គណៈកម្មការ​សេរីភាព​អន្តរ​សាសនា​ស្នើ​អាមេរិក​ដាក់​វៀតណាម​ក្នុង​បញ្ជី​រំលោភ​សិទ្ធិ​សាសនា

ដោយ យន់ សាមៀន
2024.04.03
RFA

គណៈកម្មការ​សេរីភាព​អន្តរ​សាសនា​ស្នើ​អាមេរិក​ដាក់​វៀតណាម​ក្នុង​បញ្ជី​រំលោភ​សិទ្ធិ​សាសនា

ព្រះតេជព្រះគុណ គឹម សារឿង ព្រះតេជព្រះគុណ ថាច់ វីល័យ ព្រះតេជព្រះគុណ ថាច់ ចប់ ព្រះតេជព្រះគុណ យឿង ខាយ ដែល​អាជ្ញាធរ​វៀតណាម ខេត្ត​លង់ហោរ ​វៀតណាម​ចាប់ឃុំព្រះកាយ កាល​ពី​ថ្ងៃ​ទី២៦ ខែ​មីនា ឆ្នាំ២០២៤។ Photo Courtesy of Congan.vinhlong.gov.vn


គណៈកម្មការ​សេរីភាព​អន្តរ​សាសនា​របស់​សហរដ្ឋអាមេរិក (United States Commission on International Religious Freedom) ជំរុញ​ឲ្យ​រដ្ឋបាល​ប្រធានាធិបតី (Joe Biden) ដាក់​ប្រទេស​វៀតណាម​ក្នុង​បញ្ជី​ប្រទេស​គួរ​ឲ្យ​បារម្ភ​ផ្នែក​រំលោភសិទ្ធិ​សាសនា។

សំណើ​នេះ​ធ្វើ​ឡើង​បន្ទាប់​គណៈកម្មការ​សេរីភាព​អន្តរ​សាសនា​របស់​សហរដ្ឋអាមេរិក​រក​ឃើញ​ថា វៀតណាម​បន្ត​ធ្វើ​ទុក្ខបុកម្នេញ​ព្រះសង្ឃ​ឯករាជ្យ​ខ្មែរ​ក្រោម។ បច្ចុប្បន្ន​អាមេរិក​ដាក់​ប្រទេស​វៀតណាម ជា​ប្រទេស​តាមដាន​ពិសេស​ផ្នែក​រំលោភសិទ្ធិ​សាសនា។

គណៈកម្មការ​សេរីភាព​អន្តរ​សាសនា​របស់​សហរដ្ឋអាមេរិក ហៅ​កាត់​ថា (USCIRF) ជា​ស្ថាប័ន​ឯករាជ្យ មាន​តំណាង​មកពី ពីរ​គណបក្ស និង​ជា​គណៈកម្មការ​សហព័ន្ធ​រដ្ឋាភិបាល​អាមេរិក​បង្កើត​ឡើង កាលពី​ឆ្នាំ​១៩៩៨ ដើម្បី​ឃ្លាំមើល​សិទ្ធិ​សេរីភាព​សាសនា​ជា​សកល និង​ជំនឿ​ប្រតិបត្តិ​សាសនា​នៅ​ក្រៅ​ប្រទេស​។

ស្ថាប័ន​នេះ​ប្រើប្រាស់​ស្តង់ដារ​កម្រិត​អន្តរជាតិ ដើម្បី​ឃ្លាំមើល​ការរំលោភ​សិទ្ធិ​សាសនា​សកលលោក និង​ផ្ដល់​អនុសាសន៍​បង្កើត​គោល​នយោបាយ​ឲ្យ​ប្រធានាធិបតី និង​រដ្ឋមន្ត្រី​ក្រសួងការបរទេស និង​សភា​អាមេរិក៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

Leave a Reply

Submit Comment