កាសែតបរទេស និងអ្នកវិភាគថា ការលើកពេលប្រជុំរដ្ឋមន្រ្តីការបរទេសអាស៊ាន មកពីការខ្វែងគំនិតរឿងភូមា

កម្ពុជា-អាស៊ាន
13/01/2022 – 06:41
ដោយ៖អ៊ឹង ប៊ុនថន
RFI

កិច្ចប្រជុំថ្នាក់រដ្ឋមន្ត្រីការបរទេសអាស៊ាន © សហការី


ការសែត​បរទេស​ និង​អ្នក​វិភាគមួយចំនួន​លើកឡើងថា ការ​លើកពេល​កិច្ច​ប្រជុំ​ថ្នាក់​រដ្ឋមន្ត្រីការ​បរទេសអាស៊ាន​ដែល​កម្ពុជាគ្រោង​ធ្វើ​នៅខេត្ត​សៀមរាប​នៅ​ក្នុង​ខែ​នេះ គឺមកពីមានការ​ខ្វែងគំនិត​គ្នា ​ករណីហៅ​តំណាង​របប​យោធាភូមា មកចូលរួមដែរ។ ​​ការ​យល់​ឃើញយ៉ាង​ដូច្នេះ គឺដោយសារតែ​ក្រសួងការបរទេសកម្ពុជា បាន​ប្រកាស​លើក​ពេល​កិច្ចប្រជុំដែល​គ្រោង​ធ្វើ​នៅថ្ងៃទី១៨-១៩  ខែ​មករានេះ ​ដោយ​មិនកំណត់ពេលជាក់លាក់ ក្រោម​ហេតុផល «ការពិបាកក្នុងការធ្វើដំណើររបស់​រដ្ឋមន្ត្រីមកចូលរួម»

បើតាមកាសែត​បរទេស និង​ក្រុម​អ្នក​វិភាគ ការ​លើក​ពេល​កិច្ច​ប្រជុំ​ថ្នាក់​រដ្ឋមន្ត្រី​ការបរទេស​អាស៊ាន ដែល​កម្ពុជា​ត្រូវ​ធ្វើជា​ម្ចាស់​ផ្ទះនៅ​សប្តាហ៍​ក្រោយ​នេះ គឺគ្មាន​អ្វី​ក្រៅពីការ​ខ្វែង​គំនិតគ្នា ​ការ​ដែល​កម្ពុជា​អញ្ជើញតំណាង​របប​យោធា​ភូមាឲ្យ​មក​ចូល​រួម​កិច្ចប្រជុំ​ដែរនោះទេ។

សារព័ត៌មាន NIKKEI ASIA បានសរសេរថា ប្រទេសប្រ៊ុយណេ សិង្ហបុរី ហ្វីលីពីន ម៉ាឡេស៊ី និងឥណ្ឌូនេស៊ី គឺបានគាំទ្រតាំងពីដំបូង ដោយមិនឲ្យរាប់បញ្ចូលតំណាងរបបយោធាភូមា ​មកចូលអង្គុយ​ក្នុង​កិច្ច​ប្រជុំ​ណាមួយ​​របស់​អាស៊ាន​នោះឡើយ។

ហេតុផល​សំខាន់​​ដែល​សហស្ថាបនិក​អាស៊ាន​ទាំង​៥ ផាត់​ចោល​តំណាង​របបសឹក​ចេញពីកិច្ចប្រជុំ​នេះ គឺដោយ​សារតែ​ លោក មីន អ៊ុងឡាំង មេជា​រដ្ឋ​ប្រហារ​​បានចាប់​ឃុំខ្លួន ​លោកស្រី អង់សាន ស៊ូជី ដែល​ឈ្នះការបោះឆ្នោត និងចាប់​អ្នកនយោបាយ​របស់​គណបក្ស​លោក​ស្រី​រាប់សិបនាក់ទៀត​ដាក់ពន្ធនាគារ នៅគ្រា​ដែល​ប្រជាជនភូមារាប់ពាន់នាក់​ដែល​ងើបតវ៉ា ​ត្រូវបានសម្លាប់​ក្រោម​ស្នាដៃ​របប​សឹក។

ការផាត់​ចោល​របបសឹក​ភូមាពីកិច្ច​ប្រជុំ​អាស៊ាន មិនមែនជាលើកទី១ទេ ពោលតាំងពីប្រទេស​ប៊្រុយណេ ធ្វើ​ជាប្រធានអាស៊ាន​កាលពីឆ្នាំទៅមិញ។ ពេលនោះក្រោមការដឹកនាំរបស់ប្រទេសប្រ៊ុយណេ អាស៊ានបានបោះជំហានដែលមិនធ្លាប់មានពីមុនមក ដោយធ្វើការដកលោក Min Aung Hlaing ចេញពីកិច្ចប្រជុំកំពូលប្រចាំឆ្នាំរបស់ខ្លួន ដោយសារតែ​មេដឹកនាំ​រដ្ឋ​ប្រហាររូបនេះ មិនបាន​អនុវត្តនូវអ្វីដែលជាការសន្យា​របស់ខ្លួន ក្នុងការបញ្ឈប់អំពើហិង្សានៅប្រទេសភូមា។

ផ្ទុយពីជំហររបស់​ប្រធានអាស៊ានកាលពីឆ្នាំមុន កម្ពុជា​ដែលកាន់​តំណែង​ប្រធានអាស៊ាន​នៅឆ្នាំនេះ បានប្រ​កាស​ ធ្វើការជាមួយ​របបយោធាភូមា តាមរយៈដំណើរ​ទស្សនកិច្ច​របស់​ លោក ហ៊ុន សែន ទៅកាន់ទីក្រុង​ណៃពិដោ កាលពីសប្តាហ៍មុន។

What Next?

Recent Articles

One Response to "កាសែតបរទេស និងអ្នកវិភាគថា ការលើកពេលប្រជុំរដ្ឋមន្រ្តីការបរទេសអាស៊ាន មកពីការខ្វែងគំនិតរឿងភូមា"

  1. Anonymous says:

    YES…… that what CHINA order HUN SEN to do but we will see can HUN SEN do that and bring MING UNGLANG to the meeting

Leave a Reply

Submit Comment