អ្នកនយោបាយបក្សប្រឆាំងបង្ហាញក្តីសង្ឃឹមលើ «ច្បាប់ដាក់ទណ្ឌកម្ម» ដែលផ្តួចផ្តើមដោយសភាអាមេរិក

កម្ពុជា
07/08/2021 – 06:26
ដោយ៖ អ៊ឹង ប៊ុនថន
RFI

លោក សម រង្ស៊ី ពេលជួបសមាជិកសភាអាមរិកកន្លងទៅ
លោក សម រង្ស៊ី ពេលជួបសមាជិកសភាអាមរិកកន្លងទៅ © Sam Rainsy Page

អ្នក​នយោ​បាយ​របស់​អតីត​បក្ស​ប្រ​ឆាំង​ដែល​កំពុង​នៅ​ក្រៅ​ប្រទេស​បង្ហាញ​ក្តី​សង្ឃឹម​ថ្មី​ចុង​ក្រោយ​ ខណៈ​សភា​អាមេរិក​សើរើ​ឡើង​វិញ​នូវ​សេចក្តី​ព្រាង​ច្បាប់​ដែលមាន​ខ្លឹម​សារ​សំដៅ​ដល់​ការ​ដាក់​ទណ្ឌកម្ម​លើ​មន្ត្រី​ជាន់​ខ្ពស់​រដ្ឋាភិបាលកម្ពុជា។ ក្តី​សង្ឃឹម​របស់​អ្នក​នយោ​បាយ​និរទេស​ខ្លួន​ គឺ​ស្រប​ពេល​ដែល​សេចក្តី​ស្នើ​ច្បាប់​ស្តី​ពី​ «លទ្ធិ​ប្រជាធិប​តេយ្យ​នៅ​កម្ពុជា​» ដែល​ជាប់​គាំង​ក្នុង​រដ្ឋបាល លោក ដូណាល់ ត្រាំ កន្លងមក ត្រូវ​បាន​គេ​លើក​យក​មក​អនុម័ត​ជា​ឯកច្ឆន្ទ ​ដោយ​គណៈ​កម្មាធិការ​កិច្ចការ​បរទេស​នៃ​សភា​អាមេរិក កាល​ពី​ចុង​ខែ​កក្កដា។

តាម​រយៈ​លិខិត​ថ្លែង​អំណរ​គុណ របស់លោក សម រង្ស៊ី ចំនួន២​ដោយឡែកពីគ្នា តែមានខ្លឹមសារដូចគ្នា ផ្ញើជូនលោក Alan Lowenthal និងលោក Steve Chabot​ ដែលជាអ្នកផ្តួចផ្តើមបង្កើតច្បាប់មួយឈ្មោះ ហៅ Cambodia Democracy Act of 2021 ប្រមុខអតីតបក្សប្រឆាំង បានអះអាងថា ច្បាប់នេះនឹងដាក់ទណ្ឌកម្មកាន់តែខ្លាំងមកលើ លោក​ ហ៊ុន សែន និង​មន្ត្រី​ជាន់​ខ្ពស់មួយចំនួនទៀត​ក្នុងជួរ​រដ្ឋាភិបាលកម្ពុជា​។ ការ​ដែល​សមាជិសភាអាមេរិក​បង្កើត​ច្បាប់នេះឡើង គឺនៅក្រោម​ហេតុផលផលថា កម្ពុជាបានបំផ្លាញលទ្ធិប្រជាធិបតេយ្យ និងរំលោភសិទ្ធិមនុស្សយ៉ាងធ្ងន់ធ្ងរ តាំងពីមានការំលាយបក្សប្រឆាំងនៅចុងឆ្នាំ២០១៧ និងការចាប់ខ្លួន លោក កឹម សុខា។

បើតាម លោក សម រង្ស៊ី ទណ្ឌកម្មថ្មីដែលស្តែងចេញពីឥទ្ធិពលនៃច្បាប់នេះ គឺសំដៅតែលើ លោក ហ៊ុន សែន និងអ្នកដែលទទួលខុសត្រូវពីការសម្លាប់លទ្ធិប្រជាធិបតេយ្យ និងធ្វើបាបរាស្ត្រតែប៉ុណ្ណោះ ពោលទណ្ឌកម្មនេះ មិនប៉ះពាល់ដល់ប្រជារាស្ត្រជាទូទៅឡើយ។

លោកស្រី មូរ សុខហួរ អនុប្រធាននៃអតីត​គណបក្ស​សង្រ្គោះ​ជាតិ​ដែល​កំពុង​និរទេ​ស​ខ្លួន​នៅ​ក្រៅ​ប្រទេស​បង្ហាញក្តីសង្ឃឹនដែរថា​សេចក្តី​ស្នើ​ច្បាប់នេះនឹង​មិន​អាចជាប់​គាំង​នៅ​ត្រឹមព្រឹទ្ធសភា​អាមេរិក​ដូចក្នុងអាណត្តិ​លោក ដូណាល់ ត្រាំ នោះឡើយ។

​កាល​ពី​ថ្ងៃ​ទី​៥ ខែ​សីហា ​សមាជិក​ព្រឹទ្ធសភា​៣​រូប រួម​មាន លោក Edward J. Markey លោក Marco Rubio និង​លោក​ Dick Durbin បាន​បង្ហាញ​ការ​គាំទ្រ​លើ​សេចក្តី​ស្នើ​ច្បាប់​នេះ និង​សន្យារុញ​សេចក្តី​ព្រាងច្បាប់នេះឲ្យចេញផុតពីដៃព្រឹទ្ធសភា។ ទោះជាយ៉ាងនេះក្តី កាល​ពី​ថ្ងៃ​ទី​១ ខែ​សីហា លោកនា​យករដ្ឋមន្រ្តី​ ហ៊ុន សែន បាន​ថ្លែង​ថា​លោក​មិន​ចង់​អត្ថាធិប្បាយ​ចំពោះ​ការ​តាក់​តែង​សេចក្តី​ស្នើ​ច្បាប់​ស្តី​ពី​«ប្រជាធិបតេយ្យ​កម្ពុជា»​របស់​តំណាងរាស្រ្ត​អាមេរិក​នោះ​ទេ ខណៈមានការចោទសួរពី​អ្នក​សារព័ត៌​មាន Fresh ​news ដែល​ស្និទ្ធ​នឹង​រដ្ឋាភិបាល៕

What Next?

Related Articles

2 Responses to "អ្នកនយោបាយបក្សប្រឆាំងបង្ហាញក្តីសង្ឃឹមលើ «ច្បាប់ដាក់ទណ្ឌកម្ម» ដែលផ្តួចផ្តើមដោយសភាអាមេរិក"

  1. so socheath says:

    ពាក្យដែលអាខានិយាយពីអំពើក្បត់ជាតិរបស់វា ។
    សូម្បីតែឆ្កែ ក៏វាដឹង ខឹង ព្រុសដេញខាំអាខាដែរ ។
    កុំថាឡើយដល់មនុស្សអ្ហា !

  2. Anonymous says:

    HAS ”’the thieve becoming the a hero and the owner was in jail waiting for the that thieve judge final verdict . I do not know who is LOVE your CHEATH …AH CHHKOUTH