ដោយ វិទ្យុអាស៊ីសេរី
2025.02.25
វិទ្យុអាស៊ីសេរី
រូបត្លុកនយោបាយ៖ ច្រើនជាងអ្វីដែលគេឃើញនឹងភ្នែកទទេ រូប៖ RFA
ពលរដ្ឋរាប់រយនាក់រស់នៅលើដែនដីកោះជាប្រទេសឈ្មោះ Cook Islands បាននាំគ្នាធ្វើបាតុកម្មតវ៉ានៅរដ្ឋធានី អាវ៉ារ៉ួ (Avarua) ហើយក្រុមមេដឹកនាំបក្សប្រឆាំងនៃប្រទេសនេះ បានដាក់សំណើសុំឱ្យមានការបោះឆ្នោតដកហូតទំនុកចិត្តពីនាយករដ្ឋមន្ត្រី លោក ម៉ាក ប្រោន (Mark Brown) បន្ទាប់ពីលោកបានចុះហត្ថលេខាលើកិច្ចព្រមព្រៀង «ផែនការសកម្មភាព» ដែលមានរយៈពេល៥ឆ្នាំជាមួយប្រទេសចិន។ កិច្ចព្រមព្រៀងនេះ តម្រូវឱ្យរដ្ឋដែលជាដែនដីកោះដ៏តូចមួយនៅភាគខាងត្បូងនៃមហាសមុទ្រប៉ាស៊ីហ្វិកនេះ សហការជាមួយប្រទេសចិនក្នុងការធ្វើពាណិជ្ជកម្ម ការវិនិយោគ និងការរុករក «រ៉ែនៅបាតសមុទ្រ»។ ក្រុមអ្នករិះគន់ រួមទាំងរដ្ឋាភិបាលនូវែលហ្សេឡង់ (New Zealand) ផង ដែលជាអតីតប្រទេសដាក់អាណានិគមលើដែនដីកោះ ដែលគ្រប់គ្រងដោយខ្លួនឯងនៅតំបន់ប៉ាស៊ីហ្វិកនេះ បានតវ៉ាថា កិច្ចព្រមព្រៀងរវាងលោកនាយករដ្ឋមន្ត្រី ម៉ាក ប្រោន ត្រូវបានធ្វើឡើងដោយមានតម្លាភាពតិចតួច៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។