មេធាវី​​លោក កឹម សុខា រក្សា​ជំហរ​មិន​សុំ​ការ​អនុញ្ញាត​ពី​ព្រះរាជអាជ្ញា​ក្នុង​ជួប​លោក កឹម សុខា ទេ

ដោយ ជុន ច័ន្ទបុត្រ
2023.03.17
RFA

ស្ដាប់ ឬទាញ​យក​សំឡេង
ស្តាប់សំឡេងថតសំឡេង

មេធាវី​​លោក កឹម សុខា រក្សា​ជំហរ​មិន​សុំ​ការ​អនុញ្ញាត​ពី​ព្រះរាជអាជ្ញា​ក្នុង​ជួប​លោក កឹម សុខា ទេ

លោក​ កឹម សុខា ប្រធានគណបក្សសង្គ្រោះជាតិ នៅថ្ងៃប្រកាសសាលក្រម កាលពីថ្ងៃទី៣ មីនា ២០២៣។ រូប៖ ពលរដ្ឋផ្ដល់ឱ្យ


មេធាវី​ការពារ​ក្ដី​លោក កឹម សុខា រក្សា​ជំហរ​មិន​សុំ​ការ​អនុញ្ញាត​ពី​ព្រះរាជអាជ្ញា​ឡើយ​ ក្នុង​ចូល​ជួប​កូន​ក្ដី​របស់​ខ្លួន។ មេធាវី​លើកឡើង​ដូច្នេះ​ជា​ឆ្លើយតប​ទៅ​នឹង​​តំណាង​អយ្យការ​សាលាដំបូង​រាជធានី​ភ្នំពេញ ​ដែល​​​ទាមទារ​ឱ្យ​ក្រុម​មេធាវី​ការពារសិទ្ធិ លោក កឹម សុខា ត្រូវសុំ​ការ​អនុញ្ញាត​ពី​ខ្លួន​ជាមុន​សិន ​បើ​ពួកគាត់​ចង់​ជួប​កូន​ក្ដី ​ព្រោះ​នេះ​ជា​បម្រាម​របស់​តុលាការ។

មេធាវី​ការពារក្ដីលោក កឹម សុខា រំលឹក​ទៅ​ស្ថាប័ន​អនុវត្ត​ច្បាប់​ថា ​លោក កឹម សុខា មាន​សិទ្ធិ​គ្រប់គ្រាន់​ក្នុង​ការ​ទទួល​បាន​ជំនួយ​ផ្នែក​ច្បាប់​ពី​មេធាវី។ ដូចគ្នា​នេះ​ដែរ មន្ត្រី​សិទ្ធិមនុស្ស​បារម្ភ​ថា ​នៅ​ពេល​ស្ថាប័ន​អនុវត្ត​ច្បាប់​ តែ​មិន​មើល​ច្បាប់​ ដោយ​ត្រឹម​យក​ការ​​សំអាង​នៃ​បម្រាម​តុលាការ​ បែប​នេះ ជា​ការ​រំលោភ​ច្បាប់​ និង​រំលោភ​សិទ្ធិ​លោក កឹម សុខា។

មេធាវី​ការពារ​ក្ដី​លោក កឹម សុខា ម្នាក់​គឺ​អ្នកស្រី ម៉េង សុភារី លើកឡើង​ថា ផ្អែក​តាម​ច្បាប់​ជាតិ​និង​ច្បាប់​អន្តរជាតិ មេធាវី​មាន​សិទ្ធិ​គ្រប់គ្រាន់​ក្នុង​ការជួប​កូន​ក្ដី​របស់​ខ្លួន។ អ្នកស្រី​បន្ត​ថា ក្នុង​សំណុំរឿង​លោក កឹម សុខា ក៏ដូចគ្នា​ដែរ បើជា​ពេល​នេះ​លោក កឹម សុខា ត្រូវ​ឃុំខ្លួន​ក្នុង​ផ្ទះ​ក្ដី បើ​មេធាវី​ចង់​ជួប​កូនក្ដី មេធាវីត្រឹម​ជូន​ដំណឹង​សមត្ថកិច្ច​យាម​ផ្ទះ​លោក កឹម សុខា គឺ​គ្រប់គ្រាន់​ហើយ។

​អ្នកស្រី ម៉េង សុភារី៖ «ដូច្នេះ​ហើយ​យើង​ខ្ញុំ​ជា​សហ​មេធាវី ចង់​ទៅ​ជួប​ឯកឧត្តម កឹម សុខា ដែល​ជា​​កូនក្ដី​របស់​យើង​ខ្ញុំ យើង​ខ្ញុំ​គ្រាន់តែ​ជម្រាប​ទៅ​សមត្ថកិច្ច​ដែល​យាម​នៅ​ផ្ទះ​គាត់​គឺ​ជា​រឿង​ត្រឹមត្រូវ​ហើយ​ ការ​ដែល​ឱ្យ​យើង​ខ្ញុំ​ទៅ​សុំ​ទៅ​ព្រះរាជអាជ្ញា​គឺ​យើង​មិន​អាច​ធ្វើ​បាន​ទេ ពីព្រោះ​ច្បាប់​ពុំ​តម្រូវ​ឱ្យ​យើង​ធ្វើ​ដូច្នេះ​ឡើយ ម៉្យាង​ទៀត​នៅ​ក្នុង​សាលក្រម​សាលាដំបូង​រាជធានី​ភ្នំពេញ​បាន​បើក​សិទ្ធិ​ឱ្យ​ឯកឧត្តម កឹម សុខា ប្ដឹង​ឧទ្ធរណ៍​ក្នុង​រយៈ​មួយ​ខែ​គិត​ពី​ថ្ងៃ​ប្រកាស​សាលក្រម ហើយ​ចុះ​បើ​ឯកឧត្តម កឹម សុខា អត់​បាន​ទទួល​ជំនួយ​ផ្នែក​ពី​មេធាវី​ថា តើ​សិទ្ធិ​ប្ដឹង​ឧទ្ធរណ៍​របស់​ឯកឧត្តម ត្រូវ​បាន​ធានា​ដែរ​ឬ​ទេ»

ប្រតិកម្ម​របស់​មេធាវី​ការពារ​ក្ដី​លោក កឹម សុខា ពេល​នេះ​ធ្វើឡើង​ក្រោយ​ពេល​តំណាង​អយ្យការ​សាលាដំបូង​រាជធានីភ្នំពេញ ទាមទារ​ឱ្យក្រុម​មេធាវី​លោក កឹម សុខា បើ​ចង់​ជួប​កូន​ក្ដី​របស់​ខ្លួន​ត្រូវ​សុំ​ការ​អនុញ្ញាត​ពី​តំណាង​អយ្យការ​ជាមុន​សិន។

សេចក្ដី​ថ្លែងការណ៍​របស់​អ្នកនាំពាក្យ ​​តំណាង​អយ្យការលើកឡើង​ថា ក្នុង​សាលក្រម​ផ្ដន្ទាទោស​លោក កឹម សុខា តុលាការ​បាន​ដាក់​បម្រាម​មិន​ឱ្យ​លោក កឹម សុខា ជួប​បុគ្គល​ណា​ម្នាក់ ទាំង​សញ្ជាតិ​ខ្មែរ និង​បរទេស​ដោយ​ផ្ទាល់ ឬ​ប្រយោល​តាម​ប្រព័ន្ធ​បច្ចេកវិទ្យា​ក្រៅពី​សមាជិក​គ្រួសារ​លើកលែង​តែ​មាន​ការ​អនុញ្ញាត​ពី​ព្រះរាជអាជ្ញា​អម​សាលាដំបូង​រាជធានី​ភ្នំពេញ។

សេចក្ដីថ្លែងការណ៍​តំណាង​អយ្យការនេះ គឺ​ដូច​ទៅ​នឹង​ការលើកឡើង​របស់​មន្ត្រី​ជាន់​ខ្ពស់​ក្រសួង​យុត្តិធម៌​ដែល​ជា​ស្ថាប័ន​គ្រប់គ្រង​តំណាង​អយ្យការ​ដែរ​។ រដ្ឋលេខាធិការ​ និង​ជា​អ្នក​ជា​នាំពាក្យ​ក្រសួង​យុត្តិធម៌ លោក ជិន ម៉ាលីន កាល​ពី​ថ្ងៃ​ទី១៥ ខែ​មីនា លើកឡើង​តាម​ទំព័រ​ហ្វេសប៊ុករបស់លោកថា ក្រុម​មេធាវី​ការពារ​សិទ្ធិ​លោក កឹម សុខា ថា បើ​គ្រាន់​តែ​សុំ​ការ​អនុញ្ញាត​ពី​ព្រះរាជអាជ្ញា​បន្តិច​ទៅ ដូច​ជា​មិន​ទាស់​ខុស​អី​ទេ ព្រោះ​ជា​លក្ខខណ្ឌ​កំណត់​ក្នុង​សាលក្រម​តុលាការ។ ទោះ​យ៉ាងណា មន្ត្រី​សិទ្ធិមនុស្ស​រិះគន់​ថា ការ​លើកឡើង​របស់​លោក ជិន ម៉ាលីន បែប​នេះ គឺ​ផ្ទុយ​នឹង​ក្រម​នីតិវិធី​ព្រហ្មទណ្ឌ​ និង​​វិជ្ជាជីវៈ​មេធាវី ​ដែល​ច្បាប់​នេះ​ បាន​ផ្ដល់​​សិទ្ធិ​ឱ្យ​មេធាវី​មាន​សិទ្ធិ​​គ្រប់គ្រាន់​ក្នុងការ​ជួប​កូន​ក្ដី​របស់​ខ្លួន។

អ្នកនាំពាក្យ​សមាគម​អាដហុក (Adhoc) លោក ស៊ឹង សែនករុណា សង្កេត​ឃើញ​ថា ​គ្រប់​សំណុំរឿង​កន្លងមក​ នៅ​ពេលមេធាវីទទួលបាន​សិទ្ធិ​ការពារ​កូន​ក្ដីរបស់ខ្លួនរួចហើយ គឺ​ពួកគាត់​មាន​សិទ្ធិ​ក្នុង​ការ​ជួប​កូន​ក្ដី​ទោះនៅទីណា​។ លោក​បន្ត​ទៀត​ថា ករណីនេះ​គណៈ​មេធាវី គួរចេញមកបក​ស្រាយ​ពី​តួនាទី​របស់​មេធាវី និងសិទ្ធិរបស់មេធាវី ​ក្នុង​ការ​ការពារ​សិទ្ធិ​កូន​ក្ដី។ មន្ត្រី​សិទ្ធិ​រូប​នេះ ជំរុញ​ទៅ​ស្ថាប័ន​អនុវត្ត​ច្បាប់​គួរ​គោរព​ច្បាប់​ ជា​ជាង​ការ​អនុវត្ត​ការងារ ដោយ​មើល​រំលង​ច្បាប់។

លោក ស៊ឹង សែនករុណា៖ «យើង​ជា​ខាង​ផ្នែក​ឃ្លាំមើល​យើង​ចង់​ឱ្យ​មាន​ការ​ជំរុញ​​ក្នុង​ការ​ធ្វើ​ម៉េច​អនុវត្ត​ច្បាប់​ប្រតិបត្តិ​ទៅ​តាម​ច្បាប់​ទាំង​អស់​គ្នា​មិន​អាច​បត់បែន​ទៅ​តាម​សាច់រឿង​ណាមួយ​ដែល​ភាគី​ចង់​បាន​ទេ បើ​កាលណា​យើង​ធ្វើ​អ៊ីចឹង​ធ្វើ​ឱ្យ​មាន​ការ​រំលោភ​ទៅ​គោលការណ៍​គតិយុត្តិ​ហើយ​ណា​គោលការណ៍​យុត្តិធម៌​ក្នុង​ផ្លូវ​ច្បាប់​ហើយ»

ទាក់ទង​ការ​លើកឡើង​នេះ​ វិទ្យុ​អាស៊ីសេរី​មិន​អាច​សុំ​ការ​ឆ្លើយ​បំភ្លឺ​ប្រធាន​គណៈមេធាវី​លោក លី ច័ន្ទតុលា បាន​ទេ នៅ​ថ្ងៃ​ទី១៦ ខែ​មីនា ទោះ​យ៉ាងណា លោក​មេធាវី​ លី ច័ន្ទតុលា គឺ​ជា​មេធាវី​របស់​រដ្ឋាភិបាល​លោក ហ៊ុន សែន ដែល​ជា​ភាគី​ដើម​បណ្ដឹង​ប្ដឹង​លោក កឹម សុខា ក្នុង​សំណុំរឿង​ក្បត់ជាតិ​នេះ។

​​​​ជុំវិញ​រឿង​នេះ​ដែរ លោក​នាយករដ្ឋមន្ត្រី ហ៊ុន សែន ដែល​ភាគី​ដើម​បណ្ដឹង​ក្នុង​សំណុំរឿង​នេះ​ បាន​ថ្លែង​ឌឺដង​ទៅ​​មេដឹកនាំ និង​អង្គទូត​ប្រទេស​លោក​សេរី ដែល​ជួប​លោក កឹម សុខា នា​ពេល​កន្លង​មកថា ​គឺ​ជា​ធាតុ​ផ្សំ​បទ​ល្មើស​ឃុបឃិត​ជាមួយ​បរទេស​ក្នុង​ការ​ផ្ដួល​រំលំ​រដ្ឋាភិបាល​របស់​លោក​។ លោក ហ៊ុន សែន ក៏​ប្រកាស​មិន​លើកលែង​ទោស​ឱ្យ​លោក កឹម សុខា ផង​ដែរ។

លោក ហ៊ុន សែន៖ «កន្លង​ទៅ​នេះ​ពួក​អ្នក​ឯង​ធ្វើ​សកម្មភាព​រួម​ចំណែក​ដាក់​ទោស​មនុស្ស​ដែល​គេ​ទើប​ហ្នឹង​កាត់​ទោស​អ្នក​ឯង​សួរ​សុខទុក្ខ​ចុះ​សួរសុខទុក្ខ​ឡើង​បន្តិច​ជួបៗ​អា​ហ្នឹង​ហើយ​ស្មាន​តែ​តុលាការ​គេ​មិន​យក​ចិត្ត​ទុកដាក់​អា​ហ្នឹង​ហើយ​វា​ក៏​បាន​បង្កើត​នូវ​ចំណុច​ដែល ហ៊ុន សែន មិន​ទុក​ចិត្ត​លើកលែង​ទោស​ឱ្យ​អ្នកណា​ទាំង​អស់​។ អ្នក​ឯង​ត្រូវ​ដឹង​ឥរិយា​បទ​ខ្លះ​គឺ​អ្នក​ឯង​ជួយ​ធ្វើ​បាប​អ្នក​ជាប់ទោស​នោះ​វិញ​ទេ»

លោក ហ៊ុន សែន ថ្លែង​ដូច្នេះ​ក្នុង​ពិធី​ចែក​សញ្ញាបត្រ​ដល់​និស្សិត​នៅ​រាជធានី​ភ្នំពេញ ថ្ងៃ​ទី​១៦ ខែ​មីនា។ បើ​ទោះ​ជា​លោក ហ៊ុន សែន ចោទ​ប្រកាន់​បែប​នេះ​ក្ដី ប៉ុន្តែ អ្នក​ជំនាញ​ច្បាប់​លោក វ៉ន ចាន់ឡូត យល់​ថា ​អ្នក​ដឹកនាំ​មិន​គួរ​ចេះតែ​បក​ស្រាយ ឬ​បង្កើត​ហេតុផល​ណាមួយដើម្បី​យក​មក​តម្រូវ​អ្វី​ដែល​ខ្លួន​ធ្វើ​នោះទេ។ យុវជន វ៉ន ចាន់ឡូត ​ចង់ឃើញ​​អ្នក​ដឹកនាំ​គួរ​ធានា​ឱ្យ​មាន​នូវ​យុត្តិធម៌ និង​ការ​ឯកភាព​ជាតិ។

លោក វ៉ន ចាន់ឡូត៖ «ពេល​ខ្លះ​យើង​ចេះ​តែ​រក​ហេតុផល​ដើម្បី​ឱ្យ​សមស្រប​ឱ្យ​សម​ទំនង​ទៅ​នឹង​អ្វី​ដែល​ខ្លួន​កំពុង​តែ​ធ្វើ​ហើយ​ជា​ការ​គេច​ចេញ​ពី​ការ​ទទួល​ខុសត្រូវ​មួយ​របស់​ខ្លួន​បាទ»

ប្រធាន​គណបក្ស​សង្គ្រោះជាតិ លោក កឹម សុខា ដែល​ត្រូវ​បាន​​តុលាការ​ក្រុង​ភ្នំពេញ​ដែល​ផ្ដន្ទាទោស​លោក​២៧​ឆ្នាំ​​​ និង​ដក​ហូត​សិទ្ធិ​សំខាន់ៗ​ស្ទើរ​អស់​ពី​ខ្លួន​នោះ លោក​មាន​​រយៈ​ពេល​តែ​ជាង​២​សប្ដាហ៍​ទៀត​ទេ ដើម្បី​ប្ដឹង​ឧទ្ធរណ៍​ប្រឆាំង​ការ​សម្រេច​នេះ​ ប៉ុន្តែ ​ស្ថាប័ន​អនុវត្ត​ច្បាប់​នានា​បាន​រារាំង​មេធាវី​ការពារ​ក្ដី​លោក កឹម សុខា ជា​បន្តបន្ទាប់​មិន​ឱ្យពួកគាត់​បំពេញ​កាតព្វកិច្ច​របស់​ខ្លួន​ជួយ​ដល់​​កូន​ក្ដីនោះ​ឡើយ៕

មេធាវី​ការពារ​ក្ដី​លោក កឹម សុខា រក្សា​ជំហរ​មិន​សុំ​ការ​អនុញ្ញាត​ពី​ព្រះរាជអាជ្ញា​ឡើយ​ ក្នុង​ចូល​ជួប​កូន​ក្ដី​របស់​ខ្លួន។ មេធាវី​លើកឡើង​ដូច្នេះ​ជា​ឆ្លើយតប​ទៅ​នឹង​​តំណាង​អយ្យការ​សាលាដំបូង​រាជធានី​ភ្នំពេញ ​ដែល​​​ទាមទារ​ឱ្យ​ក្រុម​មេធាវី​ការពារសិទ្ធិ លោក កឹម សុខា ត្រូវសុំ​ការ​អនុញ្ញាត​ពី​ខ្លួន​ជាមុន​សិន ​បើ​ពួកគាត់​ចង់​ជួប​កូន​ក្ដី ​ព្រោះ​នេះ​ជា​បម្រាម​របស់​តុលាការ។

មេធាវី​ការពារក្ដីលោក កឹម សុខា រំលឹក​ទៅ​ស្ថាប័ន​អនុវត្ត​ច្បាប់​ថា ​លោក កឹម សុខា មាន​សិទ្ធិ​គ្រប់គ្រាន់​ក្នុង​ការ​ទទួល​បាន​ជំនួយ​ផ្នែក​ច្បាប់​ពី​មេធាវី។ ដូចគ្នា​នេះ​ដែរ មន្ត្រី​សិទ្ធិមនុស្ស​បារម្ភ​ថា ​នៅ​ពេល​ស្ថាប័ន​អនុវត្ត​ច្បាប់​ តែ​មិន​មើល​ច្បាប់​ ដោយ​ត្រឹម​យក​ការ​​សំអាង​នៃ​បម្រាម​តុលាការ​ បែប​នេះ ជា​ការ​រំលោភ​ច្បាប់​ និង​រំលោភ​សិទ្ធិ​លោក កឹម សុខា។

មេធាវី​ការពារ​ក្ដី​លោក កឹម សុខា ម្នាក់​គឺ​អ្នកស្រី ម៉េង សុភារី លើកឡើង​ថា ផ្អែក​តាម​ច្បាប់​ជាតិ​និង​ច្បាប់​អន្តរជាតិ មេធាវី​មាន​សិទ្ធិ​គ្រប់គ្រាន់​ក្នុង​ការជួប​កូន​ក្ដី​របស់​ខ្លួន។ អ្នកស្រី​បន្ត​ថា ក្នុង​សំណុំរឿង​លោក កឹម សុខា ក៏ដូចគ្នា​ដែរ បើជា​ពេល​នេះ​លោក កឹម សុខា ត្រូវ​ឃុំខ្លួន​ក្នុង​ផ្ទះ​ក្ដី បើ​មេធាវី​ចង់​ជួប​កូនក្ដី មេធាវីត្រឹម​ជូន​ដំណឹង​សមត្ថកិច្ច​យាម​ផ្ទះ​លោក កឹម សុខា គឺ​គ្រប់គ្រាន់​ហើយ។

​អ្នកស្រី ម៉េង សុភារី៖ «ដូច្នេះ​ហើយ​យើង​ខ្ញុំ​ជា​សហ​មេធាវី ចង់​ទៅ​ជួប​ឯកឧត្តម កឹម សុខា ដែល​ជា​​កូនក្ដី​របស់​យើង​ខ្ញុំ យើង​ខ្ញុំ​គ្រាន់តែ​ជម្រាប​ទៅ​សមត្ថកិច្ច​ដែល​យាម​នៅ​ផ្ទះ​គាត់​គឺ​ជា​រឿង​ត្រឹមត្រូវ​ហើយ​ ការ​ដែល​ឱ្យ​យើង​ខ្ញុំ​ទៅ​សុំ​ទៅ​ព្រះរាជអាជ្ញា​គឺ​យើង​មិន​អាច​ធ្វើ​បាន​ទេ ពីព្រោះ​ច្បាប់​ពុំ​តម្រូវ​ឱ្យ​យើង​ធ្វើ​ដូច្នេះ​ឡើយ ម៉្យាង​ទៀត​នៅ​ក្នុង​សាលក្រម​សាលាដំបូង​រាជធានី​ភ្នំពេញ​បាន​បើក​សិទ្ធិ​ឱ្យ​ឯកឧត្តម កឹម សុខា ប្ដឹង​ឧទ្ធរណ៍​ក្នុង​រយៈ​មួយ​ខែ​គិត​ពី​ថ្ងៃ​ប្រកាស​សាលក្រម ហើយ​ចុះ​បើ​ឯកឧត្តម កឹម សុខា អត់​បាន​ទទួល​ជំនួយ​ផ្នែក​ពី​មេធាវី​ថា តើ​សិទ្ធិ​ប្ដឹង​ឧទ្ធរណ៍​របស់​ឯកឧត្តម ត្រូវ​បាន​ធានា​ដែរ​ឬ​ទេ»

ប្រតិកម្ម​របស់​មេធាវី​ការពារ​ក្ដី​លោក កឹម សុខា ពេល​នេះ​ធ្វើឡើង​ក្រោយ​ពេល​តំណាង​អយ្យការ​សាលាដំបូង​រាជធានីភ្នំពេញ ទាមទារ​ឱ្យក្រុម​មេធាវី​លោក កឹម សុខា បើ​ចង់​ជួប​កូន​ក្ដី​របស់​ខ្លួន​ត្រូវ​សុំ​ការ​អនុញ្ញាត​ពី​តំណាង​អយ្យការ​ជាមុន​សិន។

សេចក្ដី​ថ្លែងការណ៍​របស់​អ្នកនាំពាក្យ ​​តំណាង​អយ្យការលើកឡើង​ថា ក្នុង​សាលក្រម​ផ្ដន្ទាទោស​លោក កឹម សុខា តុលាការ​បាន​ដាក់​បម្រាម​មិន​ឱ្យ​លោក កឹម សុខា ជួប​បុគ្គល​ណា​ម្នាក់ ទាំង​សញ្ជាតិ​ខ្មែរ និង​បរទេស​ដោយ​ផ្ទាល់ ឬ​ប្រយោល​តាម​ប្រព័ន្ធ​បច្ចេកវិទ្យា​ក្រៅពី​សមាជិក​គ្រួសារ​លើកលែង​តែ​មាន​ការ​អនុញ្ញាត​ពី​ព្រះរាជអាជ្ញា​អម​សាលាដំបូង​រាជធានី​ភ្នំពេញ។

សេចក្ដីថ្លែងការណ៍​តំណាង​អយ្យការនេះ គឺ​ដូច​ទៅ​នឹង​ការលើកឡើង​របស់​មន្ត្រី​ជាន់​ខ្ពស់​ក្រសួង​យុត្តិធម៌​ដែល​ជា​ស្ថាប័ន​គ្រប់គ្រង​តំណាង​អយ្យការ​ដែរ​។ រដ្ឋលេខាធិការ​ និង​ជា​អ្នក​ជា​នាំពាក្យ​ក្រសួង​យុត្តិធម៌ លោក ជិន ម៉ាលីន កាល​ពី​ថ្ងៃ​ទី១៥ ខែ​មីនា លើកឡើង​តាម​ទំព័រ​ហ្វេសប៊ុករបស់លោកថា ក្រុម​មេធាវី​ការពារ​សិទ្ធិ​លោក កឹម សុខា ថា បើ​គ្រាន់​តែ​សុំ​ការ​អនុញ្ញាត​ពី​ព្រះរាជអាជ្ញា​បន្តិច​ទៅ ដូច​ជា​មិន​ទាស់​ខុស​អី​ទេ ព្រោះ​ជា​លក្ខខណ្ឌ​កំណត់​ក្នុង​សាលក្រម​តុលាការ។ ទោះ​យ៉ាងណា មន្ត្រី​សិទ្ធិមនុស្ស​រិះគន់​ថា ការ​លើកឡើង​របស់​លោក ជិន ម៉ាលីន បែប​នេះ គឺ​ផ្ទុយ​នឹង​ក្រម​នីតិវិធី​ព្រហ្មទណ្ឌ​ និង​​វិជ្ជាជីវៈ​មេធាវី ​ដែល​ច្បាប់​នេះ​ បាន​ផ្ដល់​​សិទ្ធិ​ឱ្យ​មេធាវី​មាន​សិទ្ធិ​​គ្រប់គ្រាន់​ក្នុងការ​ជួប​កូន​ក្ដី​របស់​ខ្លួន។

អ្នកនាំពាក្យ​សមាគម​អាដហុក (Adhoc) លោក ស៊ឹង សែនករុណា សង្កេត​ឃើញ​ថា ​គ្រប់​សំណុំរឿង​កន្លងមក​ នៅ​ពេលមេធាវីទទួលបាន​សិទ្ធិ​ការពារ​កូន​ក្ដីរបស់ខ្លួនរួចហើយ គឺ​ពួកគាត់​មាន​សិទ្ធិ​ក្នុង​ការ​ជួប​កូន​ក្ដី​ទោះនៅទីណា​។ លោក​បន្ត​ទៀត​ថា ករណីនេះ​គណៈ​មេធាវី គួរចេញមកបក​ស្រាយ​ពី​តួនាទី​របស់​មេធាវី និងសិទ្ធិរបស់មេធាវី ​ក្នុង​ការ​ការពារ​សិទ្ធិ​កូន​ក្ដី។ មន្ត្រី​សិទ្ធិ​រូប​នេះ ជំរុញ​ទៅ​ស្ថាប័ន​អនុវត្ត​ច្បាប់​គួរ​គោរព​ច្បាប់​ ជា​ជាង​ការ​អនុវត្ត​ការងារ ដោយ​មើល​រំលង​ច្បាប់។

លោក ស៊ឹង សែនករុណា៖ «យើង​ជា​ខាង​ផ្នែក​ឃ្លាំមើល​យើង​ចង់​ឱ្យ​មាន​ការ​ជំរុញ​​ក្នុង​ការ​ធ្វើ​ម៉េច​អនុវត្ត​ច្បាប់​ប្រតិបត្តិ​ទៅ​តាម​ច្បាប់​ទាំង​អស់​គ្នា​មិន​អាច​បត់បែន​ទៅ​តាម​សាច់រឿង​ណាមួយ​ដែល​ភាគី​ចង់​បាន​ទេ បើ​កាលណា​យើង​ធ្វើ​អ៊ីចឹង​ធ្វើ​ឱ្យ​មាន​ការ​រំលោភ​ទៅ​គោលការណ៍​គតិយុត្តិ​ហើយ​ណា​គោលការណ៍​យុត្តិធម៌​ក្នុង​ផ្លូវ​ច្បាប់​ហើយ»

ទាក់ទង​ការ​លើកឡើង​នេះ​ វិទ្យុ​អាស៊ីសេរី​មិន​អាច​សុំ​ការ​ឆ្លើយ​បំភ្លឺ​ប្រធាន​គណៈមេធាវី​លោក លី ច័ន្ទតុលា បាន​ទេ នៅ​ថ្ងៃ​ទី១៦ ខែ​មីនា ទោះ​យ៉ាងណា លោក​មេធាវី​ លី ច័ន្ទតុលា គឺ​ជា​មេធាវី​របស់​រដ្ឋាភិបាល​លោក ហ៊ុន សែន ដែល​ជា​ភាគី​ដើម​បណ្ដឹង​ប្ដឹង​លោក កឹម សុខា ក្នុង​សំណុំរឿង​ក្បត់ជាតិ​នេះ។

​​​​ជុំវិញ​រឿង​នេះ​ដែរ លោក​នាយករដ្ឋមន្ត្រី ហ៊ុន សែន ដែល​ភាគី​ដើម​បណ្ដឹង​ក្នុង​សំណុំរឿង​នេះ​ បាន​ថ្លែង​ឌឺដង​ទៅ​​មេដឹកនាំ និង​អង្គទូត​ប្រទេស​លោក​សេរី ដែល​ជួប​លោក កឹម សុខា នា​ពេល​កន្លង​មកថា ​គឺ​ជា​ធាតុ​ផ្សំ​បទ​ល្មើស​ឃុបឃិត​ជាមួយ​បរទេស​ក្នុង​ការ​ផ្ដួល​រំលំ​រដ្ឋាភិបាល​របស់​លោក​។ លោក ហ៊ុន សែន ក៏​ប្រកាស​មិន​លើកលែង​ទោស​ឱ្យ​លោក កឹម សុខា ផង​ដែរ។

លោក ហ៊ុន សែន៖ «កន្លង​ទៅ​នេះ​ពួក​អ្នក​ឯង​ធ្វើ​សកម្មភាព​រួម​ចំណែក​ដាក់​ទោស​មនុស្ស​ដែល​គេ​ទើប​ហ្នឹង​កាត់​ទោស​អ្នក​ឯង​សួរ​សុខទុក្ខ​ចុះ​សួរសុខទុក្ខ​ឡើង​បន្តិច​ជួបៗ​អា​ហ្នឹង​ហើយ​ស្មាន​តែ​តុលាការ​គេ​មិន​យក​ចិត្ត​ទុកដាក់​អា​ហ្នឹង​ហើយ​វា​ក៏​បាន​បង្កើត​នូវ​ចំណុច​ដែល ហ៊ុន សែន មិន​ទុក​ចិត្ត​លើកលែង​ទោស​ឱ្យ​អ្នកណា​ទាំង​អស់​។ អ្នក​ឯង​ត្រូវ​ដឹង​ឥរិយា​បទ​ខ្លះ​គឺ​អ្នក​ឯង​ជួយ​ធ្វើ​បាប​អ្នក​ជាប់ទោស​នោះ​វិញ​ទេ»

លោក ហ៊ុន សែន ថ្លែង​ដូច្នេះ​ក្នុង​ពិធី​ចែក​សញ្ញាបត្រ​ដល់​និស្សិត​នៅ​រាជធានី​ភ្នំពេញ ថ្ងៃ​ទី​១៦ ខែ​មីនា។ បើ​ទោះ​ជា​លោក ហ៊ុន សែន ចោទ​ប្រកាន់​បែប​នេះ​ក្ដី ប៉ុន្តែ អ្នក​ជំនាញ​ច្បាប់​លោក វ៉ន ចាន់ឡូត យល់​ថា ​អ្នក​ដឹកនាំ​មិន​គួរ​ចេះតែ​បក​ស្រាយ ឬ​បង្កើត​ហេតុផល​ណាមួយដើម្បី​យក​មក​តម្រូវ​អ្វី​ដែល​ខ្លួន​ធ្វើ​នោះទេ។ យុវជន វ៉ន ចាន់ឡូត ​ចង់ឃើញ​​អ្នក​ដឹកនាំ​គួរ​ធានា​ឱ្យ​មាន​នូវ​យុត្តិធម៌ និង​ការ​ឯកភាព​ជាតិ។

លោក វ៉ន ចាន់ឡូត៖ «ពេល​ខ្លះ​យើង​ចេះ​តែ​រក​ហេតុផល​ដើម្បី​ឱ្យ​សមស្រប​ឱ្យ​សម​ទំនង​ទៅ​នឹង​អ្វី​ដែល​ខ្លួន​កំពុង​តែ​ធ្វើ​ហើយ​ជា​ការ​គេច​ចេញ​ពី​ការ​ទទួល​ខុសត្រូវ​មួយ​របស់​ខ្លួន​បាទ»

ប្រធាន​គណបក្ស​សង្គ្រោះជាតិ លោក កឹម សុខា ដែល​ត្រូវ​បាន​​តុលាការ​ក្រុង​ភ្នំពេញ​ដែល​ផ្ដន្ទាទោស​លោក​២៧​ឆ្នាំ​​​ និង​ដក​ហូត​សិទ្ធិ​សំខាន់ៗ​ស្ទើរ​អស់​ពី​ខ្លួន​នោះ លោក​មាន​​រយៈ​ពេល​តែ​ជាង​២​សប្ដាហ៍​ទៀត​ទេ ដើម្បី​ប្ដឹង​ឧទ្ធរណ៍​ប្រឆាំង​ការ​សម្រេច​នេះ​ ប៉ុន្តែ ​ស្ថាប័ន​អនុវត្ត​ច្បាប់​នានា​បាន​រារាំង​មេធាវី​ការពារ​ក្ដី​លោក កឹម សុខា ជា​បន្តបន្ទាប់​មិន​ឱ្យពួកគាត់​បំពេញ​កាតព្វកិច្ច​របស់​ខ្លួន​ជួយ​ដល់​​កូន​ក្ដីនោះ​ឡើយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles