កម្ពុជា​​ផ្ដល់​​ម៉ាស់​១​លាន​៥​ម៉ឺន​ និង​​បរិក្ខារ​​ពេទ្យ​​មួយ​ចំនួន​​ទៀត​ជូន​​ប្រទេស​​ទីម័រ​ខាង​កើត​​

កូរ៉ូណាវីរុស | ទំនាក់ទំនងអន្តរជាតិ | ព័ត៌មានជាតិ
លោកស្រី ពេជ្រ សុធារី | ០២ ធ្នូ ២០២០ |ម៉ោង ០៩:០៥
VOD

ជំនួយ​ជា​ម៉ាស់​និង​បរិក្ខារ​ពេទ្យ​ជាច្រើន​ប្រភេទ​ផ្សេងទៀត ត្រូវ​បាន​ដឹក​តាមយន្តហោះ​ពិសេស​យក​ទៅ​ប្រគល់​ឱ្យ​ប្រទេស​ទីម័រខាងកើត នៅ​ថ្ងៃទី២ ខែធ្នូ ឆ្នាំ២០២០។ (​ហ្វេសប៊ុក​លោក ហ៊ុន សែន​)

ជំនួយ​ជា​ម៉ាស់​និង​បរិក្ខារ​ពេទ្យ​ជាច្រើន​ប្រភេទ​ផ្សេងទៀត ត្រូវ​បាន​ដឹក​តាមយន្តហោះ​ពិសេស​យក​ទៅ​ប្រគល់​ឱ្យ​ប្រទេស​ទីម័រខាងកើត នៅ​ថ្ងៃទី២ ខែធ្នូ ឆ្នាំ២០២០។ (​ហ្វេសប៊ុក​លោក ហ៊ុន សែន​)


រដ្ឋាភិបាល​កម្ពុជា នៅ​ថ្ងៃពុធ​នេះ បាន​ដឹកជញ្ជូន​ជំនួយ​នូវ​ម៉ាស់​ចំនួន១លាន៥ម៉ឺន និង​សម្ភារ​បរិក្ខារ​មួយចំនួន​ទៀត ទៅ​ប្រគល់​ជូន​រដ្ឋាភិបាល​ប្រទេស​ទីម័រខាងកើត (ទី​ម័​រឡេ​ស្ត​) ដើម្បី​ចូលរួម​ប្រយុទ្ធ​ប្រឆាំង​នឹង​ជំងឺ​កូ​វី​ដនៅក្នុង​ប្រទេស​នេះ។

លោកនាយក​រដ្ឋមន្ត្រី ហ៊ុន សែន បាន​ លើកឡើង​នៅក្នុង​ទំព័រ​ហ្វេសប៊ុក​របស់​លោក​ នៅ​ថ្ងៃទី០២ ខែធ្នូ ឆ្នាំ២០២០ នេះ​ថា ម៉ាស់​របស់​កម្ពុជា​ចំនួន១លាន៥ម៉ឺន និង​សម្ភារ​បរិក្ខារ​មួយចំនួន​ទៀត ត្រូវ​បាន​ដឹក​តាម​យន្ត​ហោះ​ពិ​សេស ចាកចេញ​ពី​រាជធានី​ភ្នំពេញ នៅ​វេលា​ម៉ោង៥ព្រឹក​នេះ ដើម្បី​យក​ទៅ​ប្រគល់​ជូន​រដ្ឋាភិបាល​ប្រទេស​ទីម័រខាងកើត (ទី​ម័​រឡេ​ស្ត​) ដឹកនាំ​ដោយលោក អ៊ុច បូរ​រិទ្ធ រដ្ឋលេខាធិការ​ប្រចាំការ​ក្រសួង​ការបរទេស​កម្ពុជា។

លោក​បន្ត​ថា ជំនួយ​របស់​កម្ពុជា​ផ្តល់​ជូន​ប្រទេស​ទី​ម័​រឡេ​ស្ត​នេះ រួមមាន ម៉ាស​, វ៉ែនតា​សុវត្ថិភាព​, សម្លៀកបំពាក់​សុវត្ថិភាពសម្រាប់​មន្ត្រី​សុខាភិបាល​, ឧបករណ៍​វាស់​កម្ដៅ, របាំងមុខ​, ម៉ាស៊ីន​ជំនួយ​ដល់​ការដកដង្ហើមសម្រាប់​ប្រ​យោ​ធន​កម្ម​, ទូរទស្សន៍​តាមដាន​សុខភាព​អ្នកជំងឺ និង​សម្ភារ​បន្ទាប់បន្សំ​, ម្សៅ​ថ្នាំ​បាញ់សម្លាប់​មេរោគ​, ស្បែកជើង​កវែង​សុវត្ថិភាព និង​សាប៊ូ​លាងដៃ។

កាលពី​អំឡុង​ខែមុន រាជរដ្ឋាភិបាល​កម្ពុជា ក៏បាន​ផ្តល់​ម៉ាស់​ជាង២លាននិង​សម្ភារ​ពេទ្យ​មួយចំនួន ដល់​ប្រទេស​ឡាវ និង​ម៉ាស់ចំនួន​ជាង២លាននិង​សម្ភារ​ពេទ្យ​មួយចំនួន​ទៀតដល់​ប្រទេស​មីយ៉ាន់ម៉ា ដើម្បី​ចូលរួម​ប្រយុទ្ធ​ប្រឆាំង​នឹង​ជំងឺ​កូ​វីដ១៩ នៅក្នុង​ប្រទេស​ទាំងនោះ​៕


រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

What Next?

Recent Articles

One Response to "កម្ពុជា​​ផ្ដល់​​ម៉ាស់​១​លាន​៥​ម៉ឺន​ និង​​បរិក្ខារ​​ពេទ្យ​​មួយ​ចំនួន​​ទៀត​ជូន​​ប្រទេស​​ទីម័រ​ខាង​កើត​​"

  1. Anonymous says:

    OH ..WOW … Cambodia is showing a great honor of being world responsible if any thing happen please do not hesitate to ask my great leader of the world HUN NAL call HUN SEN next name CHHOUP SAMLAP he is the riches leader in the world just his watch alone three million dollar each and he have a few of them . I’m felling bad to Cambodian witch is under HUN SEN regime they are so poor bagging the world to help just to stay alive. I do not know what to say to this uneducated leader every thing he did seem to be so strange that right this poor people wanted him to go hell so they can have peace as human being