លោក គង់ គាំ និង​គ្រួសារ​រើ​ឥវ៉ាន់​ចេញ​ពី​ផ្ទះ ដែល​ស្នាក់នៅ​ជាង ៤០ឆ្នាំ​មក​ហើយ​ជា​បណ្ដើរៗ ហើយ

ដោយ ទីន ហ្សាការីយ៉ា
2023.01.19
RFA

លោក គង់ គាំ និង​គ្រួសារ​រើ​ឥវ៉ាន់​ចេញ​ពី​ផ្ទះ ដែល​ស្នាក់នៅ​ជាង ៤០ឆ្នាំ​មក​ហើយ​ជា​បណ្ដើរៗ ហើយ

លោក គង់ គាំ ឧត្ដម​ទីប្រឹក្សា​គណបក្ស​ភ្លើង​ទៀន និង​ក្រុម​គ្រួសារ​បាន​រើ​សម្ភារៈ និង​ឥវ៉ាន់​ចេញ​ពី​ផ្ទះ និង​ដី​របស់​លោក​​ជា​បណ្ដើរៗ បន្ទាប់​ពី​បាន​រស់នៅ និង​កាន់កាប់​ជាង ៤០ឆ្នាំ​មក។ រូបពីពលរដ្ឋ


ឧត្ដម​ទីប្រឹក្សា​គណបក្ស​ភ្លើង​ទៀន លោក គង់ គាំ និង​ក្រុម​គ្រួសារ​បាន​រើ​សម្ភារៈ និង​ឥវ៉ាន់​ចេញ​ពី​ផ្ទះ និង​ដី​របស់​លោក​ជា​បណ្ដើរៗ ហើយ។

កូន​ប្រុស​របស់​លោក គង់ គាំ គឺ​លោក គង់ មុនីកា បាន​បង្ហោះ​រូបភាព​នៅ​លើ​បណ្ដាញ សង្គម ហ្វេសប៊ុក​របស់​លោក កាល​ពី​ថ្ងៃ​ទី១៧ មករា បង្ហាញ​ពី​សកម្មភាព​រថយន្ត​ដឹក​ឥវ៉ាន់​ចេញ​ពី​ផ្ទះ​ឪពុក​របស់​លោក ក្រោយ​ពី​ប្រគល់​ផ្ទះ និង​ដី​ទៅឱ្យ​​រដ្ឋាភិបាល ក្រោយ​ពី​លោក ហ៊ុន សែន គំរាម​វាយ​ខ្នោះ លោក គង់ គាំ។

នៅ​ក្រោម​រូបភាព​មួយ​សន្លឹក​ដែល​លោក គង់ មុនីកា មន្ត្រី​ជាន់​ខ្ពស់​គណបក្ស​ភ្លើង​ទៀន បាន​បង្ហោះ រូបភាព​ រើ​ឥវ៉ាន់​ចេញ​ពី​ផ្ទះ​លេខ៧១ ផ្លូវ​សុធារស រាជធានី​ភ្នំពេញ​នេះ អ្នក​លេង​ហ្វេសប៊ុក​មួយ​ចំនួន​បាន​សរសេរ​ខំមិន (Comment) ចូលរួម​សម្ដែង​អំពី​ការ​សោកស្ដាយ។

លោក គង់ គាំ បាន​ប្រគល់​ផ្ទះ ដី ដែល​មាន​ប្លង់​កម្មសិទ្ធិ និងកាន់​កាប់​ជាង ៤០ឆ្នាំ​មក​ហើយ ទៅ​ឲ្យ​អង្គភាព​ប្រឆាំង​អំពើ​ពុករលួយ កាល​ពី​ថ្ងៃ​ទី១២ មករា ទៅ​តាម​ការ​ទាមទារ​របស់​លោក ហ៊ុន សែន។

ប្រភព​សុំ​មិន​បញ្ចេញ​ឈ្មោះ​បាន​ឲ្យ​វិទ្យុ​អាស៊ី​សេរី​ដឹង​ នៅ​ថ្ងៃ​ទី១៩ មករា​ថា មន្ត្រី​នៃ​អង្គភាព​ប្រឆាំង​អំពើ​ពុករលួយ​បាន​ទៅ​ដល់​ផ្ទះ​លោក គង់ គាំ​ នៅ​ថ្ងៃ​ទី១២ មករា​នោះ​ បន្ទាប់​ពី​មាន​បញ្ជា​ពី​លោក ហ៊ុន សែន។ ពួក​គេ​បាន​ឲ្យ​ជម្រើស​ពីរ​ទៅ​លោក គង់ គាំ ទី១ ត្រូវ​វាយ​ខ្នោះ​លោក គង់ គាំ និង​ភរិយា​ យក​ទៅ​ដាក់​ពន្ធនាគារ។ ទី២ គេ​នឹង​មិន​ធ្វើ​អ្វី​ទាំង​អស់​ តែ​ត្រូវ​ប្រគល់​ដី និង​ផ្ទះ​ទៅ​ឱ្យ​​រដ្ឋាភិបាល ទៅ​តាម​ការ​ទាមទារ​របស់​លោក ហ៊ុន សែន។

ប្រភព​ដដែល​អះអាង​ថា ដំបូង​ឡើយ​ លោក គង់ គាំ​សុខ​ចិត្ត​ដើរ​ចូល​គុក តែ​ដោយសារ​ក្រុម​គ្រួសារ​យល់​ថា លោក គង់ គាំ​មាន​វ័យ​ជាង ៨០ឆ្នាំ​ទៅ​ហើយ​ ដោយ​មិន​ចង់​ឲ្យ​លោក​ជាប់ពន្ធនាគារ​នោះ​ទេ​ ទើប​ពួក​គេ​អង្វរ​លោក គង់ គាំ ឱ្យ​ធ្វើ​លិខិត​ប្រគល់​ផ្ទះ និង​ដី​នេះ ទៅ​រដ្ឋាភិបាល​ជា​ថ្នូរ​មិន​ជាប់​ពន្ធនាគារ។

ប្រភព​ដដែល​បញ្ជាក់​ថា លោក គង់ គាំ រុះរើ​ឥវ៉ាន់​ចេញ​ពី​លំនៅឋាន​នេះ​ រយៈ​ពេល​មួយ​ខែ​ រាប់​ចាប់​ពី​ថ្ងៃ​ធ្វើ​លិខិត​ប្រគល់​ផ្ទះ និង​ដី​នេះ​ទៅ​​រដ្ឋាភិបាល​ ក្រោយពី​លោក ហ៊ុន សែន​ព្រមាន​វាយ​ខ្នោះ​លោក គង់ គាំ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

2 Responses to "លោក គង់ គាំ និង​គ្រួសារ​រើ​ឥវ៉ាន់​ចេញ​ពី​ផ្ទះ ដែល​ស្នាក់នៅ​ជាង ៤០ឆ្នាំ​មក​ហើយ​ជា​បណ្ដើរៗ ហើយ"

  1. Anonymous says:

    that is so sad but it is ok that old house can not buy his own nation . please let it go for now soon you may have more freedom .

  2. Anonymous says:

    I’m sorry to KUNG KAM his student is paying him back with great price . let say HUN SEN is thirteen years younger than KUNG KAM and he was his student in 1979 be for that date HUN SEN know nothing right now this evil said in the meeting call his teacher AH KAM HEY AH KAM that mean this animal pay him back big time. this is the golden word from NEAK MEAN BON the son was borne under the bright moon or the woman who separated from her I should say the woman who separated from husband who KBOTH CHEATH . this is the fake story from that evil monster HUN SEN .

Leave a Reply

Submit Comment