតាមសម្តេចផងមិនដឹង ។
តែថាសម្រេាប់កិច្ចការនយោបាយនាំសុខដល់ជាតិ បេីសតិ
នៃការគឹតរបស់ខ្ញុំនៅល្អ ខ្ញុំនឹងបន្តជួយអ្នកដឹកនាំកម្ពុជា
ជំនាន់ក្រោយទៀត ក្នុងការងារថែរក្សាសន្តិភាពជាតិឲ្យបានគង់វង្ស
ជានិរន្តសម្រាប់ជាតិ និងប្រជាជនកម្ពុជា ។
ឥឡូវនេះ ចូលដល់រឿង សមរង្សុីដែលប៉ុន្មានថ្ងៃនេះ
បាត់មុខលែងព្រុសដូចឆ្កែវិញម្តង ។
ជាទម្លាប់ សមរង្ស៊ី វាតែងសរសេរ ឆ្លេីយតបមកកាន់ខ្ញុំ
រាល់គ្រប់commentដែលខ្ញុំផុសឡេីងក្នុងcamnews.0rg ។
តែប៉ុន្មានថ្ងៃនេះមានអ្នកចូលមកជំនួសក្នុងការសរសេរតប
របស់សមរង្ស៊ីមកកាន់ខ្ញុំ តែវាមិនមែនជាគំនឹតដែលចេញពីសមរង្ស៊ីទេ ។
សមរង្ស៊ី និងប្រពន្ធជូឡុង សូ មូរ៉ា នៅស្រុកបារាំង មិនមាន
តម្លៃក្នុងជីវភាពរស់នៅក្នុងសង្គមសុីវិល័័យរបស់បារាំងទេ។ ពួកគេគ្រាន់
តែជាគ្រួសារក្រីក្រ រស់នៅក្នុងប្រទេសបារាំង
តាមចំហាយកេរ្តិ៍ដំណែលផ្ទះជ្រកនៅ ពីឪពុកម្តាយ
របស់ពួកគេពីជំនាន់មុនប៉ុណ្ណោះ ។
(តបញ្ចប់នៅថ្ងៃអាទិត្យ នេះ)