ដោយ មាន ឫទ្ធិ
2021-11-16
RFA
ស្ដាប់ ឬទាញយកសំឡេង
សកម្មជនគណបក្សសង្គ្រោះជាតិ និងសកម្មជនដីធ្លី តំណាងសហគមន៍ ដែលអាជ្ញាធរចាប់ឃុំ មិនទានដោះលែង។ រូប៖ HRW
អង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ (Human Rights Watch) ជំរុញអាជ្ញាធរកម្ពុជាឱ្យដោះលែងអ្នកទោសនយោបាយដែលនៅសល់ជាង ៦០នាក់ជាបន្ទាន់ និងដោយឥតលក្ខខណ្ឌ។ ការជំរុញនេះ ធ្វើឡើងស្របពេលដែលអាជ្ញាធរកម្ពុជាទើបបានដោះលែងអ្នកទោសមនសិការ ២៦នាក់ជាបន្តបន្ទាប់ គិតចាប់ពីថ្ងៃទី៥ ដល់ថ្ងៃទី១២ ខែវិច្ឆិកា។ ក្នុងនោះ រួមមាន មេសហជីពល្បីឈ្មោះ លោក រ៉ុង ឈុន សកម្មជនបរិស្ថាននៃចលនាមាតាធម្មជាតិ សកម្មជនសង្គម និងក្រុមស្ត្រី «ថ្ងៃសុក្រ» ជាដើម។ ក៏ប៉ុន្តែ អាជ្ញាធរមិនបានទម្លាក់ចោលបទចោទប្រកាន់ទាំងស្រុង ចំពោះសកម្មជនទាំងនោះនៅឡើយទេ ដែលអាចឱ្យពួកគេប្រឈមនឹងការចាប់ដាក់គុកឡើងវិញបាននាពេលអនាគត។
នាយកប្រតិបត្តិទទួលបន្ទុកកិច្ចការតំបន់អាស៊ីនៃអង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ លោក ប្រ៊ែដ អាដាមស៍ (Brad Adams) ថ្លែងក្នុងសេចក្តីថ្លែងការណ៍របស់អង្គការនេះផ្សាយនៅថ្ងៃទី១៦ វិច្ឆិកាថា ការដោះលែងអ្នកទាំង ២៦នាក់ ដែលត្រូវអាជ្ញាធរចាប់ដាក់គុក ទាំងដែលពួកគេគ្មានទោសកំហុសទាល់តែសោះនោះ គឺជាដំណឹងល្អ។ ប៉ុន្តែ លោកសង្កត់ធ្ងន់ថា អាជ្ញាធរកម្ពុជានៅតែអាចចាប់ខ្លួនពួកគេទាំងនោះដាក់គុកឡើងវិញបានដដែល។
លោក ប៊្រែដ អាដាមស៍ អំពាវនាវឱ្យរដ្ឋាភិបាលនានា ជាពិសេសសហភាពអឺរ៉ុប ដែលនឹងចូលរួមកិច្ចប្រជុំកំពូលអាស៊ី-អឺរ៉ុបលើកទី១៣ នៅក្រុងភ្នំពេញ នៅចុងខែវិច្ឆិកានេះ គួរតែជំរុញទៅរដ្ឋាភិបាលកម្ពុជាឱ្យទម្លាក់ចោលរាល់បទចោទ និងដកនូវលក្ខខណ្ឌតុលាការទាំងអស់ ចំពោះអ្នកទោសនយោបាយដែលទើបត្រូវបានដោះលែង។ ទន្ទឹមគ្នានេះ លោកក៏ជំរុញទៅសហភាពអឺរ៉ុបធ្វើយ៉ាងណាទាមទារឱ្យរដ្ឋាភិបាលកម្ពុជាដោះលែងអ្នកទោសនយោបាយដែលនៅសល់ទាំងអស់ដោយឥតលក្ខខណ្ឌ។
បើតាមអង្គការឃ្លាំមើលសិទ្ធិមនុស្សអន្តរជាតិ យូមែន រ៉ៃត៍ វ៉ច្ឆ គិតត្រឹមថ្ងៃទី១៦ ខែវិច្ឆិកា មានអ្នកទោសនយោបាយ និងអ្នកទោសមនសិការសរុបជាង ៦០នាក់ បច្ចុប្បន្នកំពុងជាប់ឃុំនៅឡើយ។ ក្នុងនោះរួមមាន សកម្មជនគណបក្សប្រឆាំង សកម្មជនដីធ្លី អ្នកកាសែត និងពលរដ្ឋមួយចំនួន ដែលត្រូវបានអាជ្ញាធររបបលោក ហ៊ុន សែន ចាប់ខ្លួនដោយសារតែពួកគេបានបង្ហោះសាររិះគន់រដ្ឋាភិបាលនៅលើបណ្តាញសង្គម។
លោក ប៊្រែដ៍ អាដាមស៍ គូសបញ្ជាក់ថា ការដោះលែងអ្នកទោសនយោបាយនៅកម្ពុជាថ្មីៗ នេះ បង្ហាញថា រដ្ឋាភិបាលកម្ពុជាទំនងជាបារម្ភពីការរិះគន់ជាអន្តរជាតិក្នុងអំឡុងពេលកិច្ចប្រជុំកំពូលអាស៊ី-អឺរ៉ុប និងក្នុងពេលដែលកម្ពុជាធ្វើជាប្រធានអាស៊ាននៅឆ្នាំ២០២២ ខាងមុខ។
រដ្ឋលេខាធិការ និងជាអ្នកនាំពាក្យក្រសួងយុត្តិធម៌ លោក ជិន ម៉ាលីន បានបកស្រាយប្រាប់សារព័ត៌មានក្នុងស្រុកថា ការដោះលែងមន្ត្រីគណបក្សសង្គ្រោះជាតិ និងសកម្មជនសង្គមផ្សេងៗ គឺជាការអនុគ្រោះរបស់តុលាការ ដើម្បីកាត់បន្ថយការកកស្ទះក្នុងពន្ធនាគារ។ លោកបដិសេធថា ការដោះលែងនេះមិនមែនដោយសារកម្ពុជារងសម្ពាធពីបរទេសនោះឡើយ៕
ប្រេដ អាដាម Brad Adams អាពូជសំផឹង អ្ហែងមានសិទ្ធិស្អីមកបញ្ជារខ្មែរ ?
I do not think your SAMDACH EY can get away from what he has done . ORS KLEAK >>CHHEAM SREK SBEKHUOV is coming soon . another thing your boss murder so many Cambodian until this day just for his powers that he is not reserve . please go to ask your boss a question this question >> he walking naked for so many decade didn’t he felling shame to every one at all . for example when he wanted to kill what he think his dog he said that dog is sick than he used his DOLLARKA to kill them is that what they call a strong man of Cambodia ?? for me I knew he just an ugly evil monster that no one like him at all when they knew his true color