កូវីដ-១៩, ព័ត៌មានជាតិ, សង្គម, សុខភាព
កញ្ញា ខាន់ លក្ខិណា | ២០ វិច្ឆិកា ២០២១ | ម៉ោង ១៥:០៥
VOD
ក្រុមមន្ត្រីជំនាញសុខាភិបាលកំពុងដំណើរការយុទ្ធនាការយកសំណាកធ្វើតេស្តរកមេរោគកូវីដ-១៩ ចំពោះអាជីវករនៅតាមផ្សារ និងប្រជាពលរដ្ឋនៅជុំវិញផ្សារ ទូទាំងខេត្តកែប ដែលត្រូវបានរៀបចំដំបូងនៅបរិវេណខាងជើងផ្សារក្តាម នៅព្រឹកថ្ងៃទី០៥ ខែសីហា ឆ្នាំ២០២១។ (ហ្វេសប៊ុក៖ រដ្ឋបាលខេត្តកែប)
ក្រសួងសុខាភិបាលឱ្យដឹងថា កម្ពុជាមានអ្នកឆ្លងជំងឺកូវីដ-១៩ ថ្មីចំនួន ៤០ នាក់បន្ថែមទៀត ខណៈអ្នកជំងឺដែលស្លាប់កាលពីម្សិលមិញមានចំនួន ៥នាក់។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី២០ ខែវិច្ឆិកា ឆ្នាំ២០២១ បានឱ្យដឹងថា អ្នកស្លាប់ដោយសារជំងឺកូវីដ-១៩ កាលពីថ្ងៃម្សិលមិញ មានចំនួន ៥ នាក់បន្ថែមទៀត ក្នុងនោះអ្នកជំងឺមិនបានចាក់វ៉ាក់សាំងការពារជំងឺកូវីដ-១៩ចំនួន ៣ នាក់ ខណៈអ្នកជំងឺកូវីដ-១៩ រកឃើញថ្មីចំនួន ៤០ នាក់ ដែលក្នុងនោះ ករណីនាំចូលពីក្រៅប្រទេស៧នាក់។
ក្រៅពីរកឃើញអ្នកឆ្លងថ្មី និងមានអ្នកស្លាប់នោះ ក្រសួងថា កាលពីម្សិលមិញ ក៏មានអ្នកជំងឺចំនួន ៣៧ នាក់ បានជាសះស្បើយដែរ។ បើតាមក្រសួងសុខាភិបាល គិតត្រឹមថ្ងៃទី២០ ខែវិចិ្ឆកា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ-១៩ សរុប ១១៩ ៨២៦ នាក់ ក្នុងនោះអ្នកជំងឺព្យាបាលជាសះស្បើយសរុប ១១៦ ២០៧ នាក់ និងអ្នកស្លាប់ ២ ៨៩៦ នាក់ និងករណីនាំចូលពីក្រៅប្រទេសសរុប ១៩ ៧៧០នាក់៕
រក្សាសិទ្វិគ្រប់យ៉ាងដោយ ស៊ីស៊ីអាយអឹម
សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។