ដោយ ជុន ច័ន្ទបុត្រ
2024.06.25
RFA
ស្ដាប់ ឬទាញយកសំឡេង
នាទីវេទិកាអ្នកស្ដាប់វិទ្យុអាស៊ីសេរី នៅយប់ថ្ងៃអង្គារ ទី២៥ មិថុនានេះ នឹងជជែកពិភាក្សាលើប្រធានបទ៖ តើសមាជិកគណបក្សប្រឆាំងរត់ទៅចុះចូលជាមួយ លោក ហ៊ុន សែន នេះ ជាការបង្រួបបង្រួមជាតិ ឬជាការបំផ្លាញជីវិតនយោបាយរបស់អ្នកទាំងនោះវិញ?—ថ្វីដ្បិតតែជាផ្លូវការ លោក ហ៊ុន សែន លែងកាន់អំណាចរដ្ឋាភិបាលក្ដី លោកនៅតែជាអ្នកចេញបញ្ជាស្ទើរគ្រប់កិច្ចការងារ ពីក្រោយឆាកយ៉ាងពេញដៃដដែល។ កិច្ចការនេះរួមទាំងការចិញ្ចឹមចិត្តបន្តរំលាយក្រុមអ្នករិះគន់លោក និងបក្ខពួកលោកផង។លោកក៏នៅតែប្រើយុទ្ធសាស្ត្រចាស់ដដែលគឺ «លួងលោម ផ្តល់អំណាច ឬលាភសក្ការ:ផង ព្រមទាំងសម្លុត និងគំរាមកំហែងផង»។ អ្នកដែលលោកអូសទាញបានលោកចាត់ទុកថា ជាសត្វលលក ហើយប្រើសត្វលលកទាំងនេះ ទៅទាក់ និងអូសទាញលលកថ្មីបន្ថែមទៀត។អ្វីដែលគួរឱ្យចង់អស់សំណើចនោះនៅត្រង់ថា នៅពេលដែលលោក ហ៊ុន សែន ចាត់ទុកអ្នកចុះចូលត្រឹមតែជាសត្វលលកនោះ អ្នកចុះចូលខ្លួនឯងបែរជាអះអាងថា ខ្លួនចុះចូល ដើម្បីចូលរួមកសាងជាតិ ក្នុងស្មារតីសាមគ្គីបង្រួបបង្រួមជាតិទៅវិញ។តើសមាជិកគណបក្សគណបក្សប្រឆាំងរត់ទៅចុះចូលជាមួយ លោក ហ៊ុន សែន នេះ ជាការបង្រួបបង្រួមជាតិ ឬជាការបំផ្លាញជីវិតនយោបាយរបស់អ្នកទាំងនោះវិញ?
Hey people!!!!!
Good mood and good luck to everyone!!!!!