កម្ពុជា​​ឈ្នះ​​បាន​​មេដាយ​​មាស​​ទី១ ពី​​ការ​​ប្រកួត​​ស៊ីហ្គេម​​នៅ​​វៀតណាម

កីឡា ព័ត៌មានជាតិ
លោក សេង ថៃ | ១៤ ឧសភា ២០២២ | ម៉ោង ១៤:៥១
VOD

កីឡាករប្រដាល់ ទូច រ៉ាឆាន់ ហៅ បឺត សង្សឹម ឡើង​ទទួល​មេដាយមាស​ កាល​ពី​ថ្ងៃទី១៣ ខែឧសភា ឆ្នាំ២០២២ នៅទីក្រុងហាណូយ ប្រទេសវៀតណាម។ (រូប៖ NOCC)

កីឡាករប្រដាល់ ទូច រ៉ាឆាន់ ហៅ បឺត សង្សឹម ឡើង​ទទួល​មេដាយមាស​ កាល​ពី​ថ្ងៃទី១៣ ខែឧសភា ឆ្នាំ២០២២ នៅទីក្រុងហាណូយ ប្រទេសវៀតណាម។ (រូប៖ NOCC)


កម្ពុជា​ឈ្នះ​បាន​មេដាយមាស​១​គ្រឿង ពី​ការ​ប្រកួត​កីឡា​ឃីកបុកស៊ីង (Kickboxing) វិញ្ញាសា Full Contact ទម្ងន់ ៥៧ គីឡូក្រាម នៅក្នុង​ព្រឹត្តិការណ៍​កីឡា​ស៊ីហ្គេម​លើកទី​៣១ ឆ្នាំ២០២២ នៅ​ទីក្រុង​ហាណូយ ប្រទេសវៀតណាម។

ម្ចាស់មេដាយមាសទី១របស់កម្ពុជានេះ គឺកីឡាករប្រដាល់ ទូច រ៉ាឆាន់ ហៅ បឺត សង្សឹម បន្ទាប់ពីបានយកឈ្នះលើកីឡាករថៃ Arunno Sivapan នៅវគ្គផ្តាច់ព្រ័ត្រ កាលពីថ្ងៃទី១៣ ខែឧសភា។ នេះជាមេដាយមាសលើកដំបូងហើយសម្រាប់កម្ពុជា ក្នុងព្រឹត្តិការណ៍កីឡាស៊ីហ្គេម លើកទី៣១ ឆ្នាំ២០២២ នៅទីក្រុងហាណូយ ប្រទេសវៀតណាមនេះ។

គិតត្រឹមល្ងាចថ្ងៃទី១៣ ខែឧសភា ម្សិលមិញ កម្ពុជាឈ្នះបានមេដាយសរុប៨គ្រឿង ក្នុងនោះ មេដាយមាស១គ្រឿង ប្រាក់៣គ្រឿង និងសំរិត៤គ្រឿង ឈរនៅចំណាត់ថ្នាក់ទី៨ក្នុងចំណោម១១ប្រទេស។

ចំណែកប្រទេសវៀតណាមដែលជាម្ចាស់ផ្ទះស្ថិតនៅចំណាត់ថ្នាក់ទី១ ដោយឈ្នះបានមេដាយសរុប៥៦គ្រឿង ក្នុងនោះ មេដាយមាស ២៤គ្រឿង ប្រាក់១១​គ្រឿង សំរឹត ២១គ្រឿង និងតាមពីក្រោយដោយប្រទេសម៉ាឡេស៊ី ឥណ្ឌូនេស៊ី និងប្រទេសថៃ ខណៈប្រទេសទីម័រនៅមិនទាន់រកបានមេដាយ​មួយគ្រឿង​នៅឡើយទេ៕


រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

What Next?

Recent Articles