2023.09.11
RFA
អតីតគរុសិស្សវិទ្យាស្ថានជាតិអប់រំកាយ និងកីឡា លោក កែវ សុវណ្ណឫទ្ធិ (លើកបដា) និងសកម្មជនផ្សេងទៀត តវ៉ានៅមុខក្រសួងអប់រំ នៅថ្ងៃទី១១ កញ្ញា ២០២៣។ រូប៖ ពលរដ្ឋផ្ដល់ឱ្យ
អតីតគរុសិស្សវិទ្យាស្ថានជាតិអប់រំកាយ និងកីឡា ម្នាក់ក្នុងចំណោម១២នាក់ផ្សេងទៀត ដែលត្រូវ បានសាលាលុបឈ្មោះចេញ កាលពីខែធ្នូ ឆ្នាំ២០២១ បន្តទាមទាររកយុត្តិធម៌ ដើម្បីឱ្យក្រសួងអប់រំយុវជន និងកីឡា បកស្រាយឱ្យបានច្បាស់លាស់ ចំពោះការលុបឈ្មោះរបស់ពួកគេ។
ការតវ៉ាលើកទី៦ នៅថ្ងៃទី១១ កញ្ញានេះ ក៏មិនខុសពីលើកមុនៗ ដែរ គឺធ្វើឡើងនៅពីមុខក្រសួងអប់រំយុវជន និងកីឡា ដោយកាន់បដា និងជញ្ជីងយុត្តិធម៌។
លើសពីនេះ យុវជនតវ៉ាគឺ លោក កែវ សុវណ្ណឫទ្ធិ បានពាក់ម៉ាស់ដោយមានបិតស្កុតខ្មៅសញ្ញាខ្វែងពីលើ ដើម្បីបង្ហាញពីការបំបិទសិទ្ធិសេរីភាពបញ្ចេញមតិ និងដេកនៅពីមុខក្រសួង។ ការតវ៉ានេះ ក៏មានក្រុមយុវជនចលនាមាតាធម្មជាតិ និងកូដករណាហ្គាវើលដ៍ (NagaWorld) ជាង១០នាក់ បាននាំគ្នាមកគាំទ្រ និងលើកទឹកចិត្តចំពោះការតស៊ូរបស់យុវជន កែវ សុវណ្ណឫទ្ធិ ក្រោមក្រសែភ្នែករបស់សមត្ថកិច្ច ដែលដាក់កម្លាំងតាមឃ្លាំមើលសកម្មភាពពួកគេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។