ថ្ងៃទី 24 មិថុនា 2012
ដោយ: សមុទ្រ
CEN
ប្រសិនបើមានសប្បុរសជនមេត្តាទំនាក់ទំនងមកភ្នាក់ងារ គេហទំព័រ CEN ខេត្តព្រះសីហនុ មានលេខទូរស័ព្ទ 012 228016,097 7228016
ព្រះសីហនុ: ស្ត្រីមេម៉ាយម្នាក់កើតជម្ងឺស្បូន ស្អុយរលួយមិនអាចដេកបានសម្រាកបានគិតតែពីឈរបង្ហូរទឹកស្អុយដាក់ក្នុងកន្តោ ទាំងយប់ទាំងថ្ងៃ កំពុងស្រែកដង្ហោយហៅរកអ្នកជួយអន្តរាគម ជាពិសេសក្រសួងសុខាភិបាល និងសម្តេចអគ្គមហាសេនាបតីតេជោហ៊ុនសែន និងលោកកតិព្រឹត្តបណ្ឌិតប៊ុនរាន្នីហ៊ុនសែន ប្រមុខរាជរដ្ឋាភិបាលនៃកម្ពុជា។
ស្ត្រីរងគ្រោះរូបនោះមានឈ្មោះ ឆាយ ឈុន លាង អាយុ៣៩ឆ្នាំ មានកូនប្រុសម្នាក់មានមុខរបរ កន្លងមកដើរទិញអេតចាយ ចិញ្ចឹមកូន ស្នាក់នៅខាងក្រោយសាលាសង្កាត់លេខ១ក្នុងក្រុម ១០ ភូមិ១សង្កាត់លេខ១ក្រុង-ខេត្តព្រះសីហនុ។
.jpg "ស្ត្រីតំបៅរលួយស្បូនអំពាវនាវឲ្យសម្តេចតេជោនិងលោកជំទាវ ជួយសង្គ្រោះជីវិត")
ស្ត្រីរងគ្រោះបាននិយាយប្រាប់គេហទំព័រ CEN កាលពីព្រឹក ថ្ងៃទី២៤ ខែមិថុនា ឆ្នាំ២០១២ នេះថា អ្នកស្រីបានកើតជម្ងឺ រលាករលួយ ស្បូននេះ ជិតមួយឆ្នាំ កន្លងមកហើយ ដោយហេតុតែអ្នកស្រីពុំមានលុយសម្រាប់ទៅមន្ទីរពេទ្យ ខ្ញុំបានត្រឹមតែទិញថ្នាំ លេបមួយថ្ងៃៗ។ ទើបតែនៅដើមឆ្នាំ២០១២នេះអាការះប្រដាប់ភេទរបស់នាងខ្ញុំកាន់ធ្ងន់ធ្ងរឡើងធ្វើឲ្យមានខ្ទុះ និងឈាម ហូរចេញមកក្រៅ មានធំក្លិនស្អុយ រហូតដល់សព្វថ្ងៃនេះ មានអាការះរឹតតែធ្ងន់ស្ទើមិនអាចរស់បាន ព្រោះមានកើតដង្កូវហូរខ្ទុះស្អុយរលួយធ្លាក់សាច់ មកជាដុំៗ ហើយ។
ស្ត្រីរូបនោះបានបញ្ជាក់ថា រូបគាត់គ្មានលុយមួយរៀលណានោះទេ សព្វថ្ងៃសុំសំយ៉ាបខ្ទមគេស្នាក់នៅ និងបានបាយហូប ដោយសារ អ្នកជិតខាង គេយកទៅឲ្យ មួយចានៗ តែប៉ុណ្ណោះ ចំណែកកូនប្រុសបានទៅស៊ីឈ្នួល ដើម្បីដូរបាយហូប បាត់ទៅហើយដែរ។
ស្ត្រីរូបនោះគាត់បានបញ្ជាក់ដែរថា កាលពីមិនទាន់កើតជម្ងឺ គាត់មានប្តីត្រឹមត្រូវដែរ លុះដល់ កើតមានជម្ងឺ ប្តីចិត្តខ្មៅ គាត់បានរត់ចោលបាត់ស្រមោល ទៅហើយ។ សព្វថ្ងៃគាត់ចង់រស់ណាស់តែមិនអាចទៅមន្ទីពេទ្យបានទេ គឺមានតែអំពាវនាវ ស្នើសុំដល់ សម្តេច អគ្គមហាសេនា បតីតេជោ ហ៊ុនសែន និងលោកជំទាវកតិ្តព្រឹត្តបណ្ឌិតប៊ុនរាន្នីហ៊ុនសែន មេត្តាជួយអន្តរាគមន៍ឲ្យនាងខ្ញុំបានចូលទៅ
សង្គ្រោះនៅមន្ទីរពេទ្យផង។
ក្រុមប្រឹក្សាសង្កាត់លេខ១ក្រុងព្រះសីហនុម្នាក់បាននិយាយប្រាប់ថា ស្ត្រីរងគ្រោះនោះពិតជា វេទនាណាស់ តែគាត់មិនដឹងជា គិតយ៉ាងណា នោះទេ បើបញ្ជូនគាត់ទៅមន្ទីពេទ្យគ្មានលុយមួយរៀលតែឲ្យគេព្យាលបាលវះកាត់គាត់យ៉ាងម៉េច។ ហើយចំពោះករណីនេះ គាត់បានរាយការណ៍ ទៅថ្នាក់លើហើយដែរ ប៉ុន្តែបាត់ដំណឹងសូន្យឈឹង តែម្តង។ ហេតុនេះមានតែអំពាវនាវទៅក្រសួងសុខាភិបាល
តាមរយះពត៌មានបែបនេះហើយ ទើបបានឆាប់និងសង្គ្រោះគាត់ទាន់ពេលវេលា៕
how can we help in the case we are simple citizens. only Samdech Hunsen or wife through
Cam. Red Cross would do this. moreover only Provincial Governer in the area as well as NGOs would sort this out. hope soon she recovers through any aid.
សុំលុយៗពូមីងជាជនភៀសខ្លួនទៅគាត់សំបូរលុយ
បើមិនបានជួយគាត់សូមមេត្តាកុំនិយាយបែបគំរក់និងជាដង្កូវសង្គម។ កាដង្ហើយហៅឲ្យរដ្ឋាភិ បាលជួយសង្គ្រោះជីវិតចុងក្រោយគឺជាកាយវិការដ៍ត្រឹមត្រូវរបស់ជនកំពុងតែមានទុក្ខ។ រដ្ឋាភិបាល ជាអ្នកដឹកនាំមើលការខុសត្រូវកាចំណាយថវិកាជាតិ និងផ្តល់សេវាសុខភាពជួនដល់ជនក្រីក្រគ្មាន ទីពឹង តើថវិកាទាំងនោះកំពុងតែបំរើឲ្យនណាបើឃើញគាត់កំពុងតែដង្ហោយហៅនិងវេទនាបែប នេះម្តេចក៍មិនទៅជួយគាត់ផង ឬមួយចាត់ទុកថាជាបក្សប្រឆាំង??? អ្នកនយោបាយខ្មែសូមមេត្តា បោះបង់ចោលនូវមាយាទដ៍ស្មោកគ្រោកនេះចេញទៅល្មមយកគំនិតល្អៗនៃនយោបាយរបស់ ប្រទេសគេមកអនុវត្តតាមខ្លះហើយ។ នយោបាយគឺផ្សេងរីឯកាជួយសង្គ្រោះប្រជាជនកំពុងតែ មានទុក្ខវេទនាគឺជារឿងផ្សេង នេះគឺជានយោបាយរបស់ប្រទេសគេសូមបើកភ្នែកមើលប្រទេស គេផងកុំធ្មេចភ្នែកឲ្យតែប្រពន្ធកូនអញរស់បានហើយនោះទេ។
នៅតាមមន្ទីរពេទ្យបង្អែកមួយចំនួនមានមូលនិធិសមធម៌ដែលជួយដោយអង្គការក្រៅរដ្ឋាភិបាល ប៉ុន្តែប្រសិនបើមិនមានទេ ខាងមន្ទីរពេទ្យផ្ទាល់ក៏មានការលើកលែងថ្លៃសំរាប់អ្នកជំងឺក្រីក្រដែរ ដូច្នេះគួរបញ្ជូនគាត់ទៅមន្ទីរពេទ្យបង្អែកទៅ។