ក្រុមយុវជន ព្រួយបារម្ភដែនជម្រកសត្វព្រៃក្លាយជាទីលានចាក់សំរាម ប៉ះពាល់ដល់ជីវចម្រុះ

កម្ពុជា
08/06/2024 – 12:50
ដោយ៖ ម៉ុន ចាន់
RFI

ក្រុមយុវជនបរិស្ថានប្រមាណ១០អង្គ-នាក់ បាននាំគ្នាមកដាក់ញាតិនៅក្រសួងបរិស្ថាននៅព្រឹកថ្ងៃទី៧ ខែមិថុនា ឆ្នាំ២០២៤  ដើម្បីទាមទារឱ្យស្ដារឡើងវិញនូវតំបន់ការពារដែនជម្រកសត្វព្រៃពាមក្រសោប។ ការចេញទាមទារ ដោយពួកគេយល់ឃើញថា រដ្ឋបាលខេត្តកោះកុងយកដែនជម្រកសត្វព្រៃនោះ ជាទីលានចាក់សំរាម ។​

ក្រុមយុវជន ព្រួយបារម្ភដែនជម្រកសត្វព្រៃក្លាយជាទីលានចាក់សំរាម ប៉ះពាល់ដល់ជីវចម្រុះ


លោក ខ្វៃ អាទិត្យា អ្នកនាំពាក្យក្រសួងបរិស្ថានបានប្រាប់វិទ្យុបារាំងអន្តរជាតិ RFI នៅថ្ងៃទី៨ ខែ មិថុនាថា ក្រសួងបរិស្ថានបានទទួលញ្ញតិរបស់ក្រុមមាតាធម្មជាតិរួចហើយ និងកំពុងពិភាក្សាទៅលើបញ្ហានេះ។ តែបើតាមអ្នកនាំពាក្យរូបនេះ ការស្នើរបស់យុវជនបរិស្ថាន គឺគ្រាន់តែជាលេសដើម្បីវាយប្រហារដ្ឋាភិបាលប៉ុណ្ណោះ។

យ៉ាងណាក៏ដោយ នៅពេល​ដើរ​ក្បួនទៅកាន់​ក្រសួង​បរិស្ថាន ក្រុម​ចលនាមាតាធម្មជាតិ បានលើក​បដា ដែល​សរសេរថា«ដែនជម្រកសត្វព្រៃ មិនមែនជាដែនជម្រកសំរាម»ទេ។

 សកម្មជន​បរិស្ថានទាំងនេះ បានបង្ហាញការព្រួយបារម្ភពីផលប៉ះពាល់ជាច្រើន ក្រោយពេលរដ្ឋបាលខេត្តកោះកុង អនុញ្ញាត និងបន្តដំណើរការឱ្យមានទីលានចាក់សំរាម ក្នុងដែនជម្រកសត្វព្រៃពាមក្រសោបដោយស្របច្បាប់។

ក្រុមយុវជន ព្រួយបារម្ភដែនជម្រកសត្វព្រៃក្លាយជាទីលានចាក់សំរាម ប៉ះពាល់ដល់ជីវចម្រុះ
ក្រុមយុវជន ព្រួយបារម្ភដែនជម្រកសត្វព្រៃក្លាយជាទីលានចាក់សំរាម ប៉ះពាល់ដល់ជីវចម្រុះ © Mother Nature Cambodia

រដ្ឋបាលខេត្តកោះធ្លាប់ចេញមកបញ្ជាក់ថា ទីលានចាក់សំរាមថ្មីស្ថិតក្នុងភូមិសាស្រ្តឃុំទួលគគីរ ស្រុកមណ្ឌលសីមាពុំស្ថិតនៅក្នុងតំបន់ការពារធម្មជាតិរបស់ក្រសួងបរិស្ថានទេ តែក្រុមយុវជនបរិស្ថាននៅតែអះអាងថា តំបន់ចាក់សំរាមនេះជាតំបន់ដែនជម្រកសត្វព្រៃ៕

What Next?

Recent Articles

Leave a Reply

Submit Comment