សាច់ញាតិ​និង​មេដឹកនាំ​សហជីព បន្ត​ទាមទារ​យុត្តិធម៌​ជូន​លោក ជា វិជ្ជា

ដោយ ថា ថៃ
2023.01.22
RFA

សាច់ញាតិ​និង​មេដឹកនាំ​សហជីព បន្ត​ទាមទារ​យុត្តិធម៌​ជូន​លោក ជា វិជ្ជា

លោក ជា មុនី ប្អូនប្រុសបង្កើតរបស់លោក ជា វិជ្ជា ថ្លែងនៅមុខរូបសំណាករបស់សពលោក ជា វិជ្ជា នៅព្រឹកថ្ងៃអាទិត្យ ទី២២ ខែមករា ឆ្នាំ២០២៣។ រូប៖ ពលរដ្ឋ​ផ្ដល់​ឲ្យ


សាច់ញាតិ​និង​ក្រុម​មេដឹកនាំ​សហជីព​ឯករាជ្យ ជំរុញ​​ជាថ្មី​ទៅ​​រដ្ឋាភិបាល​ឲ្យ​បើក​ការ​ស៊ើបអង្កេត​​រក​ឃាតក​ពិត​និង​អ្នក​ពាក់ព័ន្ធ​ក្នុង​អំពើ​បាញ់​សម្លាប់​មេដឹកនាំ​សហជីព​ដ៏​ល្បី​មួយ​រូប​គឺ​លោក ជា វិជ្ជា មក​ផ្ដន្ទាទោស​តាម​ច្បាប់។ ពួកគាត់​ លើកឡើងថា ​ករណី​ឃាតកម្ម​នេះ​ បាន​កន្លង​ផុត​ទៅ១៩​ឆ្នាំ​ហើយ ​ប៉ុន្តែ​សមត្ថកិច្ច​នៃ​រដ្ឋាភិបាល​លោក ហ៊ុន សែន ​នៅតែ​មិន​ទាន់​វែកមុខ​រក​ឃាតក​ពិត និង​អ្នក​នៅ​ពីក្រោយ​មក​ដាក់​ទោស​បាន​នៅ​ឡើយ។

ការ​ទាមទារ​របស់​ពួកគាត់​នេះ ធ្វើឡើង​ក្នុង​ឱកាស​ប្រារព្ធ​ខួប​១៩ឆ្នាំ​នៃ​ឃាតកម្ម​លើ​លោក ជា វិជ្ជា។ ខួប​លើកទី១៩ឆ្នាំ​នៅថ្ងៃទី២២ ​ខែមករា​នេះ​ សាច់ញាតិ ប្រជា​ពលរដ្ឋ កម្មករ មន្ត្រី​សហជីព ​និង​មន្ត្រី​សង្គម​ស៊ីវិល​ប្រមាណ​ជិត​រយ​(១០០)​នាក់ ​បាន​ជួបជុំ​គោរព​វិញ្ញាណ​ក្ខន្ធ និង​ដាក់​កម្រង​ផ្កា​កន្លែង​រូប​សំណាក​របស់​លោក​​នៅ​មុខ​វត្តលង្ការ​ក្បែរ​វិមាន​ឯករាជ្យ។


កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

Leave a Reply

Submit Comment